q"._."p™

~~Günese yolculuk(Journey to the Sun,太陽之旅) - [1999]

太陽之旅

2012-01-28T01:34:00.002+08:00

感覺淡淡而無力的故事,主角本來是平平凡凡的生活但因一次種族暴動而認識了一位朋友,從而禍事連連,戲中主角對每事也看得很淡很甘於受命,直至朋友死去他才收起隨遇而安的想法,積極去做自己認為對的事,可惜很多東西對一個充滿變數充滿危機地方的小市民來說並不容易,整套片也是灰朦朦,人物就是介乎於壓抑和默默承受之間,相當前無去路冷冷清清的感覺

<27/01/12>

The Dead

2012-01-27T01:33:00.002+08:00

~~The Dead(屍地餘生) - [2010]~~

比較特別的喪屍片,地點發生在非洲,戲中的喪屍很落力,眼神動作真是很入戲,而特技也可,比較特別是故事的取向,雖然前段比較無聊但後來漸入佳景,全片主力在親情友情,而且是為著最基本的生存而進發,所以困境亦相當之多但善意的人性描寫亦不少,雖然說教意味明顯,但ending的pandora box收得尚算不錯

<26/01/12>

~~Meute La(The Pack,o靚妹腎探母夜叉) - [2010]~~

Meute La

2012-01-26T02:33:00.004+08:00

這是什麼東西?開首不錯,灰暗的天氣野性的女孩不明的陌生人鄉村的咖啡室充斥濃濃的不安感覺,再來是一貫的公路血腥橋段,除去了每次受害者拾到電話後忘記關機的討厭場口外,到這時還可,再後來就真是想不透換血什麼巫術什麼,喪屍什麼,它們的行動它們的行為差點以為自己是在看外星人片,come on,我絕對有理由相信這導演之前是拍mv的,另就是浪費了片中的演員,講到尾就是令人摸不著頭腦,血腥不足暴力不夠的恐怖片

<25/01/12>

The Onion Movie

2012-01-25T23:26:00.002+08:00

~~The Onion Movie(洋蔥電影) - [2008]~~

看似無聊但其實又帶相當的社會諷刺,加上美國人的特有西方主義,很瘋狂古怪但又不弦失外之音,看似正經但一下字又走回無理頭,跳接太快有時真的找不住,可能好像他們對自己的品評只是一部庸俗低檔次的鬧劇披上諷刺的外表而已,相當smart的製作人,一切也一早說明,對評戲人的笑駡也相當抵死,好一個單刀直入直搗黃龍

<25/01/12>

~~J'ai toujours rêvé d'être un gangster(黑道快餐店) - [2007]~~

J'ai toujours rêvé d'être un gangster

2012-01-25T20:50:00.002+08:00

由開首步入餐廳響起Casey's Last Ride就很對味,女主角正翻了,整個感覺就是隨意悠閒,夾雜荒旦,但不乏人與人之間的溫情及人味,平凡無聊的過日子也有點點天馬行空的想法,整個就是詩意而浪漫

<25/01/12>

Lana Del Rey

2012-01-24T21:50:00.006+08:00

聽了Lana Del Rey2張碟及一張快將推出的leak album部份歌,覺得這位25歲美國歌手極有潛質,或者先說說她的碟

第1張是網上作品Lana Del Rey - AKA Lizzy Grant,用的是舊名lizzy grant,歌比較散,看不出想要的風格,但聲音就有種特別的感覺,充滿情感力量又帶點點傷感而且某些更頗creepy,怪怪的風格,但在這張網上大碟只是看出部份潛力而已

再來是另一張ep,用的是改名後的同名碟名Lana Del Rey,一首video game相信是最為所熟悉的,聽時極有意境,充滿磁性加上夾雜古雅性感又帶點野性的外表,不難成為焦點

最後是快將推出的Born to Die,聽了當中幾首歌,感覺不錯,有足夠的流行空間但又帶點邪氣,雖然如此但相信在amy winehouse後所出來差不多類型的女歌手實在多的是,現在除了某些歌及外表帶點突出外暫時沒有其他個人風格,努力吧

Try This Song : (1st album - Lana Del Rey - AKA Lizzy Grant) Mermaid Motel

(2nd EP - Lana Del Rey) Video Game

(3rd album - Born to Die) Diet Mtn Dew

Official Website : http://www.lanadelrey.com/

三聖村漁船bbq

2012-01-23T17:02:00.007+08:00

貳零壹貳年壹月拾肆號 - 三聖村漁船bbq

講左都有一段時間既漁船bbq卒之成功舉辦,係一個冇咩陽光有d毛毛雨既星期六舉行,地點係朋友屋企人泊係三聖村既漁船,人呢就如志明講十個救火的少年,最後得番9個人成行,但野食我就覺得非常ok,多謝mui人係大埔買既魷魚同埋羊肉,而係旺角買既黃心番薯亦好好味,仲有自家製既魷魚干,用黎燒好正,仲加左d搵左好耐先得少少佢地話係98年既豉油,話好味d喎,不過我就分唔出了,哈

係三聖雪廠附近既地方坐駁船上船,朋友一再提醒要小心電話同埋其他野,因上船時好易就會跌落海冇得執番,講左冇耐就聽駁船上面既人講岩岩琴日先跌左個電話落海,果然係成日發生既事情

隻船唔係泊得太遠,亦比我想像中既大漁船有d距離,但放十幾人完全冇咩問題,第1次上漁船真係幾新奇,落左黑蚊蚊既倉底,第1次見咁大個engine,上番去睇下d房,好簡單既木板設計,再上上層睇左駕駛室又睇左對出既甲板,如果大浪時應該都幾搖,但因好多架船拍埋一齊,所以就比較平定d

睇完就去砌爐燒野食,用既係一個切開左既大油筒,但因d炭可能放得耐超市比較濕,有d難著,後尾倒油上去先好少少,再發覺原來冇買蜜糖所以就要嗌駁船出番去買,咁我地就食住d唔洗用蜜糖既野先,一路食佢地一路話好dry,等左好耐蜜糖先生先番到黎,真係天光等到天黑,哈

燒燒下又發覺點解去到三聖村都唔買d海鮮去燒,咁多人都唔記得左真失敗

雖然話唔係好搖但有水警或大船經過就會有浪,其實怕暈船既都可能會有少少唔舒服,咁岩係唔知咩日子,好多人都出晒去飲宴,所以就得番好少船係開燈,入夜後個感覺都幾得意,我仲過左幾隻船度去餵貓,基本上佢嘈左成晚,可能肚餓掛,用獅子狗餵完就唔再喵(朋友見我一野將5粒獅子狗袋落褲袋既行為好驚訝,已經一手電筒唔想為左羅住野自己跌落海,哈),不過佢都好怕人,我入左佢隻船佢就好驚咁退後,餵晒佢又要爬番幾隻船番去,其實都落緊毛毛雨,要小心唔好跌落水

最後都燒到11點等朋友大佬番黎我地先走,可能出面仲有好多船,等隻駁船番轉頭都等左一排,爭d以為冇船走,不過上落都真係要小心,有雨既船面好滑唔小心會跌落海

講開左要跟一次出海捉魚,但就要冇咩浪既日子先得,期望果日既來臨,始終機會難得呀

<14/01/12>

Kelly Clarkson - Because Of You

2012-01-23T03:07:00.004+08:00

無意中又睇到Kelly Clarkson之前既作品Because Of You,諗番起依個mv拍得非常不錯,歌固之然好聽而且個故事亦拍得相當感人,停一停想一想勿因一時之氣而令事件不停循環

諗諗下佢係上年年尾出既新碟原來我都未聽,得閑搵黎聽下先

越南,柬埔寨 2011-12-25to2012-01-04 - Part.11(04Jan)

2012-01-22T18:16:00.004+08:00

04 Jan 2012 Wed Phnom Penh & Hong Kong Sunny day

晨早6點左右起左身,打開窗簾走出露台睇睇咁岩見到朝早既金邊,又係紫紅色既天,冇咩厚黑雲應該又係一個好天,good

係old market附近食過早餐後就番gh checkout,放低行李約好去機場既時間後就出發行埋剩番落黎既行程,因我係包兩日車而ed景點就非常之近我gh,加上7點機既關係,當然唔會浪費第1,2日既車錢去d咁近既地方,所以我先有時間去左金邊既郊外,時間安排得非常不錯,哈

ok,第一站經一條short cut出番去Wat Ounalom(烏隆寺),因之前一晚行過依個社區時見到好多舊樓而且非常之地道街坊感覺,但因太黑咩都睇唔到所以今日一早就行依條路出番去烏隆寺,果然好多舊建築而且感覺比較寧靜,不錯

出番路邊行過去烏隆寺見正門位關左所以就唔浪費時間搵門口入(都唔知開幾點同埋本身都係plan有時間順手先睇埋)

跟手跟住馬路行去National Museum(國家博物館,usd3),入面都幾多野睇而且相當值得入去慢慢行慢慢睇,入面有好大個既側身毘濕奴像,八手毘濕奴像同埋我最中意既闍耶跋摩七世雕像,佢雕刻得非常之靚,線條表情真係靚得好緊要,另仲有其他係吳哥搬黎既石刻又或者門上面既雕刻,依度可以近距離咁慢慢睇真好

用左成個鐘睇完d展品後就出番去諗住行下皇宮,點知睇番本書先發覺原來11點至2點半關館,oh no錯晒,應該睇左皇宮先去museum,anyway,快快手行去皇宮,但搵個門口都搵左一排,而且仲要未夠11點已經關左counter,諗住買定ticket2點半後可以直入去都唔得

只好行番出去睇下邊度有地方比我hea下食埋lunch,行番出河邊時有個講國語既人行埋黎問我係咪去睇皇宮,我答佢係但已經關左要晏d先有得睇,佢就話如果我未買飛佢可以讓張飛比我因為佢話之前入左去入面冇收佢張ticket喎,我梗係唔信佢啦,我唔會慳果少少錢都唔知係咪假飛,ed野點信得過

行番去河邊搵左間比較舒服既餐廳坐下飲下咖啡睇下書咁,之後見肚餓又嗌埋lunch慢慢食,卒之等到1點半左右就慢慢行番去買飛既門口排隊,好彩早到所以算係頭幾個,因我攪錯左次序得番好少時間睇皇宮銀宮等等,所以時間要control得非常好

用左非常貴既6.5買左飛入皇宮睇(包埋銀宮入場費),時間唔係用左太多,睇下d建築又入左登基大殿睇睇就走人lu

係果度再入埋Silver Pagoda(銀宮,銀佛寺)睇,首先睇左銀佛寺主殿,入面既銀磚地板,金銀佛像同埋其他金銀製品鑽石皇冠等等好靚好貴,我最中意係佢既玉佛像,成個翠綠色真係好靚,但因唔比影相所以我只好不停咁遠望,佢d綠色實在太靚,再之後出左去睇左黃金佛腳,好大隻,出面仲有其他國王既佛塔同埋非常古舊而且好長既壁畫,最衰唔係得太多時間所以只可以睇左一部份跟唔晒睇埋成張圖

離開銀佛寺時已經3點2,因我仲諗住沖埋涼先去機場,所以快快手行番gh,順手經過買左支粟米諗住食埋佢地最出名既野先離開,番到gh羅左要換既衫快手沖埋涼後就出發去機場,果然有少少塞車但未到5點交通還可,去到機場4點3左右counter都未開,依個機場雖然細左d但感覺還可,等下睇下相睇下書就ok check in.最後大約6點半左右準時上機,但番到香港都成10點幾而且仲連日本既機一齊,所以行李真係等左好耐,嗯

整個行程雖然比想像中貴,但勝在自由自在,見咩食咩而且都幾岩我食好彩冇肚痛,但天氣就非常非常之熱,好難想像夏天時點去越南,柬埔寨,anyway,吳哥我會再去不過要睇下連埋咩地方,或者Laos(老撾)又或者Burma(緬甸)都唔錯,嗯

吳哥比我印象最深係d石刻,特別係偏遠少少既細寺,佢d雕刻非常細緻,好多像就好似人一樣你完全知佢本身如果係真人佢個樣係點,表情精細,好值得慢慢去睇,我相信冇咩地方可以比你咁近距離冇任何阻隔可接觸ed咁多年前既古物,但都希望d遊客可以小心d保護ed古蹟留番比後代可以慢慢欣賞而唔係為左自己既一張半張合照去破壞佢地,我亦希望果d導遊可以盡番保護ed古物既責任而唔係去教d遊客點去爬上去羅個好角度,ok?

Back to Part.01

<25/12/11to04/01/12>

Photo Link <<<<<<<<<<<<<<<

越南,柬埔寨 2011-12-25to2012-01-04 - Part.10(03Jan)

2012-01-22T03:23:00.010+08:00

03 Jan 2012 Tue Phnom Penh Sunny day

8點出發首先去old market度睇下有咩早餐食,但又唔係肚餓所以唔想坐係食野,就出左出面睇下有咩買,係附近買左2個即整脹卜卜既包又用2千柬紙買左一疏蕉(本來只想買3隻但佢聽唔明我講乜比晒6隻我,算了4蚊港紙,由佢)

之前睇過有時間,所以想去下金邊郊區,第一站去左Udong(烏登),因地點比較遠,所以要25蚊(一個鐘車程,之前睇過要30蚊佢都話計平左比我),由市區去既路比前一日冇咁大塵但都尚算ok而且幾多郊外景睇,感覺不錯,但個天好大舊黑雲,仲要出門時唔記得睇天氣放低左把遮,上山落雨就慘了

去到Udong未夠10點,幸運地個天好番好多,應該唔會落雨,而且仲好曬下,good,因平日既關係冇咩人,但司機應該都係第1次去,唔係太識路佢車左我去遠少少果邊既停車場,所以就要由地下行五百幾級上去頂,udong本身係柬埔寨既古都,佢有3條樓梯,1條最短叫LadyStep,另一條叫舊ManStep已經冇人行,而我行既就係最長既新ManStep,唉算了

係入口已經有個後生仔跟住我地架車係咁問我野,本身我想自己用書行上去,但見佢係咁問又唔開價,而且見過d資料上面每間廟都有人注紮要錢,心諗橫掂要煩都係比一個guide錢算了,所以就同佢一齊上去

個guide英文好好,問佢原來佢係附近讀書,話自己一個人係附近半工讀,主修英文,一路行上去一路講下附近既地方上到頂好開揚佢又介紹下遠景係邊度邊度,頂有一間好新既寺,入面有好多佛像,原來係人地捐既佛手上面又有錢都係祈福用,我又用水沖下個頭代表好運等等,再行仲有3個佛塔,唔同時代唔同外型,再行前有d舊石梯,感覺幾靚,另一個山丘又有另外既寺有唔同既神佛係度,都幾多野睇,而且又去埋18尺高果個大佛睇,雖然岩岩整緊,但個guide問左人就比我地入,所以有時有guide會方便d特別係ed郊外山頭,有d野比較易話為,行番LadyStep落山,差唔多離開時guide想要20蚊話讀書,我當然唔會比咁多,只比左5蚊佢之後就去搵個司機,見佢係正門好開心咁買緊好多野食,我相信依度應該比市區平,所以佢都順手shopping

離開udong見有時間,司機話可以去埋Mekong Island(湄公島),所以就開車去,經唔知幾號公路去湄公島,本身佢話想叫我搭船過去,但比較難講係邊度join番,所以我問佢可唔可以一齊去,佢話要加15蚊因好遠同埋要來回船錢,我話ok就開始去,差唔多用左一個半鐘先去到碼頭,其實都唔算係碼頭只係極為簡陋既落船地方,人有人行車就車駛上隻船,因路面太爛,有時載左重貨既tuktuk就成日都入左泥要人幫手先推番出黎上船,而ed可以載車既船我都唔係第1次搭,之前係廣州都搭過類似既東西,感覺差唔多,不過依度就係睇湄公河景,有d漁船仔又有d沙船係度咁

好快到左湄公島,船上有個o靚仔見我係遊客之前已經係咁聊我傾計又問我去唔去佢屋企睇織布,開頭我都話諗下先,之後架車行過又見佢就入左佢屋睇,織緊野果個係佢阿嫲.好後生,原來織布都要一個月至幾個月,見佢用支野穿穿下隻腳又蹉蹉下咁就係度織,睇完就好自然咁羅d製成品出黎想我買,真係織得幾靚可惜太大我話佢地知我屋企好細冇地方放,佢地又羅d披巾出黎,我話唔岩用所以唔買,不過我都比左2蚊佢地,之後走左就繼續開車去市集,但條路原來非常非常之爛,真係"登"到飛起,又係利害過尼泊爾,唔知係因坐tuktuk關係定點lu,總之就好"登",但睇下周邊村民住d屋又幾唔錯

無幾耐去河邊,原來唔係假日既關係,市集係冇開工,只剩番d水上屋同埋好少人係度,見佢地賣緊生果,就想買黎食下,點知個司機話叫我試下味先,原來酸到爆開,唔知係咩生果我又唔想買芒果食到成手係咁煩,所以睇左陣就上番車走人

離開湄公島既路依然非常咁"登",司機仲話要行10公里一樣既路,我人係咁"登"佢架車都唔好受,我估下次佢如果真係要載人入黎應該要收貴d先得,當中又係經過d村屋,可能近河所以可以出去打魚加上織布遊客所以d人應該有錢d屋都幾靚下,上面係住下面就係散熱同埋織布機,再出就係果園,好多芒果樹,丫,發覺佢地d牛係白色既而且非常之高大,仲高過d馬同人,佢地係拉車拉貨用既,所以好鬼大隻,第1次見咁大既牛,坐番船出去司機問我去唔去之前想去既餐廳食野,咁我就話ok可能佢有下晝食呢,所以去左no problem,點知去到司機話見牌寫住係開6點,所以未有得食,so,叫佢車我番old market算了,因之前見佢附近有post office,我要去寄朋友交代既明信片

番到去old market已經4點,同司機清左條數後(20+25+15=60蚊,都幾貴但去左兩個遠地方都可接受)我就自己行,走前佢一再提點我入到old market要小心個相機同錢,其實依個司機唔錯佢仲比左張card片我,但得電話同柬埔寨文,想問佢英文係咩但佢其實只係識講英文未入過學校讀書,所以都寫唔到比我,同佢say bye後就行左去post office,間野都幾靚下,攪掂張card後見有少少肚餓就番old market搵野食(成日就只係食左2個包同6條蕉)

雖然係no problem食唔到我想食既烤泥鰍同米薄餅,但係old market居然比我見到有人食緊米薄餅,睇下佢點食就坐埋去指指嗌多份,佢係一大盆既野,有肉有菜有米紙同埋1d好似粉咁既上既東西,自己落手整再點魚露酸醬咁,好好食,但之後發覺原來生菜再包米紙再包肉同其他配菜會比較岩食法,但因成手都係汁,所以冇影番個製成品,算了

再之後見仲有時間,諗起前一日經過見到皇宮黃昏時間好靚,就坐左架電單車去皇宮睇下,點知比埋地圖都係唔識,睇gps完全錯方向,所以就叫佢停低架車改去河邊(比埋圖佢睇)自己行去算了,去到比低1蚊就周圍行下,日落皇宮附近都幾靚,買左一包粟米餵下白鴒又訓下草地relax下咁

6點零鐘天黑就番去夜市睇下買咩食,行過見到螄蚶,都幾大隻又生猛咁,所以就想試下,問佢幾錢但聽唔明佢講咩但只聽到one dollar,所以就要左一蚊望落都幾多下,叫佢幫我整埋,見佢快快手倒晒落去個滕籃度放落水一陣羅番上黎就攪掂,加下香港even台灣都唔多見螄蚶又或者好貴,依度1美金咁多都唔理得佢死唔死食左先算,之前見到有燒雞好似幾唔錯,所以就燒雞加螄蚶晚餐,但雞冇一半買所以就買左隻細既,都唔平要成4蚊但就好多唔知咩配菜,番到gh樓下又買左杯凍啡就上番去,老闆見我買咁多野食仲笑我係咪開party,哈

快手沖涼後就出露台食野,螄蚶真係幾肥而且仲有血,好耐冇食過lu,之前食過同埋上次去台灣都係熟晒冇咁好食,半生熟真係最好食,再用手食燒雞,又係一手都係,整日食野都係用手就咁食真特別,卒之都係好飽食唔晒仲要攪到成個垃圾桶滿晒,但個垃圾袋就因穿左,所以d螄蚶汁整到一地都係,最後要抹地同掉晒係廁所個有蓋垃圾桶先得

因第日就要飛所以先執好行李,攪掂晒d野就飲下茶消濟,再訓下床睇下書睇下相咁,但唔知係因我之前連個袋訓過草地定係因我食螄蚶有汁係地,張床無lala有好多細細隻既小強同d不知名既小蟲,殺左3次都仲有,拆左張被冇特別又研究下個枕頭床褥都冇咩發現,地下又唔見有都唔知邊度出黎,殺多兩次卒之冇晒,煩

最後冇咩做,都係11點前就訓左,諗諗下日日都係11點前就訓8點前一定起身,真健康

To Part.11 - Phnom Penh

<25/12/11to04/01/12>

Photo Link <<<<<<<<<<<<<<

越南,柬埔寨 2011-12-25to2012-01-04 - Part.09(02Jan)

2012-01-21T22:09:00.010+08:00

02 Jan 2012 Mon Phnom Penh Sunny day

本身約左果個tuktuk driver8點到gh點知唔見人,所以就叫gh既老細幫我嗌車,佢極想我用佢細佬既的士(即係第1日載我番gh既司機),又話價錢爭唔遠而且又舒服d因有d地方好大塵等等,但我話佢知我比較中意tuktuk所以叫佢幫手,價錢比我本身訂果個平,只要20蚊,是但啦如果佢識英文既話,之前一直都唔會太rely on gh嗌車,雖然總比係街求其搵感覺上好d,但亦都係網上見過有衰司機由gh叫番黎,想投訴又或者唔再包車gh又會多野講,所以都係prefer網上搵d好聲譽既,不過金邊tuktuk driver既資料真係唔多,依個都係見有人嗌過話唔錯所以見預book,25蚊一日我都覺貴不過金邊既物價係比siemreap貴而且又講到金邊幾咁唔好安全咁,所以算了,點知佢都係唔見人,算數了

卒之攪到8點半先出發,第1站係去Oreusey食早餐,去到好多好多人,係門口煮野食既地方指左要食既內臟麵(1.5),唔錯但係唔夠係吳哥尾二一日司機帶我去食係郊外鋪既早餐內臟麵好食,果度只要1蚊咋

跟手就到第一個景點Killing Field(萬人塚),都幾遠既地方,車都要行成半個鐘以上,而且經過既地方好多沙塵,比之前所到既地方為多,甚至乎多過尼泊爾,所以司機幫我買左個口罩(係吳哥用完後我就諗住唔洗用果個Scarf放低左,我成日用佢黎遮塵)

未夠10點到左萬人塚(丫,有隻蝴蝶唔知點解一上車就跟住我,爬左係我條褲到一直到萬人塚先離開,搭順風車好奇怪),3蚊包埋audio導賞,一路聽一路睇,不知不覺用左2個鐘,可能之前睇得太多日本同猶太集中營既故事,雖則殘忍但沒太多感觸,只係聽到其中一個故事時有d感動,見地下一個個下陷既大洞,仲有其他grave,殺人樹,magic tree等等,可以想像當時既慘況,後尾入面室內,睇下當中用農民又或者身邊既物件所做出黎既刑具,又睇到一層層排到上頂既頭骨,短短幾年殺左真係好多人,慘烈的日子

之後再去左Tuol Sleng Genocide Museum(S21,吐斯廉屠殺博物館,3蚊入場因導遊要5蚊所以我3蚊買左本書仔睇住就算),佢比較近市區,所以番轉頭又用左d時間,又係恐怖既地方但冇想像中咁大感覺,當中有4座大樓,本身由學校改建,依度係監禁同迫供既地方,再之後就會送到萬人塚屠殺,第一座樓係一間間房,困住d比較高級既官員,房入面冇咩野,只有床,工具箱同掛牆上面既相展示番當時和平後所發現既情況,時不時會發現天花,牆邊以及地下會有一點點血跡,就咁睇唔會太留意,但當發現後就會知道都相當多地方有,可以從ed既血跡方向以及彈孔想像一下當時既情況,同對出既陽光形成比較大既對比

另一座係比較細小既監倉,用磚又左者木板做成一個個極細既監倉,門上面既小窗比視平線為低,剛好用黎由高角度望入倉,而且係比鐵絲網包住晒,聽人地導遊講唔係為左防止佢地逃走而係唔比佢地跳樓自殺之用,仲有其他大型刑具連圖解,雖然我都買左本書仔知道d解釋,但眼見一個個睇落平常但用法狠毒既工具,想出黎既人個腦真係有問題,後尾去左一個展場,講番當時係s21工作既年青人依家既生活同回想當時既情況,係一d比較遙遠既東西,雖然可能透過電影又或者書等等接觸到少少,但親身去當地睇一d真實既當事人講又係另一回事,感覺總係不一樣

睇夠赤柬既東西就去左Russian Market(Phsar Toul Tom Poung,俄羅斯市場),因佢近我想食dinner既no problem resturant,原先叫driver最後先車我去睇完就可以食飯,點知佢車左我黎依度先,既然黎到睇左先算,入到去好多野買,因太多野係度,所以顯得地方好窄又好雜亂,又鞋又衫又零件眼都花埋,因太熱既關係,只係果度食左個酸酸地既木瓜檬粉,其他仲有好多野食賣,但我真係食唔落,之後又行下市場出面,仲食左個檸檬雪葩,涼下休息下幾唔錯

睇完時間只係4點未夠,所以就去左Wat Phnom(塔山寺)睇完先食dinner,當中經過Independence Monument(獨立紀念碑),本身plan last一日先去,不過其實冇咩睇依家經過左所以可以唔洗去了,去到Wat Phnom(入場1蚊),從粉紅色既外表感覺係比較新既寺廟,佢支撐頂既雕像幾特別,入到去先知其實都幾古舊下,d壁畫有番咁上下歷史而且d古仔又幾得意咁(圖下面冇英文,我只係偷聽人地導遊既解釋)

睇到太陽差唔多落山先走,但因番轉去no problem都要一段路,所以就改左去另一間食,個名叫Daraksmey soup,係食柬埔寨土鍋,我到時人唔算多,但無幾耐後就見好多當地人去食,飲埋啤酒都係5.5,但就同SiemReap食既差唔多

司機可能覺得依個地方太遠同冇咩車,所以就約左我7點半番黎接我,但因佢唔得閑就叫左另一人接我番gh,係行緊去tuktuk時一不留神爭d比架收唔切油既電單車撞親,都話佢地交通差同埋開得快啦,係越南,siemreap佢地會睇住人過但依度真係要自己小心d先得

可能個司機唔係好識地方,放左我係一條街就走左,因度度差唔多樣我以為岩地方就落車,睇番個gps原來都爭緊幾條街,好彩我有gps唔係冇地圖又黑蚊蚊都有排搵

見時間仲早,就順手行下先番gh,今次唔行街市而係行下之前經過既路邊小販,開頭專登唔用大機而用細機影,所以就可真實咁反映出當時條街實際既燈光係差唔多冇咁濟,好黑但又好熱鬧好多野食,雖然我仲好飽但行下行下見有食甜品既地灘,又見到有南瓜布甸,之前一直食唔到所以就搵左檔坐低食,雖然好黑又大塵但好多當地人都坐晒係度圍住個小檔口食野,又好多外賣既人係度等,都幾熱鬧,而且都幾多款式,但我只叫左南瓜布甸,佢同食開既唔一樣,係用成舊南瓜係上面整布甸加埋一齊,食時再加冰同練奶,又咸又甜咁都幾得意

番到gh都未夠9點,所以又係露台度飲下咖啡飲下茶睇下書咁,好不悠閒

To Part.10 - Phnom Penh

<25/12/11to04/01/12>

Photo Link <<<<<<<<<<<<<

SKHiZEiN

2012-01-21T01:47:00.002+08:00

~~SKHiZEiN(精神分裂症) - [2008]~~

很喜歡的一套法國短片,用比較容易理解既方法去講述精神分裂病人的內心世界及想法,當中的不安困局以及孤獨感覺描寫得很到位,看得令人有想哭的沖動

<21/01/12>

El empleo

2012-01-21T01:18:00.002+08:00

~~El Empleo(雇工人生) - [2008]~~

悲哀的打工生涯,辛辣的反映出城市人枯燥沈悶的生活,此片很多部分也很有創意而且又做到言簡意賅(正確來說整片沒有一言),雖沒有驚心動魄但也令人隱隱作痛,人人為我我為人人,各所其職需要做到如此嗎?相當壓抑而無奈的人生ending換來唯一的一聲嘆息,credit後的數秒才是人人所想,無奈呀無奈

<21/01/12>

kiwi

2012-01-21T00:52:00.003+08:00

~~Kiwi(無翼鳥) - [2006]~~

美國短片kiwi,整套片只有3分鐘,大概40秒左右已經知道它在忙什麼東西,為了理想窮一生勞心勞力,含淚而走向沒有回頭的道路,最後結局有點令人戚然

<21/01/12>

越南,柬埔寨 2011-12-25to2012-01-04 - Part.08(01Jan)

2012-01-20T02:20:00.008+08:00

01 Jan 2012 Siem Reap & Phnom Penh Sunny day

之前約左船公司6點半係gh度等車出發去碼頭搭船由siem reap去Phnom Penh(金邊),一早食過野checkout完就等車黎,之前已經覺得間travel agency好求其,睇錶成6點半都未出現,之前checkout時就已經問過gh d人去碼頭幾遠,佢又係up左個距離比我(可能地方大既就成日都係講公里,問到明幾多min都係答得好玄,可能車速對佢地唔係一個問題,所以問要搭幾耐車永遠都答我唔到又或者個range闊到半個鐘至一個鐘既差距 -_-),所以佢6點搭7都未見影我就諗住自己坐車去算(加上7點船6點半先黎接我始終都係不安),點知出左去唔見車,要再等多陣先有,上車叫佢去碼頭指埋個名比埋個地圖都係唔係好知係邊,佢幫手打去碼頭又打去船公司(碼頭唔理佢船公司又話有車黎緊接),但我都係唔多安心叫佢車我去啦,佢就開車行前一小段路,指指個travel agency佢話不如我係度等(名一樣,亦已見有人係度掃緊地,睇個司機都唔識路,所以都係直接搵agency問算),問幾錢,佢笑笑口話我話,我見咁近其實好難比錢但見佢打電話幫我問依個問果個,所以都係比左2蚊佢

之後入左間野度,個老闆岩岩番,同佢講冇車黎接我,就幫我check簿,我話唔係依間鋪係第2間鋪訂,就問我羅張ticket睇,原來唔同公司(前兩個一樣後尾第3隻字唔一樣-_-),佢話間公司會去接我,叫我番gh等,唔係人地點搵你,我講行番去都有段路而且又唔知到唔到,所以想佢幫我,佢話可以幫我嗌車但要10蚊,我問motocycle幾多,佢話5蚊,仲幫我call車,打緊電話時我睇個鐘已經7點,我同佢講7點船會唔會去到都開左船,佢話可以打去hold住架船(心諗怪不知得係金邊個gh問我係咪sure7點船因之前佢接過一個7點船但9點先開,d船原來係咁delay),之後老闆叫我安心等下架車好快到,等左陣佢又走埋黎同我講叫公司車車埋我,不過都係5蚊,我講冇問題,佢就call左架車黎

黎到既係van仔,車上已經有幾個人,老闆同司機up左幾句野我就上車,司機幫我放好行李係車頭就開車,點知司機不停聽電話又不停兜黎兜去不停咁pickup人上車夜行李,不知不覺架車已經full晒行李放到上天花,但仲係不停咁兜,隔離個外籍女士同其他人明顯覺得架車已經full但對佢仲係不停上客好好奇,我呢因之前一晚聽左個美國籍女士個group taxi事件,所以已經有少少心理準備,最後架十幾人車上左二十幾人,除左二十幾件行李外仲有2架單車,前面一排放埋活動椅落黎坐左5個人,再前少少有人坐樓梯有人坐得一半位仲有一個坐左係佢男友對腳上面,哈

好彩去到碼頭都係9點,司機unload行李時比較粗魯,但係我黎睇其實又好正常,有個鬼妹唔知放左咩係背囊頂一路開車時都好似好擔心咁叫前面個人幫佢小心睇睇個袋唔好比佢跌落地(我心諗咁死多人點會點得落地最多跌落d人個身上面者),咁unload到我袋時又一野倒轉跌左兩級落樓梯,個鬼妹仔已經緊張到極點一見佢自己個袋就係咁叫小心小心唔好掉,我心諗ed地方你怕爛就一早用自己隻手羅住啦,我揹好背囊後就幫襯d小朋友買左兩個包(前一晚唔記得買定野上船食,早餐時又因掛住點去碼頭唔記得羅佢幾塊面包,幾驚去到碼頭都冇野食買)

行去碼頭時又有兩架船,當然又要比ticket加口講去金邊再加睇下隻船有冇寫去邊啦,睇左又問左真係去金邊,行李比低佢地就搵位坐(其實一路我都對行李搬運有比錢既心理準備,點知冇人問我羅錢,哈),因想睇風景所以就好似其他人咁坐出面,見人上左船頂,問點上佢話冇梯所以我最後係爬上去既,隻船其實開緊仲要幾快下船邊呢冇欄得兩隻腳位咁窄,一不小心就會跌左落海,哈

上左去好大風但幾舒服,睇左陣水上屋就沿住tonle Sap River(洞里薩河)一路開船,條河大到好似個海咁,風景唔錯食住野都ok但我係船尾d水花開始飛晒上黎,加上出左遠少少已經除左個天同d水已經冇咩睇,而且船程要5-6個鐘咁吹法都好睏下,所以爬番落下層睇下有冇位,落去時梗係要好小心啦,離岸越遠佢開得越快,落左水停得船黎開番轉頭應該都浸死左了特別係我唔識游水既人,哈

落到樓下見都唔算太多人仲有位坐,行去船尾去個廁所再搵地方坐,發覺全船唔計柬埔寨人就得3個亞洲人,果兩個應該一個係日本人一個係韓國人,我呢就做左中國同香港既代表,心諗佢地應該唔係搭旅遊巴就係坐飛機,邊得我咁好閑情咁貴坐船睇風景,係船倉訓左陣又出去睇下風景,見到有人落船,但因冇實際碼頭,果2-3個當地人係坐一隻駁船走既,而果隻駁船其實即係香港既獨木舟再大少少咁上下既東西,上船時左搖右擺好易跌落水,落完人又再開船,再睇番附近既環境,有少少岸邊又有d木屋仔高腳屋仲有好多細細隻既船仔係度捉魚,都幾老式既網魚方式,d人又一路好熱情咁揮手,個感覺都幾得意,但因陽光實在太好而且隻船又太快我又懶羅大機出黎,所以d相好難影

過左陣就離開左有岸既地方,睇gps果度應該係kompong(磅湛),睇錶應該2個零鐘就到,所以就係出面曬下太陽訓下甲板,點知好境不常,隻船居然行錯路,d水睇黎都幾淺下,攪左一輪又拉繩又停船又問經過d船仔又倒船先走到,睇gps,佢都行錯左好大段路,已經遲左開船仲要行番轉頭,頂,最後不知不覺中我就又係甲板訓著左,起身時曬到一忽忽,睇下個point見都唔係爭好遠就到,睇錶差唔多3點,咁計落都唔係爭好遠,可能佢開得快想追番d時間掛,最後未夠3點就到,雖然同我本身7點開船計落既時間爭緊幾個鐘,但都未天黑仲有時間行下,落船就見一班人過黎拉客,我當然唔理去搵我個名啦,卒之見到個driver,佢話1點半已經係度等緊我,我同佢say sorry話遲開船同行錯路,其實船時間咁難control而且又要貴巴士成3倍,怪不之得唔算太多人,但太陽同風吹吹下都幾舒服而且景還可,有時間有閑錢可以試一次既

上左車好快就到gh,個名叫fancy gh,位置都算近market,但就係偏少少既橫街,起初睇d人講到好靜咁仲以為係冷巷,anyway,要左最高既一層,雖然要行樓梯但高d個景好d我都唔mind,上到去間房都幾唔錯,個露台仲幾大而且個view不錯,比25蚊都抵既,放低野就唔好浪費時間出發

首先當然係搵食,行左去Central Market(Phsar Thmey,金邊中央市場)附近既Khmer Dessert食椰奶咖哩麵,佢除左咖哩麵出名外甜品評價都幾好,但我甜品一般而且要留肚所以冇試到,個咖哩麵(我都係用手指要黎食,對食緊果個係麵定麵線定米粉有少少懷疑),不過味道幾特別又足料,而且d柬埔寨茶都幾好飲(我係依間鋪卒之明白點解之前其他食檔會比個吉杯一定加埋支飲筒比你斟茶,睇佢收野原來係就咁倒左d水同埋飲筒就會比下個用,個杯唔洗架原來,哈)

跟手行下中央市場,幾特別既design,當中有d食市,好似幾好味咁,食左個好好味既法包,酸酸辣辣加埋牛肉夾埋一齊食,真係好正

再黎諗住沿住佢其中一條主要道路Monireth Blvd(金邊得幾條大街有名,其他都係用號碼就算,但有門牌總比澳門好,對我黎講搵地方尚算方便,哈),行去食南瓜布甸,點知行到去都唔多見有得賣,只見有包有其他麵檔既東西賣,搵左陣都冇心諗可以資料太舊冇左就算,求其坐低要左杯fruit mix,依度既mix同siem reap唔同,多左榴槤同埋生雞蛋,仲比siem reap果d再甜d,但係外地我對甜既容忍度大左,所以冇咩問題

跟手見未天黑,想去河邊睇睇日落但行都有段距離所以就坐電單車去,話要去河邊又指地圖佢同我講國語原來係華僑,講講下仲講埋廣東話添,車算隱陣(金邊交通比siem reap甚至越南差得多,十字路口兩線行車可以個個方向都有車行緊埋黎,倒頭車非常極之普遍,如果十字路口過一條馬路你要睇8個方向,而且之前d地方雖然多車但唔知係交通好定d人技術好d,都唔見撞車,我一到金邊第1日已經見兩次撞車)好快就到左河邊,要左2千柬錢都算平,佢係咁問我係咪自己一個又問留幾日等等,我當然唔會話自己一個旅行,就答佢我到先周圍睇下野朋友就到,到步後佢又問我之後去邊又話可以打比佢想做埋我其他生意,但因本身book左tuktuk所以就同佢講等朋友到埋先,金邊黎講我始終有少少保留,但上得車佢個樣都算老實而且又講廣東話如果要電單車用可能都會打比佢唔奇

到左河邊見到皇宮,因之前睇過報導話果度入夜唔多安全,但實際人非常之多雖然比較黑但好熱鬧,唔知係咩節日定廟會,好多賣花人(d花好得意本身一舊咁用手摺摺下就會變成花咁),賣雀(要黎放生既),仲有d羅住個碌友皮點蠟燭唔知要黎做咩既小朋友係度,再行前少少就好多散步人士,完全唔感覺到太雜既感覺,所以天黑後都係咁易行下睇下野,但我部大機影都只係影幾張相就會收番埋,唔會一直咁掛係身行街咁危險,哈

再行行下就去左一個街市,原來金邊既街市咁夜都開,仲要好熱鬧,但就真係好黑(相iso較高左,實際冇咩光條街雖熱鬧但好黑),d人都唔知見唔見得清賣咩,數錢又隊得好埋先睇到,而且都好多小檔口賣野,感覺好似幾十年前既香港(睇舊相),又唔算多遊客,我好中意個感覺,雖然一地垃圾又周圍塵但都係求其街邊食左個鴨仔蛋又食左個好似鼻涕感覺既甜品(後尾check番原來係紅豆糯米椰奶)仲買左個竹葉既東西番gh食,開頭以依個係竹葉蕉後尾打開先知原來係之前係siemreap食過好咸同好大味好似咸魚既東西,怪不知咁多配菜,番到去沖完涼咁易食左d就算(係露台食條街好靜而且冇咩光個感覺都幾舒服),而且太大味所以我放左佢係廁所個垃圾桶,因有蓋唔係應該成間房都係味

雖然第2日約左8點,但因冇咩做最後11點零就訓,張床對正個冷氣而且張被好薄,所以要開到27度先叫好番d(因安全問題唔開得露台門訓),唔係凍死

To Part.09 - Phnom Penh

<25/12/11to04/01/12>

Photo Link <<<<<<<<<<<<<<

Darius Rucket ft Adele - I Need You Now

2012-01-19T03:28:00.002+08:00

Adele的聲音足以令一首雖pop( Lady Antebellum唱的其實是country song)但hit爆的歌充滿穿透力

Darius Rucket ft Adele - I Need You Now(Lady Antebellum)

Kazaky - Dance And Change

2012-01-19T03:15:00.004+08:00

Kazaky的最新mv Dance And Change真是越來越似是來自fashion界多於音樂界

越南,柬埔寨 2011-12-25to2012-01-04 - Part.07(31Dec)

2012-01-17T00:47:00.006+08:00

31 Dec 2011 Sat Siem Reap-Far Temple & Rolous Group Sunny day

又係未食早餐一早4點幾起身睇日出,今次係去Sras Srang(皇家浴池),因地點比較偏遠,所以多d時間睇下野,周圍係好黑既森林,過左angkor wat之後已經冇咩車,就算有都係相反方向既車(可能係出去做野既人),而個天呢,好多好多星,同左差唔多成個鐘既車程先到左Sras Srang,人唔算多所以我就可以開到腳架,但好位已經比人霸左但都叫做正面,又因太多雲既關係睇唔到太陽(睇方向依個位應該唔係對正東面),但d太陽光加埋極平靜既水面反映出就係非常寧靜,人又少d果真係一個睇日出既好地方

睇完日出後經過一d稻田(太陽光打埋架車度個倒影幾有趣)用左半個鐘度就食早餐,因之前同driver講過我中意嘗試地道口味,所以佢帶左我去一個比較地道既早餐地方,又係全部都係當地人,雖然都係粉之類既野,但都幾好食,而且d柬埔寨茶非常清涼好飲

用左差唔多兩個鐘去到第2站Beng Mealea(崩密列),真係好遠既廟而且仲要比多5蚊入去睇,但都幾值得,入面大部份既地方已經霖左某d地方雖然要爬但比想像中易走,始終大部份要睇既地方都有晒木道但tour就都多,比較嘈

12點鐘左右就走左食lunch,又係地道野,去左一個係郊區都叫做大既local market,一盆盆自己揀既送,我要左個辣牛肉同埋一d魚製既野,driver問左我兩次係咪要食,雖然陣味都幾濃下但我好想試,最後都有叫到,原來係要同d蔬果一齊食,食時真係好咸同好大陣味,有d似咸魚既東西,應該都係d醃製既野,但都食到,價錢唔記得左不過好平,丫,咁岩隔離有一大盆岩岩炸起唔知係蚱蜢定蝗蟲既野,都好肥美下,好想試一隻但又唔係買好似有d奇怪咁,所以最後都冇咁做,哈,行左陣local market就出發去Rolous Group(羅洛士遺跡)

係去緊Rolous Group時經過賣竹筒飯既地方,全部都係賣竹筒飯既檔口,有時真係唔明白個個賣同一樣既野係咪好難先會發市,anyway,求其揀左檔,driver指左我睇整既過程又叫老闆娘幫我拆開佢(應該知我唔識食),開晒花咁好靚,哈,食果時有少少竹味,d飯咸咸地都唔錯

1點左右就到左Rolous Group既第1站Lolei(羅雷寺),好細但中間既排水位比較特別

之後去到Preah Ko(聖牛寺),都係好細既地方但就算係吳哥最舊既寺廟,公元879年,計落都有一千一百幾年,果度人唔算多,有幾隻石牛係度,睇書講係佢地其中一位神

再黎係去最後一個亦係最大既一個廟Bakong(巴孔寺),入口幾特別而且感覺有氣勢,但太陽太曬背晒光咁所以有d地方睇到但影唔到相

係Bakong留左一個鐘唔夠就出發去Phnom Bakheng(巴肯山),因有人數限制既關係,雖然時間早但都上左去先,去到山腳都未夠3點半,用左十分鐘左右就上到山頂,人唔算多但就非常之曬,睇落個天好多雲已經打定輸數,因最上層control人數,所以睇左四邊同主祠堂就係西面要個好位等日落,但太陽就好晒所以就訓住等,果真去到日落時比d雲遮但個位真係好wide,有d人地非洲大草源既感覺,我唔識點形容亦影唔到咁大既畫面,但如果太陽出到黎就正lu,從想像中就知道果種氣勢,巴肯山日落果然名不虛傳

因係元旦既關係,番市區時塞車,同driver計晒錢後就自己周圍行下睇下有咩好食,因最後一日係siem reap,所以就試左Banana Pancake,用新鮮香蕉加埋朱古力入去整,真係幾好食,之後行行下係old market度食左林金真,係d資料度見過,飲左個咖啡好好味但就嗌錯左野食唔到湯米粉,但野食勝在平2蚊就攪掂,番gh前仲買左個鵪鶉蛋肉包,但因沖完涼先食所以凍左少少感覺上冇咁好味

pack好晒野羅好船飛(前一日driver帶我去買,佢應該好少帶人買船飛而d人應該係搭車多,所以帶左我去一間大既travel agency度買,但價錢就比普通貴左,要成40蚊,而且感覺個counter好求其,比左個gh名佢好似唔多知就比埋card片佢睇,之後我羅番又唔見佢有寫低地址,雖然話會有車直接到我gh,但總係感覺唔多穩陣),雖然係元旦但第2日要早起所以好早我就訓左

To Part.08 - Siem Reap & Phnom Penh

<25/12/11to04/01/12>

Photo Link <<<<<<<<<<<

越南,柬埔寨 2011-12-25to2012-01-04 - Part.06(30Dec)

2012-01-16T01:07:00.005+08:00

30 Dec 2011 Fri Siem Reap-Angkor Wat & Far Temple Sunny day

4點幾起身到angkor wat睇日出,因天未光既關係,d風吹埋黎都幾涼下,去到吳哥時人唔算多,可以係荷花池企到第一排仲可以放到窄腳架,唔知係因太黑既關係定係d人心急,眼見已有兩個人跌左落水,相機同個身都濕晒,我呢就因只可開到窄腳架所以乾脆坐係地下算了,其實我都驚比後面d人迫落水,哈

等到5點半左右開始有d起色,但太多雲最後都睇唔到整個太陽,但d雲就真係好靚好似比火燒著左咁,不錯(又係現場睇d色靚好多,不過影唔到,我見咁就拍左movie但之後唔小心delete左,唉)

因唔番酒店既關係,所以就經東門直接去第2站Preah Khan(聖劍寺),丫,其實吳哥出面既護城河都幾靚,相當寧靜而且倒影分明,而東門就比南門原始,好多爛左既石雕都冇專登整番,而對出既河流亦相當優靜

去到聖劍寺都只係7點幾左右,佢既設計同之前果d完全唔同,人又少d睇得自在,其實佢都算幾大,不知不覺都行左成個鐘,最特別係一座2層高既建築物同埋舞者平台既跳舞浮雕,,加埋d陽光好靚,依間廟既石雕都算保存得唔錯,但因係佛教,好多石像既頭已經比印度教徒整爛,加上某d破落又或者崩塌既地方,整個感覺又變得寧靜而和睦,感覺舒服

再到左附近既Neak Pean(涅槃宮),行過一條係水上面既長棧道就見到一個好細既廟而且唔知咩原因唔比入只可以遠睇,佢隻馬造型都幾得意但入唔到去睇有d可惜

去到Ta Som(達松寺)雖然細間但d女神造型各個都不同,好靚,出門見有竹葉烤香蕉賣,本來想買黎食點知driver嗌住我,原來佢買左一條比我食,雖然出面好多油同痴立立咁但原來入面好好食,好似糯米咁有少少痴口,不錯

再到East Mebon(東美朋寺),又係唔同造型既寺,好多個塔又獅子又大象加上藍天不錯

去到Banteay Srei(女皇宮)雖然未夠11點,但天氣已經非常之熱,食過driver買比我既palm sugar同埋飲過路經單車小販賣既palm juicy(1千柬紙)非常清涼解渴,好味,而女皇宮主要係睇門上既浮雕,但咁岩撞到幾個團,所以好多人同好嘈,但就偷聽左d人地既講解又睇下書咁,有d故仔都幾有趣

咁岩撞正係正午時間上Kbal Spean(高布斯濱水底浮雕)其實都幾辛苦,依度其實唔算太好行,有d地方要爬大石而且有d地方好曬雖然有d入林但行行下都要成40分鐘先上到去,好彩有夠水同埋有帶pole(因腳之前整親好易拗柴,所以爬高又爬低既吳哥其實我都有d擔心),河上石浮雕有趣而特別,而且行過一個大瀑布有人玩水幾清涼(有個法國鬼妹好鬼活潑,又爬樹又周圍跳,睇見佢真開心)

落番山已經兩點幾好肚餓,driver帶我去食飯又係3蚊攪掂,嗌過野食去完廁所除埋對鞋就休息一下,依間野有位小朋友好靚女,後尾坐定左睇見原來佢阿媽都好靚而且相當年輕,怪不知個女咁靚啦,但靚還靚野食就好唔得,個菠蘿牛肉咸死人,好彩我食野好求其所以都係食埋佢

用左一個鐘去到Banteay Somre(班提色瑪寺),一入去就見人整緊野,以為係咩工程之類入到去原來係有人攪婚宴,門口有廚師waiter等等,入面其實都唔算多野睇,本身應該有水係度但就乾晒不過就有一條條巷咁我諗要黎行禮都幾唔錯,但原來可以租ed古蹟黎用我真係有d好奇

最後到左Pre-Rup(變身塔)睇日落,依個係本身冇既行程但就知佢睇日落唔錯,睇書講到幾靜幾少人咁,但上到去人山人海,好多tour係度(後尾問driver,原來係因巴肯山限人數所以d團可能改左黎食度睇),向西邊方向我已經去唔到第一層,只可以係第2層攝左個位睇,所以有d比樹遮而且多雲睇唔晒成個太陽但d光柱好靚,走時經過一個湖,應該好近我另加要求day3睇日出既Sras Srang(皇家浴池),magic hour加倒影好靚

番到siem reap市區已經7點,叫driver車我番Socheata食晚飯,坐低無耐就見番之前一晚認錯人果位女仕,佢見我又係一個人所以叫我同佢一齊食飯傾下計,我嗌左frog amok同埋lotus root,好食,同果位女士講開原來佢係美國人(華人樣但唔識講中文),佢係新加波探完仔後就自己一個去旅行,係泰國入境仲講左group taxi一架車坐9個乘客加行李既經歷比我聽,大家又講下旅行既經歷其他地方既睇法等等,所以一個人去旅行真係好多機會同人傾計,其實都幾得意,但因第日又要睇日出所以8點左右食完就走人,又係黑媽媽倦到死行番去,唉

To Part.07 - Far Temple & Rolous Group

<25/12/11to04/01/12>

Photo Link <<<<<<<<<<<<<<<<<

越南,柬埔寨 2011-12-25to2012-01-04 - Part.05(29Dec)

2012-01-13T23:22:00.009+08:00

29 Dec 2011 Thu Siem Reap-Angkor Thom & Angkor Wat Sunny day

約左tuktuk driver8點鐘gh門口去吳哥,所以就7點半起身食早餐之後出發,早餐其實冇咩,只係有咖啡加面包同果jam同埋少量生果only,好彩叫做有個煎蛋食下,係咁易食左幾塊塞包自己後就等driver黎,不過我唔記得佢咩樣所以有個driver到時我以為係點知原來係另外既,之後出門口睇睇再同個driver,gh既人講下,又問下我約左邊個,之後當然打電話比佢啦,點知唔通,心諗成8點都唔見人如果比人放飛機就煩了,雖然應該冇bohol果次咁慘但都係浪費時間,後尾有人埋黎同我講係我司機,原來本身約果個唔得閑佢接左個job,可能佢見我唔係好信咁就話自己係driver個朋友同一team人又指左架車,果然係同名咁冇計了(之前已知佢好忙,所以一早約點知真係咁full,後尾依個driver話我知原來本身個driver想接我但因我第1日我冇用佢full day,所以佢接左另一個job走唔到人,真好假好又點,所以就算)

車我到ticket counter已經8點半左右,人唔算多,影過相買過飛後就出發,未入到吳哥就見有個靚湖,波平如鏡咁,d倒影好清楚,相當不錯

去到南門就好一排排石像,有舊有重新整過既,亦好多人係度影相,係咁易影左幾張就上番車出發

第1站首先係bayon,門口有部份整緊,入到去好大,d雕刻好靚但行行下已經失去方向,有書都攪唔掂,有d想睇既點都行唔到,所以睇左2個鐘度就番出去

第2站係Baphuon(巴芳寺),一入去就係一條長長既參道,行完晒就係巴芳寺,都幾高下,上左去頂,但冇咩特別之後落番黎行過就見一條用石砌既臥佛係度,真係唔係爭d曬死係個有頂既地方停左陣都睇佢唔到

之後去左佢附近既King Terrace(國王平台),Phimeanakas(天宮or空中宮殿),LadyPool(女池),Elephant Terrace(大象台)同Leperking Terrace(癲王台)等等,係由Baphuon去king terrace時經過仲見到Prasat Suor Prat(十二生肖塔),我覺得癲王台係最靚既而且好多雕刻,但又爭d曬/熱死

見時間差唔多12點半所以就問driver邊度食野,佢就話係癲王台附近既小食店食,仲話平時要5蚊但識既3蚊就ok,因太熱所以就揀左個酸酸地辣辣地既飯食仲叫左個fruit mix,隔離坐既係一班單車人,真係睇見都辛苦而我就除左對鞋涼下,係食飯途中睇下書,發覺睇漏左一兩個石像,所以食完飯去完廁所就行番轉頭少少搵埋果幾個石像,佢係間石屋仔入面真係爭d又miss左

再就行下十二生肖塔,可能烈日當空,睇時得我一個,對比起之前睇既寺廟,依個就顯得比較簡單但襯埋d綠草同藍天又有另一感覺

到左West Gate,Thommanon(塔瑪儂寺)同Chau Say Tevoda(周薩神廟),雖然唔算得太大,但d石刻同女神浮雕又再細緻d,好值得睇

再去左Ta Kev(塔高寺),但真係太高而且應該冇咩睇所以冇上到去只係遠望就算

2點左右到左Ta Prohm(塔布隆寺),我係由西門入所以同書既方向有少少唔同,而tuktuk就話係東門等我,為免我行行下錯方向仲叫我如果唔知問下其他既guide(driver話佢只有司機牌冇導遊牌,所以唔入得去,如果唔係比人捉到要罰好多好多錢,不過d guide真係咩文都識,driver一開始時都問我要唔要搵guide不過要再比錢佢地,但我話有書所以唔洗了,但行完細廟仲ok但大廟 e.g.bayon同angkor wat就發覺如果有guide會方便d,雖然話我可以偷聽人地up既野,但一個guide帶既人唔多所以好覺眼而跟團雖然一大班人,但又嘈又趕頭趕命我唔係好想跟佢地聽野),入到去塔布隆寺就覺係一個好值得睇既地方,古老大樹加埋古廟真係好壯觀好靚

再去既係我另外要求加既Banteay Kdei(斑蒂喀黛寺)同Prasat Kravan(豆蔻寺),前者Banteay Kdei柱上既女神浮雕極靚,而後者Prasat Kravan雖然好細得5舊野,但年代久遠(公元921年)而且入面既毗濕奴神浮雕好大個而且又係刻得好靚,但最衰係有2個塔整緊睇唔到佢老婆拉克西米既浮雕(從書中及所見既石雕,吳哥以佛教同印度教為主,之前睇過一套比利時戲tears of kali對印度教認識多左,所以睇時又唔覺得同自己距離太遠,而且印度神像不嬲有故事性造型又特別所以好有興趣)

因時間問題去唔到本身plan睇日落既Phnom Bakheng巴肯山(睇日落好出名但因有人數限制要4點前上到去),所以轉左第2日先去既angkor wat睇,去到已經係4點半,仲要由東門入即係平時d人行既反方向,加上入面真係好大好大,我行行下又迷失方向了,因就快日落又行左幾野都唔知自己係邊,所以就只睇左一部份就走了(加埋bayon果刻我已打算要再去多次吳哥窟,3日真係唔夠),出到去大廣場見到太陽打落5個塔度又幾靚,雖然依度唔係一個睇日落既好地方,但吳哥日落既紅霞又紅又紫又粉紅咁都幾靚(能力有限相影唔到d色咁出,現場睇好好多)

日落完就番市中心,叫driver車我到第一日我搵唔到既Socheata食,但去到又唔見後尾佢問人先知原來搬左入去冷巷,黑到呢怪不知我第1日搵唔到啦,同佢約好左第日睇日出既時間後就入去想食野,點知咁岩又close左,問間hotel先知原來唔知有咩喜慶所以close左一日,入到去時仲見有個女人問係咪之前見過我,我話應該冇佢先知認錯人,anyway,mark低位置就去食另外d野,食左一間叫Khmer Kitchen既東西,嗌左個雞肉南瓜咖哩同比較出名既amok,個amok真係好好味,飲埋野加埋都係4.5平過之前既soup dragon好多,但一個人食兩個送真係好飽

因第二日要早起(約左4點10出發睇日出),所以就早番gh,本來想搵電單車搭,但條友好似明又好似唔明咁就話ok,問多兩問先知佢原來唔識,再有另一個人睇張card片(好似之前一日咁),但都係唔識,講左一輪都係唔知係邊,雖然好死倦但都係算了,自己行番去,但條路都真係好黑而且要行成20-25分鐘,依間野真係唔適合單身女士住,怕黑怕行既真係死得,沖完涼插好叉電就訓,連delete相既精神都冇,由佢算了

To Part.06 - Siem Reap-Angkor Wat & Far Temple

<25/12/11to04/01/12>

Photo Link <<<<<<<<<<

越南,柬埔寨 2011-12-25to2012-01-04 - Part.04(28Dec)

2012-01-09T23:59:00.006+08:00

28 Dec 2011 Wed HCM & Siem Reap Sunny day

一早4點幾起身confirm收好晒d野就出門口,落到樓下reception就見關晒燈仲有人訓左係度,前一日已通知過佢地我會5點check out,所以就叫醒左個人幫我check out,佢都其實冇咩做過只係收左我條鎖匙同22蚊就再訓過,其實佢可以好似外國果d hostel咁一早收左錢再叫人掉條匙落箱咪算囉,可能要開閘所以要搵人係度掛,真係唔知佢地了

出到去天當然未光,人唔算多但街都叫有d車,係一檔著住學生衫賣緊野既檔口買左個包同咖啡就搵的士搭,可能人真係未訓醒,搵到岩既的士公司因身得美金,所以就問佢幾錢去機場,開頭佢話跟錶但我居然唔理佢再問多次幾多美金,佢隨口話10蚊我見貴就問隔離果架,問完先見佢唔係我要搭既的士公司而且又有一兩個電單車人埋黎係咁煩,所以都係上番我要搭既Vina Taxi,可能其中一個電單車人聽到要10蚊去機場我又ok,我入左車佢仲係度拉住個車門係咁講問我係咪10蚊,我當然唔理佢啦,佢就煩個司機想要錢,個司機唔知同佢up乜又攪左陣,我爭d想落車搭過第2架,最後個司機比左錢佢佢先願放開手,開車到機場見個錶只係10萬幾蚊,咁即係5蚊美金就ok,果刻我先醒起做咩唔跟錶我比美金佢除番越南錢咪得囉,真係傻左入到機場counter都未開,除左比貴左的士錢外仲唔見鬼埋個太陽眼鏡,岩岩買都唔夠一個月最大問題係去到吳哥應該會曬盲,shit

check in完飲左杯咖啡就差唔多上機,去到原來係縲旋掌飛機,怪不知個number咁前啦,不過依隻雖然係縲旋掌但就比我係nepal既大同靚,都叫做有個飛機餐食下

去到siem reap已經10點,個機場比較夏日感覺,搭tuktuk driver安排既車去到gh"Oral D Angkor"10.2一日包早餐,訂時除左平仲諗住近old market方便d但原來都幾入下,好似鄉村既感覺,門口既餐廳簡單但舒服,可能我住4日佢地比左2樓最入面間房比我,太好了可以用個欄杆用黎曬衫曬褲入到房都幾大,放低野就出發去第一站local market,果度係非常地道既market,連英文名都冇但就近national rd 6,所以好遠,本身諗住自己搭tuktuk去點知個tuktuk driver話包我一日(通過電話知本身個司機唔得閑,佢朋友黎車我話聽日先會接我去angkor wat,68蚊包大小吳哥同Beng Mealea,rolous group3日,加下仲包埋第一日free,唔同佢講價果然服務好d),咁我當然就唔會拒絕

用左十幾分鐘車程去到果個local market,果然沙塵滾滾非常熱鬧,可能冇咁出名所以完全唔見遊客,去到首先係出面行,出面既街市都好大下,但個地下就非常爛同濕,周圍係賣魚賣肉賣生果咁,而且個方法都係比較地道就咁放係度賣,d魚冰都冇粒咁熱放係度都唔知會唔會變壞而且所以好多烏蠅,行行下就會見d魚跳左落地係度地下彈彈下咁,仲有耐唔使見d人托住d野賣幾特別,行入少少見到有檔茶檔咁我就坐低要左杯凍咖啡,都要講左幾次佢地先知我嗌咩,而且佢地對我非常好奇而我就同佢地笑下又隨手羅左佢地放台賣既包要黎食,雖然周圍又沙又塵又烏蠅又垃圾咁不過我都唔理咁多照食照飲,哈,比低一蚊美金(睇過1美金=4萬1柬紙)佢地找番d柬埔寨錢比我,幾多唔記得了不過我知佢地收美金所以都冇唱錢只係係香港唱定d一蚊同五蚊細錢要黎用,相當方便

之後入左market入面睇,都好大又係濕晒成地垃圾咁但都算整齊,我覺得街市d人疊野真係有一手,排得好靚,佢地d肉例如羊就成隻切開晒就咁放係度滴晒血水咁睇落好血腥但夠晒raw,哈

因個太陽太曬而且隻腳可能行得太多所以有水pop,所以就係依個地道既街市買下野感覺上比較平d,買左藥水膠布(一時唔記得英文點講畫比佢睇既,哈)仲有買左暈浪丸(係暹粒過金邊諗住搭船睇風景要成6個鐘所以諗起要買藥)依個藥房既老細識講英文所以同佢吹左陣,咁岩佢地食飯我就睇下,佢地係坐係地下食中間有盤野旁邊又有幾盤細既,見佢地多菜問下佢,佢話食菜有益仲問我一唔一齊食,但我之前係依個街市食左好多野又炭燒夾餅又唔知炸咩條又炭燒香蕉仲有冰凍庶粒(依個好好食消暑解渴)實在太飽了,唔係我真係會坐低一齊食感受下地道風味,哈,丫仲有買左帽同太陽油,之前唔記得帶,我咁唔怕曬既人去到siem reap都真係頂唔順佢個大太陽d汗係咁流已唔理由佢流,佢地個冬天都咁熱(30度以上)夏天點去仲要吳哥咁多戶外,想像不能

行左2個幾鐘買晒野就出發去下一站post office,gps搵唔到所以叫司機車我去,佢係siem reap river隔離,一整排樹加上條河雖然d水黃黃地但好乾淨同埋個感覺好寧靜,怪不知有人坐係度休息,去左個post office,冇咩特別而後面又整緊所以冇咩睇影左d相就走叫driver車我番old market就可以了,諗住自己行下

去到old market(Psar Chaa)同bar street差唔多2點,個太陽就黎熱死我,入左去街市睇左陣,佢唔夠之前個market大而且多游客但都其實好大下,行兩行已經頭暈分唔到方向好快就走番出黎諗住第2朝早6點去睇下個熱鬧場面,之後係咁易行下bar street就想番gh,太熱了想沖過涼等太陽落山先再出黎行過,由old market行番gh原來都好死遠,中間經過center market但知道好遊客既地方冇咩特別所以都冇諗住入去睇,行下行下一方面以為自己兜錯路一方面就熱到暈低時卒之搵左間士多咁上下既東西坐下買下野飲,雖然出面馬路大大個太陽又沙塵滾滾但坐係度飲下依度評價幾好既angkor beer都幾唔錯,丫仲見佢地d電單車入油係好簡陋,係士多門口放左一樽樽酒樽既東西開頭唔知係咩後尾見有人停車原來係要黎入油既,怪不知咁多酒樽放係度入面d色又唔多似酒啦,都幾過癮

行到番gh見有少少肚餓就係佢附近搵左間野食(佢隔離係一間類似戲院既東西好多椅但就係用電視播野既唔知係睇碟定要黎睇電視),雖然好地道好簡陋仲有d烏蠅飛飛下但我都唔理嗌左個面食,果度有個小妹妹好好奇咁望住我,我就同佢笑下咁之後就除左對鞋同襪赤腳咁食野,佢見我羅住罐啤酒就比左d冰我,咁我就當然唔客氣要黎用啦理得佢會唔會肚痛啦啤酒夠凍先好飲,佢d麵都幾好食而且老闆娘都算識講幾句英文問我係邊度住又問我邊度黎,我答完佢之後佢話間野多香港人住喎我真係唔知都唔多見過其他住客,anyway食完晒走人時實在太熱我唔想再著番濕晒既襪同熱辣辣既鞋,所以就赤腳咁羅住對鞋行番gh,攪到個老闆娘問我有冇事,我只答佢好熱,哈

沖完涼(發覺成個人曬到紅晒)洗完衫同褲掛好晒後就睇下相見眼訓仲濕住頭咁都訓左陣,諗起可以去河邊睇下日落又或者去咩咩傳統織物研究所(IKTT)睇,所以5點零就出去,行過見到差唔多黃昏個太陽打埋d樹度係河面反映好靚,行前少少又見d比較窮既木屋都係倒影唔錯,見到個太陽落緊山本來想叫車去tonle sap lake睇日落但睇gps離日落都唔夠15分鐘,去到都落左啦所以都係去織物研究所算,其實果度都幾入去到條街唔算多人多車但又未至於太靜去到見黑晒咁原來已經close左,又話至7點既,唉

行番出去中心已經係magic hour再行下搵野食好了,本來諗住去食一間叫socheata既khmer food,但地址唔清楚(見人講間野係冷巷好易行過籠)even mark左係gps行左好多個圈都搵唔到,算了第日問tuktuk driver知唔知間野係邊好了,咁就去左soup dragon食柬式土鍋,一連兩晚打邊爐間野都幾靚下面係bar我問佢有冇野食佢話有先上左樓上,我揀左係露台地方食,中意可以望下野同埋涼少少,個鍋有蛋有牛肉有腐皮咁加上伙記幫我整既辣汁都幾好食,個waiter可能估我唔識食幫我整攪左一大輪有得食整個感覺係比越式好食,個伙記仲問我係咪日本人我答佢唔係再問佢好多日本人黎食咩佢話係,我眼見都有1-2台日本人可能係地球步方依本書既關係掛不過我記得上網都有人提過依間野食土鍋所以就黎左食,價錢唔平成11.5加埋支Cambodia beer(1.5)都真係幾貴,一個人食ed野就冇辦法有得平,另係食果時唔小心比個鍋熱親本來諗住冇咩野點知食完就知痛,問伙記羅藥諗住擦2野依間食火鍋既有湯火膏應該係平常既東西,埋左單等左陣佢先羅支膏黎,原來係新買既我仲問佢幾錢點知佢話由佢,擦左真係冇咁痛不過都唔知會唔會起水pop,算了由佢

見時間尚早行左陣夜市都叫做有d野食賣下又見有一度好熱烈好多人食野既地方但都幾遊客feel應該唔平再行前少少見到night market,有旅遊巴而且知係賣手信既地方所以完全冇興趣再行番bar street有間門口有台望落幾舒服既bar坐低嗌左個fruit mix(2.5)係甜少少但都唔錯,坐坐下望下d waiter同入面既格局清一色男人,感覺可能係gay bar怪不知坐我隔離果3條友講野咁gay啦,不過我當然唔理咁多繼續飲我既野睇我既街同相

坐多陣就要番gh,因條路實在遠同埋行左幾日真係有d倦所以就想叫架電單車番去,點知電單車唔多就搵左架tuktuk(我當然睇過個司機樣先坐)點知條友唔知間野係邊我話係gas station度佢都唔識,另一個就睇左張card片一陣話知點去,我想講我都識路但唔想行咋,問價要2蚊我話要平d最後1.5交易,番到去check左陣email(平時去旅行唔會上網但因要check其他gh既info所以先睇)問埋幾點有早餐食就上房,依度果然夠乾燥d衫乾晒係條褲仲未乾可能成4點先掛又摟得唔夠乾掛,不過又唔係等住著所以由佢係出面算,沖多次涼準備好晒第日用既野11點未夠就上床訓,太曬個人真係好倦

To Part.05 - Siem Reap-Angkor Thom & Angkor Wat

<25/12/11to04/01/12>

Photo Link <<<<<<<<<<<<<<<

越南,柬埔寨 2011-12-25to2012-01-04 - Part.03(27Dec)

2012-01-09T18:05:00.003+08:00

27 Dec 2011 Tue HCM Cloudy day

雖然冇咩特別趕時間既野做,但都係7點幾起身係GH食少左少少野後就出門口去食下越南既早晨,始終係last 1日係越南(第2日要早機),所以出去睇下行下有咩好食,8點零鐘鋪已開多左,人車就冇咁多而且比較悠閒,行下行下搵左檔賣飯肉蛋肉鬆咁上下既檔口,知道算係越南既早餐,橫掂未試過就揀左糯米黎食,買左外賣後就搵左檔街邊檔坐低一路飲咖啡一路食飯,又係一整個hea既感覺,攪到咁上下番gh check out再去另一間gh攪check in(因本身睇地圖,第1-2日住果間遠離市中心,所以專登搵多間近范老五既住多日想行下夜街點知原來全冇需要)

去到Yen Trang Hotel已經十點,仲有因原來佢有兩座攪到去錯左要人帶去比較新既一座,依度比前一間貴少少22蚊冇早晨但有balcony,我住2樓但樓下有bar夜晚可能會嘈,anyway,唔理咁多由佢,房就比Duc Vuong Hotel好但門就冇鏈,所以冇得入面加多個鎖,有少少唔係好安全既感覺,所以搵左張椅頂住,始終近市中心而且佢地既酒店不嬲都唔係太安全,貴重野一定要跟身even係落去食過早餐晚餐咁少時間,嗯

胡志明要睇既野唔算多,因第1站統一宮(Reunification Palace)11點至1點ticket counter會close,拿拿聲由gh行去統一宮,佢又鬼咁大都唔知邊個先係入口,好彩趕得切11點前搵到買飛,唔係又要等佢2個鐘,依度係總統既辦公室而且之前比人攻入過又比大炮射過,我去到既第1個感覺冇咩特別,格局有d似大會堂,但窗既石條紋幾靚,下面有個地下室,要黎指揮打仗用既,上到去天台又岩岩關左噴水池影番落去花園同門前大道爭緊d咁

跟手就去左食lunch,中間經過一間學校,學生坐晒係度食野,本身都試下但d野個樣一般,所以最後都係行左去pasteur食粉,間野係幾出名叫和粉(Phố Hoa),入到去有遊客而且有人識講英文,實在太好了,指左對面木台食緊既河粉(6萬8連野飲甜品),湯比Phố Le濃雖然好味d但應該多味精,佢台面放左好多野係度,原來要食就羅但會計番錢唔食就由佢放係度,幾過癮,哈

未去戰爭博物館(War Remnants Museum)前仲係有d腳倦同埋太熱,搵左個茶檔飲咖啡,旁邊係office人2點幾都仲係度悠閒飲緊野,真好,去到博物館還算精彩,門口d飛機好大隻另一旁既tiger cage好細,比人困係入面好慘,另館入面有d戰爭poster同埋越戰時既相片,相普通但比較深印象係d小市民/農民既無助表情,打仗時一般百姓就係最慘既部份

行完戰爭博物館就要去紅教堂同post office,要行去話遠唔遠話近唔近,而且去越南又未坐過電單車,所以行前少少搵左一架黎搭(習慣一定唔會係名勝門口搭,一定貴同易比人搵笨),2萬vn由博物館去紅教堂好快,比行路要成廿十幾分鐘快得多,去到冇咩特別有少少令我諗起上海既教堂,入面唔算大所以行左兩野就走人,係出面行左個圈冇特別就去左隔離既post office,入面d人好忙碌下而天花同地板都算不錯

4點零鐘見有時間就去左之前經過既廟,去到先知間野叫Den Tho Ba Mariamman,門口既雕刻唔錯入面亦算古舊

再行下行下見有時間又搵左個路口坐低一邊睇相一邊飲咖啡,坐坐下就有一大班人到左,之後唔知攪咩就將張台搬開少少,原來有人係度用啤牌占卜,雖然唔知up乜但都幾有趣,睇左陣就行番gh,沖完涼問下第日點走同埋知唔知邊度食越南火鍋,原來8點機要早出,話驚塞車喎,加埋車程咁即係我5點要出門口啦,shit

雖然reception唔知咩叫hotpot,但咁岩有個住客行過,佢應該係越南人咁岩去hcm做野,佢就話我知後面街有seafood hotpot食,不過提我只係一般,咁就試下啦.去到間叫new pearl既餐廳,門口都幾靚,都有家人打緊邊爐,嗌左個seafood hotpot(19萬5),用既係土鍋,雖然唔係我想食既傳統越南火鍋(據資料湯底係用馬鈴薯熬既,入面放白木耳,有d咖哩味),但還算ok不過就真係好飽,出面係忙碌不堪既街,好多人好多車仲有大旅遊巴,見好多backpacker原來好多人都係咁夜先到越南,佢好忙我好悠閒打邊爐對比真大

第日要早起而且要執好個背囊所以食完就番gh了,錢得番3萬應該唔夠比的士但夠食早餐,夜晚樓下唔算太嘈還可

To Part.04 - HCM & Siem Reap

<25/12/11to04/01/12>

Photo Link <<<<<<<<<<<<<<

越南,柬埔寨 2011-12-25to2012-01-04 - Part.02(26Dec)

2012-01-09T00:03:00.004+08:00

26 Dec 2011 Mon HCM & Cai Be/Vinh Long Sunny day

早一晚問過6點半先有得食早餐但我要6點9到Café(越南Travel Agency既另一叫法),而且由GH行去要10mins,所以基本上諗住去食佢幾塊面包算,點知6點半落到去仲整緊話要多10分鐘先得,算了,求其係街見咩就買咩食好了

出到去原來越南既檔口都算遲開,眼見鋪冇咩開路邊小檔亦唔算多,而且根本唔夠時間坐係度食,所以揀左越南出名既夾肉三文治(banh mi thit)食,再買埋凍咖啡一路行一路食,三文治辣辣地但d肉仲有d過左,味道濃左少少

去到Café已經好熱鬧,門口幾架車加一大堆人,有人羅住行李買ticket又或者登記,撞黎撞去好迫好亂,唔理咁多搵左個counter比飛攪左陣confirm攪掂,因ticket冇寫車牌都唔知邊鬼架車,出到門口一邊食埋仲未食晒既三文治一邊搵定架車上,最後搵到一架貼左cai be vinh long 01day tour既車,應該係依架,等等下就上得車,當然上時梗指指張飛個名問問係咪果個tour,唔係都唔知去左邊

上到去原來大部份都係韓國人,有少少台灣日本新加坡同埋越南人(怪不知買飛時問我黎自邊度,可能group埋差唔多國藉既人方便d掛,見第2架車多西人依架一個都冇,嗯)

坐左個零兩個鐘車成9點先去到湄公河,去埋廁所上船,河水好黃但就算乾淨而且非常繁忙,買賣既船耐唔使都見,水位其實都算幾高,唔知關唔關前排flooding既問題定本身係咁

anyway,係船度坐左個零鐘就上岸,係河邊既路一路行一路睇下沿途既屋,入面試左honey tea,蛇酒,睇左米紙,椰子糖,爆谷既製作過程,都算有趣之後就去左食lunch,間野都幾靚下,而且d食送算唔錯,食左生春捲(Cha Gio),有條唔知咩河魚,由waitress拆肉再包米紙,雖然有d浮誇但其實幾好食,我叫左個越南咖啡,慢慢滴真係食完個lunch就差唔多了,同台既新加坡人早飲過我話好甜,仲話凍既好飲d,所以我就未攪前了左一d糖出黎,不過仍然都係好甜,雖然好飲但都係凍既好了,嗯

休息左陣就再坐船去Vinh Long,途中經過類似bohol既Floating Resto,但感覺上冇bohol果個咁靚,果個大d同原始感重d,船程都要差唔多一個鐘,所以係太陽加海風下又訓左陣,去到Vinh Long就自由活動但得1個鐘左右,因lunch專登唔食飽既關係,去到vinh long已經見肚餓,行過見雪榚(5千)本身已甜仲加練奶,甜死了,再去前少少既街市,走左入當地人食野既小檔,大大話話都十幾廿十檔,我當然搵d多本地人食既檔口,如果食既野有興趣就會坐低指指要食同樣既,攪掂(因冇可能講得掂ed檔口仔,所以人食乜我食乜就最方便了,仲有如果佢地都食應該唔會太難食掛),太熱關係食左個朦粉同埋食左條春捲同埋唔知咩肉捲,人人都食咁我當然唔會錯過,原來真係好好食,嗯,計埋2萬5走人,算抵食過hcm市中心

2點左右就走人了,原來番去既車程要3個半鐘,想死.途中訓左幾覺又睇到好多稻田(原來有墓係當中)又見好多休息處(一排一排吊床,有趣)番到市區仲見各式各樣既電單車載貨又好載人又好,真係咩貨都可放上車同埋最多係一家5口全部係部電單車上,嗯

因時間問題番到gh都過左dinner order時間,算,唔理咁多放低野就出發去檳城夜市(Cho Binh Tay),途中經過一條十字路口,好多好多電單車,我卒之見到交通燈係有用的(原來市區大街先有人跟燈,哈),影左陣好似電單車遊行一樣好死大堆車之後就繼續行去夜市搵野食,當中經過一個公園,入面好熱鬧出就好黑但見到有d地灘賣緊野食,就去睇下有咩好野,食左個鵪鶉蛋薄煎餅,辣辣地好好食呀,行行下就去到夜市,賣既野一般我完全冇興趣搵食只見門口有檔極遊客感重既海鮮火鍋檔,唔中意,圍住檳城夜市行左幾個圈都唔見有咩食檔,唔信邪就行遠少少但結果係令我失望既(手上資料可能過時),搵左間幾條街外感覺幾舊下既鋪食(Hoa Dong),見都幾多當地人食應該ok的,佢有英文menu不過睇左陣都唔係好岩我食,行去整野食既位置睇指左春捲同甘蔗蝦(chao tom cuon mia)加埋人食乜我食乜,嗌左個粉應該係叫Banh canh咁上下既野,比河粉粗d有咬口d,仲飲左支好似沙士既soft drink,野食都唔錯但頗貴(13萬vn)

食晒野番到PNL都係9點,所以又搵左檔路口檔飲下咖啡休息下,第日終於可以遲少少起身,不過因為冇咩做而且朝早早起身,所以都係未夠11點就訓了

To Part.03 - HCM

<25/12/11to04/01/12>

Photo Link <<<<<<<<<<<<<<<

越南,柬埔寨 2011-12-25to2012-01-04 - Part.01(25Dec)

2012-01-08T15:36:00.010+08:00

25 Dec 2011 Sun HCM Sunny day

就著請4日假放11日既原因,就自己一條友去越南加柬埔寨,planning時間唔算多,12月去9月底先開始攪,因係聖誕假,機票除左貴少少外就極難book,搵左幾間agnet都爆晒(由越南過暹粒既位幾日都爆晒,要搵人幫手先攪到,仲要比原定既日子遲左幾日,真係爭d攪唔成)

25號搭早機到胡志明已經係10點幾,因事前做左功課(除左機票,GH同tuktuk driver外,其實其他野都係出發前2個星期左右先開始睇),知道越南既的士唔可以立亂搭,好多都係呃人的,落機羅好行李係咁易唱左30蚊(1USD=20566VN inc svc)用黎旁身後就無視晒所有係門口拉客既人一路行去遠少少既domestic果邊搵車,搵岩的士公司後問價,8蚊!比本身預既10蚊仲平,所以就上左車,去到范老五附近既GH已經11點幾,住既係Duc Vuong Hotel,18蚊晚包早餐晚餐,環境比想像中好,仲因冇房upgrade由Mini Single去standard,但本身話包晚飯就cancel,同笑得好甜既靚女reception講左輪,佢offer左一日比我,所以就ok啦,基本上除左慳錢之外就係聽講依間野offer既dinner唔錯,所以要爭取食番餐

上到房原來係頂樓,心諗大獲了,外面就係花園同bar,雖然眼睇好靚,夜晚攪party我就會嘈死了,第日仲諗住join local tour去湄公河睇野,7點要到門口!!!

anyway,settle好野後就快快手去左一間比較出名既旅行社the sinh tourist報名,15蚊Cai Be Vinh Long 1day tour包車包lunch由7點玩到6點番范老五,算ok了

攪掂報名就去左第1站豪仕坊,依度係一個fd既推介,某情度我比多幾舊去埋越南都係因想去睇睇d舊野,就搭車去,依度係完全冇遊客既地方,我第1次親身體驗到車來車往完全過唔到馬路既情況,雖則我係香港已經成日亂過馬路,但依度既電單車實在太多,無從入手,所以就只好野野跟人過,方法原來係無視d車佢地會自行finetune行人既步速同方去,真係大開眼界

去左豪仕坊,係一般人家住既地方,雖然格局幾舊下但已油過晒所以比想像中公整,唔算太特別

之後行左去話遠唔遠話近唔近既Pho Le(錦麗牛肉河粉)食越南生牛河,去到都唔係好識講不過好彩一早影低左想食咩,show比伙記睇就有得食,嗌左個牛圓生牛河,台面有一大盤配菜同辣椒青檸等等,整體黎講辣辣地又夠味道,加埋飲野68000VN幾好食但其實唔算平

食飽後去左平西市場(Cho Binh Tay),去到有番少少遊客,入到去個頂幾特別,個market幾舊下而且好大好多貨本地人又多條路又窄,雖然好多鋪都已經關左但市場外就非常熱鬧,我最中意睇當地人既街市,充滿活力而且夠地道

見時間尚早,係market附近求其搵左間路邊茶檔飲下出名既越南咖啡(約2-3千vn),雖然知道d水可能個肚會頂唔順,但一時唔記得叫佢唔要冰唔要糖,算了照飲,有藥應該唔死得的,不過佢地真係中意偏甜,雖然我一直都唔食甜野但人去左外地就要適應當地人既習慣,所以照飲但其實都幾ok,d咖啡好好飲

坐多陣就番GH沖過涼食dinner,因之前睇過夜晚都幾雜所以冇諗住出夜街,但番到去沖過涼後落到canteen先知道要5點落order先有得食,算了,出去食,橫掂眼見條街又唔係咁靜而且好多人行黎行去仲有好多小食檔,出左去睇左陣又係食當地人既野(因飲左街邊ice coffee冇事所以就開始亂食野,如果有得揀,我最中意當地人食咩我就食咩,其實唔太中意遊客感太多既餐廳),係路邊指手畫腳食左個蛋加唔知咩肉同埋雞比既飯,因加左雞比所以就貴左少少,5萬vn,但幾好食,怪不知多當地人食,又飲左鮮榨庶汁(5千),但都係落糖,好飲但偏甜

係范老五同公園附近行左陣,可能冇咁發達既國家,市民好多時會去行下公園,所以都見d市民行黎行去又或者坐下涼下又見到有人玩踢毽,好利害咁,坐左陣睇左陣就番酒店了,因第日要6點9前到旅行社要早訓,番到去果然不出我所料,好嘈,出面係咁聖誕歌同有人行黎行去講野,攪到要戴住mp3個耳塞訓,嗯

To Part.02 - HCM & Cai Be/Vinh Long

<25/12/11 to 04/01/12>

Photo Link <<<<<<<<<<<<<<<<<

水浪窩camp2011

2011-12-18T22:30:00.003+08:00

水浪窩camp應該係最舒服既camp site,因為有車可以到而且都算近馬路,除左行上果條斜路比較吃力外,基本上非常方便而且地方亦算不錯

食過lunch係將軍澳買完野後3點零鐘到左營地,因比較晏左少少,所以最下一層已經冇左,要再紮上少少,不過地方大而且平地多還可以,食過tea後冇咩野做就訓番個晏覺,7點左右起身就燒野食,天氣唔算太凍但因打開左個camp入風,我個羽絨睡袋頂唔住,好彩仲有張裹屍布,應該冇咩問題,雖然有14-5度但outdoor就冇風ok一有風就凍果種,野食唔係預太多所以冇咩食剩野,仲有燒左個洋蔥,原來好甜好好食,下次可再試過,但炭呢就唔多得,都係惠康果重圓形炭好燒d

食到12點零就訓,執好野後玩左陣火花(用石頭掉落炭度),原來都幾靚下,嗯

第2朝8點幾比人嘈醒左,起身諗住用水點知水袋爆開左,要再落山羅水,發覺條斜路都真係幾斜下,食完早餐就走人,冬天早上天氣唔錯,陽光下曬下被曬下羽絨就真係一流了

<17&18/12/11>

Photo Link <<<<<<<<<<<

something about Florence and the Machine - Lungs

2011-12-17T01:43:00.003+08:00

雖知我聽歌一直都不太喜歡研究或者是聽歌詞,我喜歡只是某些對味的節奏意境或是感覺,但有次聽到一首florence and the machine的cover song.留意到唱者那種歇斯底里咬牙切齒的表現(她當然比Florence Welch誇張多了),所以就留心一下歌詞到底在攪什麼東西,原來她的歌詞非常有趣,某些是比較明顯但某些不明所以你只能自己領會,像極聽歌看戲,不一定人人的感受也一樣,她的歌詞就是黑暗暴力言之有物總之就是喜歡,試試從我的理解去嘗試說說她是什麼東西

Florence and the Machine - Lungs

Dog Days Are Over = 酗酒去逃避某些東西

Rabbit Heart (Raise It Up) = 吸毒者發展至年華老去,開始想究竟誰是利益者,想抗爭想脫離

I'm Not Calling You A Liar = 自我掙扎在愛上一個不應愛的人

Howl = 潛伏於男人當中的獸性

Kiss With A Fist = 充斥兩人之間不合常理的傷害但極為享受的快感

Girl with One Eye = 對情敵的仇恨及傷害

Drumming Song = 對愛慕者的爆發心情

Between Two Lungs = 快將死亡的愛情

Cosmic Love = 剛失戀的人在沉溺及起步逃離掙扎當中的心情

My Boy Builds Coffins = 一個不懂表達自己的悶蛋在默默努力他自己的藝術,極其自我中心之人

Hurricane Drunk = 發現第3者時的心情

Blinding = 家暴/愛情中的受害者差不多絕望的心情

You've Got The Love = 愛上一個不應愛上的人

p.s. 新碟還未有時間精力去留意歌詞even歌也只聽了一兩round.所以還未作出評價,哈

<14/11/11>

旺角砵蘭街 - 奇華閣咖啡餅店

2011-12-13T18:46:00.001+08:00

旺角砵蘭街 - 奇華閣咖啡餅店

最後番落旺角,去左砵蘭街奇華閣咖啡餅店,佢係一間舊式茶餐廳,果度有位於樓梯下既卡位,舊式既燈等等,我幾中意條樓梯,可惜因夜晚冇開到,有機會再幫襯睇下樓上係點既先,嗯

<11/12/11>

Photo Link <<<<<<<<<<<<<

民間生活館 - 「叮囑一百年- 電車故事展」

2011-12-12T18:39:00.002+08:00

民間生活館 - 「叮囑一百年- 電車故事展」

睇完飲食文化遊就番左去民間生活館睇岩岩先做既叮囑一百年- 電車故事展,展品有一大架仿電車,另有電車票,打孔機,路軌,最得意係由電車壓平既錢幣,佢用左d舊相放番落去依加既原址,之前上網都見過人咁做,個感覺幾得意

生活館其實我第1次入去,參加左咁多次function都未入過去真奇怪

<11/12/11>

Photo Link <<<<<<<<<<

灣仔 - 『惹味』遊街『Guide』 - 飲食文化遊

2011-12-12T00:24:00.009+08:00

灣仔 - 『惹味』遊街『Guide』 - 飲食文化遊

今次係民間生活館既『惹味』遊街『Guide』 - 飲食文化遊,首先介紹既係係文化館對開既車仔麵檔,出現係50年代,依加既檔口當然係已經冇左,再行左去比較遠既進教圍睇睇德如大牌檔,因今日係星期日所以冇開檔,開業係4-50年代,類似蘭芳圓既鐵皮式大牌檔,香港只剩番29個,80年代後已經冇再發牌,所以只會越黎越少,搵日去依度試試先

第3站係快樂餅店,位於皇后大道東,開業於70年代,好中意d古老式磚仔

第4站係船街既合源建築公司,依度係政府既2級建築物,後尾租左比人做私房菜,叫鴛鴦飯店,門口同樓梯都保持舊有既建築,可惜係好似好貴,無緣欣賞了

去到第5站係莊士頓道既和昌大押,建於1888年,去灣仔成日經過,後尾又係政府收購左,依加租左比2個食店,又係中價東西,地下有客人冇得入去睇,頂樓咁岩冇function,所以可以搭lift入去,牆身用左一隻舊船既木板建成,感覺比較古老,但除左頂同柱頭外都冇咩睇

第6站去左春園街既新景園,6-70年代開鋪,本身係交加利太原街,出名既係乾牛河,由大牌檔變身為入鋪,搬左去依加個地址,聽講野食仲保持到水準,所以都幾多人幫襯,星期日都唔洗開鋪(忘記左影相,哈)

第7站都係春園街既楊春雷涼茶鋪,專賣24味,唔講真係唔知已經有90年歷史,依加係第3代,香港依種既鋪真係唔多

再黎係前少少既金鳳茶餐廳,1954年開始做,原名金鳳冰室舊鋪係太原街,7-80年代先搬左去依加既地址,就咁睇都好多人,聽講係街坊式既招呼,所以冇咩service可言,出名係冰奶茶,不過好貴,我冇試到,導賞順手講左卡位既起緣,原來係因舊時既女士少出街食野,有個叫威靈頓既人定係威靈頓餐廳為左增加私隱就開左卡位,本身仲有布遮住後黎先得番d位,都幾有趣

再黎就出番莊士頓道同太原街交界既雙喜樓,開業係30年代結業係90年代,依加已經係kfc,果時樓下賣餅既,仲有張相睇到舊時賣粽係吊晒出黎,好得意,導賞又講左關於添茶打開蓋同手指點木台既故事,前者原來因一次意外,有個有錢人覺得隻雀太嘈,將佢掉左入茶壺度,點知伙記唔知入面有雀,加水就熱死左佢,引起打官私仲要賠錢,後黎有人就放d死雀入去想要酒樓賠錢,段以後黎就要打開個茶壺比伙記見到先添茶,哈,而手指點木台加水既故事係來自乾隆,有次下江南見倒水好得意,就要幫自己既下屬加水,下屬因唔方便叩頭,就用手指點點,後黎d人就開始咁做,有趣

前少少係龍門酒樓,開業於1949年,舊名龍鳳酒樓,後尾由其中一個老闆擁有改名做龍鳳酒樓,佢係第1間安冷氣既茶樓,結業係2009年,依個之前有印象見過.原來茶樓同酒樓係唔同既,茶樓就係飲茶,而酒樓就要羅酒牌後要黎夜晚擺酒,所以龍門茶樓改為酒樓

前少少既同一條街既敏如茶室,係比較平民化既茶樓,開業於30年代結業於80年代,係傳統既地茂式茶樓,而前少少依加大有商場位置既係英京大酒樓,睇相同保留左當時既彎型設計,開業於30年代結業於70年代,係當時最出名既酒樓,比較高尚,如果有喜宴就可能會係對面樓拉開掛起炮仗,相當熱鬧

最後係菲林明道同軒尼詩道角既新亞怪魚酒家,現即恆生銀行果個位(冇行過去影相),當然係第1間活水養魚池,所以食客可以見到d深水魚新鮮咁遊黎遊去,亦有美人魚潛水員裝飾,所以叫怪魚酒家

<11/12/11>

Photo Link <<<<<<<<<<<<<<

尖東月全蝕

2011-12-11T01:06:00.003+08:00

係尖東食完飯後走左去海旁睇月全蝕,時間係十點半但我仲未行到佢已經食左,抬頭望天只見紅紅地色既月亮(係camp都睇過紅月亮,不過果d應該係因為空氣差既折射形成),係人來人往既尖沙咀抬頭望天既人唔算多,但亦有人發現佢既存在,睇左陣就趕緊過海旁睇,始終彌敦道太多燈見到個月亮一定冇咁靚,過到海旁都有d拍友已經set好晒野係度拍緊,風未算好大但個天就非常之清,對面既海景亦不錯,係尖東都係第一次見到咁多星,北斗七星隱隱約約見到5粒,而且木星金星都非常清楚,月亮由朦變慢慢由邊走出光,親身睇係第一次,但因冇帶相機,只係雞手機影得相當之核突,但肉眼見已非常不錯,途中有架飛機飛得非常近個月亮所得出黎既效果非常之靚,當時海旁亦相當多人忍唔住發出歡呼,當月亮走番出黎時d海浪突然變得好大,原因係月光既引力,依d天文現象真有趣

<10/12/11>

大東山2011(18號屋) - Day 02(04Dec)

大東山2011(18號屋) - Day 02(04Dec)

2011-12-08T18:18:00.002+08:00

6點左右起左身出去睇日出,風都算幾大但colour不錯,可惜係有雲係中間出唔晒成個圓形

睇完日出訓多陣9點零起身食早餐,都係食面包火腿蛋焗豆咁,但生命面包呢就因變晒形要塊塊做下massage同物理治療咁先食得,哈

見有大把時間陽光又好就出左出面玩下啤牌,因風大都玩唔到咩game所以又係潛烏龜,懲罰呢就係assign工作例如洗碗掃地揹垃圾落山等等,最後我卒之輸左要揹垃圾,本來諗住落山食左d野會輕d卒之又係差唔多重量落山,唉,之後又玩下非洲話事啤彈下手咁,其實屋既草地對出好多人行山,我地坐晒係地玩人地望落都幾悠閒下,不過一班人係溫暖既陽光下玩下飲下野咁又真係唔錯既

到左12點左右就食lunch,因有專人負責,所以單單腸仔餐肉蛋都有幾款,加上今次食夜晚冇食過既烏冬,感覺唔錯,好過次次食肉丁面啦

2點幾就走人,又係行番南山去梅窩走,行左3個鐘6點幾去梅窩食晚飯,空檔時打電話搵司機(朋友早落山已call左台知道搵到我個電話),約好左第日係大嶼山羅番個電話,唔用買過個真好,一如以往食完野又係8點船走攪到10點幾先番家,嗯

Back to Day 01

<03&04/12/11>

Photo Link <<<<<<<<<<<

大東山2011(18號屋) - Day 01(03Dec)

2011-12-07T23:27:00.007+08:00

大東山2011(18號屋) - Day 01(03Dec)

又係一年一度既大東山之旅,今年住既係最好環境既18號屋,實在太愛依間屋個天窗了

因一早已分配晒各人買野既關係,唔用係東涌浪費時間同挨貴野,10點左右食好晒早餐就搭的士去八公拗上山了,但我唔小心留低左個電話係的士車尾箱,同台聯絡左留低電話但上山時又唔係收得好好,加上我做好心理準備會搵唔番個電話,朋友非常開心地要我投入iphone行列一齊用whatsapp,依個當然就唔係好想啦,我成日跌電話落地,iphone應該好易比我跌死而且我最憎咁死大部電話,唉,總之就煩啦

不過雖然有d唔好既事情發生左,但天氣呢就非常之好,個天好藍但冇咩雲所以就冇我第一次上山時咁靚但都非常不錯,上左一定高度過左d烏糟空氣之後仲第一次望得非常之遠,之前只係望到2-3個島但今次冇霧外仲可以望到對開4-5個島,而且烏糟空氣同藍天對比非常明顯,有趣

係小山坡休息左陣又玩左陣大字型訓草地後,雖然爭d曬死,但一大班人無無聊聊灘晒係草地上影相又真係幾好玩

上到大東已經2個鐘度,因冇霧景色非常開揚,望真d仲見到三支香同icc,嘩,望得咁遠真係嚇一跳,清成咁夜晚應該睇到星了

入到屋保養得非常不錯,但牆就比爛頭營義工團寫左一堆字叫人點做點做,幅牆冇再白雪雪真係有可惜,但廁所就非常乾淨,依間屋真係首選

因今次我羅雞蛋同麵包,壓力非常之大,好彩unpack後雞蛋冇事只係生命麵包好似經過車禍咁再冇生命之外其他還ok.食過熱狗就出發行天池,一出門口陽光非常好,影左一堆相後就開始出發,貓草生得好高,加上隻腳好番冇幾耐而且就快去旅行,所以行得極之小心,攪到行行下影影下相就甩左大隊,入左叢林入面,有d草仲高過人,加上落斜行得都幾辛苦下

到左天池清水加上藍天同金黃色既山波非常之和諧,玩左陣草龍(今次唔多見和味龍,唔知係比草龍食晒定喱埋左)影左陣相就走人睇日落了,日落一如想像有幾種色加下望到一堆島嶼,很好,係屋外坐左陣傾左陣就天黑了,氣溫比上年凍但還可以,只係有時風大左少少,但未至於要入屋避冷咁緊要,所以我地係戶外既時間仲算多

打邊爐呢就最方便,9個人買左5磅肥牛,羅出黎果時成舊磚咁真係嚇死人,都唔知食唔食得晒

因氣壓問題水唔係太易燒滾,打邊爐呢就真比d耐性,所以食食下就羅左副牌出黎玩潛鳥龜,罰呢就一定有既,第1個就係出去浸冰水10秒仲要唔比抹手一分鐘,雖然天氣唔算太凍,不過應該都係10度左右,所以玩時我地都笑得好開心,第2個game就係輸左要入廁所開窗(因岩岩有人痾完屎既關係,加上廁所窗係要係出面加入面一齊先開到,所以就有人諗左個個變態懲罰出黎),好彩唔係我輸,哈,之後既就係洗碗呀咁,都唔係我,我卒之都唔洗洗碗了,真開心

食晒野洗好碗就出去睇星,月亮走左天還算幾清,但就冇我第1次去滿天都係咁多,但上次因太凍所以睇左陣就要入屋,今次呢唔算太凍所以可以睇多陣影多陣相

因有幾個人都唔係幾舒服所以12點度就訓覺,第2日睇日出所以我都早d訓,之前次次都訓死左都未試過大東山睇日出,希望今次可以見日出啦

To Day 02

<03&04/12/11>

Photo Link <<<<<<<<<<<

台中,奧萬大,清境,合歡山,桃園老街 2011-11-24to28 - Part.05(28Nov)

2011-12-06T18:09:00.001+08:00

28 Nov 2011 Sat 台北,桃園,香港 Sunny day

因唔中意買野既關係,一早一條友7點幾起身搭8點正自強號去桃園,去到桃園就半個鐘搭的士到第1站大溪老街睇下舊街舊牌坊,因車唔易搵既關係,同司機講好行程答應喂錶收錢所以confirm左2個鐘後接番我

因為係星期一既關係,去到大溪老街都冇咩人,首先到左和平路,之後就轉左入中央路,依度係街市,好熱鬧,求其搵左d野食就開始繼續行,行行下去左中山路(亦即係新南老街),d舊牌坊d舊建築仍然保留得唔錯,我覺中山路商業味少d,而且圓形既建成商行非常搶眼不錯

行左陣去番番左和平路睇下野,食下野,食左光餅又食左奶油餅,人比之前多左d,但都叫做行得好舒服,之前聽司機講,假日好多人,好彩我撞唔正

去左福仁宮,都算幾大而且幾多野睇,再去左中正公園陀螺大溪橋大慶洞等等,大溪橋下既河加埋d排列特別既石非常正,行行下已經過晒鐘,最後約司機12點幾係番和平路等,當中等佢既途中入左間古舊既鋪頭食左個豆花,天氣非常好但又真係好熱

同左半個鐘去到第2站三峽老街,依度比大溪老街簡單,只有一條民權街,一整條舊牌坊都算幾壯觀而且行得比較方便,去左德福宮,興隆宮同清水祖師廟,又係幾靚同幾多野睇,我其實都幾中意睇廟,特別係門神,哈

係民權街睇左老製茶山房,食左康喜軒牛角雪榚又食埋仙人掌口味既雪條,基本上都飽晒唔洗點食午餐,差唔多3點就出發去機場了,總共用左1300蚊,比想像中既1500蚊平,睇左舊街又咁岩一個大藍天,算係唔錯了

Back To Part.01

<24/11to28/11/11>

Photo Link <<<<<<<<<<<<<<<

台中,奧萬大,清境,合歡山,桃園老街 2011-11-24to28 - Part.04(27Nov)

2011-12-05T18:07:00.002+08:00

27 Nov 2011 Sat 合歡山,埔里,台中,台北 Rainy day

一早起身仍然好大雨下,D雲仲好厚,應該冇咩機會睇到日出,所以都係訓多陣算了

9點起身食完早餐見雨細左就出去行下,3度幾可以冇咩風所以都唔算太凍,但就好大霧好多野都睇唔清,有另一個感覺,之後D霧就見下唔見下,所以山又睇清左少少,仲停埋雨添,感覺都算唔錯

11點幾check out完司機黎到接我地走,天氣都唔算太好,但叫做冇咩雨落,落山時因咁岩係星期日,一路見好多人查車上山,落到去萬大水庫開始散左d霧,但都係冇上山時咁好天色,所以水庫d色冇咁靚lu

開車落到去埔里要成2個鐘,去到已經1點,因天氣一般而且要趕番台北食飯,所以只係去左南投紙教堂skip左廣興紙寮同埔里酒廠,因未係肚餓加上撞正12年一次既埔里清醮,整個埔里都係食齋,所以只係係紙教堂度求其食左個包就算,諗住去台中食台鐵便當好了.間紙教堂真係流流地(聽講日落先靚),不過佢出面既稻田唔錯,影落幾靚

去到台中烏日站咁岩係清明上河圖展出,所以塞左少少車而且高鐵站好多人,幾班車都full左,食完個便當後(我唔中意佢膠盒既包裝,都係中意佢舊紙盒整張粉紅色紙巾可愛)

番到去台北已經5點幾,咁岩係magic hour,個天非常靚,而且仲有條大彩虹,都算粗所以出到好多色,係西門町見到都算有緣了

夜晚行左陣就去天母區既金蓬萊食台菜,野食真係唔錯,仲要幾大碟價錢又唔算貴,幾好,之後行左陣誠品(本身係我想買書但最後係我本書賣晒而fd就左一袋又右一袋,哈)就番酒店了,張床係king size,成間房比佢霸左3分2,我一邊睇相個fd係另一邊上網真係完全好似隔左成間房咁,真係好大張床,哈

To Part.05 - 台北,桃園,香港

<24/11to28/11/11>

Photo Link <<<<<<<<<<<<<

台中,奧萬大,清境,合歡山,桃園老街 2011-11-24to28 - Part.03(26Nov)

2011-12-04T10:18:00.001+08:00

26 Nov 2011 Fri 清境,武嶺,合歡山 Cloudy day

一早起身諗住睇日出,民宿條友明明話房個方向岩可睇日出,但等左陣覺唔對路出左門口睇,不來係另一邊,即刻行出去馬路睇,只見少少日出既光之後就可能雲厚既關係睇唔到了

影左陣就番房訓8點先起身出去食早餐,但唔多野食,所以我主力都係食番麵包同沙津

番房執好野就出發去清清草原睇綿羊,買左d糧比佢地食摸佢野d毛好厚,怪不知唔怕凍了,表演尚算ok我地仲執左d毛影下相咁,之後我就同d fd失散左,所以自己行自己,行晒上中下路去埋睇馬表演(都幾悶),睇左陣仲落雨,所以走人,咁就撞番其他fd一齊出發向前行去紙箱王食野

係出左清清草原度食左個生蒜山豬肉腸,非常好食,途中見到d爬虫同兔仔放係度比人睇,又睇到少少紅/黃葉,行前少少又食左煎餅,百香果(依個好正,多汁酸酸地愛上了),仲見到當歸菜(聞落真係當歸味),仲有好大棵既高麗菜

去到紙箱王比台中果間大,多少少紙製品,但野都係唔多好食,不過附近真係冇咩好食所以將就下

開始出發上合歡山,當中會經左武嶺先,雖然只係1個鐘車程,但車路比想像中吸引,山連山又有雲又有霧,而且非常非常之高,又見古木松樹等等,單單依程車就值回票價,但因有朋友有高山反應,所以我順手搶左個車頭位置,所以睇多好多野同影左d相,哈

去到武嶺有3275尺高,加上雨又大風,好凍,丫途中仲見有人踏單車,又有人去camp,佢地應該都幾辛苦下

去到松雪樓已經差唔多天黑,司機車左我地去尖山前少少睇雲海,好正,可想而知如果日出時加上雲海會變成點,非常期望第2朝日出時行去睇(因我地住松雪樓,所以行出去非常方便),我地可以揀行上尖山睇又或者係同一個馬路邊睇,但望上尖山條路都幾直下而且又濕滑,加上天黑應該都幾危險下,所以多數係馬路邊睇算了,個位其實真係唔差,司機先生張1000分既日出就係同一地點影,嗯

入到房個view非常好,對正山又有雲海,而且依度比滑雪山莊方便,樓下已經有野食,唔洗行10幾分鐘上黎食,怪不知得咁難book房啦,影左陣相另一個fd又有少少高山反應,叫佢訓左陣先去食dinner,好彩訓左半個鐘已經好番了,可能又車又走黎走去先有高山反應,本身4000以下應該唔會有的,嗯

晚飯都叫做食下西餐,3千幾尺都有得order下野都算唔錯,雖然之前尼泊爾都係咁,但有得食都可以,傾下計食下野fd突然講又落雨又大風又凍,加上松雪樓9點後所有工作人員都會離開走另一座buliding度,就忽發其想話好似金田一咁feel,如果山路封左一班人被困又幾似既,哈

食完野沖完涼仲好早所以就走晒黎我地間房傾下計食下野咁,丫,薯片因氣壓問題上山途中3包已經爆開左2包了,但食落又唔覺林,嗯,岩岩係金馬獎,所以一班人就係3千幾尺既松雪樓睇電視睇到11點幾,幾過癮

但天太厚雲睇唔到星,仲有時落下雨咁,睇黎第2朝都唔大機會有日出睇了

To Part.04 - 合歡山,埔里,台中,台北

<24/11to28/11/11>

Photo Link <<<<<<<<<<<<<<

台中,奧萬大,清境,合歡山,桃園老街 2011-11-24to28 - Part.02(25Nov)

2011-12-03T10:03:00.003+08:00

25 Nov 2011 Fri 台中,霧社,奧萬大,清境 Sunny day

台中車站 - 好古舊,差唔多100年歷史,係台灣仲用緊最舊既車站,入面有個小小既展覽地放左d舊既火車野,而旁邊既行李房都好舊下,好似舊式游泳池放袋既地方差唔多,但有個先進少少既借書櫃,但有休息時間,哈

20號倉庫 - 車站旁邊既藝術地方,但時間太早冇咩野睇,地方唔太大而且D作品聽講流流地

台中第2市場 - 又係過百年既舊街市,見好多街坊食緊野,比較多傳統野食,不過太油我頂唔順,魯肉飯朋友極力推介,不過咁岩冇開,哈,另有幾檔抆緊豬毛,原來係賣緊黑毛豬,真特別

買左幾個包食過味道好好既饅頭就出發去霧社,去到司機請我地食左個夾心豆干辣辣地非常好食,不過如果唔中意食芫荽陣味就應該唔岩,但講真真係好食,連佢地唔食得辣都覺得非常正,係SEVEN買左D野後就開始上奧萬大,中間順手走左去莫那魯道紀念碑影左幾張相,亦即係岩岩做緊果套賽德克巴萊發生霧社事件既起源地

之後出發上山去奧萬大,中途經過萬大水庫,d水加倒影非常靚,但中途冇停車好難影,之後上高少少停低左影相,但景就真係冇咁靚了,對上有間別墅,真識揀地方,上到去冇咩紅葉,司機話天氣太熱而且又落左幾日雨,係岩岩先至叫做停雨但葉唔係未變色就係比雨打到落晒地,所以紅葉好少,行左兩個鐘度去左奧萬大大橋非常長但都叫穩陣,行番轉頭一直都好好天,司機比我地睇3月既相好多紅葉又見合歡山既七彩色日出,非常非常靚

因要接另外朋友,要番落霧社,我地又食多左個豆干之後朋友就到,但因時間問題,去到日落已差唔多完,只岩岩見得切magic hour尾聲,還算見到佢一面,入到黃慶果園民宿感覺唔錯但因有天窗既房只有一間,所以猜拳決定,哈,我地住左係另一間全木既屋入面,好大,感覺係加拿大澳洲果類山上既屋,不錯

settle好d野後就出發去食魯媽媽雲南擺夷料理,野食唔錯但外表就係一間歐洲式建築,有d唔多夾咁.哈,係等車途中,見到都幾多星,可能因有光既原因所以唔多清,之後過左去seven入貨,d薯片只氣壓既關係,係二千幾既高度脹卜卜好得意

番到民宿出左去影星,天氣都算凍,好似得5-6度,但天仍然唔多清,所以一般

To Part.03 - 清境,武嶺,合歡山

<24/11to28/11/11>

Photo Link <<<<<<<<<<<<<<<

台中,奧萬大,清境,合歡山,桃園老街 2011-11-24to28 - Part.01(24Nov)

2011-12-02T21:51:00.005+08:00

24 Nov 2011 Thu 台中 Sunny day

台北台中兩個半小時倦死,去到Hotel inn express已3點,不過間野對正公園幾好view

去左五權西四街既桃花源tea,本來唔係依間,不過想食果間休左午市,所以去左桃花源,可能係食tea既地方,d人講解好詳細up得又慢,我地趕時間又肚餓,攪一輪先落完order,原來咁多人有選擇困難症,anyway,幾好食,不過間野其實唔算太平,但tea可接受

去到彩虹眷村已經係黃昏,之前去過所以畫興趣不大反而對個天大興趣d,d樹光禿禿幾靚

未夠時間食野去左勤美誠品,咁岩撞正川島小鳥-未來ちゃん展,個細路好多表情,神態捕捉同光暗位幾好,難拍

7點幾去左鼎王,人頭湧湧,朋友極力推薦,叫左酸菜麻辣鴛鴦鍋,鴨血豆腐無限添,所以嗌左幾個就好了,牛肉,油條,豬肚,高麗菜等等,果真不錯

最後有人見倦,所以只係去左一中街夜市,隨意走,食左個臭豆腐,聽講人好多但去到人還可,幾似香港既臭豆腐,加泡菜一齊食,好味

To Part.02 - 台中,霧社,奧萬大,清境

<24/11to28/11/11>

Photo Link <<<<<<<<<<<<<<<<

同珍,救世軍葵涌隊,東海大廈&業成街16-18號

2011-11-21T18:46:00.001+08:00

貳零壹壹年拾壹月拾叄號Part.03 - 同珍,救世軍葵涌隊,東海大廈&業成街16-18號

行完葵涌公立學校見仲有時間,行埋同珍,救世軍葵涌隊,東海大廈,業成街16-18號

救世軍係同珍附近,又係個山頭上面,之前從未行過上去,間屋起係1955年但都保養得幾好,平時真係冇見過人夜晚亦唔見燈,可能只係用黎放野,不過環境真係非常之好

另東海大廈就一直覺得好靚,條街個感覺好古舊,有時朝早冇咩人加埋朦朦地個感覺都唔錯

最後上左去業成街,番工時見到成座又舊又爛,成日都想上去睇,但門就鎖晒雖然最後搵到地方入去但因時間唔早亦感覺可能有人,所以冇入到去,下次準備好少少先入去睇睇,雖然都應該冇咩特別

Back to Part 01

<13/11/11>

Photo Link <<<<<<<<<<

葵涌公立學校

2011-11-21T18:41:00.002+08:00

貳零壹壹年拾壹月拾叄號Part.02 - 葵涌公立學校

上晝去完灣仔行山就番屋企,但因之前放工時行過一間荒廢既學校發現門鎖開左,知道可以上到去睇睇,所以行完山就上去睇睇,知道依間學校都有一段時間但因一直都上唔到去而佢係一山仔上面,所以一直都望唔到覺得有d神秘,但唔知上面有冇人/狗,上去時都小心翼翼,仲執左支竹先上去,打狗都有d用

學校名叫葵涌公立學校,上去前先到後門睇睇,見有度綱門,好新淨有條樓梯可上去但上左鎖,所以係正門斜路上,去到上面d樹都生得幾大幾靚,而門口比較古舊,原來係1952年既學校,入到去係平房式建築,首先入左走廊兩旁既課室,一地都係垃圾但冇咩特別,之後行左一堆課室,屋頂應該唔係本身既可能本身已經爛晒,可能修建緊但唔知依度想整咩,睇壁佈都唔係荒廢左唔算太耐,仲有07年既痕跡,anyway,之後行左去山邊,見到好耐冇見既跳飛機,仲有3款咁多,幾得意

行晒課室後就去左球場,見到石乒乓台,應該都有番咁上下歷史,球場盡頭係一個好似台既東西,放左依間學校既董事捐款人等等

另外仲有一間房仔同埋樓梯下就係廁所,見冇咩睇就走人了

To Part 03

<13/11/11>

Photo Link<<<<<<<<<<<

灣仔大靠山尋寶之旅&姻緣石

2011-11-20T16:21:00.007+08:00

貳零壹壹年拾壹月拾叄號Part.01 - 灣仔大靠山尋寶之旅&姻緣石

又參加左灣仔民間生活館,今次係上山尋寶,講真真係去過灣仔咁多次未上過山,原來環境都唔錯,係石水渠街北帝廟附近開始行上山,我又係唔知果度原來有間廟,anyway,首先見到一棵古樹"大葉榕"樹根非常利害,一直係伸延到樓梯底,之後行左上去堅尼地道,見到又有個防空洞,講起先知原來除左個入口外附近仲有一兩座建築物,係要黎比地道通風,另再上少少去到肇輝臺又見到另一棵大榕樹,d根都幾靚

再上就係真正既尋寶,有好多種分別係鯨口蕨,之後就有海金沙,山大刀(又名Wild Coffee),蜈蚣蕨(可治蜈蚣咬),馬櫻丹(又名五色草/花,臭草味可治香港腳),鯨口蕨(又名扣葉可造紙),假馬邊草,銀合歡(破壞生態植物),缺葉藤,大頭茶(又名天眼花),鴨腳木(24味其中一種材料,枝可做火柴),青果榕(又名無花果,經榕小蜂傳播)等等,有人講解真好

再行前少少就見地衣,之前行山都見過,知道要好好空氣先生存到,不過原來有3種,分別係葉地衣(由海藻加菌而成),殼地衣,仲有第3種地衣,但除空氣好先生存之外,佢地要100年才生到1mm,咁係香港黎講比較珍貴.再行就見露兜樹(又名假菠蘿,可用作金絲貓既葉)

之後見到馬場,就講場左關於快活谷既故事(原來係有位將軍死左所葬之地,所以叫快活谷),仲有大石鼓(舊時馬場窮人睇馬坐的地方)同埋附近既墳場,中途行過舊時石屋既樓梯,仲隱約可見

我地行番轉頭上左姻緣石,原來都幾靚,真係幾似一個人係度求神,嗯

落番樓梯之後就再睇草,係寶雲道向馬已仙峽道方向行,見到石葉藤,假芋(唔可以食而且有人摸到會痕,而葉倒轉葉面有毛則真芋,可食),扇葉鐵線蕨(摸落葉面如砂紙而枝硬得似鐵線),散美葵,?粉羊蹄甲(粉紅色可由果實傳播種子,而另一種紫色沒果實要接枝才可生長,即洋紫荊),石栗樹,印度橡樹同台灣相思等等

雖然只係行左2至3個鐘,但收獲豐富,一直都想多認識山草,但知得太少,所以今次join左依個function,非常不錯

To Part 02

<13/11/11>

Photo Link <<<<<<<<<<<

金福南殺人事件始末

2011-11-20T01:40:00.002+08:00

~~김복남 살인사건의 전말(Bedevilled,金福南殺人事件始末) - [2010]~~

金基德助導張哲洙的處女作,雖然拍得不夠細緻而且有bug但沉重無奈感仍很重,想不到韓片也有令我看得像盲山一樣的感覺,整個故事的人物性格營造鮮明而且女角的表現出色,由天真開朗因女兒因朋友而崩潰,可憐女子的一生,另此片某些隱喻鏡頭拍得不錯,整個故事令人不安而難受但亦印象難忘,算是很不錯的處女作

<19/11/11>

~~I Pugni in Tasca(Fists In The Pocket,口袋里的拳頭) - [1965]~~

I Pugni in Tasca

2011-11-19T02:24:00.002+08:00

看時一家人的格局令我想起不一樣的天空,也是充滿重担壓力但此片就沒不一樣的善良無奈反而是充滿乖戾瘋狂殘忍的感覺,當中看不到一丁點親情只有不滿開脫感,滿有邪惡蕭瑟之氣氛,可怕的沉默窒息感

<18/11/11>

The Woman

2011-11-18T00:13:00.003+08:00

~~The Woman(野蠻女人) - [2011]~~

Dogtooth一樣的古怪家庭,但就沒有保護而是肆虐,也是以獸性和人類文明作比較,有時人和獸的行為有點難分,這片就提出這個例子,而且加上男權與女權的鬥爭,雖然接觸面不夠深入但血腥殘忍帶點邪惡變態還可一看

<17/11/11>

Aurore

2011-11-17T21:35:00.002+08:00

~~Aurore(晨曦中的女孩) - [2005]~~

因是真實事件改篇,所以故事性一般,但就拍出令人心寒的真實及無奈,我相信每天也有同類的事情發生,也有同類的沉默視而不見也有同類的滿口仁義道德實際連人基本的良知也沒有的人,故此有時需要的時候就立馬站出來,不然就淪為一個助紂為虐之人而且追悔莫及

<17/11/11>

~~Pink Flamingos(粉紅色的火烈鳥) - [1972]~~

Pink Flamingos

2011-11-17T01:11:00.003+08:00

之前看過John Waters的female trouble很喜歡當中的瘋狂以及極其騎呢的處理,但看回他之前極出名的pink flamingos真是有點受不了,雖知他很喜歡挑戰人類的審美觀但這片明顯太亂來,一個爛故事一堆爛爆演技一連串核突肉麻當有趣的對白,很是挑戰觀者之忍耐力及容忍度,極有反枱拍爆電視的沖動,一整班精神病患者做著種種最爛最劣的行為,加上這片東拉西扯跳躍非常一整個爛溶溶的感覺,是想將最爛的放在一起然後做出化學反應還是想殺出血路嗎?很難想像john waters當時的動機及思想,還有一點,這片我一直看他就一直交結我腦中最極端的東西,例如hey你母子情深就亂倫給我看,okok,我看到了,hey,你說什麼終極污穢就來個2girls1cup我看,okok,雖然沒那麼精彩但吃了新鮮狗屎,真是想什麼就有什麼實在太豈有此理,到這刻我認我輸了

雖則後來家事法庭我開始有點明白導演在咆哮什麼,但整體沒female trouble完整及好看,雖然這片這仍可找到某些攪笑情節但我還是喜歡female trouble多點

<16/11/11>

~~食堂かたつむり(Katatsumuri,蝸牛餐廳) - [2010]~~

Kick-Ass

2011-11-16T21:34:00.004+08:00

~~Kick-Ass(勁揪俠) - [2010]~~

節奏非常快故事非常爽的電影,而且幽默,自嘲及反諷的情節不錯,加上漫畫性強增加各主角的特性及滑稽怪異感但不失人性化,Hit Girl戲做得非常不錯,面具前後的處理很老成,而且此片帶著極多其他電影的影子,隨意也可列出例如leon,kill-bill,batman等等,而且玩樂成份極高,基本上沒什多餘場面只是解釋big daddy報復原因有點走回公式俗套,其餘完全沒什麼問題的流暢爽快一氣呵成,大膽而有能力的編及導,不錯

<15/11/11>

Photo Link

蝸牛餐廳

2011-11-15T22:23:00.002+08:00

開初很難投入的日片,首先是故事太急進而且過於奇幻/童話化,沒什鋪排就一次過推出一連串說故事加上女角柴崎幸外表太有性格太醒目,更難令人投入故事.之後的煮食場面更令我想起A Touch of Spice或Nina's Heavenly Delights,總是外面的光投射在黑暗的廚房,香料起了魔術的變化等等,令我對此片更有保留,後來雖然有所改善變得比較順暢帶點點溫馨,但當中仍有怪怪的處理,總括而言除了畫美優美外只是很一般的電影

<14/11/11>

Catfish

2011-11-13T02:50:00.001+08:00

~~Catfish(非識不可) - [2010]~~

一部和我們很貼身的故事,首先忘記它是否真正的Documentary,它所帶出的故事及問題足夠我們去體會深思,你會在看片途中發現一大堆身邊的東西,例如FB,Youtube,iphone,GPS,Google Map & Google Earth etc,通過電腦上我們熟悉的搜索模式發現一個開初有趣後來殘酷的故事,所以往往說出想像是美好而現實是殘酷的,這片就作出一個相當直接的示範

<12/11/11>

Rewers

2011-11-12T23:23:00.002+08:00

~~Rewers(Reverse,顛倒黑白) - [2009]~~

大部分時間相當平淡的波蘭電影,故事可分兩部分,前段是一個怪怪女子的吞金故事,代表著波蘭革命軍失敗後忍氣吞聲的故事,相當的冗長而平淡,後半部是這個革命家庭的起動,在前半部平民一樣一邊擔驚受怕一邊為著女兒的終身大事嘮嘮叨叨的她們,因身邊來了一位有所意圖之人而爆發革命軍之專長,故事亦變得比較奇情而荒誕,配樂和女角一樣在平淡中突然而起怪怪的節奏,而我頗喜歡電影中的鏡頭及燈光處理,非常不錯,可能我對波蘭歷史認識不深,有點難以理解當中的感覺

<12/11/11>

~~I Spit On Your Grave(我唾棄你的墳墓) - [1978]~~

I Spit On Your Grave

2011-11-12T20:03:00.006+08:00

1978年低成本制作,某情度來說有點不合情理為做而做,手法及人物看時令我想起港產的山狗,相信當年參考的地方相當不少,哈

anyway,講明這是低成本製作,所以我將眼光放在其他地方,例如當中的強暴戲碼相當真實,而且女角的尖叫聲相當頻密而吵耳,以免隔鄰以為我在看什麼片子,所以我將音量盡量收細一點,當中比較出色是對比手法,以平靜對狂暴,加上一整套是以貓捉老鼠一捉一放的手法,某情度顯出人類的獸性行為,而且象徵手法代替言語的場口亦不少,增加了此片的可觀性,最後是女角的外貌亦增加了說服力,我看的是101分鐘的director cut,一前一後的opening & ending也異常簡潔,很有b級片的raw味

話雖如此但我仍覺得對比手法它沒The Last House On The Left那麼狠而深層次

<12/11/11>

Ober

2011-11-11T21:38:00.004+08:00

~~Ober(服務生之死) - [2006]~~

荒誕的黑色喜劇,故事架構及劇情也很攪笑,兩組人的互動對白也很抵死幽默,另一層面看這也可以當作是人類對造物者的抱怨及抗議,自篇自導自演的男角表現也相當出色,值得一看的消閒電影

<11/11/11>

Frozen River

2011-11-11T02:13:00.003+08:00

~~Frozen River(冰河劫) - [2008]~~

又是冰天雪地接近死寂為生活而掙扎的電影,近來看過的有Curling和Winter's Bone,這次發生在美國及加拿大的交界,一河之隔因冬天河流結冰而帶來此故事,電影中各人為生活為心中所想如屐薄冰挺而走險,故事節奏極慢而且極少高低起伏但每每為生活步步為營與危險為伍,而且故事背後的含意亦不少,種族,法制,信仰,準則,貧窮,歧視等等比比皆是,相信美國人看會更易領會,女角相當自然的演技尤為出色,作為一部獨立電影已相當不錯

<10/11/11>

~~The Last Hangman(Pierrepoint,最後的絞刑師) - [2005]~~

The Last Hangman

2011-11-10T22:43:00.001+08:00

比較特別的題材,真人真事講述英國一位相當出色絞刑師的工作及所發生的事,故事比較沉實而且開初人物性格描寫貌似不足,後來才發覺是將整個故事代入主角們的心理狀況之中,越後就越發覺真性情顯露,值得一看的英國電影

<10/11/11>

Tremors

2011-11-10T01:25:00.001+08:00

~~Tremors(深淵異形) - [1990]~~

有趣而且娛樂性豐富的電影,兩位男角有趣的對白及互動很攪笑,和怪獸鬥智鬥力層出不窮的點子也很笑點,雖然有點粗糙但全片還算緊張而流暢,不錯

<09/11/11>

一頁台北

2011-11-09T23:29:00.000+08:00

~~一頁台北(Au Revoir Taipei) - [2010]~~

溫馨的小品故事,故事發生在台北的一夜,人很傻但亦很熱鬧,台北景點包上點點歐洲情調的輕鬆愛情故事,感覺清新而討好,還不錯

<09/11/11>

~~Wilbur Wants to Kill Himself‏(二手書之戀) - [2002]~~

Wilbur Wants to Kill Himself

2011-11-09T21:08:00.002+08:00

介乎於輕鬆與沉重間的黑色喜劇,故事,對白以及人與人之間的交流異常直接而幽默,而且感情相當真摯,弟弟否定所有東西以及自己的生命,哥哥在責任重擔下喘息,女角在生活迫人中掙扎,即使女兒看似天真幸福但思想亦相當成熟,各人生活在鬱悶及抑壓當中,生活得極不愉快,透過真摯的感情精景的對白及不溫不火控制得宜的步伐展現現實的無奈,相當不錯的電影

<09/11/11>

Dog Pound

2011-11-09T00:46:00.002+08:00

~~Dog Pound(狗池) - [2010]~~

比較平實的去講一個故事,感覺上是電視劇那類的感覺,雖然起初給的感覺是頗陽光(差點以為是勵志電影),中後段才放手一次過投下殘酷及悲涼的色調,少年的憤怒和攻擊成為當中的契機,anyway,歌及演員也很不錯

<08/11/11>

~~ロボゲイシャ(Robo Geisha,機器人藝妓) - [2009]~~

Robo Geisha

2011-11-08T21:51:00.002+08:00

雖然自問接納及包容性已很不錯,但這片總是令人有吐血之感,全片以卡通式誇張手法拍攝帶點亂來但又沒一點爽及痛快感覺,像極電視裡的鬧劇一般而且還有很多醜女夾雜久不久過鏡的三點式胖女子oh no!真是令人看得頭痛連連,中尾段雖然已全然淪為特攝片,但反而找到數個笑點,雖然如此但救不了整套片,唉.這是什麼來的,救命

<08/11/11>

飢渴誘罪

2011-11-08T00:12:00.002+08:00

~~박쥐(Thirst,飢渴誘罪) - [2009]~~

很古怪的一套韓片,朴贊郁加上宋康昊基本上畫面鏡頭及故事不會太差,這片女角亦一貫的吸引,但我覺她戲做得一般,不知是角色問題還是本身的發揮,總是有點太嫩的感覺,故事就怪得來有點雜亂,我覺得看此片不用太深究當中導演想表達什麼,總之就當是灰暗而帶點悽美的愛情片來看就是了,雖然有點亂但其實內容豐富還滿好看,哈

<07/11/11>

~~フィッシュストーリー(一首punk歌救地球,Fish Story) - [2009]~~

一首punk歌救地球

2011-11-07T02:19:00.002+08:00

有趣的故事,數個段落由不同年代組成,故事圍繞末日,拯救,英雄及一首歌而周旋,蝴蝶效應的故事,連接得洒脫利落,歌也不錯,可以一看

<07/11/11>

骨肉同謀

2011-11-06T23:30:00.004+08:00

~~마더(骨肉同謀,Mother) - [2009]~~

故事性頗強的劇情片,講述傻子兒子及勞力母親的故事,由一宗殺人事件而起,兒子能力有限處處受制母親著力東奔西走幫兒子翻案,勞心勞力的去查証,氣氛營造及懸疑感還算不錯,而且當中母親的勞盡氣力及不屈不撓的精神很明顯,後來的掙扎亦絲絲入扣,女角的演技應記一功,還不錯的韓片

<06/11/11>

貳零壹壹年拾壹月伍號 - 紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈

紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈 Part.02

2011-11-06T19:28:00.007+08:00

Part.02

最後見只係3點幾,仲有時間,就即刻搭地鐵去油塘茶果嶺道影相,依度都係我講好耐想去影相既地方,有次行山時經過見好多好舊既建設物,破破落落,感覺不錯,話去影去影,卒之又係咁多年之後,好彩仲未拆晒,而且已經搬走晒,應該冇晒人係度做回收木廠之類既東西

首先入左最搶眼既裕大木行同浩昌木廠,浩昌木廠旁邊仲有人,不過見有狗唔係行到好入,唔知佢地做緊咩生意,後黎入左去旁邊既裕大木行,佢有2座buliding,一座樓底好高,見到盡頭有人釣緊魚,我就行左入去旁邊細細座既樓,我估應該係辦公室既地方,樓高3層,感覺破落,因唔知有冇人係上面,所以上去時都盡量細聲行,諗住有人就即跑走,上到去有一個類似廳既東西,有張床同地下有床舖,應該係d人夜晚要黎訓既,所以都仍好小心咁慢慢行入房,去到房後窗其實已經封左不過比人拆開少少,所以有d透光不過其實都幾黑,之後再上左3樓,一邊係窗望番出去木廠既景同埋遠少少既燦記回收,另一邊係天台,不過已經生晒草,見冇咩特別而且怕有蛇,所以望左兩眼就走人了

落番去就出左去隔離既燦記回收,感覺上好似有人又好似冇人,為左避免比狗追,所以都係路過影下相算,不過佢座buliding其實都幾大,位於馬路既彎位上,而且頂樓又生左成棵樹出黎加埋個太陽都望落都幾靚

一直行經過柏堅維修廠,全記,三和,全記已經係停車場而三和有工人係入面整緊野,所以就去左柏堅維修廠,開頭見有人所以都冇入去,行番轉頭見d人係釣魚人,所以就入左去影下相,原來入面都幾大,有好多graffiti同1d相既東西,藝術野掛,影左陣就行埋海邊睇睇,不來就快日落,景色不錯

上左去1樓,d牆甩晒油一間一間房,好似biohazard既感覺,行到後樓梯,日落仲更加靚,影左幾張相後就上2樓,上到去見人影緊相,行去另一邊又有人影緊,不過依度破破舊舊又開揚又有graffiti係牆,影人像都應該唔錯既,上埋天台,又見另一班影相人,抬頭望天咸蛋王已經走左,彩霞還算不錯,因冇帶電筒,見未天黑,就快快手落樓行埋門口右手邊既buliding,一上樓梯一大片窗,我係d舊樓見過,不過當然依度樓底高d所以窗就多好多,上去1樓冇咩特別,去到2樓原來又係通番本身果座樓既,見行過就落番地下,因為真係開始黑了,地下好多垃圾,見唔到路會仆死

出番去已經開晒街燈,好少行人但車就算多,但大部份都係大車又或者係學神,所以過馬路要小心,上番油塘地鐵站,望番去個view都算唔錯,行左成日真係好倦不過仲完成左好多好耐既心願,而且天氣良好,相當不錯

Back to Part.01

<05/11/11>

Photo Link <<<<<<<<<<<

紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈 Part.01

2011-11-06T19:14:00.006+08:00

貳零壹壹年拾壹月伍號 - 紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈

Part.01

行程相當豐富的一天

首先係尖咀睇完醫生後就搭van仔到左紅磡碼頭,成日係黃埔搭車番旺角時見到依個碼頭,好想去影下相,卒之攪攪下攪到去中環灣仔既航線停埋都未去到,睇天文台天氣唔錯,就的起心肝去影相,位置唔算太中心,但尚算不太遠,巴士站得番好少車,但風景相當不錯,而且海風相當舒服,而且好多人釣魚,熱鬧,碼頭呢就得番北角果邊仲開緊,碼頭窗口係圓型既而且入閘位唔洗比錢住,去到北角先比,所以整個候船處好似自助咁唔見工作人員,感覺比較特別

去到北角碼頭天色更藍,而且印象中好似未黎過,所以心情相當不錯,出閘後見到好多賣海鮮既檔口,雖然條路好濕,但感覺幾地道下,海鮮種類相當多,後尾仲見到隻漁船落貨,怪不知咁多海鮮,依個碼頭係橋底,感覺冇紅磡碼頭咁通爽,但乘涼既人都不少,只係釣魚人少d,可能冇黃埔咁邊咁多魚掛

北角碼頭隔離係另一個碼頭,係富裕小輪既維港遊碼頭,可能未到夜晚,所以完全冇人,而且2架粉紅色既船都泊左係度,襯起個天其實都幾靚

離開左北角搭船到九龍城碼頭,之前係土瓜灣做野都耐唔使經過偉恆昌,無聊時唔想番屋企好似都有搭船到灣仔,可惜加下得番北角既航線,未到碼頭時卒之見到海心廟,之前只係睇相見過,真身原來咁細,係全部大廈包圍住,有d格格不入咁

去到九龍城碼頭,之前都冇認真睇過個碼頭,原來佢個design都幾靚,正門有波浪式既簷篷,碼頭都算大,幾靚,而佢隔離係馬頭角公眾碼頭,我對佢真係完全冇印象,至於巴士站,比較舊而且破落,但巴士都算多,所以我都搵到我要搭既車去下一站了

搭61x去到新蒲崗四尾街落車,就去到大磡村舊址,點解去依度?話說有次我搭車經過,見到大磡村個牌,雖然條村拆左好耐,政府居然咁好死留番個牌係度,所以就諗有機會一定要影番張相,所以就順手去埋,大磡村個牌都開始生銹,而且只係停車場同空地既通道入口,一發展個牌都唔知仲保唔保得住,行入少少就見有兩棵大榕樹,好高d根都好長,希望佢好好成長唔好比人整死啦

To Part.02

<05/11/11>

Photo Link <<<<<<<<<<<

黑鼆鼆好『鬼』徑 – 靈異傳說遊

2011-11-03T18:52:00.000+08:00

貳零壹壹年拾月叁拾號 -"黑鼆鼆好『鬼』徑 – 靈異傳說遊"

參加了灣仔民間生活館既"黑鼆鼆好『鬼』徑 – 靈異傳說遊"對上一次因為唔得閑join唔到,見佢又再攪所以就參加左

時間係夜晚7點,係藍屋集合之後去左第一站,郵局,依家已經係環保軒既東西,原來有個郵差故事,之後依個郵差故事而伸延番去最last一個行程洪聖古廟,原來郵差派白紙最後搵得道高人攪掂,得道高人既弟子就留左係廟幫人睇相,但每日都會到番依間郵局睇睇,確保白紙郵差冇再出現,有趣

之後去左第二站灣仔街市,都有一段時間冇黎過,原來已經整緊,又起豪宅了,唉,anyway,唔講唔知灣仔街市原來曾經係停屍間,好耐之前去呢就覺街市個design比較得意,而地下呢就真係比較涼爽,真係唔知關唔關事了,順便過左隔離少少講講防空洞既位置,亦睇左少少關於當時既相,聽講之前入到去但依家已經封晒亦已經係地盤了,果張有鏡同桃木劍既相都算幾特別,可惜冇得入去了

第三站係修頓球場,原來果度係日本既區政所,附近既球場就係打斃場,整條莊士頓道原來都係當時日本既行政地方同拒留所,隱隱約約都可以感受到當時既情況

第四站係東城戲院舊址,因為比較出名,所以已經知道當中的女廁及全院滿坐故事,但唔知道原來係戲院前身係萬國殯儀館而集城果度呢就係香港殯儀館,而經過時順手講左舊時麗的呼聲既位置同埋女廁鬧鬼事情

第五站係聖佛蘭士街同日月星街既故事,都係日本人同埋傳教士既故事,而且又講埋St.francis起緊果時發現數量不少既人骨既事件,而行入星街前亦講左公廁有入冇出既故事,依家果度已經係另一座住宅了

經過星街講左一座當時鬧鬼起大廈同埋八公廟既舊地址,再去埋依家八公廟既新地方同埋後面既防空洞,大牌後後係咪真係有靈符真係唔知,但個講法都幾有趣

第六站係比較出名既船街,當然有聖路琦同南固臺,聖路琦依然係封住但原來南固臺已經開番條樓梯,真係好耐冇黎過,當然去埋後面既山洞同埋同濟中學,依度就快拆,好快就咩都變晒,當年係依度都渡過左數個鬼節,哈

至於故事又係日本軍人強佔地方(依個真係唔知關南固臺事),最後當然都係講番吊頸故事從而鬧鬼既東西,好懷念依個地方

最後係當年探險經過時一定會拜拜既洪聖古廟,仲介紹番第一站提到既得道高人弟子既睇相解籤地,老實依間廟每次經過都係夜晚,真係冇見過佢開門時既樣,希望有次會見到入去睇睇

聽完晒整個導賞,灣仔所發生既故事多數係圍繞日本軍人既故事,不過我好中意依類舊建築第既小故事,希望第2區都有ed咁上下既野攪就好了

<30/10/11>

Photo Link <<<<<<<<<<<

走佬花嫁殺人事件

2011-11-03T02:45:00.002+08:00

~~キラー・ヴァージンロード(走佬花嫁殺人事件,Killer Virgin Road) - [2009]~~

頗怪異的日片,故事及手法很奇怪,但無聊中某些又著實攪笑,說的大抵是人生種種怪異種種意想不到的事情令人不停碰到意想不到的人發生不同的事,並在不知不覺中改變他人改變自己,無論是不幸的人失敗的人總有她的化學作用成為他人所需要的一點引力,這片令我想起松子的一生但就比較開朗而幽默,完全沒那種沉重感

<02/11/11>

Jestem

2011-11-02T23:41:00.001+08:00

~~Jestem(我是) - [2005]~~

不錯的波蘭電影,講述一個與年齡不符身不由己思想行為成熟的小孩故事,他對家對關懷極其渴望但總是以旁觀者身份抽離觀看,被遺棄而面對過早的生活困難中掙扎,雖然面帶疲累但仍樂觀而堅定面對,故事雖苦但仍看見希望,電影中的攝影很美,灰灰淡黃中處處看見淒冷,詩一樣的感覺,雖然拍得淺白但頗touching

<02/11/11>