迪派8月號

很久沒看過迪派了,今期沈重得令人嘆氣, 起初以切爾諾貝爾的Certificate No. 000358為題,看得令人心痛,加上以拉丁美洲貧民區的生活照配襯,黑白的感染力果真強勁,好在主編體諒讀者心情,中段加插色彩豔麗視覺甚佳的圖片,總算平衡一下,順帶一提,烏克蘭的Ghost Town及Habana的船廠 -- 被遺棄的地方,實在令人印象深刻

[DPWorld0608]

長咀

很遠很辛苦的露營地點,但終於征服了,去完依次camp後發覺自己平衡力真係幾差,哈哈.但長咀日出果然名不虛傳

<05&06/11/06>
Photo Link <<<<<<<==========

The Texas Chainsaw Massacre

~~The Texas Chainsaw Massacre(慘無人道) - [1974]~~

唔知係咪有番前傳,無啦啦居然會出番74年慘無人道版本,雖然係電腦睇過,但見佢出番港版又係uncut remastered version.所以點都要捧下場,但可能事隔太耐,我已記不清同原版有咩分別,片至中段亦有恰眼訓之感,可能電鋸加we嘩鬼叫既追殺場面睇得太多了,講番套片,有兩場依家睇番仲好震撼,一場係一野掛個女仔上肉勾,另一場係咁用個錘中個女角個頭,仲要一下中一下唔中,力度係殺佢唔死果種,極變態,依兩場唔多見血但暴力殘忍意識相當大膽,怪不知當年反應咁大同成為經典了

<16/01/07:夜>

Photo Link

下妻物語

~~Shimotsuma Monogatari(下妻物語) - [2004]~~

比起新作花樣奇緣,我覺得依套故事性明顯不夠,但導演用上非一般手法十分破格的拍出不一樣的主角,雖然在我看來相當危險,而當中亦有好多原素真係比到我熟口熟面之感,特別深印象係當中既粗微粒錄像同Love and other catastrophes同出一澈,但深田既表現不錯,對社會既諷刺亦十分幽默,好想睇下中島哲也下一部片能否keep到依種電影感覺

<14/01/07:夜>
Photo Link

太陽雨

~~Rain Dog(太陽雨) - [2006]~~

再一次欣賞到香港之獨立電影,電影一分為二,大約差不多到故事一半先出片名,將故事比較清楚的分隔,主角前半係一個單純而沉默既鄉間少年,電影有時以無限的沉默去進行,少年被打劫,失去金錢到哥哥死亡,雖然都不大說話,但亦可清楚的分別到主角既感覺,哥哥死後的後半劇情,主角依舊沉默,但行為上已有著不同,反抗及主動表達出對母親的不滿,離家出走,偷偷地開槍以及出手打欺負暗戀對象既人,雖然好似太陽雨一樣好快過去,但主角已踏出人生一步,彩虹展現,片中正中間既樹出現左兩次,一次係哥哥死後枯萎的樹背景一片墳地,另一次係ending枝葉繁盛的樹,背景有山有水再襯上彩虹,寄望主角有美好的人生,另全片係馬來西亞取景,比較少睇依個地方,不一樣的感覺,而廖偉雄既表現亦起左一個幾不錯既化學作用

<14/01/07:夜>
Photo Link

花樣奇緣

~~Memories of Matsuke(花樣奇緣) - [2006]~~

早已知此片並非甚麼喜劇,有人以Amilie黎同此片比,睇後亦覺所用既手法有少少似，可惜故事及遭遇真係一個天一個地,真正相似既地方只有主角既態度,樂觀及與別不同的人生觀及處理方式,松子一生追尋既夢想並非天馬行空,亦非痴心妄想,只為簡單的兩樣野,不被遺棄及回家後有人願意對佢所講既"他他依媽殊"有所回應,依個對正常人或一般人黎講並非甚麼難事,甚至乎忽略左亦很正常,可惜主角通通錯過,並非冇人對佢好,只係命運所累,松子既"好事"只落得知得太遲或全不知情,不幸的人生卻有著殺不死的樂觀及復原能力,此為我欣賞松子的地方,松子由美好美麗既場景襯托下活出不一樣的人生,我相信好多人都遇唔到亦早已放棄或隨波逐流,導演於bouns中講希望此片令觀眾從電影中帶出不同的反思,果然很有效果,哈哈

<13/01/07:夜>
Photo Link

Tsotsi

~~Tsotsi(真心無戾) - [2005]~~

睇時只知故事不錯,但並唔知來頭咁大,某情度講羅city of god黎同佢比較好正常,立眼亦有此感覺(p.s.睇完依套片後我發覺唔見左city of god隻碟 T_T),我估已好多人用依套黎同COG比,而我因為未睇晒後者,難以作出評論,講番依套片,以一個非常高節奏及強勁既音樂作為開首故事,主角亦以冷血及暴力既描述引入,中間穿插孩童時既片段,亦為黎緊既故事作出鋪排,順利成章地一個錯誤既事件令主角有著一個不一般的遭遇,中文名真心無戾正正帶出主角的內心及轉變,將自己既名字透露及套用係一個bb身上,亦係自我認知既一種方法,此片有幾個深刻位,主角同跛腳乞兒既對話及狗仔故事,及所住既貧民區既色調,奈何ending太公式及說教,比想像中結束得平和及內歛

<12/01/07:夜>
Photo Link

忽然七鴨

~~Waters(忽然七鴨) - [2006]~~

戲名及故事賣相不太有好感,又係一套求其睇既電影,雖然包裝似極戇直舞男,但睇落原來幾平實,主角們爭紮地為生活而共同為目標進發,雖然現實不太可能,但我幾中意睇一d短期發生既群體故事,濃縮單一故事,舒服而令人印象深刻

<07/01/07:夜>

Photo Link

妄想

~~Diary(妄想) - [2006]~~

忙左成個禮拜無無聊聊租左兩套戲睇,其實本身興趣不大,但見阿sa其實在新一輩中做戲不錯,所以睇睇,一開始時已很覺得~嘩!很彭氏的感覺,色調,擺設,氣氛都很彭feel,睇到後半先出彭氏兄弟個名,原來佢地真係已經創左自己既風格,好事好事,但老實依個字幕出得比套戲既劇情更令我感到surprise,成套片故事普通,好多都估到晒,比起梁洛施,sa同余生太做戲既感覺,反之前者一貫的冷靜及自然,果然好野

<07/01/07:夜>
Photo Link

北野武遇上北野武

~~Takeshis'(北野武遇上北野武) - [2005]~~

北野武一人show off之作,真真假假,一人分飾兩角,穿穿插插,角色死完再死,混亂不堪,當中有一場交接鏡頭幾過癮,明星北野大燈及蟬聲cross臨記北野太陽及五金燒焊聲,很有趣,明星北野目中無人及臨記北野之懦弱,飾演得入型入格,但最後都係崇尚暴力美學,一支槍已可爆發晒所有積壓的不平事,臨記北野化身為電影北野,殺呀殺呀,最後滿腔怒火連自己都殺死埋,哈哈,果然很獨特的電影,此片有好多鏡頭都係北野前作的雜會,暴力,海灘,full load taxi,啲躂舞等等,此片東拉西扯看似好多野想表達,唔知當中一個死纏爛打找麻煩的女子係北野既邊個呢?

<30/12/06:夜>
Photo Link

鬼域

~~Re-cycle(鬼域) - [2006]~~

幾特別的一套鬼片,故事中有故事,睇落幾混亂,但其實幾有趣,某些鏡頭都幾恐怖,但大部份鬼域地帶太故弄原虛,如果故事再豐富及紮實少少會比較好一點

<29/12/06:夜>
Photo Link