Facebook unsubscribe

因facebook管理問題,已經好少睇而且已將佢既apps removed,只留黎睇有朋友forward過黎既link,我估一星期開唔夠10次,前排又咁岩開左而且仲係電腦睇,所以順手執執d野,而且因環境問題,有好多已經唔再需要,係unsubscribe過程中有種怪怪既感覺同少少感概,主要係因之前成日睇關於旅行同影展既remove,本身係非常頻密而又愛既東西,唔係指因加下唔愛而係無法去愛,旅行就因c19而影展更加想愛都不能,唉,掛住定唔掛住?傷心定唔傷心?可惜定唔可惜?難講,只係不一樣既階段就可能要失去某d野,無論之前你幾愛當去到一個天地人都不同時,就可能會不知不覺係你手中流失,人總係不停失去某d野又會得到某d野,失與得就要睇下你點睇同點感受,無話得就一定好失就一定唔好,講到尾都係要抱有一定既宏度唔好被一小段眼前既野所束縛,當時間不同人周圍既野都會唔同,此時非彼時也

[04Jan22]

What should we do when HK is dying?

本來呢,以為一早已經做足心理準備去被接受種種荒謬荒誕之未來生活,但剛好看了忌廉哥的fb,又再一次帶出了麻木,習慣,對錯,底線等等之前重覆想過千百遍的問題,正所謂假話盡情說,真話切勿說的三無主義(無恥,無道德,無道理)快將橫行的將來,究竟人是咪真的可以目空一切從容面對種種扭曲自娘胎以來所保持所運行的價值觀呢?我相信人始終是人,總有要動容或將要爆炸的一刻,那時,究竟應該要用一個什麼的行為想法去面對呢?

想起之前讀過唐君毅的道德自我之建立一書,說過其中有一道德之基本是關於類似明知不可為而為之,詳細忘記了,只大意記起道德對錯不應受環境時間而改變,自己認為對的就是對就是要做,當然亦要承擔後來之後果,但過早去立論將來,又是一種思想上的自我束搏"未來尚未來,過去已過去,當下的你便是絕對自由的"

人其實總是慣於從經驗中取捨而封閉了自己的心,究竟自己是一個什麼人?這個問題要常常問自己,而且亦不能封閉了自己的心,否則在一個荒誕的世界上很快連自己也不認識自己了,何其可悲?2014年8月,我曾在此送過Jessie J的Who You Are給香港人(包括我),再post一次吧

[06/01/16]

高山低谷及安徒生的錯

習慣上聽歌從來只是聽曲很少聽詞,所以很多時從無留意聽的歌是在說什麼,當然有時也在聽歌途中無意中發覺,噢,這首歌詞好像寫不錯(這情況基於我習慣當然不會太多)

前些日子,覺得林奕匡的"高山低谷"寫得很好,雖然說的是愛情,但其實亦是貧富懸殊的寫照,非常現實

高山低谷

作詞：陳詠謙

作曲：林奕匡

編曲：Edward Chan / 黃兆銘

監製：Edward Chan

站在樹林內　就如沒氧氣

在夕陽下　寂寥吧　沒權利見你

早知高的山低的谷將你我分隔兩地　失去人情味

你那貴族遊戲　我的街角遊記

天真到信真心　太兒戲

你快樂過生活　我拼命去生存

幾多人位於山之巔俯瞰我的疲倦

渴望被成全　努力做人誰怕氣喘

但那終點　掛在那天邊

你界定了生活　我侮辱了生存

只適宜滯於山之谷整理我的凌亂

渴望大團圓　腳下路程難以削短

未見終點　也未見恩典　我與你極遠

愈望愈無望　未來沒有我

在斷崖下　盡頭吧　樂園未有過

彷彿天一黑天一光揮發了一句再會　只見人下墮

快慰繼續傳播　你都不慰問我

區分到太清楚　太嚴苛

你快樂過生活　我拼命去生存

幾多人位於山之巔俯瞰我的疲倦

渴望被成全　努力做人誰怕氣喘

但那終點　掛在那天邊

你界定了生活　我侮辱了生存

只適宜滯於山之谷整理我的凌亂

渴望大團圓　腳下路程難以削短

未見終點　也未見恩典　我與你極遠

我卻尚要生存　偷偷存活於山之谷等到某天魂斷

你繼續盤旋　我繼續埋藏我愛戀

沒有終點　永沒有終點　那永遠極遠

然後呢,近來又聽到他的歌"安徒生的錯"又是同一類型,但這首更到肉更寫實,充滿無奈無力感,雖然不是同一人填詞但又是他的歌,看來對於他,要改變下我的習慣留意下歌詞好了

安徒生的錯

作詞：藍奕邦

作曲：林奕匡

編曲：Edward Chan

監製：Edward Chan

從前誤信謙遜　坊間先會表揚

原來是更荒旦　蒼生先會誇獎

堅守的雋永　亂世之中　哪個細心欣賞

為何善惡不分　偏偏得到景仰

怪那一位安徒生　故事編寫得太動人

讓我不肯相信天公不憐憫

若我忠於安徒生　繼續去忠貞做人

我會否可得到蒼天的護蔭 不需犧牲

抬頭望向天際　星光閃爍依然

回眸望向影子　它始終靠身邊

媽媽的耳語　亂世之中　變到更加鏗鏘

童年學過的課　它的尊貴不變

怪那一位安徒生　故事編寫得太動人

讓我不肯相信天公不憐憫

若決心堅守純真　繼續去忠貞做人

我會否可得到蒼天的護蔭　Oh~

我都有勇氣　尚存一顆心　這種高貴尚未曾脫軌

我更要　信未爬的天梯　會不久以後一一發現在這俗世

怪那一位安徒生　故事編寫得太動人

若你將他醜化我哪會甘心

我也許活得天真　繼續去忠貞做人

至少總可得到蒼天的護蔭　眷顧命運

[20/12/15]

書評:天讎 一個中國青年的自述

又是一禁書,如同之前所看的來生不做中國人一樣,只好在這裡寫吧,關於這本書,基本上是我在網上問人"hey!基於逆向思維,也基於這時不看之後可能沒有得看之想法,有什麼禁書值得找來看看?" 就有人推薦了這本書給我,網上找過現在看來比較難買到,幸運地,圖書館找到不過只有一本,但可能我想看的時間尚早,輪侯位置不多(我預約時是第四位,不知什麼原因很快就見到有四十多人在輪侯)

說回此書,之前看過嚴家其的文革十年史,對於當中的歷史和人物有了初步認識(此為好書相當值得一看),而此書是以另一角度掀露同一段歷史的故事,雖然我對作者自我敘述的好人形象及某些逃脫情況帶點保留,但不難看出當中人性,奴性以及種種心理上的轉變,亦可看出當時中國社會上的不同地方平民百姓所經歷的種種,而且對於實際想法的掀露,行為模式在亂世下的修訂演化等等,真實而殘酷,特別在看過有關歷史或人性探討的書藉後更覺當中的真實成份仍是相當的高,值得一看的記事書藉

p.s.平時看書時看到某些特別的段落或會記下再放豆瓣上,現那裡寫不了就這裡記下吧

[04/01/15]

楊千嬅 - 飛女正傳 & 假如讓我說下去

好多時有某些時間有某些歌總會突然出現在口中再唱那麼二三句,前些動蕩日子中就突然記起楊千嬅的歌"世界將我包圍誓死都一齊壯觀得有如懸崖的婚禮也許生於世上無重要作為仍有這種真愛會留低"但很少留意歌詞的我就其實記不起這是來自那一首歌,所以就在youtube上找找,最後記起了,是飛女正傳,這歌總有一種澎湃義無反顧之感,值得再一次細聽


飛女正傳
作曲: 蔡德才＠人山人海
作詞: 林夕

越過生死一刻跟你電單車之中峽路再相逢
大概你嘴邊傷口與我髮端都一般大紫大紅
下半生不要只要下秒鐘
再不敢吻你你便再失蹤
抑或有 誰高呼 不要動

未怕挨緊頸邊穿過橫飛的子彈跟你去走難
但怕結婚生子的平庸麻木地活著亦一樣難
若與不心愛的每夜晚餐
也不知哪個故事更悲慘
只願我 能夠與你過得今晚

世界將我包圍 誓死都一齊
壯觀得有如 懸崖的婚禮
也許生於世上 無重要作為
仍有這種真愛會留低
我已不顧安危 誓死都一齊
看不起這個繁華盛世
縱使天主不忍心我們如垃圾般污穢
抱著你不枉獻世

別理三餐一宿得到牧師的祝福需要哪種運
讓我滿足於飛車之中抱緊苦戀的做一淚人
面對這都市所有霓虹燈
我敢說我愛到動魄驚心
不負你 陪過我剎那的興奮

世界將我包圍 誓死都一齊
壯觀得有如 懸崖的婚禮
也許生於世上 無重要作為
仍有這種真愛耀眼生輝
我已不顧安危 誓死都一齊
看不起這個繁華盛世
縱使天主不忍心我們如垃圾般污穢
抱著你不枉獻世 ..haa...

世界將我包圍 誓死都一齊
壯觀得有如 懸崖的婚禮
也許生於世上 無重要作為
仍有生死之交可超越一切
我已不顧安危 誓死都一齊
愛得起你 為可還忌諱
也許出生當天本以為誰待我像公仔
最後卻苦戀螞蟻
難自愛都懂得怎相愛找得到一個人共我分享這身世
還未算失禮

當然因此歌亦令我想起"假如讓我说下去",個人而言,覺得這是楊千嬅最好的歌,而且歌詞亦是最出色的,嗯

假如讓我說下去
作曲:於逸堯＠人山人海
詞：林夕

任我想 我最多想一覺睡去
期待你 也至少勸我別勞累
但我把 談情的氣力轉贈誰
跟你電話之中講再會 再會誰
暴雨天 我至少想講掛念你
然後你 你最多會笑著回避
避到底 明明不筋竭都力疲
就當我還未放鬆自己
我想哭 你可不可以暫時別要睡
陪著我 像最初相識我當時未怕累
但如果 但如果說下去 或者 傻得我
彼此怎能愛下去
暴雨中 我到底怎麼要害怕
難道你 無臺風會決定留下
但我想 如樓底這夜倒下來 就算臨別亦有通電話
我怕死 你可不可以暫時別要睡
陪著我 讓我可以不靠安眠藥進睡
但如果 但如果說下去 亦無非逼你
壹句話 如今跟某位同居
我的天 你可不可以暫時讓我睡
忘掉愛 尚有多少工作失眠亦有罪
但如果 但如果怨下去 或者 傻得我
通宵找誰接下去
離開 不應再打攪愛人 對不對

[11/10/14]

旺角是一種態度

曾幾何時mk已經成為一個落後老土的代表,人們如非必要寧可選擇去尖沙咀選擇對面海也不太願意到旺角,但當雨傘革命來到,一個個意想不到的意外,令旺角來了一個翻天覆地的轉變,在這個遍地開花的運動當中,旺角比起金鐘的gentle和守禮來了一個強烈對比,旺角出現了父母所說的反叛性,雖然充滿著各種各樣的挑戰,目標也相當明確一句到尾,那種堅毅浩氣,又是一種令人意想不到久違了的草根感覺,雖然某些出格行為備受爭議,但無可否認他們總是存在於一種別人笑我太瘋癲我笑他人看不穿的境地,在852其中一文中有提及這種民間智慧以弱戰強的說法,有時間絕對值得一看.

"回歸本土,沒得回頭"就算這運動最後如何,這八個字也必定會留在香港,旺角在當中活出了一種新的態度 Salute!

p.s.有朋友提到這數個月內就說回這十多年沒說過的粗口,老實說,我也是,其實粗口也是一種態度,有時雖粗鄙但真摰,沒太多想法,要說便說出來了,什麼也可以忍但粗口在是難忍是一個事實中的事實

[09/10/14]

Jessie J - Who You Are

送給今天的香港人包括你和我

I stare at my reflection in the mirror:

"Why am I doing this to myself?"

Losing my mind on a tiny error,

I nearly left the real me on the shelf.

No, no, no, no, no...

Don't lose who you are in the blur of the stars!

Seeing is deceiving, dreaming is believing,

It's okay not to be okay.

Sometimes it's hard to follow your heart.

Tears don't mean you're losing, everybody's bruising,

Just be true to who you are!

(who you are [11x])

Brushing my hair—do I look perfect?

I forgot what to do to fit the mould, yeah!

The more I try the less it's working, yeah

'Cause everything inside me screams

No, no, no, no, no...

Don't lose who you are in the blur of the stars!

Seeing is deceiving, dreaming is believing,

It's okay not to be okay.

Sometimes it's hard to follow your heart.

But tears don't mean you're losing, everybody's bruising,

There's nothing wrong with who you are!

Yes, no, egos, fake shows, like whoa!

Just go and leave me alone!

Real talk, real life, good love, goodnight,

With a smile that's my home!

That's my home, no...

No, no, no, no, no...

Don't lose who you are in the blur of the stars!

Seeing is deceiving, dreaming is believing,

It's okay not to be okay...

Sometimes it's hard to follow your heart.

Tears don't mean you're losing, everybody's bruising,

Just be true to who you are!

Yeah yeah yeah

[22/08/14]

書評:來生不做中國人

本來呢睇書依家野我好少係blog度寫,平時多數係豆瓣寫番少少讀後感,但因依本書"來生不做中國人"根本無可能係豆瓣或weibo之流比我講,所以就係blog度搵位寫下個讀後感啦,正所謂加下唔睇遲下都唔知有無得睇

感覺上本書某些論點或觀點有點偏頗和武斷,但談及中國人民及共黨的習性,想法,行為甚至所引出的獨有現象等等也見精闢而準繩,而且並不過時,如同作者所說,魯迅百多年前所講的到今時今日也適用,這個究竟是什麼一回事?在如此多事之秋剛好看到此書(很早以前已在圖書館mark下了),實在感慨良多,值得一看

[21/06/14]

旺角葡萄適的雜想

係紅磡睇完戲就搭車出旺角番家,去到旺角果真明顯人少(前幾日聽人講過),一個星期五既夜晚旺角條街居然咁鬆動,真係非常好

行到朗豪坊因天氣太熱所以就想買支葡萄適飲,去到seven果然係無得買既(前題係我以為seven無再比佢上架,但原來另有原因),咁呢就諗住去士多買啦,點知原來加下旺角係好難搵士多既,我大大話話打橫行左幾條街打直又行左幾條街都無間士多,賣野飲既只有seven同涼茶鋪,唉

即係咁,如果seven唔賣既你係想飲都無得飲既,以為好多選擇原來係無咩選擇,消費者固然慘,貨既owner如果無錢上架或同有關既大型鋪頭攪好關係亦係無咩路行,原來不知不覺士多已經差唔多成為絕響,都係快快手得閒影下士多相好了

最後番到家,士多關左惠康都當然無賣葡萄適啦,咁就係一間賣飯既地方買罐綠力啦,綠力又係士多外好難搵既東西,唉,香港依個商品消費真係越來越壓縮越來越小圈子玩意,如同領匯無咩比你選擇,如同一d比較熱鬧既地方都無咩比你選擇,一條街上重覆又重覆賣黎賣去都係果d野既鋪頭又或者度度都會出現既連鎖式鋪頭,都真係越黎越覺得董啟章V城繁勝錄當中既荒誕已經近在咫尺觸手可及了,唉

[20/06/14]

紅磡寶石戲院

其實呢我都好耐無去過戲院了(不過之前一日去左bc睇失魂),依度係紅磡既寶石戲院,一個我非少去既地方當然都未係依度睇過戲啦,一去到雖然知佢裝修過,但門口都隱隱透著舊式戲院既感覺,入到去已見一個地磅,睇黎仲用得不過好似無新光果個咁舊,可能依度保養好d啦,上到樓上呢,有少少舊野放左係度,有投影機同戲院既用品,不過我無影到相,去買飛,見既係一大張白紙一場一張既舊式賣票坐位表,仲用紅色筆畫位,真想影低佢,而張飛亦係用手寫位,印象中都應該有廿年未試過,真old school,45蚊張飛真平,入場前仲要經過一大幅布先入到去,如果無記錯仲係用緊傳統既紅布,真令人懷念,入到去坐位可以其他亦ok,係有少少味,可能始終係舊戲院,整過都有少少味掛

[20/06/14]
Photo Link

2012盂蘭節-後感

來一個有關2012盂蘭節sum up,其實呢我好中意傳統同比較舊既東西,香港雖然越黎越無性格但我希望係有限既時間,空間,能力上能夠多d去參與(或者參觀啦)一d尚未消失既東西,我唔想一d本應係香港既東西最後只靠外地人士懂得欣賞懂得珍惜,作為香港人應該要把握機會參與其中,雖然我起步太遲但總以一整個月去參加各區既盂蘭,依一種要錢要力但實質回報係手少之又少既文化文物東西,只會越黎越fade out,人情人性最pure果part唔會再係一樣會有人珍惜既野,只會係口號,係計算當中好多時都會放在備註一欄,沒有實際既參考性亦無人會理會,所以未係完完全全失去既時候,我去參與當中仲見到某d有趣既人性,溝通中對陌生人既善與不善,一件物件從表面到背後既意義甚至乎只係去一d我未曾到過既地方,其實都幾有趣幾值得

[25/12/12]

黑色米字旗

今日見到王之鋒小朋友出黎,我先諗番起國慶之後果晚番到屋企同老母傾計,講講下先發覺原來我著緊件黑色仲有米字旗既t-shirt,心諗咁樣一定唔比入場啦,真係估唔到加下著咩衫都咁講究,真係多謝阿爺了

[07/10/12]

你幸福嗎?

最近央視最火題目"你幸福嗎?" 如果問到我,我會如何回答

你幸福嗎? 幸福
你覺得什麼是幸福? 幸福是每天所面對所接觸的東西大於一半是自己所能控制的
你最想要什麼呢? 日子繼續過
那最壞的事呢? 很多事情仍是有心無力,不在本身而是所見所感


你是如何?你幸福嗎?

[06/10/12]

原來會係咁 - 坪洲靚仔

其實呢當你見到靚仔之後番到家睇相發覺一張大頭近鏡既相都冇既話,結果係令人失望既,雖然十零日後佢已經由道士變左和尚,但最後結果都係一張大頭近鏡相都冇發現,點解會係咁呢? 難道依個係我唔慣影人既壞習慣,睇黎真係要改

[31/08/12]

原來會係咁 - 中環靚女

即係咁,當你係十個鐘入面不停見到靚女係你面前行過,之後幾日行街時你會發覺其實好多自以為係靚女既女其實係完全不入流的

[09/09/12]

原來會係咁 - 領匯

食飯時間身處於領匯世界入面實在令人又暴躁又沮喪

[11/09/12]

中電綠倍動力

一早去左深水土步睇中電個中電綠倍動力,感覺公用事業黎講佢都算係比較有良心並唔係一味賺錢賺錢賺錢,總有部份回饋社會地球責任,例如依個中電綠倍動力,主要係講如何環保慳電,可能某些煮食用具如果用電代替煤氣可能生意會多左,但其他用電既器材例如燈或者冷氣等等,越慳得多佢地相應黎講會賺少左,我唔理佢背後點運作,但感覺係對社會付出部份既責任,並唔係一味得個講字而係每每總以行動作為示範,如果各個大公司公營機構有番咁上下既心去想去做香港應該點都會好d

[04/08/12]
Photo Link <<<<<<<<<<

家樂麵食

睇完電車經過德輔道西既家樂麵食,門口係我好中意既細磚仔設計,所以入左去食,入面裝修又唔叫得太舊,不過有個單人對大街既卡位好奇怪,而且收銀張台都應該有一段時間,我食左個豬雜麵加左杯檸樂22蚊,其實都算抵食,其他好似仲有酸辣湯底同埋好多其他食送,不過費事揀食下d舊式野算了

<22/07/12>
Photo Link <<<<<

文化保育與老店文化系列講座

參加左文化葫蘆所舉辦的文化保育與老店文化系列講座,分為有三個section

第一個講者係吳文正&陳寧(冇powerpoint睇,所以忘記影相),吳係我一直好喜歡的攝影者,有幸見到真人,而陳寧我雖然唔多認識,但佢地既睇法同理念某情度黎講同我有d相似,題目係城市更新,意指城市始終要發展但要比一個新生命佢佢可惜現時既只有推倒重來,在我來講新既野只有一式一樣冷冰冰冇生命,陳寧所講既由油麻地開始至整個香港以及巴西巴黎倫敦等等,感覺其實幾唏噓,我覺最重要係識唔識得欣賞以及珍惜,普遍人民既價值究竟係在於經濟還是文化,在於文化保育者來講總有一種掙扎求存既感覺,至於當中既舊世界同新世界係我所聽新既東西,意指舊世界(巴黎倫敦)新世界(三十年代既巴西加下既中國大陸以及香港)既不同唔係新與舊而係當中既cycle speed,舊既會比較慢,可能係五十年都不大變化,而新世界就個cycle係好快,可能五年或者更短,當變化太快時人們根本冇咩可能對當中既環境有咩感情感覺,可能好多者都經過規劃易於control,好多野都係值入式思想,形成一眾人對審美觀的缺失,新世界往往缺乏審美教育等等,依個我好同意,唉

第二part係陳天權,主要講既係非物質文化,感覺比較學術性,但當所涉及既孟蘭節我又非常喜歡,希望好快真係有地方可以搵到孟蘭節所舉行既日子同rundown咁就好了

第三part係何國標既百年老號分享,感覺比較有趣而且亦係我非常喜歡既東西,講左好多係香港over 六十至七十年既老鋪,亦有當時街道既舊相,當時老店主要既名,多數尾尾都係以,號,盞,和,盛黎命名,而且多數係三個字,而招牌多數係黑底金字,相關資料真係好多而且好多都未聽過,有機會要再搵多d先得,例如話d老鋪有d並唔係老闆既傳人所經營而係伙記頂左黎做,感覺好有人情味,又例如分享左1929年何既老鋪(佢係油麻地泗祥號既第四代傳人)既租單,當時係36蚊但果個舊鋪加下既租金已經係要四萬五千蚊,吳文正亦講左好多時同d老鋪既老闆傾計,第一句問完有幾多年歷史後第二句就會問係咪自己鋪,佢講基本上全部都係自己鋪,所以先做得到,依個亦係我之前有所感觸既地方,基本上係扼殺一個個傳統老店換來一間間樣板式既連鎖店,而且缺乏特色缺乏人性亦異常物非所值,唉,而通過何講有幾十間已不存在既老鋪,吳亦分享左一個舊汽燈鋪既故事,雖然我並非親身見過,但聽落都頗傷感

一個咁特別既香港點解會變得越黎越俗越黎越市儈但更可惜既係痛心even有感覺既人實在太少,眼見一樣一樣野咁消失無不感嘆唏噓無奈,而政府反而係一手加催當中既推手,我真係唔知有咩好再講了

<07/07/12>
Photo Link

燒臘鋪貓,報紙檔貓

下晝行去食飯時居然比我見到燒臘鋪隻肥貓行左出黎,佢平時好日都唔願離開鋪頭個冷氣,就算晒太陽都係係門口唔走出街,今日天氣咁熱都行出黎,真難得,佢真係好死肥,但又係個地下度轉黎轉去,不過都係唔多中意比人摸,最多兩下就想反抗了

行前少少就係報紙檔貓,平時佢訓疏化仔既,之前一排張疏化成日唔見左佢,以為佢走甩左又或者死左,後尾有次見到佢係地下行,同老闆娘講唔見佢咁耐以為佢唔知去左邊添,老闆娘話原來佢成日lee埋係台底個箱度,聽佢講後平時開始留意下個箱,原來加下唔訓疏化訓箱了,見岩岩影完肥貓就幫佢影左兩張相,又係訓覺,不過過佢成日都比人摸,基本上都唔多理人,不過摸得太多又唔多高與果d啦,講任摸唔嬲,真係唔夠藥房貓行害,真係你有你摸佢有佢訓,哈,諗諗下原來冇幫佢影過相,得閑見到影下佢先,嗯

<09/06/12>
Photo Link