Master Class with Mohsen Makhmalbaf

不知不覺原來看過Mohsen Makhmalbaf的電影已經有4套了,導演本人很健談而且風趣幽默,而影後談由導演親身講解亦是非常有意思,特別是知道了當中的想法被消失的部份以及無論是電影政治或是其他的獨特見解也非常不錯,可惜是明天那場沒辨法參與,沒有機會再一次親身聽導演當中的講解

[19/08/17]

2016電影報告

一直忘記了豆瓣2016年的電影記錄,現補回,不過感覺上比2015年時的報告少了很多東西,但就多了poster wall,但對我沒什麼作用

[14/06/17]

人間蒸發-香港郊野失蹤實錄

剛看完四分之三的香港(台灣作者,主要介紹香港比較容易行走的古道),接著就看此書,當中有5個香港失蹤故事,第一個當然是香港郊外失蹤最多人提及的丁利華失蹤事件,其實找這本書的源由是因前些日子剛好有另一位行山人士失蹤,地點正好在丁sir最有可能失蹤的地點大枕蓋大蚊山之間,所以就找了此書看看,當然和對上一本四分之三的香港有很大差別(前者感覺香港的山非常容易及安全但後者則非常險峻危機四伏),anyway,此書由凌sir說出了香港郊區搜救的困難及心得,當然亦有失蹤者不幸的事故分析,還不錯吧,喜歡行山的人士可一看

[29/08/16]

alt-J (∆) - Breezeblocks

alt-J (∆)的歌很多時也帶有死亡的題材,歌非常不錯

YUZU ASIA TOUR 2016

九展MUSIC ZONE,6點幾到,門口有賣T-SHIRT毛巾既檔口,衫150蚊,算平,買左件,入場

場地唔大,前面已好多人,企左陣,諗諗起先記起自己買左貴飛(780,可能位唔多10MIN連580都已賣晒,好彩一早夠鐘即LOG入去買,成功),比飛SECURITY睇就再入前排ZONE,前面有大約7-8行人度,位置還可以

7點開場,佢地既暖場居然係做體操,但地方有限有困難,不過幾有趣,之後就有短片睇就正式開場,場地佈置簡單,以歌為主,第2首已經係sayonara bus,之後大約唱左一個鐘度就休息左陣,係tour既主角馬騮入場,又係教觀眾跳下舞咁,再開始唱過,唱完每首歌都會鞠躬,果真日本人既習慣

之後又有毛巾操,都幾互動, 北川咁多年個樣都可以咁細個,真保養得好,成場都好high,而且可以用手機,不過其實唔算多人影,最後差唔多成2個鐘先完,足本啦,不過係九展唔好無得放低野,要人揹住野企係度睇2粒鐘,幾倦

[12/07/16]
Photo Link

銅鑼灣禮頓道舊鋪

貳零壹肆年參月貳拾伍日 - 銅鑼灣禮頓道舊鋪

基本上每年都最少會去禮頓道兩次,做野完就一定會去就近既禮信大廈食lunch,果度仍保留有好舊同地道既間隔同食市格局,無冷氣,但食物無論嗌同上台都速度快,好多野要自助(如羅湯),而且價錢黎講係銅鑼灣算平,仲有都幾好食,好中意佢開晒出黎既台同果種簡陋既格局

 

對出係郵政體育會,睇落空置左好耐,另就有幾間士多,文具鋪同一間叫丹麥餅店既舊鋪,好舊既格局,總感覺上以上所講既鋪同環境總係難以保存得太耐,依度始終係銅鑼灣既旺地,每年去總有一種唔知幾時無既感覺,嗯

[25/03/14]

Photo Link <<<<<<<<<<<<

葵青－舊貌新顏．傳承與突破

葵青區議會在2004年出左一本"葵青－舊貌新顏．傳承與突破"既書,因自細在葵涌區長大,所以就想看看之前的歷史,此書涉及多個層面講述葵青新舊貌,在我來說當然著眼於舊的地方,不看不知道原來有這麼多東西及地點從沒留意過,香港變遷真是大得很,雖然文字多於圖片,但選相的也有其實用及可看性,滿不錯的在地歷史回顧

葵青區議會有全書下載,如住過或住在此區不妨一看

[30/06/16]

西貢碼頭

貳零壹肆年參月拾伍日 - 西貢碼頭

完左鹽田梓之行,番到出西貢碼頭,雖然行山成日都經西貢市中心,但其實碼頭果邊好多次都係路過,無咩真正睇下依度點,今次番到去差唔多5點,好熱鬧下

一排細船仔泊晒係碼頭邊,上面欄杆就有一堆人係度望落去,我當然又襯熱鬧睇下啦,每隻船都有好多一盤盤既海鮮,五顏六色一格格咁但無寫價錢,想買就咁嗌落去問價,價錢岩既就會由船上既人即剖開或就咁加海水入袋,再用一個長網隊上路面既欄杆度,買既人就會叫係欄杆邊既人睇錢岩既就會放番落個網度由船家收番d錢,成個過程都好快手下,幾有趣

[15/03/14]

Photo Link <<<<<<<<<<<

教堂鐘聲茶粿香 – 鹽田梓悠遊行(Part.02)

貳零壹肆年參月拾伍日 - 教堂鐘聲茶粿香 – 鹽田梓悠遊行

出番去後面就係左聖若瑟小堂,相當簡約既教堂,但屬於二級歷史建築,而且亦係聯合國教科文組織亞太區文化保諼獎,因聽講依度雖然細細地,但保留得好好,而且彩玻璃係最難修復,所以用左好多時間去搵同整番好d玻璃,望落幾好,仲有個金屬十字架都好精美,門口既十字架等等,都幾多細緻位,唔錯

出番穿過舊到生晒草但又好岩影相既舊屋,行左去遠少少既活泉井,水清而且好滿但因怕人整烏糟左d水,所以有鎖,再行就上涼亭,都有一段上山小路,當中見到山橙,較細隻個樣真係好似橙不過有劇毒人類唔食得,再行經過一條生到上頂既草同樹,連埋一齊好似隧道咁,可惜無咩陽光,唔係應該幾靚

經過又見到果實,長長地圓圓地,原來依d叫薏苡,即係我地食開既薏米,早期鹽田梓依度既村民會將佢曬乾用黎念珠,所以又叫念珠草,再見就係牛眼馬錢,好似桔咁,不過又有劇毒,香港四大毒草之一,嗯

再上多少少斜就到山頂了,望遠少少山頭仔就係墳場,因係信天主教既,所以有d墳上有十架,依度有個涼亭,可以望番落村,又可望西貢既山又有海咁,幾好view,除左望村,亦可見滘西洲golf club,中間係三丫口,有防波堤,仲有隻船係度添,前少少有幾個燒烤爐,不過村民話唔會有人上黎燒,因太遠同唔方便,所以起黎唔知做咩,哈

又見另一種植物,叫兩面針,名乎其實,葉面同底都真係有針,有小毒(又有毒!!),不過可以藥用,平時行山時較少見,仲有一種叫梔子(水橫枝),個樣好似見過下,依個無毒可入藥

落山時對面圓圓地既島叫罐杉環,無人住既,不過就好近鹽田梓,下一站去玉帶橋,兩邊都係水靜既地方,算係幾清,條橋有新舊痕跡,最下面係舊橋再上係新加建,起高左好多,睇完番轉頭行去紅樹林同鹽田,紅樹林當然多水筆仔,佢一跌落地如果直插入泥就會生另一棵,如果訓低左就無咁好彩了,當然仲有蟹仔同螺仔啦

過少少就係鹽田,得d水同泥,鹽應該仲曬緊掛,望番上去就係我地起步既村公所同客家屋,依度可以行番樓梯上去,地下有個三角型logo同寫有1964年,係大專學生社會服務隊當時幫手起依條路既印記

上番去就已經完成左我地既行程不過仲有last一個活動,就係學整客家茶粿了,我地整既係雞屎籐,黑色既, 雞屎籐葉都係附近羅番黎既,放茶粿底既葉當然都係係附近羅架啦,先將雞屎籐攪碎再加糖同麵粉攪埋就可以了,同一時間仲整埋綠色既艾草,不過比我地整既就係黑色雞屎籐啦,隔離都有檔賣緊茶粿,有4色黑色(雞屎藤),白色(花生),橙色(番薯),綠色(艾草),要黎賣既梗係整得靚仔好多啦,我地既就好多唔同形狀咁啦,之後羅去隔水蒸,完成,我整既都唔太核突,算食得落口啦

整好晒差唔多走人了,依度幾好玩,而且影相位都算多,近近地都係不錯既選擇

Back To Part.01

[15/03/14]

Photo Link <<<<<<<<<<<<<