盂蘭勝會(初四) - 筲箕灣南安坊坊眾會

貳零壹貳年捌月貳拾號(柒月初四) - 筲箕灣南安坊坊眾會

初四又再到筲箕灣睇攝召過橋既儀式,去到已經7點9,但仲未開始,人就比較多同熱鬧,橋就同一般紙扎祭品差唔多,但上而既神像就好靚,等左一陣就開始叫去街坊附薦台羅靈位去排隊,之後請神搭轎去前少少既台度再由先生念經洒水係沐浴亭仙橋等等儀式就開始

首先街坊手台靈位到沐浴亭之後就行到仙橋由工作人員一步步上橋再由電動裝置滑到前方再由工作人員一步步帶靈位下橋(仲噴晒乾冰添),之後由先生念經洒水就差唔多完結,街坊帶同靈位領取福包(順手睇埋落包山)再番附薦台放回原位,眼見應該有百幾二百個靈位,儀式應該有排攪,所以我都係走人好了

overall感覺有點奇怪,加埋第2日既破地獄,將靈位搬黎搬去唔知點咁,總之就係有d怪,嗯

[20/08/12]
Photo Link <<<<<<<<<<

盂蘭勝會(初四) - 牛頭角潮僑盂蘭勝會

貳零壹貳年捌月貳拾號(柒月初四) - 牛頭角潮僑盂蘭勝會

本來想去順天村再入筲箕灣睇過橋,但因地鐵太多人好耐先到觀塘線,睇時間去到彩虹再搭小巴入去再番出黎去筲箕灣應該會過8點,所以轉plan番轉頭去左牛下先,依個係牛頭角潮僑盂蘭勝會,都係潮州既,因為係第1日,所以祭品唔算多,而且夜晚其實冇咩攪,只有戲班係度,人亦唔算多,不過呢個神壇就好大好深咁,而且福品亦多,仲掛晒彩帶咁佈置一番,係福品台果邊未見有米但見到傘呀水筒呀書包呀咁,應該係第2日要黎比d街坊既,不過我未見過儀式所以未知點做,下次去問下人依個叫咩名先

依度同東頭村一樣,都係用竹棚,感覺比較好

另我卒之係依度見到鬼仔了,如冇睇錯既話佢係大士台前走過,丫,依度既大士王打綠燈,有另一番感覺,anyway,睇左一輪之後就走人了

[20/08/12]
Photo Link <<<<<<<<<

盂蘭勝會(初三) - 粉嶺潮僑盂蘭勝會

貳零壹貳年捌月拾玖號(柒月初三) - 粉嶺潮僑盂蘭勝會

因有時間多,所以點零兩點由赤柱入去粉嶺,本身去到柴灣想順手去埋新廈街海陸豐果個,但因時間真係唔夠,所以都係入左粉嶺先再出番黎先再去睇完入筲箕灣8點睇散花,但入到粉嶺已經差唔多四點,場都都好大但就唔係竹棚,爭少少咁啦

剛好做緊瑜伽焰口,都幾熱鬧,手印相當特別,拋出香之後就係一d唔知係咩果(後來知係叫姑雷果),都幾多人去執,我都後尾都執到個,羅上手林林地,好似係飯既東西,但因之後再拋出我唔知係要唔要得,所以影完相後放埋前台位,有人即刻羅左lu

食左個粥,仲有佢d齋要黎送粥相當好味,之後左人話有北斗同散旗,所以都係決定留番係度睇埋先唔番過筲箕灣lu(散花好似之後都有,而且我覺新界熱鬧好多,所以就揀左留係粉嶺)

仲順手睇埋化寶,化大士,派米等等,都幾齊心同要好多人幫手至得

7點幾番到去開緊好多圍食飯,應該有3-40圍左右,加上岩岩做緊潮劇,第一次睇覺得d衫好靚,之後主席定唔知係理事既人同我傾左少少計,我問佢有咩黎緊做,佢話拍賣同請神.之前明明話北斗同散旗,但開晒飯開晒戲咁都唔知有冇,但未睇過所以就問左人搵左個位坐下,一邊做戲一邊拍賣d人又食飯咁都幾熱鬧,拍賣呢好多都係金既野,仲有d名牌袋咁,真係唔平所以反應一般,多數都係d司理買番,野野成萬或幾萬咁,做得d總理司理都真係十萬八萬唔走得,之後既祭品反而多人要,可能比較感覺係特別少少,所以都多左d人投,睇睇下神棚果邊又有儀式,所以我都係走左去睇,問人原來就係北斗(佢話道教係禮斗佛教係北斗喎),主力要黎儀式完後酬神,再後黎就係散旗,所以我都係坐定定係神棚前睇儀式好,但一邊做劇一邊拍賣再一邊儀式,真係好熱鬧

另一邊經施棚聽到有聲,就見做緊北斗,之後係謝佛散旗,原來非常好睇,開頭慢行之後就開始快,而且穿插轉圈,真係幾好睇

[19/08/12]
Photo <<<<<<<<<