惠東雙月灣平海古鎮 - Day 02

惠東雙月灣平海古鎮

Day 02

一早8點起身食早餐,之後坐車去左睇雙月灣(上次個司機唔得閑,今次司機唔識人,海龜博物館無得平,所以無入去),今次雙月灣無比人block,睇黎軍方同鄉民已經攪掂之前既掙拗,但今次天氣依然係爭d,而且好似又多左高樓,感覺唔和諧(開始同香港夜景一樣,一支支高樓頂住晒),再去左買煙花(上次無玩今次多人想玩,有得玩了,聽佢地講算好平,買左一堆之後就再開車,去左其中一個沙灘(開車時經過一個幾靚既想停車行下,但原來已經比人收購左,無得入去),之後去左另一個長灘,雙月灣既沙灘真係好死長,行晒都幾係野,仲見到好多魚沖左上岸變咸魚,上之好似唔多覺

食飯前再去左平海古城,今次無去其他地方而且無落雨,所以睇既時間多左,唔似得上次咁只係去左其中一個城門咁慘

去左一個古老既城隍廟,入面幾唔錯,而且陽光打落d煙度,幾靚,但因無腳架,所以係比較難影,入左最入面既內堂,d光線更好,可惜無咩時間,所以好快走人

之後入左村,行過一兩個城門,當中經過某d屋,睇番個感覺真係幾古城下,非常唔錯,可惜又係無時間慢慢行,之後經過一間好舊既飛髮鋪,老闆講張倚已經係第三代,有成百年,但個設計好有型好實在,利害,而且仲比左把舊剪我地睇,佢話已經有5-60年歷史,當無電時依把剪仲可以羅黎剪頭髮,勁

再之後去左東門城牆,上面牆頂,原來個城牆邊可以行到,之後行埋北門就走人了,番去食lunch

lunch又係一貫既豐富同埋好食,休息左陣就同另一fd兩個人去多次平海古城,之前真係未行夠,本來一路行一路等,但背轉身又好睇睇佢有冇黎緊,所以最後係馬路等,企定等又唔見巴士黎,有個摩托黎問我地去邊,因我地有兩個人所以第一次拒絕左,但第二次另一架就上車算了,5蚊又可坐晒我地兩個係窄少少但好過係度呆等

坐車唔洗十分鐘就到左,慢慢周圍行下古城真係幾古城,而且可能本身無咩遊客,d村民亦唔多理我地只係好柔閑咁繼續佢地慢慢既生活,無幾耐行左去西門(上次行過果度,又去番我覺得好有特色既古廟),坐左陣周圍睇睇,fd話想搵番走前見晒咸魚個位但搵左好耐都唔見,最後行行下去埋南門,真係一日之內行晒四個門

見時間都好晏,唔想天黑先走,所以未夠6點就坐番巴士走人,落車時見佢地企係門口睇日落先醒起,拿拿臨上天台睇,仲見得切個太陽,但好快就唔見左了,而且個magic hour亦好似無上次咁靚,哈

夜晚係食燒烤,真係第一次,而且都幾凍下,但食食下又ok,因蠔係岩季節,所以好肥美,食食下先醒起好玩煙花,見時間已經晏又食得咁上下,所以就係9點幾落左去對面空地玩(太夜驚嘈親人),都係大煙花好玩得多,有d得個嘈字,一大班人玩真係唔錯,不過煙世係一種好快玩完既東西,所以雖然買左好多但半個鐘右左已經玩完

上番去食糖水,老細佢地已經唔見晒,所以自己黎,但個老葛糖口好淡(後尾先知原來未落糖,我地只係搵左鹽,但原來落鹽勾番d葛味出黎都好正,個老葛聽講種左十幾年,所以d葛味真係好正,之後吹水吹到成點鐘,我頂唔順番去訓了,不過又係厚雲,都係無咩星

To Day 03

[18/01/13 to 20/01/13]
Photo Link <<<<<<<<<<<<<<<

惠東雙月灣平海古鎮 - Day 01

惠東雙月灣平海古鎮

Day 01

又係上惠東既日子,星期四晚放工後食過晚飯就上深圳按摩過夜第二日一早去落馬洲方便少少,但按開既金色陽光居然已經執左,有少少失落,之後又唔知去邊度落腳好了,之後搭車去左落馬洲果邊既地方按,個名唔記得了,環境好過金色陽光少少但價錢好似貴少少,而且果邊真係唔多方便,anyway,第時先算

第二朝一早擦牙洗面後就出發去火車站對面既茶餐廳食早餐,果然係另外一間港式既好,起碼wifi係真既而且還算順,食完野等齊人就出發,車程仍然係耐,要成3個幾鐘,上到去已經點幾,分好房放開野就食lunch,第一餐通常比較清,依次亦係一樣,番薯,栗米,紙菜湯,抄米粉等等,之後去左睇農場,今次無火龍果,仲有楊桃,有太陽花,而且第一次咁近距離見到葵花籽,真係可以食,不過當然唔可以羅晒黎食,因為要黎做種子用,所以我無食到

過左去馬路果邊既農田,有番茄仔,唔係太多可食,所以我無食到,不過細細個又靚,聽講都幾甜下,之後呢,當然係要食生栗米啦,真係好好食又甜又名汁(當然好似第一次黎既朋友咁,開頭唔信生栗米係可以食啦)

再去左雞場果邊,d雞既毛色仍係好靚仔,而鵝呢當然仍然係好鬼嘈啦,今次仲有牛,一隻半歲一隻三個月,好得意,上次都講過依度既牛眼神好純真,唔似得香港果d咁惡,餵佢地食野影下相咁,聽明哥講隔離電廠可以比牛仔入去食草,好快已經無晒雜草個草地靚晒電廠亦唔需要搵人番黎割草,一舉兩得,天然總有佢既平衡),之後仲見到鵝仔一堆,好怕人係咁跟住前面既大佬走,哈,不過明嫂話鴨已經搵唔番(上次走失左,我地走果日明嫂係咁搵果兩隻鴨)

睇完雞,鵝,牛之後去左對面馬路睇農田,已經開始有變化,對開一大忽已經係黃土,睇黎係起屋之類既野,而且放眼望d田好似細左少少咁,唔知心理作用定點

之後番房休息7點左右食飯(今次睇唔到日落),晚飯係雞,魚,葛等等,而且咁岩附近水塘放水,捉左幾隻野生水魚,雖然得番隻細,但人一世物一世當然要食下,真係無咩機會,用左隻雞黎煲,幾好飲,而且最值錢既水魚裙邊都食左少少,之前未食過裙邊,好滑感覺唔錯

之後同隻貓玩左陣就番房訓了,今次天比較厚雲,無咩星星,唔知第二日睇唔睇到呢

To Part.02

[18/01/13 to 20/01/13]
Photo Link <<<<<<<<<<<<<