環湖-船灣淡水湖郊遊徑

貳零壹叁年拾貳月貳拾玖日 - 環湖-船灣淡水湖郊遊徑

船灣淡水湖郊遊徑~烏蛟騰>九抯租>上下苗田>大峒>觀音峒>鹿湖峒>鵝髻頂>虎頭沙>長牌墩>白沙頭>大美督

之前我未行過環湖,所以時間岩就整一次行下啦,環湖呢就係船灣淡水湖郊遊徑,大部份同網上所指既差唔多,不過我地就由烏絞騰開始經九手旦租,上下苗田入大峒bypass 左馬頭峰同橫巔果頭既,依度聽佢地講算難行,難度有4級,不過可能係冬天,所以其實唔算難,不過就比較朦天,所以景色一般

好了,我地一早未天光就大埔門口出發,果時得4.4度,好鬼凍,食完早餐等齊人後再渣車入烏絞騰, 8點出發行,先前講過我地bypass左馬頭峰橫巔直接經九手旦租入,過左成日路過既大峒後就進入觀音峒鹿湖峒.大約用左三個鐘,個view唔錯,不過就太朦了,香港就係咁,大部份時間要清就熱死要涼就朦死

完左鹿湖峒落山,由鵝髻頂過虎頭沙,有時d路有分叉同埋係唔似路既路,不過算易行,我fd中途仲插住袋行添,可想言之係幾輕鬆,可能唔係camp所以輕便啦,anyway,行多兩個鐘去到長牌墩差唔多一點,食下野繼續行去大尾篤方向,大約一個鐘到伯公咀,就開始入水壩

係白沙頭過水閘,依度幾特別,一度度門咁,左手邊望海,d水好清唔太大浪,但無咩生物寄居,蟹都唔見隻,見有d人係度釣魚咁,跟手就正式係水壩過大尾督,不過條壩好長好悶,差唔多景色好似行極都唔完咁,悶死了

最後出番最多人既大尾督一帶,有人放紙鳶踏單車咁,再後就係燒野食既場地,行完了,總共15.5公里 用左7hours,輕輕鬆鬆完成了環湖,就係咁了

[29/12/13]

Photo Link <<<<<<<<<<

Court

~~Court(我要真....審訊) - [2014]~~

以一場貌似荒謬但背後有目的而為的案件為引子,透過這場法庭戲帶出印度的法制政治問題以及角色們所引申出來的社會複雜性,不同的言語種族宗教生活階層想法手法價值觀等等,印度是何其複雜的民族,其實很難一次過涉及詳述所有,此片已盡量夾雜為一而且歌很好亦沒有過位的論調當然可能會覺得有點太平淡,但以我所認知的印度習性就是如此隨意,之前很少看印度這類認認真真涉及社會問題的電影,希望有多些機會欣賞到這種伊朗羅馬尼亞式的手法及著眼點

[16/07/15]
Photo Link

魔鬼山軍事秘境團

貳零壹叁年拾貳月貳拾捌日 - 魔鬼山軍事秘境團

依個係長春社同海濱攪既魔鬼山軍事秘境團,好多年前行過衛奕信徑3段去過堡壘不過就係行山而唔係專門為魔鬼山背景而行,今次應該會行得全面d又會知多d

我地10點鐘係油塘地鐵站等,經鯉魚門道高超就斜路上都要差唔多半個鐘先去到3段入口,先係路口講左魔鬼山既background,1898年租借地1920年起黎軍事用,魔鬼山之前因形狀問題叫雞婆山,亦有別名叫惡魔山,後來唔知係中譯英再譯番轉頭就叫左魔鬼山了,而路既右手睇到鯉魚門,有個山坡之前就係運炮小路,依度去到天主堂個位有50-60度咁斜,所以如果要運380磅既大炮都要20幾日先得,不過加下望落雜草叢生,睇唔到咩痕跡了

上山前再show左d當時既炮台相出黎,咁就有多少少完整既概念,開始行上去無耐就見到有一排山,係正鬼山同安達臣礦場同秀茂坪,而最近我地既山邊有幅牆係度,guide話好多人係度攀石wor

再上好快就到魔星巔同歌賦炮台,之前行無好似無行入去,依度雖然無左之前show相咁完整既炮台,不過都隱約見到d痕跡,有d比炮彈打過既凹痕,有個好大既圓台,地下有d一舊舊既突起圓石係防滑用既,又可行落去同走入去炮台底,某d通風位又接番上炮台上面,不過加下好多地方都生晒樹又有d人整左神位係度,不過算係幾有特色既舊炮台,而歌賦炮台個名,就係來自當時既指揮官歌賦的

行完歌賦炮台再去下一站魔鬼山陵堡,上到去陵堡之前係路既右手邊有個叫綠石礦洞,有d坑位係度,不過唔講真係行過都無留意,上到去陵堡就先講解歷史,依度係拉吉堡兵團沿守,而係1914年完工,聽講英軍係12月13號最後退守走時都經依度離開既,咁再睇實物,仍有好清楚既炮擊口,不過印象中依度好似山坡仔既地方好多已經整平左仲有個平台仔又有欄杆係度咁已經破壞左當時既實際面貌(我當年行依度時仲好raw下),guide帶我地睇牆上既記號又搵到1914年既marking,又係唔講唔會留意既東西

睇完就去下一度,魔鬼山陵堡(子堡),依個係細個d既陵堡得條戰壕同少少圍牆咁,影左少少相就落山了,經奕信徑行去鯉魚門方向,有個草叢,guide話依度可行入去砵甸乍炮台,不過因地勢問題,我地無行入去,不過就show左d相睇下咁,亦交代左當年圍住鯉魚門所有既軍事防線,不過係對面海果d我好似無去過

經山路仔落穿過輋頂村,有d石屋同寮屋係度,好多都畫晒number既,之後就接番係鯉魚門村走了,經過見到有人曬咸魚,而我就去左村口既鐵皮屋食野,旁邊有班雀係度食d剩飯,有時又有d狗行過咁,d人亦唔多而且好柔閒,真唔錯

[28/12/13]

Photo Link <<<<<<<<<<<

Gaea Girls & Shinjuku Boys

~~Gaea Girls & Shinjuku Boys - [2000 & 1995]~~

查實呢的看cover這麼cute而封底又血又老土西裝褸及pose我還以為是cult片(看後才明白這design為何),原來開出來是我比較少看的documentary,而且還是相當認真的制作,此dvd有兩部份,前部講述女子職業摔角的艱辛訓練,而後部是女扮男裝的酒吧男郎職業,兩者生活在日本這個大男人的世界,所經營的還是男人的範疇,果真夠另類,一個為理想衝前一個雖然性向為主但亦看出較為生活立定而活,前者身體上的催谷較勁後者情感缺失填補,兩者都是極少接觸及認識,但此記錄片對於當中人物的情緒情感性格想法等等在有限篇幅下仍能交代清楚及引起觀眾的興趣,算是很不錯的記錄片

[14/07/15]
Photo Link

Why don't you play in Hell

~~地獄でなぜ悪い(Why don't you play in Hell,一代電影粉皮) - [2013]~~

很痴線的園子溫電影,血腥暴力是其次,最重要是一整群瘋狂的神經病,而且還是129分鐘,雖然中段有些悶,但明白這是電影人的瘋狂吶喊,特別是後段實在hyper得也想一同嗌出來,日本人真是可以很痴線

[14/07/15]
Photo Link

13 Tzameti

~~13 Tzameti(百萬殺人遊戲) - [2005]~~

色彩氣氛及整個tone也是灰白冷峻,整套片沒有一絲笑容,各人有各人的任務或目標,只有主角無辜捲入身不由已的遊戲當中,低成本製作,氣氛還好,但故事過於簡單,相當簡約的電影,還可以

[13/07/15]
Photo Link

衝鋒車

~~衝鋒車(Two Thumbs Up) - [2015]~~

這類瘋狂但處處流露真性情的電影,在香港較為少見,場面及故事處理上不錯,雖然關於枝節上的感情有點兒單薄造作,但其他處理還好,此片有很好的演員很好的對白,淺白直接的批判影射,全片充滿黑色幽默看得令人痛快亦看得令人痛苦,曾幾何時說過香港已踏入黑色幽默年代,只有黑色只有幽默才可令人會心微笑,尾段印度式處理可能很多人覺得誇張失實而失控,但我也希望香港會這麼cult而告終,一部黑色都市童話,值得香港人一看

[12/07/15]
Photo Link

半邊人

~~半邊人(Ah Ying) - [1983]~~

看過方育平的獅子山下還有美國心,難怪這片有很強烈的熟悉感,當然還有很多很久沒見的日常生活及環境,現實與理想的拉扯,很扎實而且非常寫實的電影,人物心態描寫細膩,但節奏及電影本身對觀眾的考量非常少,就是盡量去拍自己要表達的東西,真人真事改編,很值得懷念的香港新浪潮時代

[12/07/15]
Photo Link

The Truck

~~Le Camion(The Truck,貨車) - [1977]~~

well~這是一套不錯的電影,雖然它是以小說形式去呈現當中的故事及畫面,而且節奏緩慢喋喋不休,但就留有思想空間給觀眾去"看"這套關於某一時代某一想法或某一撮生於同時代同空間被捆绑的人所前行的路程,雖然很多政治上的言語及嚕囌,但沒太大的距離感,相反地很多時同步於故事中的感覺及空間,最後由旁觀切入主觀鏡帶觀眾一同進入時間的巨輪,原來公路電影可以這樣的展現,有趣的觀摩電影

[04/07/15]
Photo Link