緬甸 2013-01-31to02-16 - Part.08b(07Feb)

緬甸

07 Feb 2013 Wed Mandalay(Amarupara,Sagaing,Inwa) Sunny day

睇睇錶已經係2點,開始搵食,車左成個鐘,唔知佢係搵食定番Amarupara,行行下仲要番轉頭,攪左成個幾鐘坐到羅友都爛連手腳都唔係自己咁濟,本身架車好新,所以先用二萬ks坐,諗住唔會點壞車,叫佢坐埋船直入Inwa可以唔洗自己行或租馬車係會方便同快好多,所以電單車係最好既選擇,但佢架車有隻腳踏爛左,車尾又無把手,坐左幾個鐘倦死我,最後卒之停車食野,我就食左個麵,睇睇gps自己係邊,原來唔係Amarupara亦唔係Inwa,反而近左曼德勒市區,問司機要去烏本橋日落,佢話ok,但要入油,開始以為佢坐地起價要到30000ks先肯去睇日落,最後攪左一輪先知原來佢要3000ks入油,雖然知道唔用咁貴油錢,但係inwa都用左好多油,算佢啦,請埋佢食飯又唔見2000ks,
加加埋埋都用左27000,仲要幾辛苦下,都唔知坐電單車其實係岩唔岩既選擇(一般車上年價35000ks)

番到town車左去佢鋪頭,當然我再問多次佢我要去烏本橋,原來佢係番黎換衫,再過去Amarupara到番烏本橋,時間係5點左右,因時間已晏所以已經好少船係度,想問下人join船出海問左幾個都係唔出去既,算了,就咁係岸邊睇好了,日落果真迷人,但支鏡唔夠遠,所以影唔到太近既圓形太陽,最後影到日落就走人,想叫佢車我番到佢檔口就可以但司機聽唔明,仲想車我番酒店,最後搵左個英文好少少既人做翻譯,卒之番到酒店,比錢時仲要貼士,雖然佢服務算唔錯,但食飯油錢(特別係果3000油錢明顯係昆水,之前油站1000ks都用左好耐,之後佢要左3000蚊後就自己走去入油唔同我一齊去,一定係入平油)所以我只係比左3000佢,最後計數我用左30000ks(雖然包埋食),而且仲好倦,腰都斷開

番到酒店首先問counter有無人送火車票比我,好彩無漏到,除左車票仲幫手寫埋咩月台,真係非常幫手,果10%真係抵比,沖左個涼後就出附近食搵食,點知搵左一段路都唔見有野食,之前明明記得好近有幾檔野食,最後算了,見咩食咩,搵到個地mou檔求其食,只要600ks(唔用5蚊港紙,好平),我最後仲要添飯,唔錯

番到酒店因第二朝要好早起身,所以未夠11點就訓了

To Part.09 - Mandalay,Kyaukme

[31/01/13 to 16/02/13]
Photo Link <<<<<<<<<<<<<

緬甸 2013-01-31to02-16 - Part.08a(07Feb)

緬甸

07 Feb 2013 Wed Mandalay(Amarupara,Sagaing,Inwa) Sunny day

因今日要去曼德勒(Mandalay)既市郊,所以7點就起身係hotel食埋早餐先出門口(咁貴唔好蝕),雖然個早餐無咩特別,但勝在服務好,唔錯

出左門口係街見到一檔檔口,似係租車既地方,就問下價錢,問左一輪show埋Lonely planet既緬甸文地方先問到價,要20000k(跟據之前一年既資料,遊三地全日包車加小費要35000ks),跟手佢up左一輪唔知佢講咩,但我話total 20k,最後佢話好,咁就8點出發,本身話係20000k全包,點知一開始已經要入油,用左我1000ks,咁平,算啦

首先去左阿馬拉布拉古城(Amarupara)既烏本橋(U Bein's Bridge,全長1200米,係世界上最長既的柚木橋),可能時間尚早,都幾朦下,但影出黎又感覺唔錯,行左一段橋見到d人係度捉緊魚趕下鴨咁仲見牛車成架係水連牛加車架車夫一齊係水遊緊過河,幾地道幾特別既生活感覺,之後落左橋底又行左一小段影完相就走人了,係我走時d遊客先開始出現,見時間差唔多十點半,以為係去千人和尚廟(Maha Ganayon Kyauny)睇和尚食飯,點知佢一野已經車左我去實皆古城(Sagaing),是鬼但啦,我去Amarupara最主要係睇烏本橋

去到Sagaing首先過左去松烏蓬那信寶塔(soon u ponya shin pagoda)順手睇埋至實皆山(Sagaing hill),但天色都係朦個view只係一般,而且依度會收影相費,雖然只係300-500ks每一間,但算可以啦,再去左Umin Thounzeh,一個個新淨的佛像,因太新所以感覺一般,之後有時間,就去左食少少野,但我因已食左早餐,所以只係飲野,加埋司機食既野,只係1100ks,即係唔洗十蚊港紙,再睇時間,仲係好早,所以指左個圖叫司機去埋乳塔(kaunghmudaw paya),去到原來已經由白色變左做金色了,但真係好大個好壯觀,利害,而且玻璃設計好靚,但整體感覺實皆古城比較華美而且新淨,因為我中意原始樸實,所以感覺一般

睇完就去另一度因瓦古城(Inwa),要坐船入去,如果係租車就要自己過再去到inwa租馬車或自己腳行去睇寺廟,但電單車可以一齊入去,方便好多,我地先去左睇黃寺(maha aung mye bonzan),都幾舊下仲行埋入去,有d似吳哥,有三個迴廊,木地石牆,行左陣仲落埋底部d相影出黎都幾特別,行完有少少肚餓,就諗住食野先但司機話去埋下個先食

丫,因佢其實係市區司機,所以有時要問路先識搵,仲有如果無緬甸文既地方,佢係唔識點去,所以係黃寺買10us通票時,就問左阿姐叫佢幫手話比司機知點去yedanasini paya(即石柱中大佛),因依個係林中大佛,唔係一般地點但好似幾特別,所以好想去,問左後開始搵路,因今日係去郊外,食野真係好難講,所以係酒店我已一早羅定香蕉係身,見唔知要攪幾耐,所以食下蕉頂肚餓,最後搵左一段時間再問下人就搵到yeda了(途中經過大鐘樓Nanmyin不過我無行上去),因為天氣其實幾熱,所以司機就係出面既水井沖涼,我呢就行左入去睇寺,整個感覺非常特別,真係值得搵咁耐先黎到,再去就係寶迦雅寺(bagaya kyaung),又係舊寺廟,主要係木制,好舊好靚,除左窗,門柱既雕刻都好靚,仲見到有和尚仔做緊功課,又少遊客,感覺非常不錯既inwa,真係無黎錯

To Part.08b - Mandalay(Amarupara,Sagaing,Inwa)

[31/01/13 to 16/02/13]
Photo Link <<<<<<<<<<<<