Až přijde kocour

~~Až přijde kocour(When The Cat Comes,魔法師的貓,一日一貓) - [1963]~~

相當奇幻的電影,不太難明,由人性再直白的談及政治,特別是尾段城中小朋友表現充滿革命氣息,當中魔術的一場戲相當精彩,古怪人物古怪登場,彩色人手法相當前衛,而且片中捷克景色實在一讚,雖然幽默感過於生硬而且中段有點悶但要帶出的主題其實頗沉重,實在是配合捷克童話的風格

[05/12/13]
Photo Link

緬甸 2013-01-31to02-16 - Part.15(14Feb)

緬甸

14 Feb 2013 Wed Bagan Sunny day

因房好近馬路同大堂,所以好早就嘈醒左,見4點幾就起身擦牙出去睇下馬車會唔會到左,點知都係未見,見其他人係咁出發我架馬車都未黎,都唔知約佢5點半係咪太晏,卒之司機準時到左,架馬車算細但都算幾舒服,但坐2人應該會辛苦d

未天光都幾凍下,想去Shwe Lake Too睇但佢都唔知有無聽就車左去較遠既最多人去睇日出既瑞杉多佛塔(SHWE SAN DAW Pagoda),好彩人未算太多,我仲有位落腳架,但又係雲多,睇唔到日出,但成個天紅晒還可,算好過無啦,睇完日出就番酒店攪好機票再訓左陣,十點再出發

先去瑞西貢佛塔(Shwezigon Pagoda),可能係遊客指定地方,d商販好似迫人買野咁,我唔係咁中意,再去本身想睇日出既Shwe Lake Too,樓梯比較斜而且窄,爬上爬落幾過癮,而且景觀唔錯,望得幾遠,睇左陣再去下一個既悉隆敏羅寺(Htilominlo temple)同烏帕利寺(Upali Thein),前者石雕多而後者壁畫精美但唔比影相,感覺同Monywa cave同一類,最後去埋瑞古意塔(Shwegugyi temple)同達賓紐寺(Thatbyinnyu Phaya)就去食飯了

可以食西式又可以食緬式,我揀左緬,坐到入去所食既野係無得揀,但都係緬甸菜既特色,好多一碟碟,味道還算不錯

下畫再行塔,先去摩訶菩提寺(Mahabodhi Paya),入面無咩特別但側邊既牆雕刻唔錯,有d似柬埔寨既圖像,再去Bupaya pagoda,依度可以望到伊洛瓦底江河(Ayeyarwady),睇左陣就去喬多波陵塔(Gaw-Daw Palin Phaya),米內良塔(Mi Nyein Gon),狄瑪揚義佛塔(Dhammayangyi Temple)依個係我最想去既塔,果真比較特別,入面比較原汁原味(有d地下仲有好多蝙蝠屎)而且宏偉,走廊既形狀不錯加上陽光幾靚,至於其他既寺好一般,而且壁畫我係Monywa己睇好多，所以更加興趣一般，下畫既蒲甘好熱，而且馬車搖下搖下咁我好想訓覺，如果踩車都幾辛苦，咪攪我

日落前再去埋蘇拉瑪尼佛塔(Sulamani Pahto),依度都好多壁畫睇,睇左陣就去睇日落,本來我想去Pyathada Paya但司機話人多去另一個都好靚既,去到原來又係Buledi,所以再一次係度睇日落，但見天都係有雲唔樂觀，果然又係睇唔到成個太陽，激氣

番到酒店找埋馬車數就入房，見有番電就叉下相機電,但因無晒錢所以又要出番去唱多50蚊美金食飯搭車同最後一日仰光既使費,好彩仲唱到,最後攪掂晒係酒店對面求其食就算，要食番d平野先得,舊蒲甘果邊食野實在太貴,番到去坐左陣，又無電，真係有冷氣都無鬼用

To Part.16 - Bagan,Yangon

[31/01/13 to 16/02/13]
Photo Link <<<<<<<<<<<<<<

緬甸 2013-01-31to02-16 - Part.14(13Feb)

緬甸

13 Feb 2013 Tue Monywa, Bagan Sunny day

搭6點車到蒲甘(Bagan),司機5:30到左hotel車我去巴士站,仲幫埋我搵車搭,問佢幾錢車我去車站佢又唔講,所以我找數加比多2000ks佢算了,上車時因位比人用左黎上貨未有得坐住(之前睇資料話坐後排好d,所以揀左最後既坐位,睇情況應該係唔同車公司,後排根本就唔好),等左陣見仲未攪掂,就睇下佢地裝貨,都好有一手裝得都算整齊,d人係咁上車,我再唔理咁多就坐前一排個位算了,最後一排位後面就係堆到上天花既貨,雖然有加索帶但唔想霖貨時責死,所以都係前一排好d

車4個鐘就到蒲甘,去到車站係附近食左d野,咁岩有一大隊人係度巡遊,著晒彩色衫又騎馬又牛拉車仲有一大班人跟係後面,唔知係咪出家既儀式呢,之前睇過有d似係,anyway食完野坐1000ks單車去酒店,房係20us有熱水包早餐,間酒店(MAY KHA LAR GUEST HOUSE)相當忙碌,好彩receipion 阿姐好好人,而且房亦執好左,等左陣就有房了,入到房放低野見無野做就訓下先去食lunch,雖然之前係車已訓死左,一直訓到2點先起身,整得野黎已經3點,本身唔諗住踩單車但條路好似唔近,而且又想去舊蒲甘睇日落,都係踩車方便,但可能我太遲羅車,只係得番幾架而且好高,我只可以單腳腳尖掂地,都幾唔舒服下,而且係踩馬路,好彩大車唔多,係酒店附近見有架馬車,問下佢價錢,日出日落佢要我25000我還價最後係23000,其實都貴不過費事再搵就算了,約好時間就踩出去巴士站方向搵野食,見一間有冷飲同食既cafe,嗌左個飯同可樂但攪左好耐先食得,而且都成3000ks(23hk)都幾貴,卒之食到成4點先出發

首先去左Buledi睇日落,人都唔算多唔算少,但日落好多雲睇唔到咸蛋王,而且有d地方係沙地,加上架車太高,好難踩,再去Ananda Temple(阿難達寺)睇夜晚開燈後既景,去到附近岩岩係magic hour,唔錯

放低左架車入去睇,還可以,佢另一邊熱鬧少少而且見到另一座寺,唔知咩名但開燈後都幾靚,可惜唔記得帶腳架,好難影,睇完野番轉頭羅車,點知鎖左門,想搵路出番去,行緊時見有兩個外國人同工作人員講緊,原來佢地部車都係放左係我同一門口,所以叫工作人員幫手開門,羅番車後就踩番酒店方向,沖好涼再踩出去食飯,搵左間望落唔錯既食,又係貴野,食左我4000ks(32hk),番到hotel輕鬆下check下email睇下相咁,因日頭訓得多,所以成十一點幾都未眼訓,但突然間又停電,黑蚊蚊只好早d訓好了

p.s.係緬甸要把握時間叉電,因唔知幾時會停電,所以一有機會就要早早叉晒d電,唔係就好煩了

To Part.15 - Bagan

[31/01/13 to 16/02/13]
Photo Link <<<<<<<<<<<<<<<<