Taxi

~~Taxi(伊朗的士笑看人生) - [2015]~~

是我第五部看Jafar Panahi的電影,對上一部是2011年的This is not a film,是一部被軟禁在家前路茫茫的作品,節奏比較壓抑而緩慢,但這部是緊湊而活潑,當然,他的電影仍是以小市民及社會狀態而行,一個個故事有著很多導演要說的話,有著很多一早已有答案或從來沒有答案的問題,Jafar時常面帶微笑的演繹,很有一種智者處之泰然的感覺,雖然後段情緒較為波動,但不失風度,很難去判斷是否值得金熊獎的榮譽,但看他的電影總千言萬語之感,此片壓縮在的士內反而狀態大勇,值得觀看

p.s.此片中的伊朗已經很不同,明亮整潔的樓宇及街道,再也聽不見嘈吵混雜的人聲及秩序,有點不習慣

[29/05/15]
Photo Link

瘋劫

~~瘋劫(The Secret) - [1979]~~

因電影資料館百年電影中會選播這部瘋劫,令我記起原來沒有看過的,但播影時間不對,所以網上找來看看,此真是一部上成的香港電影,無論在故事,氣氛,鏡頭,調度,空間,剪接等等也見功夫,而且也頗為稱職,此片最令我驚喜的是徐少強的角色,完全改變了我一直以來心目中的形象,此外還看到了舊香港的氣息,加上新浪潮時期的視角及力度,雖然比起其他批判性較朦糊而且外國取材不少以及尾段稍為薄弱,但不失為一部值得一看的電影

[16/05/15]
Photo Link

White God

~~Fehér isten(White God,狗眼看人間) - [2014]~~

講種族講制度,以狗喻人,場面漂亮,雖然整部片傾向小型及獨立電影感覺,但當中的一連串的隐喻甚為明顯著力,誠意可嘉,結尾尤為出色

[12/05/15]
Photo Link

Agnus Dei

~~Agnus Dei(羔羊頌) - [2012]~~

薩蘭托國際電影節的其中一部電影,主要說的是戰爭及種族鬥爭下的悲劇及醜惡,處理上不過不失,雖然貌似營造及戲劇化,但聽說是真人真事改編,還可一看

[08/05/15]
Photo Link

Littkens

~~Littkens(Scars,孤星劫) - [2014]~~

導演手法比較生硬幼嫩,而且很多時用上跳接快接音效去推故事畫面,本來這類獨立電影問題不大,但放在這故事上硬是有點古怪,anyway,此類題材很是熟悉,此片沒太突出而且人物描寫不足,有點浪費,但感覺此導演驚慄感方面不錯可能會有發揮,let's see

[22/04/15]
Photo Link

What We Do in the Shadows

~~What We Do in the Shadows(直擊殭屍屋) - [2014]~~

紐西蘭的black comedy,有點英式幽默的機智,攪笑成份還算不錯,人物及故事跳皮跳脫容易令人產生好感,可愛的小製作,還不錯

[31/03/15]
Photo Link

心迷宮

~~心迷宮(The Coffin in the Mountain) - [2014]~~

開初有點點日韓片影子,故事及手法不見太創新但仍相當不錯,黑色荒誕的國片,處理上還算明快流暢,除了手法及撚故事技巧外亦加插了點點人情味及多方社會現象,但點到即止,總的而言還不錯,值得一看

[30/03/15]
Photo Link

The Look of Silence

~~The Look of Silence(沉默的眼睛) - [2014]~~

繼The Act of Killing後第二部Joshua Oppenheimer的documentary,更deep dive的去探究當年的事實如何,今次不是以殺人者為主角而是以受害者以及老中青不同的認知及角度拍攝,部份用上之前拍攝的片段再放於此片進一步的探究質詢什至乎進迫當事及非當事人,可惜所帶出的畫面以及感覺令人違憾而難受,此等事件的發生以及後來所謂的事實所呈現的畫面多以面目含糊而告終,而且不斷重重複複的在世界不同角落上演,導演很懂得控制及駕馭電影以及觀眾的走向,當中的心力也一定花費不少,總的而言此兩部為很值得一看的記錄片

[24/03/15]
Photo Link

Men Who Save The World

~~Lelaki Harapan Dunia(Men Who Save The World,偽娘捉鬼記) - [2014]~~

開初有點慢後來明顯好多了,無知迷信下的犧牲品,用黑色喜劇手法去表達,但其實不能稱之為喜劇,滿無奈而沉鬱,算是比較實在的電影,還不錯

[24/03/15]
Photo Link

Nekromantik 2

~~Nekromantik 2(困惑的浪漫2) - [1991]~~ 

相對起第一集失色不少,此乃緊接上集的故事,但就換成女的主角,感覺上此片比前集保守而柔和(簡單的說就是沒那麼變態),而且拍攝及表達傾向藝術及實驗電影感覺,雖則上集也有此類鏡頭及手法但出來的效果流暢而好玩得多,而這個就變得比較悶,而且此片貌似對死亡及解剖的膜拜多於單一的戀屍情意結,而且也有正常人的爭扎,沒前者的完全投入,所以變態扭曲感完全不成,至於血腥?沒比其他gory movie突出,不太成功的續集,嗯

[22/03/15]
Photo Link

39th HKIFF 香港國際電影節 2015

首先呢,真係要講下今次個design,核突到嘔,之前已經聽人小緊,上網睇過真係好老土,之後呢到左羅catalog既日子,去到荃灣大會堂,行左兩轉都唔見,心諗聽日賣飛無可能未有catalog,最後問人先帶我去搵,真係見佢唔到,點解呢?咪因為太過核突囉,放出黎同其他比較平實(我咁講好保守)既小冊子不遑多讓,即係粵劇帝女花三笑姻緣既感覺,真係on no了,可能佢target轉左(多左好多中文字幕既戲,有成百套wor),我好衰咁又諗到d野啦,當然,上年我已經諗緊

Anyway,今屆因唔係全部時間係香港,所以只可睇得一半日子左右,加上之前忙於攪旅行d野,羅左本書仔番黎最後都要開波前一個禮拜左右先認真睇同揀戲,最後有d full house有d想睇又唔係香港,唉

今年只有四套,係百忙中希望都睇到好野啦

01. Men Who Save The World, 偽娘捉鬼記 (Malaysia)
02. The Look Of Silence, 沉默的眼睛 (Indonesia)
03. 心迷宮, The Coffin In The Mountain (China)
04. What We Do In The Shadows, 直擊殭屍屋 (New Zealand)

[20/03/15]

石蘺坪麗徑坪富徑

貳零壹叁年拾貳月貳拾壹日 - 石蘺坪麗徑坪富徑

因附近開左一間酒店式住宅同埋知道黎緊會有幾間酒店開張(主力係商廈工廈改建),所以知道一定會番天覆地既改變,無得食平野了,唉

襯住一直住開既舊區仲未有太明顯變化,就搵左個禮拜六影下相(依度因住既人唔太多而且老人家為主,所以好多鋪頭平時係做依度附近商廈番工既人既生意,星期日就好多會關晒門,咩都無得食)

其實一直想影既係位於坪麗徑坪富徑既三座舊樓,名德,名堂,名賢大樓,依度住左好多印巴或南亞人,係一個佢地既小社區,但唔覺治安有咩問題,當然舊樓就會覺得佢又殘又舊咁,但都見佢已經開始番新,唔知最後會變左咩樣子

先去坪麗徑,依度有報紙檔,茶餐廳,小茶樓,印式食店,鐵打鋪,五金鋪,冷氣維修,廢紙回收,文具鋪等等,都算幾多元化,某d日子就好多印巴小朋友集中係依度,可能係樓上有間叫最後的使者運動既地方,上網check過係清真寺同做禮拜既地方,我估類似我地既社區會堂咁,而附近亦有社區中心會定期去做一d關心少數族裔既野,今次就見有扭氣球比小朋友,佢地有種我地細個時周街玩周圍走又易滿足既笑容同習性,香港加下既小朋友就無晒依種野了

Anyway,影晒坪麗徑就轉左去隔離既坪富徑,依度就係比較冷落小小既小街,本身都有少少食市同埋士多辨館同粥鋪,不過就好多已經執左,得番1-2間茶餐快餐,仲有間麵包鋪同埋機鋪,依度最特別係有間比較出名既穆斯林餐廳同埋一間好舊既唱片鋪,嗯,居然有間唱片鋪(惠林唱片),仲要係有部份賣錄音帶既舊歌cassette,真係細個時先有東西同格局

之後呢行左去大馬路,依度係青山公路葵涌段,就比較熱鬧既地方,基本上都無咩吉鋪,有食市,舊商場,紙扎鋪,燒臘鋪,生果檔,雜貨鋪,麵包鋪等等,依度最特別除左好多鋪頭貓同有隻傻狗(好大隻既唐狗,好為食但個樣又蠢蠢地,仲要成日訓係路中心最中意係最窄既地方企或訓係度,阻住晒一眾街坊行路,不過佢個樣夠傻同埋好乖,所以都幾得人中意)之外就係有檔補鞋檔,個名叫梁伯補鞋,不過我地一直叫佢做橋底阿伯,聽阿媽講佢係度已經幾十年,雖然同伯伯講野好困難,佢太老有撞聾同口齒不清,基本上重複3次佢先聽到你講咩但佢答你時又到你聽唔太明佢講咩,不過隱約聽到佢話八十幾歲,見佢工作環境好細,而且光度唔太夠,不過其實佢仲做緊生意,仲有人幫襯緊,而且手工非常仔細又好鬼平,好似2-5蚊補一隻鞋,咁大年紀仲可以睇到都算好野了

最後行埋去大隴街同打磚坪街,其實依兩度無咩特別,不過叫順手記錄下加下仲有既細鋪小檔口等等,而且因多印巴人住,有時d社區大廈通告檔口等等,會寫有佢地d蛇仔文,都幾特別下,唔知幾年後,依度既酒店開晒,又有咩番天大變化呢,希望唔好啦,依度食野都係算平,起碼我仲搵到20蚊樓下既早餐40蚊樓下既午晚餐,嗯

[21/12/13]

Photo Link <<<<<<<<<

新解禁邊境生態遊 (Part.02)

貳零壹叁年拾貳月捌日 - 新解禁邊境生態遊

Part.02 - 松園,羅湖懲教所,梧桐河,得月樓警署,得月樓村,料壆村,信義新村,馬草壟村,河套區,落馬洲村,下灣漁民新村,落馬洲警署,落馬洲瞭望台

食好晒野再出發,經過非常鄉郊感覺既松園,再行到羅湖懲教所,一直經河上鄉道行再進入梧桐河,真係一條非常長既路,踏單車就非常好風景了

無幾耐就見到沙嶺過少少就已經係羅湖火車站,見到平時行既鐵橋,又穿過東江水既大喉管,禁區牌,行行下就見到好近既羅湖同之前防偷渡既鐵絲網,聽講只係拆剩依度,前少少就已經係得月樓警崗同深圳河,聽講依個警崗之前無人注守,係開左新禁區後先有人,見到一圈圈既鐵絲網同高閘,依度就係新邊界,中間有條橋,有村民行過,但要show permit先入得黎,應該係住附近既得月樓村

睇完就繼續行,上左緊餘一排鐵絲網既車路,睇下之前既禁區界線,再行就係得月樓村同料壆村,前者係一般既村屋無咩特別而後者比較古舊,而且村後既一大片綠草地同深圳既現代化好大對比,除左睇景,亦介紹左一種黃色既植物,叫菟絲子,用黎對付破壞力強既薇甘菊,唔知最後會唔會成功呢?

睇完就開始上山行去信義新村同馬草壟村了,依個山好多山墳,雖然唔算太高但環境都唔錯,再行就見信義新村同馬草壟村,仲咁岩見到馬草壟村既村巴,禁區開放後好似想小巴可以入到黎(有貼公告),唔知依d村巴仲可以keep到幾耐呢?係馬草壟村仲見到掛左中國國旗唔係特區旗,可想言之佢係幾近內地呢,仲有見到其中一家種左一d果,之前未見過,好似聖誕波波咁,好趣怪

去到河套區,好大好大既一幅地,而且好似料壆村後既草地一樣,深圳係高樓大樓而面前既地一片鄉郊感覺,而且好似梧桐河一樣,好適合踏單車,我地呢就行路,都真係幾倦下

再行一大段路就到落馬洲村,入面有間古舊既書室,叫美德家塾,可能平時無咩人而且無咩維修,保持舊貌,但就有好多惡狗,所以行果時要好小心,前少少就見下灣漁民新村,一個細細既村落,因位置較低,所以可以清楚見到一排排整齊既屋頂,再上少少山就到落馬洲瞭望台,岩岩日落,見到少少農田仲有水既反射,感覺不錯,再上頂就係落馬洲警署,幾靚咁,伙門口影左一兩張相走人了

最後行番皇巴站,完成了一整日既邊境游,足足行左7個鐘,勁呀,睇番個地圖,行左好遠路,不過值得既,希望未發展前有機會再黎依度踏下單車啦

Back to Part.01

[08/12/13]

Photo Link <<<<<<<<<<<