小康私房菜18sep09

又再一次小康私房菜,一開黎例牌翅,每一條都仍然好粗,之後就係我次次都無緣既鮑魚了,我卒之食到了,d鮑魚汁真係好味到呢!糖醋排骨都不錯(其實小康整既野有邊味唔好食丫),牛奶蛋撻個皮硬硬地又鬆好脆好正,仲有柚皮,雖然我一直都唔太中意食,但真係煮得幾入味,再之後係紅燒豆腐外型成執蝦餅咁,有型,哈,本來覺得第一道甜品已經好靚,但原來好戲在後頭,第一次覺得浮誇野係岩心水架喎,用冰整左個透明玻璃罩出黎裡而放滿生果,夠晒靚同埋特別,咁整法d生果仲好夠凍添,第二道甜品外型都幾吸引,不太甜,幾岩我食,最後發覺莎莎真係越大越靚女,怪不知有機會嫁入豪門都唔放入眼內啦,哈哈

btw,阿琪個囝囝活潑到呢,抱住佢發黎發去真係有種撐船既感覺,好倦

另上去阿may屋企時已經覺得越黎越多人,仲係度講緊幾時會換過間大屋,最後上到去原來換左張內有乾坤,聽講價呢仲.......哈哈哈哈,真係嚇L死人咩

<18/09/09:夜>

Photo Link <<<<<<<<