大灘camp

貳零零捌年拾叁月柒至捌號 - 大灘camp

大灘camp site係一個時常去既地方,因為交通方便如果落雨時又可以去亭避雨,所以知唔穩定時好多時都會揀去大灘

今次又係落雨既日子,因地形關係,有少斜,所以要掘去水坑以免夜晚訓訓下個營變水塘,哈

攪得7788時已經差不多5點,本來以為冇咩人,點知有學校帶隊去camp,成40幾人所以嘈得不得了,班o靚仔好似岩岩放監出黎咁,又海豚音又唱印度歌,過度活躍症到不得了,心諗今次大獲了,不過都係食左野先算,我地比左中間個大亭佢地煮野食,自己就用左其中一邊既細亭食野,fd整左個小巧又方便既bbq爐,真係幾好用,外面落住雨咁而入面就係度小型bbq,感覺非常不錯

食飽後想訓覺,但家下d細路真係當人死的,半夜3更仲唔停口,攪到嗌晒交先有得訓,真係有點掃興,幾時都話最怕撞團體攪function,每次想安安靜靜都幾難

<07&08/03/08>

Photo Link <<<<<<<<<<<<<

中區警署域多利監獄-香港深圳城市建築雙年展&中環大排檔

貳零零捌年拾叁月肆號 - 中區警署域多利監獄-香港深圳城市建築雙年展&中環大排檔

第一次去中區警署同域多利監獄,之前次次開放日都miss左,今次佢地攪個香港深圳城市建築雙年展,展品老實只係一般,好多似係學生功課多d,我志在睇域多利監獄多一d,人不算太多但好多時都比d展品遮住左個景觀,不過入到去睇下就算啦,依兩座建築物真係好舊好正,希望多d保養多d開放比人入去睇下就好了

<04/03/08>

Photo Link <<<<<<<<<<<

流水響camp

貳零零捌年叁月壹至貳號 - 流水響camp

今次去流水響camp,營地唔算太遠,地方幾大,人亦唔算太多,我地揀左上少少自成一角,整好野就出去羅水,但距離營地真係幾遠,依個係唔太方便既地方

夜晚打邊爐,天氣其實都幾ok,唔太熱唔太凍,但因為人少又唔洗點洗碗,所以好快就訓左,第二朝好好天,行埋過鶴藪營地,天氣真係好熱,爭d中暑,等車既地方要入埋人地條村,怪怪的

<01&02/03/08>

Photo Link <<<<<<<<<<<

西灣第一二三街&火炭&大角咀

貳零零捌年壹月貳拾號 - 西灣第一二三街&火炭&大角咀

從來對港島區有一種莫名的喜愛,可能愛它的舊愛它的繁華中的一點寧靜,今次揀左去西灣既第一二三街,知道越接近地鐵通車,西灣既變化會越加急速,所以要快快手到到西灣比較舊少少既街影下相

西環既日落真係影過唔少次,今次主攻影街同舊樓,果度好多咩咩坊咩咩里,最raw既應該係餘樂里,但可能因為旁邊既大廈整野既關係,街頭有成埋竹放晒係度,影響我影相,點避都避唔開,唉,要再去多次先得,希望佢唔好咁快唔同晒樣啦

另有一度我地中意既地方叫德星里,要行上一條樓梯,入到去有個少少既空地自成一角,大廈可能就拆既關係,可以比我走入去睇睇,空空洞洞但寧靜非常,頂樓仲有幅唔知咩佛像掛畫,氣氛詭異,仲有另一度門比我影到d怪怪既光影定油"烘",至於係咩我真係研究唔到lu.哈哈

<20/01/08>

Photo Link <<<<<<<<

荃錦拗camp

貳零零捌年壹月拾玖至貳拾號 - 荃錦拗camp

荃錦拗唔算太遠,都係fun camp既營地,我地行上左少少搵到一處自成一角既地方起營,之後就走左去搵Geocaching,但可能因為棵樹生蟲定唔知咩原因比人鋸左,個geocaching都冇埋,冇得玩

荃錦拗算係一個適合單車友既地方,有條不錯既路踩單車,感覺舒服

夜晚寧靜的bbq,食完後行番落去toilet,多人到呢,好彩冇揀下面扎營者,唔係真係會嘈死

<19&20/01/08>

Photo Link <<<<<<<<<<<

謝至德-朝不夕保攝影展,灣仔電車,修頓,和昌大押,灣仔秀華坊 & 曾灶財50年街頭傳奇展

貳零零捌年壹月拾叁號 - 謝至德-朝不夕保攝影展,灣仔電車,修頓,和昌大押,灣仔秀華坊

謝至德-之前睇過佢所出既書"拋過身出去"相亦係以黑白為主,感覺上佢比較喜歡遊走於城市去捕捉城市入面既人與事,睇佢既相會好有故事感

今次以回歸十年為主題,展覽地點係灣仔既秀華坊,依個地方真係去都未去過,感覺上周圍既環境不錯,舊舊但又乾乾淨淨的,下次真係要去依度影下相,順手過埋船街睇下有咩改善

講番展覽既相,用上一d鋁框作為展品既架,上半係英式充滿植民地色彩,而下半多為傳統的中國節日,相好多時都係out focus感覺很匆忙很攝記既感覺

貳零零捌年壹月拾叁號 - 曾灶財50年街頭傳奇展

相信作為香港人,應該冇咩人唔識曾灶財,可能果時番土瓜灣,佢既字見得最多係太子同埋旺角火車站橋底,果時果兩幅牆真係冇幾可乾乾淨淨,時時寫滿晒字,d牆油番靚佢好快又寫滿晒,哈哈

我曾經嘗試過睇下佢寫乜,可惜最多只可讀到兩句,大約記得係"九龍皇帝曾灶財家住秀茂坪,門口種菜....."咁上下,佢寫d字成日因太多墨,好多時都有一條條墨痕流落下面,今次展覽果d可能揀過,好少好少見到依個特色,比我感覺係反而太工整,Anyway,九龍皇帝既墨寶真係所餘冇幾,希望政府多多手下留情,可以係街頭街尾留番一dd皇帝既筆跡啦,話晒佢真係香港既一種獨有既個人文化,所有市民習以為常見怪不怪感覺上真係好特別

<13/01/08>

Photo Link <<<<<<<<<

大東山爛頭營2008(大東山14號屋)

貳零零柒年拾貳月壹至貳號 - 大東山爛頭營2008(大東山14號屋)

今次上大東又係好好天,但比起上次朦左少少,夜晚望天唔見星星日頭望落山都唔係咁清

依間係14號屋,間格感覺冇咁好,冇18號屋咁歸一,野食方面亦空空如也,冇咩物資留低

可能今次早左上去,多左時間周圍走,食過熱狗飲過湯後時間多到痺,爭d可以訓過晏覺都仲得

天氣相比起上黎亦冇咁凍,感覺當然冇咁好啦,夜晚我地打邊爐及室內烤羊肉牛肉等等

可能人少左,野食都食唔得晒,有點兒浪費,今次因為冇人帶啤牌及uno,所以食完野洗完碗好快就訓覺lu

可能黑仔既關係,我揀左張好食風既床,攪到我訓到半夜要去關埋廚房既窗,但之後都唔好得幾多,背脊陣陣涼但又唔係果尾野喎,哈哈,卒之要起身著多件衫先訓得著

第二朝都唔記得幾點起身lu,食過早餐後就行去上次冇去過既山頭,天朗氣清之濟特然間烏天黑地,唔知有d咩係海邊吹埋黎,開頭我地以為山火後尾睇睇下先知係霧氣,好古怪

番到屋後先知收到俊仔既message先知原來大東都有Geocaching,佢地預備午餐,而我同雪榚就走左出去搵下有咩收獲,原來又係頭先岩岩去過既山頭,激死,搵左半個零鐘卒之搵到了,但我就係咁比隻蜜蜂煩住,攪到影左一陣相睇左一陣就急急走人

番到屋入面,飯已差不多煮好,雖然天氣唔係咁凍,但臘味飯真係好好食

可能天氣好同埋星期日既關係,好多人係度煩住我地食飯又話要入黎又話想租間屋,真係好鬼煩,上次18號屋明明冇咁多人架

食過飯後開始執野準備走人,今次我地係行南山走,冇咁多樓梯,感覺上好行好多,但要係梅窩轉船,有少少唔方便啦,但研究過後,我地下次都係南山走好d,起碼唔洗行樓梯行到嘔,上次隻腳痛左幾耐呀陰公

<01&02/12/07>

Photo Link <<<<<<<<<

九鐵 & 香港本土風情微型藝術展覽

貳零零柒年拾壹月貳拾玖號 - 九鐵

兩鐵12月2號就合併了,襯住last一個禮拜,去左九龍塘影下九鐵既野,買左張3.5既車飛,發覺已唔係紙果種,好彩仲有九鐵logo,真係太耐冇買過車票了

另車站好多已經換晒新logo,車身既九鐵標誌亦已冇左,只剩低車頭車尾的logo

再見了九鐵

貳零零柒年拾壹月貳拾玖號 - 香港本土風情,微型藝術展覽

去到太古坊,發覺並冇一直想睇既綠屋模型,真可惜,好彩仲見到和昌大押,灣仔街市同埋一d街邊小販檔.都幾精緻,但有d就一般了

人流算ok,但個個好似掛住影相,有冇留心睇人地d作品架?哈哈

anyway,得閑攪下ed展覽都唔錯丫

<29/11/07>

Photo Link <<<<<<<<<

澳門2007

貳零零柒年拾壹月貳拾肆至貳拾伍號 - 澳門

因就某人關係,好晏先過到去澳門,去到天都黑晒了,係添發碗仔翅新鋪度食左個貴左一蚊既碗仔翅後,係市中心行左陣過埋永利睇下個噴水池表演又去到食飯時間了,第一次食祥記,蝦子面同魚皮真不錯,之後芭芭拉未夠11點已經話眼訓(聽講佢每晚10點就要訓,好可怕),我地只好陪佢番佢細佬屋企放低佢同埋我地d行李後再出過去,好彩,筷子基原來冇想像中咁遠,好快就出番去大馬路,首先去左睇夜晚既大三巴,之後情人巷,但佢又再一次面目全非,爛溶溶咁,哈,再黎係行賭場,入左永利居然會蕩失路,佢條條路個個廳一樣,永冇牌講出口係邊,只有指示你去禁ATM,真係一個局,要問人先走番出去,真可怕,之後去埋金沙同埋第日既威尼斯人,後者根本係一個大商務附設有賭木台之嘛,唏,去過一次就夠了,丫,仲有個通訊博物館,真係冇咩野睇,sunday都得我地幾個,真係拍晒烏蠅,因有地方住唔係洗左太多錢,都ok既

<24to25/11/07>

Photo Link <<<<<<<

東龍島

貳零零柒年拾壹月貳至肆號 - 東龍島

嗌左好多次要攪個島camp,卒之去左東龍島,感覺上好偏遠好隔閡咁,但係油塘搭船過去都唔洗半個鐘,碼頭及船都好似好舊就快塗軑咁,但未試過又幾過癮

入到去行一小段路已到campsite,路口有水有乾廁尚算ok,仲分埋男女廁咁鬼多餘唔知攪乜 哈

入到去搵地開營,但冇咩平地一係就近燒烤爐勁多蟻咪攪,卒之諗左一排搵到一處斜斜地有張登係附近既地開營,諗住夜晚就係張登度打邊爐,卒之幾ok下

第二朝人多到爆,好彩冇係景點中扎營,唔係比人圍嘈到爆,去到12點零鐘,一日團既團友已走得7788,我地pack好d野後放低一個營就行上山搵兩隻收埋左既traval bug. 冇幾耐已搵到,兩隻公仔都keep得幾好幾新淨下,Geocaching其實都幾好玩

之後睇下懸崖上埋二百幾米既直昇機場睇下成個香港島,可惜晒係晒但太大煙霞,景不太清楚

<02to04/11/07>

Photo Link <<<<<<<<<<

筲箕灣華順及甜品老媽

貳零壹零年貳月陸號 - 筲箕灣華順及甜品老媽
筲箕灣華順-因北角果間裝修緊,所以過左筲箕灣食,又係冷巷位,真難搵感覺冇北角咁好食,但環境好得多,坐得舒服一d

東大街既甜品老媽-幾特別,甜品還可以,綿綿冰好似幾靚咁,但聽講冇廟街果邊咁好食

<06/02/10>

Photo Link <<<<<<<

小康私房菜10Jan10

貳零壹零年壹月拾號 - 小康私房菜10Jan10

有點返璞歸真的一次,沒有之前的誇張及大堆頭,最有趣係魚翅抄芽菜,真係唔知邊個request.不過雖然話比較返璞歸真,但我地仍可以食到金薄燕窩呀下,哈哈

<10/01/10>

Photo Link <<<<<<<<<

紅磡老坑火鍋&福元湯圓

貳零零玖年拾貳月捌號 - 紅磡老坑火鍋&福元湯圓

係紅磡既老坑火鍋,番茄蟹湯底十分之好味道,其他火鍋料都非常不錯,160蚊一位,可接受

之後去左附近既福元湯圓糖水鋪,食左個芒果雪山,睇落好大個但其實ok.不算太甜

<08/12/09>

Photo Link <<<<<<<<<

灣仔king ludwig beerhall

貳零零玖年拾貳月伍號 - 灣仔king ludwig beerhall

因東亞運動會開幕既關係,我地由原本既尖沙咀去左灣仔king ludwig度食,德國野當然要食豬手啦,因為我地早到既關係,食到佢special既豬手,果然比之後既普通豬手好食得多,冇咁咸同埋入口林些少

除左豬手外,當然要飲啤酒啦,可以佢地少落吧,就由我order左啤油,佢地就叫豬手呀腸呀麵包等等,我真係冇咩研究,嗌野佢地order好了

最後因有人生日,切左個蛋糕之後再去附近既coffee shop飲左陣野就走人了

king ludwig都ok既

<05/12/09>

Photo Link <<<<<<<<<<<

魚頭八壯士

貳零零玖年拾月拾伍號 - 魚頭八壯士

第一次到譚魚頭打邊爐,之前聽人講過價錢唔平但好似幾好食咁,咁岩又要等人,所以8條友等到9點先入場,貪佢果個任食火?可以平番少少

話就話$108不連加一茶芥,但飲野又要加10蚊,鴛鴦湯底又要加錢,要差唔多130蚊先落得樓,其實都唔算平

因有人唔食得辣,我地嗌左個鴛鴦湯底(番茄+麻辣湯底),但佢既麻辣真係一d都唔辣,仲要多油到暈,自問真係好怕咁多油,真係好惡頂,而且食親任食,話就話任點任食,但好多時都係嗌晒野最後得番1/3或1/2有得食,其他就不見蹤影,依度亦不例外,野食亦起得好慢,我地只可叫到3round,譚魚頭.下次都係唔好攪我了

btw,整整2個鐘打邊爐既過程中,jimmy提議玩一個"唔講得英文"既遊戲,攪到講野都極其小心,仲要攪到講書面語出黎,即係文鄒鄒可以寫得出黎果種,攪笑,最後玩晒之後我地當然大解放,係咁講英文,舒服晒,哈

<15/10/09>

Photo Link <<<<<

七喜飯局 & 西貢

貳零零玖年玖月伍號 - 七喜飯局 & 西貢

七個人七點鐘在土瓜灣的七喜小廚吃飯,是葉生極力推介的地點,沒試過當然不會錯過,因我本身在街外,所以很準時便到達土瓜灣,但聽他們說江蘇街的舊鋪很多人,所以就走到附近的新山道新店入座,門面及內裡的裝潢和一般的茶餐廳差不多,因很多時食市大都新不如舊,所以有點擔心,聽葉生也是第一次來到但聽講是同一廚房的小抄,所以信心大一點

等齊人已差不多八時,因是葉生的提議,當然由他來發板發板,點了5-6樣小菜.我還是喜歡炸鯪魚球及田雞煲,結論是價錢接受食物也可

之後入了西貢在巴士總站旁的酒吧喝喝酒吃吃pizza,雖然我仍是飽飽的,但天氣不太炎熱的星期六晚上,數個人談談喝喝也不錯

<05/09/09>

Photo Link <<<<<<<<<

瑪利諾鬼樹

近日鬧哄哄位於界限街瑪利諾修院學校的鬼樹,最後卒之難逃被斬的命運,於今早6時多就因免阻礙交通為由而被怱怱處斬,忽略當中多人的反對而行,雖然它和我沒有直接的接觸,亦不明何為鬼樹,亦不知所指何處,當時新聞及網上所提及的種種也不甚留意,但昨天看電視新聞才知它真正的外貌,發覺原來就是我十多年前每天上班也會經過的高高斜歪歪的大樹,即時對它滿有感覺,心痛感隨之而來,相信很多人經過界限街時不難發現它的存在,70多年不是一個短時期,正所謂一事(樹)一物持(視)之以恆也會發出力量(感情),我亦不例外,每天路過也可如此可想而之當地的老街坊舊校生等等的心痛情況會比我更甚,雖然這不是政府直接決定但想由她來保護舊事舊物,真的沒有什麼期望,她對清除舊物的速度及決心,對比起其他種種,個人認為每每是最果敢最決斷的態度及行為,殺生後再放置醜陋不堪的代替品,亦是政府拿手作,身為港人不停地目睹以及經歷種種屠殺行為真是幸福不已,哈

p.s.是否如校方所稱的危險,非要處斬不可,可能由於個人的感情以及政府所持的態度,令我持有極度的保留

http://orientaldaily.on.cc/cnt/news/20090717/00176_028.html

【本報訊】傳統名校瑪利諾修院學校內一棵被稱為「鬼樹」的七十歲古樹南洋杉，被校方以有倒塌危險為由而下格殺令，將於本月廿七日「處斬」。不過，多名私人及政府的樹木專家均指古樹健康，下周二會與校方開會，希望校方擱置斬樹決定，部分舊生更計劃籌款救樹。有立法會議員指該校屬法定古蹟，曾要求負責的古物古蹟辦事處介入，但遭拒絕，議員批評政府做法落後，「外國講保育，唔係淨係保育人造文物！」
政府內部保育準則混亂
「鬼樹」樹齡約七十歲，現時逾廿米高，港大地理系講座教授詹志勇及長春社保育經理蘇國賢曾先後檢查該樹，認為該樹沒有即時倒塌危險。詹指該樹確有汁液流出及大量樹枝掉落，但屬正常現象。「鬼樹」有傾斜的情況，但他指列入古樹名冊的兩棵南洋杉亦有同樣特點，「唔通又要斬咗佢」。
立法會議員陳淑莊踢爆古蹟辦初時以只規管建築物為由，拒絕介入拯救古樹，「但報告明明話辦事處保育建築物，亦一併要保育周圍嘅樹」，批評政府內部的保育準則混亂。
瑪利諾修院學校的舊生代表林小姐解釋，該樹一直有流出汁液，如同流眼淚，加上早年該校有傳聞曾有修女於樹上上吊，因此該樹有「鬼樹」之名。另一舊生代表朱茵表示，校友在網上組織救樹行動，暫時已有近二千人參加，正計劃籌款成立基金、替「鬼樹」買保險、聘請專家透過驗樹等方法救樹。
發展局發言人表示，康樂及文化事務署樹木組人員早前曾為該樹進行初步檢查，認為該樹情況穩定及健康，亦無白蟻出現。當局下周二會安排古蹟辦等代表與校方開會，為校內一棵南洋杉尋求可行的保育方案。
瑪利諾修院學校小學部校長羅曾潔貞形容斬樹是痛苦的決定。校方去年十月接獲投訴，指鬼樹有倒塌危險，先後尋找兩名樹木專家及註冊樹藝師檢查。她指雖然詹志勇教授曾提出以拉鋼索固定樹身等救樹，但方案不可行，為免樹木對學生及途人構成危險，校方決定斬樹。該校正考慮將樹幹製成櫈子及標本等以作紀念，並補種一株新的南洋杉。

<06/02/09:日>

廣州

貳零零柒年拾月拾玖至貳拾壹號 - 廣州

十幾年冇番過廣州了,去到個感覺真係比深圳好得多

人流冇咁覆習,地方亦比較整齊及乾淨

一去到第一站老式酒樓陶陶居,地方好大食物亦好好味,價錢仲好鬼平,真高興

大街上好多古舊建築物,保養得不錯,很有澳門既感覺

之後搭的士去朋友老家,我一直以為住係市區,原來佢住係頗遠,加上因塞車關係,的士上又冇乜冷氣,個個都差唔多訓晒,一醒時已到目的地,去到見到路牌寫住"黃埔軍校舊址"仲有d狗d人懶洋洋咁,很接近郊區的感覺,滿以為已到了所住既地方,原來仲要搭船,4毫子,好平,哈哈

卒之真真正正去到目的地,廣州長洲島,一落船並冇鄉下既感覺,相反發展得不錯,島上很多0靚仔0靚妹,原來依度被政府發展為大學城,很多大學生,食館亦多得很,不錯

第日一早食完好食到爆的皺皮腸粉後去左農場及摘楊桃西檸等等,又香又甜,正!之後出番市區食麻辣野同埋過左小區飲下野吹下水咁,果度發展得不錯,旺中帶靜自成一角

Last一日都係食食食,全羊宴,羊皮羊血羊骨羊眼羊胎乜都有,食落不錯價錢亦算ok,怪不知只開半年咁把炮啦

p.s.好高興見識到朋友口中全世界最多人既吉之島,真係人多到爆嘈到爆,果真名不虛傳

<19to21/10/07>

Photo Link <<<<<<<<

長洲

貳零零柒年拾月陸號 - 長洲

第一次去左長洲既鄉村酒樓食野

佢係長洲東湜旁邊,去鄉村酒樓條路真係好少入去

平時去到最多係直入沙灘

但今次轉彎去左一間只招呼自己人既酒樓

一貫只著重內涵但不太華麗既大堂

但個seaview真係不錯

可惜去到已開始入夜

影唔到咩正相

野食方面,尚算不錯,勝在大大碟夠新鮮價錢平

影左不少日落相,算係海鮮以外的收獲

<06/10/07>

Photo Link <<<<<<<<<<<<<

皇后戲院

貳零零柒年玖月貳拾貳號 - 皇后戲院

聽講又要拆了,襯住星期六既下午,

放工後去影一影

老實講依家既皇后戲院同細個時見既已好唔同,

戲院旁既走廊大左開揚好多,

已經變得好大街feel了

印象中果時又黑又窄,邊有依家咁大咁好行

聽講灣仔街市唔會拆,希望政府多多手下留情啦

<22/09/07>

Photo Link <<<<<<<<

上海-2007-9-14to17 part.4

貳零零柒年玖月拾肆至拾柒號 - 上海

最後係去徐家匯睇教堂,但撞正內部裝修,冇得入去,唉

總結係短期內去兩次上海感覺係可以唔用再去了(搭火車再上係例外)因為我對大城市,假古城真係冇咩興趣,我只可以講上次因為公司出trip走馬看花得太緊要,今次真真正正去上海玩,住係民區,食既可以好平亦很地道,咁樣我反而覺得係依次旅行既最大得著

End......back to part.1 or another trip to SHA(older blog)

<14to17/09/07>

Photo Link <<<<<<<<<<<<

上海-2007-9-14to17 part.3

貳零零柒年玖月拾肆至拾柒號 - 上海

朱家角雖然比起周莊細,但感覺上靚,起碼影相既靚角度比比皆是,可能河與周圍既屋和諧感好過周莊

外灘上次係咁易咁坐車望過幾眼,仲要係日頭,同今次多多時間去睇外灘夜景真係折然不同

南景步行街,上次係日頭去,今次係夜晚,感覺好得多了,但剛剛撞正上海旅遊節,好多波波掛晒出黎,影相好難避得開佢地,慘

夜晚我地又係食街邊野,見酒店樓下咁多當地人食龍蝦仔,仲一大盤一大盤咁食,就試幫襯下,叫左一斤加上買左d好平既串燒,卒之係個個都話龍蝦仔好食,加上d汁,咁既價錢食到大閘蟹既感覺,攪到我地要追加再落街買多斤食下,怪不知當地人一人一盤大大盤咁咁食啦

Part.4

<14to17/09/07>

Photo Link <<<<<<<<<<<