中西區文化遊

貳零壹貳年陸月拾柒號 - 中西區文化遊

參加左中西區文化考察遊,老實中環去過好多次,但因今次有導賞所以join左,希望多d介紹下令我知多d中環既野,因一直都覺中環其實真係幾靚,感覺良好

第一站係中環街市開始,原來依個街市已經有80年歷史,但佢唔係第一個中環街市,原來已經係第三代,第一果個係海邊,而令一個係1895年既,睇相係維多利亞建築,好靚咁,真係唔講唔知原來圍住中環街市果四條街係好多年前既市中心,所以加下既中環街市其實好值得保留,但唔知之後會改成咩樣

第二站去左搭電梯,上左中區警署古蹟群,之前開放日入過去,原來對上一次已經係最後既open day,加下已經維修緊,再開時已經唔係之前既樣,又唔知會變成點,另原來有對住街既中環警署係第二期,雖然已經1919年但入面既第一期係1854年起既(2004年已搬走晒),入過去真係好大,而且仲過埋隔離既中央裁判司署都已經係1914年既建築物,再過隔離既域多利監獄係1841年,之前open day入過去,真係好古老好傳統既監倉,依個中區警署古蹟群,係一條龍既設計,由警署再到裁判司署再到監獄都係內部完成,當時英國人既想法真全面,睇完警署,係奧卑利街既冷巷行入去見到一間相當古老既飛髮鋪,聽講都有好多好多年歷史,行過真係非常之舊,特別係佢果兩張倚同個價錢牌既古老寫法

再去行左上soho,原來當時果度既人嗌上面叫師姑街,因好多師姑廟專幫人打齋,但加下已經剩番好少,其中一間叫永善菴既仲係度,不過表面已經好新下同張相好唔同

再行係鴨巴甸街,之前係宿社,加下已經包晒野維修緊,唔知之後咩樣,聽guide講當時鴨巴甸街以西係華人住既,以東呢就係西人住,加下重建拆卸部份主力係東邊,所以已經見好多靚樓係度lu,真係唔講唔知原來果度行落去既樓梯係舊式公廁,仲已經係二級歷史建築,我之前行過只覺d磚仔好靚,仲以為係入宿社既門口或雜物房添,原仔咁大來頭,guide話當時依條街好熱鬧好多街邊檔食野,所以有個公廁係度,但因怕臭,所以起係地底,聽講全香港仲剩番一個仲用緊,但我已經唔記得左佢講咩街,但印象中一定有經過,有機會再搵搵

再入左華賢坊西華賢坊東,都有少少舊樓係度,聽講好快會拆,之前我入過既中和里,之前以為已經入唔到原來要係入面入,依幾條街真係比較舊,隱約仲感受到少少當年既生活,但已經好少人住而主力既印刷鋪亦已經關晒門,好快應該會消失既一條街,所以guide專登帶我地入左去睇

經城隍街入左永利街,之前未出名前已經去過,雖然佢係戰後樓(即50年代)都覺幾特別既一條巷仔,後尾因套戲出左名,加下要保留,都算好啦,至於佢隔離既必列者士街街市,前身係美國公理會,亦係孫中山受洗既地方,有佢既保留價值

經樓梯街(好多年前好舊好舊果棟樓仲係度,以為比人拆左添,但原來仲未拆仲有人住緊)再行儒林台,醫學榭博物館(1906年鼠疫既治療地,而且係愛德華式建築),中華基督教青年會(1918年,已經係一級歷史建築)落番文武廟,都好多年冇入過文武廟,印象模糊,加下再認真睇多次,原來都真係幾靚,本身文武廟既建築年份並無記錄,只憑入面刻有年份既鐘,估計最少1847年已經建成,但見唔到門神(我入廟最中意睇門神,好多都好靚),唔知咩樣既呢

最後散左行番落上環街市再搭叮叮走人,本來想去結志街睇多次街市,但因時間太晏,去到都覺天黑,所以唔睇走人lu

<17/06/12>

Photo Link <<<<<<<<<<<<<<<