盂蘭勝會(廿三) - 沙田潮僑盂蘭勝會

貳零壹貳年玖月捌號(柒月廿三) - 沙田潮僑盂蘭勝會

去到沙田已經係下畫,係場地比較特別係見到三個太子同五隻燒豬,不過天色就好黑lu,過左無耐仲晒好大雨添

係焰口途中大雨到先生都要羅遮,之後呢居然儀式未完又出太陽喎,孟蘭節真多陣雨,因今次企得較前,所以睇手印方面睇得清楚d,而到拋孤蕾果時好多街坊出現,我企前方感覺壓力好大,可能因企得太前,比幾隻孤蕾果飛中個頭都幾痛下(雖然有隻飛中我頭
再彈番台我羅左黎食,但真係堅痛),所以後黎我已經企開同避開d唔想比佢飛中,街坊每次唔用錢有野羅都異常高興,派晒後居然聽到掌聲,唔通d人當左係表演節目,好奇怪

之後呢就開始派米同拆大士王,大士王拆左落黎又唔係化左佢只係拜完後就放左係神袍棚,比較奇怪,可能要車去第二度化

派米呢,好多人幫手,有大有細感覺齊心,仲聽到有個值理同個細路講問佢要唔要幫手,個細路唔知係怕羞定唔想,但個大人就話你今年唔幫手過幾年都要幫手,見到佢地身水身汗但笑容滿面,應該好enjoy,而且依度特別係除左米,居然連其實蔬果都切開晒比老人家,平時果d多數比番工作人員又或者捐過錢d人但依度居然分晒,比較特別,因常達街新巴廠原來舉辦日子會變,所以發覺岩岩做緊又有人過開去就一齊過柴灣,起碼唔用自己慢慢搵路

[08/09/12]
Photo Link <<<<<<<<