坪洲

貳零壹貳年玖月貳拾玖日-坪洲

本身想一早入坪洲睇野先既,但起唔到身而且走左班船卒之十一點幾先入到去(本身plan10入到去),因2點有長春社導賞團"地膽帶你行坪洲",所以要拿拿臨睇左我想睇既地方先(即估導賞唔一定到既地方),第一站行左去大利島果邊睇灰渣洞(因舊時既灰?既渣加上海浪沖擊而成,人為加天然既東西香港非常非常之少),但行左去一個好細睇黎既沙灘度睇黎睇去都冇,明明位置岩但都見唔到,後尾問番帶團既居民,原來已經無左,可惜,本身呢,如果冇記錯,依個沙灘好大而且有d好得意既石頭堆,但當然加下咩都冇晒,因大利島已經變左垃圾站,難怪咁多人推垃圾車行過去啦,唉

係大利島番轉頭想搵大中國火柴廠既界石碑,gps mark左但只見火柴廠舊址界碑搵黎搵去到都搵唔到,以為係行上墳場條路,雖然依個墳場既風景真係山明水秀,但mark既地方係密林,咁一係已經比樹遮晒一係mark錯地點了,所以又再一次失落而回

見仲未到2點,加上太熱,所以就搵左間餐廳飲杯野,係等緊既時間,佢張台居然夾左坪洲地圖,仲比我搵到原來界碑唔係火柴廠果邊而係球場果邊,睇睇錶仲有半個鐘,應該仲有時間,所以就行去球場,但搵到路黎未行到去已經有人call我問到左未,咁只好放棄了

開始左地膽帶你行坪洲既tour,首先我地去左天后宮,奉禁封船碑,金花廟,八卦古井,山頂村義祠等等,本身孟蘭勝會時我已經去過天后宮,但當時無太留意入面既擺設,聽guide講原來有條400年既鯨魚骨,而禡行鄉時請天后出巡古木亦無留意到,真係唔講唔知原來依間天后宮同張保仔有個故事,佢出面既奉禁封船碑,上次行過都冇留意,detail wiki有講,唔重覆了

之後去左觀音廟,哪吒廟,坪洲仙姊廟(七姐廟),大利島同坪洲墳場,講左少少坪洲人死後既安排,同埋屋既分配,墳場呢就無咩組織官理,同埋allow土葬只要同政府申請就得了,難怪上到d擺位亂咁黎啦,仲有d大到呢,真係放間細細既屋都可以,而屋地分配,坪洲唔知係咪人太少,所以唔似西貢南丫島果d有得丁權男丁有得分地,只有丁屋既繼承權,講左一輪行番落路面係火柴廠舊址講左少少火柴廠既故事,當時原來有成千人係度打工,間廠真係非常大,而且東灣果邊仲有廠,所以果邊亦有界石,仲係樹蔭講左坪洲好多年前相當轟動既坪洲魚蛋粉舖灶底藏屍案(聽講係全港第一單既灶底藏屍案,而且我媽識得一個工友係坪洲人,當時發現謀殺案係關於依度既廟求神所得話失蹤女主從未離開坪洲所以先搵到原來係比人殺左埋屍灶底,但當我問起依個故事,個村民唔知,可能太後生啦,仲想問佢係邊間廟咁靈添,佢話坪洲好多廟都好靈,嗯)

跟手行左去金花廟,搵到主持就講左金花廟既重建故事,係關於佢老公既病後來好番之後就開始左投入主持既一職,本身我想聽關德興入廟成為護法大將軍既故事,但因時間問題主持未講到就要走人了,咁我仲順手睇埋佢旁邊既八卦古井,山頂村義祠同埋佢隔離果棵榕樹,原來有個老榕樹伯公神位,金花廟有二百幾年,唔知依棵樹幾歲呢?

之後去埋東灣海灘同龍母廟就走人了,帶左我地去祺森冰室,有人賣左出名既蝦多士,但我冇咩興趣,所以冇嗌到,之後再去左食九層榚同豆沙西米榚,我揀左九層榚,真係有九層,唔太甜都幾好食,再後黎去左隔離既超記瓷器整畫瓷器,本身畫畫我係非常之弱,但個tour包既,所以就玩左陣,最後我都唔知自己畫左d咩,完成品未得閑羅,唔知最後變左d咩,快快手攪完就自己走人去搵界石同勝利灰?廠舊址,仲要上手指山,想趕7點船走人,嗯

首先搵界石,去左球場附近唔見,周圍搵下入左條村,問村民佢話其實周圍都係,但有d唔知仲係唔係度,叫我沿路右手邊小心d睇,因為草高可能睇唔到,咁行番落山就見到了,有一塊完整既但得大中國之後d字就見唔到了,佢背後有個數字,寫住21,如係順序既話咁應該本身有好多既,再前少少有小半塊再前多少少仲有半塊,但都隱約睇到大中國既,地圖既三塊算係齊啦,再到下一站過左東灣上山,因天色已暗本來唔想上手指山直去勝利灰?廠,途中經過道德善堂同圓通講寺,之後落左灰?廠,都幾破落下本身想睇埋後面係點,但d狗勁吠,我唔知有冇綁住又或者度門有冇關好,所以都係咪試走人

見時間仲有少少,諗起手指山條樓梯唔係好長,所以就番轉頭經南山路上去,d屋d景真好,但上完斜路見條樓梯原來都唔短(後尾check番原來有三百幾級),身水身汗鬼影無隻咁上到山頂,比樹遮左好多,爬左上三角測量器睇,好似好景少少,望到迪士尼同愉景灣不過都係遠,之後趕落山1850班船,10分鐘由山頂落番碼頭,尾段已經要跑,好彩趕到,唔係要1個鐘後仲要係慢船,真係唔用番家食中秋飯了,睏死了

btw,坪洲真係好多貓同埋d雀都幾多,我仲係墳場見到隻山雞不過係?既所以同雞一樣顏色,唔太特別

[29/09/12]
Photo Link <<<<<<<<<<