旺角葡萄適的雜想

係紅磡睇完戲就搭車出旺角番家,去到旺角果真明顯人少(前幾日聽人講過),一個星期五既夜晚旺角條街居然咁鬆動,真係非常好

行到朗豪坊因天氣太熱所以就想買支葡萄適飲,去到seven果然係無得買既(前題係我以為seven無再比佢上架,但原來另有原因),咁呢就諗住去士多買啦,點知原來加下旺角係好難搵士多既,我大大話話打橫行左幾條街打直又行左幾條街都無間士多,賣野飲既只有seven同涼茶鋪,唉

即係咁,如果seven唔賣既你係想飲都無得飲既,以為好多選擇原來係無咩選擇,消費者固然慘,貨既owner如果無錢上架或同有關既大型鋪頭攪好關係亦係無咩路行,原來不知不覺士多已經差唔多成為絕響,都係快快手得閒影下士多相好了

最後番到家,士多關左惠康都當然無賣葡萄適啦,咁就係一間賣飯既地方買罐綠力啦,綠力又係士多外好難搵既東西,唉,香港依個商品消費真係越來越壓縮越來越小圈子玩意,如同領匯無咩比你選擇,如同一d比較熱鬧既地方都無咩比你選擇,一條街上重覆又重覆賣黎賣去都係果d野既鋪頭又或者度度都會出現既連鎖式鋪頭,都真係越黎越覺得董啟章V城繁勝錄當中既荒誕已經近在咫尺觸手可及了,唉

[20/06/14]