27 oct 2009 Tue Pokhara,Naya Pul,Tikhedunga Sunny Day
一大早朋友就話因為唔舒服,最後只有我同另一個相識冇耐既朋友2人上山,因之前準備左大量小食(因聽講十幾年前山上冇啖好食,所以準備好多snack),雖然有2個唔上山,但都keep番2個porter,因為橫掂都要比錢,sagur都算好人,打番個折比我地,只收570us,平左足足100美金,算係咁lu
sagur搵左個朋友安排唔上得山既朋友,我地就連porter一行5人上山lu
途中搭左差不多一個鐘既車,路面都係極不平坦,當中見到好多巴士,坐滿晒人,仲有好多係巴士頂,終於見識到了
去到Naya Pul村莊再過checkpoint冇耐就去左間叫moon light既地方食早晨,環境算係幾不錯,仲有sun eggs同埋咖啡飲,cool
食過早餐後正正式式行山了,途中經過見到好多驢仔(其實果d多數係騾,後尾先識分),見到好多橋,見到好多不同國家既人,仲有雪山同埋河流梯田等等,之後行左一段時間就到左lunch time,去到其中一間叫mountain lodge and restaurant既地方食lunch,因任order既關係,我地叫左都幾多野食,等食途中見到幾個山區比較窮既小朋友,有個仲好靚仔,我地同佢影左都幾多相,後尾仲比左成盒麥提莎比佢地食,哈
可能空氣好既關係,花都真係比香港既靚同埋顏色鮮艷得多,加上雪山及開始變得黃黃既田地,好靚,順帶一提,係途中見到一班騾仔落山,sagur講番比我地知,原來騾仔因腳既關節位問題,上山容易落山難,真係唔講唔知
之後行多左2個零鐘,見左好多小屋休息左1-2次後差不多4點左右就到左Tikhedunga我地既休息地方Laxmi Guest House,飲左一杯咖啡後,襯住未天黑就去左沖涼,因為怕冇晒熱水,哈,第1次到山區既guest house住,一大班外國人同埋頗自助式既木屋,雖然係香港都住過下西貢既板間房,大東山既石屋同埋西班牙既民宿,但依度游閒及陣陣既原始感覺,很不錯
p.s.我地由夜晚果餐開始就爭住自己寫食飯order既list,仲要影埋相,免得唔記得自己食過乜,攪笑,不過原來山上既guest house同埋menu,都係差不多劃一,可能政府想control番食同住既價錢,以免亂晒籠掛
Part.05(28Oct-Tikhedunga,Ghorepani)
<27/10/09>
Photo Link <<<<<<<<<<
之後去番pokhara lake side市區,行左陣因朋友唔多舒服,所以就由sagur帶左我地去食佢自己成日食既local食店食當地菜式,行左1-2條黑蚊蚊既路之後,去到一間黑蚊蚊既鋪頭度食野,感覺好有趣,但佢地可能怕我地覺太黑,居然開燈,即刻冇晒果種感覺,哈哈,佢地d momo好食過網上講既momo max好多,其實野都不錯,價錢仲平到嘔,我地4個人食都係用左300R,換番港紙都係7個零一個人,真係抵到不得了
去到thamel,同之前一晚一樣,人頭湧湧,五光十色,途中仲食左間叫Chick N Falafel既雞圈,人好多,但其實又真幾好食,行多左陣thamel,就去左預先plan好去食dinner既地方Rum Doodle.好多腳板,寫滿晒各人既戰績,有d人仲畫滿公仔,滿有趣,只係煮得比較耐,成個鐘先有得食,味道同價錢一般啦,依間鋪真係食環境多
係香港搭下午6點零鐘機去加德滿都,整程飛機大約6個零鐘,我地攪到成地都係野,好亂哈哈,中途係達加停留左一個鐘,坐左成4個鐘,條腰好倦.所以停時就4圍走,但d空姐好流,點人頭點左5-6次要人坐定晒先數岩人開得機走人,攪笑
去到加德滿都機場已經10點幾,機場好細好原始,一出去已經成堆人係度接機,但我地約左個guide第2朝先傾野,所以自己去酒店
因時間太晚既關係,加上當地人可能唔多識英文,我地就嗌左架pre-paid taxi去hotel,價錢500R,尚可,但架車真係舊到呢,關門時好似就爛咁,撻匙撻左好多次先著,我地幾驚佢中途死火,而且架車好細,好彩我地得4個人,又唔太肥,所以岩岩好
去到package既tenki hotel佢地話full哂,要過隔離既hotel住,仲要係4樓,佢地要叫porter帶行李上去,入到房其實真係好舊,度櫃門仲要爛既,不過算啦,去得nepal都預左了
