05 September 2011
Amy Grant - Better Than A Hallelujah
Cebu & Bohol 2011-08-27to31 - Part.03(29Aug)
晨早5點起身諗住5點半出發睇海豚+浮潛+virgin beach,點知個司機遲到,差唔多成5點10先出現,一直話黎緊最後又話約唔到船,唔知佢係訓過籠定係上一單生意攪遲左,總之就比佢攪到冇得出海睇海豚,之前一晚仲叫我地比晒錢佢,我地梗冇比佢啦,賓仔果真信唔過
因太眼訓既關係,而且海豚又唔係主要項目,所以大家決定食完早餐後就番房訓之後先算,咁我就過左去餐廳食早餐(基本上我酒店唔包早餐的但有人冇食所以我就有得食啦,之前幾日都係佢地包幾個包比我,不過我冇咩要求,是但啦)
訓到12點左右就起左身出沙灘影下相睇下書聽下鬼故咁,吊床真係幾舒服,我又再一次訓著左,之後點幾去左搵佢地食lunch,今次我地去左附近既餐廳食,果度已經唔係酒店範圍,怪不知有咁多當地人同細路仔,仲無lala有2個security係沙灘啦,原來係防止其他人入左酒店果邊既沙灘.
經過比較地道既食市去左果間舒服少少既餐廳,去到佢地已經食完,但comment係大部份都唔好食,所以我只係飲左佢地推介既mango milkshake同食左個burger.咁比較穩陣,之後佢地番房話要4點出去個mall行街,咁我呢就繼續去番沙灘個吊床做番之前既睇書訓覺行動
海風好舒服,爭d唔想出去,聽佢地講朝早出左去游水,見到有藍色海星同埋好多海謄,本來個司機唔黎既話我地就會出海玩同睇藍海星,點知佢又準時到,仲早左添,吹脹
去到Bohol最大既mall, Island City Mall,我冇咩興趣加上之前一晚扭親少少腳整到個舊患更加唔多想行街,所以就去左商場前少少既街市睇睇,感覺好大好舊,應該岩我至少一定岩過行mall.所以就羅左個walkin過左去睇
原來街市前少少係一個巴士站,bohol既巴士都幾靚,好多色彩,各有特色,所以我大影特影
後尾去左街市,係當地人既街市,一個遊客都冇,為左低調少少,我只用細機影,不過佢地都唔多理我,而我就周圍睇下行下,d鋪同香港差唔多,不過就當然冇冷氣,而且佢地d乾貨就咁放地下賣,一堆二堆,而魚呢,就咁放係度賣,冇冰冇剩,所以引左好多烏蠅,佢地就用個拍係度掃掃下,真係幾raw下
行左一個鐘度又日落,影左一堆馬路相就去食飯了
本來話去食傳統少少剩邊小食,唔知點解後尾去左食蟹,間野叫Crab House,不過蟹就整得一般,但裝修就幾靚,野食還可,而且都食左幾多野仲嗌左好多酒,價錢仲平過前一晚既酒店果餐,出去食果然好過酒店.丫,果度都有人唱歌,不過就比酒店差少少.但佢地又好開心仲係度點歌估歌,卒之攪到10點半先番到hotel.咁又一日了
第2日要10點零早船走,所以千叮萬囑司機唔好遲到,我地仲夾左如果9點仲未見人就自己call車走,even細的士一次載得2個人都要call,真係怕左佢
Lake Mungo
~~Lake Mungo(蒙哥湖) - [2008]~~開始時以為是Paranormal Activity又或者是The Fourth Kind的電影,雖然也是以偽記錄片形式拍攝,但後來的故事不再限於靈異現象的描寫而是講述人與人之間的認知及某些內裡的行為及思想模式,一個又一個的推番一個又一個的真相步步推進,雖然過於營造twist感,但背後的故事其實也頗令人傷感
<04/09/11>
04 September 2011
Balada triste de trompeta
~~Balada triste de trompeta(The Last Circus,殺戮小丑,傷心小號曲) - [2010]~~一套意外地沒在hkiff內看到的電影,看畢此片後我覺得內地直譯名字傷心小號曲比港版的殺戮小丑更為傳神,小丑帶來歡樂的同時總是帶有淡淡的憂傷感,整套片濔漫著冷酷,不安,殘忍,支離破碎以及黑暗悲傷的感覺(雖然有著點點的溫情但cover不了當中的悲),當中某些場面我相信會令一般觀眾吃不消,雖然某些手法帶點cult味,但此片帶領觀眾陪隨主角由不幸人物轉化為死亡天使的過程,瘋狂中透著哀號,比起其他片種一來就血流成河更為深刻而到肉,我不深入探討故事本身想要帶出的政治基調,而想說此片的光,色調,鏡頭走位的運用很純熟,雖然中尾段差點走向公式化,但幸運地最後也帶出傷痕累累令人看得悲鳴的感覺,這是看後令人不太好受的電影,但這也是其中一套我滿意的作品
<04/09/11>
Cebu & Bohol 2011-08-27to31 - Part.02(28Aug)
9點幾約左司機去睇眼鏡猴同朱古力山,天氣非常之好,正呀
第一站去左blood compact,其實我都唔知咩來的,不過之前睇過下bohol既資料,有提過下依度,就英文解釋,插血為盟掛,是但啦,package包的
第二站Baclayon Church,入面其實幾古舊而且頗殘,睇番門口年份原來只係1872年,但睇落似2-300年歷史,後尾上網check番先知原來係十八世紀初起的,計落差不多300年,原來真係咁舊,等我以為佢保養唔好添
第三站係附加既snake farm,除左蛇仲有貂鼠,豹貓,蜥蜴,貓頭鷹等等,因我對蜥蜴頗有興趣,所以就摸下佢,d皮好鞋,後尾仲比佢放上手,原來都幾重下
到左lunch時間,因錯過左班船要等一個鐘,又係無無聊聊咁,不過我買左件t-shirt有眼鏡猴的,哈,之後因又熱有冷氣既房又好多人,我就聽住鬼故咁係陰處訓覺,有d風吹下都幾ok的,卒之又真係訓左,哈
上左船就食下d冇咩可要求既lunch,睇下河呀樹呀咁,d樹都算高,感覺都幾森林下,三百幾蚊peso個零鐘又有得食下野都可以既
之後既就係重頭戲眼鏡猴,原先以為係籠入面,原來係就爬左咁係d樹度,幾棵就有一隻,都算多,原來實物係好細隻,細過隻手板,d毛同抓住d樹個款有d似樹熊,但佢就眼大大好精靈,好鬼得意
後尾經過man made forest同去左butterfly farm睇蝴蝶,原來d毛蟲係蛹入面一摸佢就識係咁郁,好過癮,仲有隻扮死既蝴蝶,不過唔記得個名了
4點零鐘先去睇朱古力山都算可以,起碼唔係陽光直曬時去所以都算岩影相,聽講有千幾座山,一個個圓圓地咁幾奇怪,以我所知山係由板塊移動而成,但佢全部圓圓地咁唔知攪成咁呢,奇怪
最後天黑前去左Hanging Bridge,橋就係竹整既,第一次見,但尚算穩陣,人多時就算跳都唔多郁,但人一少呢,行下都震得好勁,好難影相,哈
bohol 6點就天黑了,番酒店條路好似好遠咁,番到去沖埋涼休息陣已經八點,因第朝要晨早去睇海豚,所以係酒店食野,都幾貴下,不過有人彈結他,d功力幾堅,佢地聽得好開心
番到房冇咩做,睇下相聽下鬼故未夠11點就訓,第2朝要5點起身,早到呢
03 September 2011
Cebu & Bohol 2011-08-27to31 - Part.01(27Aug)
因為係去菲律賓,黑色旅遊警報未除,所以保險冇買亦只係同屋企講去馬來西亞,錢都係出發前一日自己出去旺角唱(平時阿媽做既,今次冇得叫佢幫手),真煩
因搭0130夜機既關係,所以有番工,行李亦係放工後先執,第一次去ed咁hea既地方,為免悶爆,所以出發前借左本書(上次去台灣睇左1/3既印度旅行書)同埋download左一堆電台鬼故過去以備不時之需
去到cebu已經係4點幾(有delay),趕住去搭0600船過bohol,cebu街上天未光但已經有人係街而且車亦算幾多,可能開始番工掛,有d車好細架,好得意,我地去到碼頭已經人頭湧湧,而且個碼頭比較up-dup,天未光又冇咩燈,所以都幾黑,去到已經話冇晒0600同0930既飛,仲要係return果日既飛都冇晒,所以比人叫左去4號碼頭搭第2間船公司,去到pier4,已經係天光,而且感覺新d,起碼有冷氣同logo有射燈,以為會貴好多點知原來仲平,而且有6點幾飛亦有return船飛,不過回程就早左少少,算啦,早少少番cebu啦橫掂我都未去過
係terminal訓左陣就上得船,船就真係新過舊碼頭既大船好多,似去澳門既turbo jet,來回每人唔洗90蚊港紙,ok啦
去到bohol已經差唔多8點,可能因台風岩岩過既關係,個海都好大浪下,好彩食左d暈浪丸都算頂得住
可能因為有兩個台風既關係加上bohol已經係菲律賓既中下部份,所以天氣算係唔錯,開頭仲驚天氣好差冇船過bohol添,好彩好彩
嗌左車去bohol beach club,而且book埋第2日車去睇眼鏡猴同朱古力山,希望會好天
同印象中差不多,基本上係遊客區但感覺比較舊,應該會岩我,因我最中意舊同raw一點既街,建築物,當中最大既商場呢就好似馬來西亞果種差唔多,我地去左supermarket買下水啤酒等等,d野比我想像中貴,如冇記錯罐裝啤酒要成5蚊港紙,都算貴
之後用左多過半個鐘既車程就到左我地住既地方,原來都好大下,但房呢就似hostel多過hotel,衣櫃冇門亦冇雪櫃,冷氣算係夠,我就冇咩所謂佢地呢就好唔慣,最大問題係d啤酒唔知點算,哈
食左個很一般既lunch後就番房休息,因為整個訓覺過程都係斬件上(飛機訓左陣,碼頭訓左陣,船訓左陣)所以個個都好眼訓.ps我已經係訓最多果個佢地好多都訓唔到,哈,好彩我真係度度都訓得著,所以settle好野即訓係好正常
因我住2樓,感覺有風所以開左窗就訓,冇開冷氣都ok,之後訓左2個鐘度出左海邊,個海都算ok.而且d沙白色,好得意,加上有d唔知咩係d沙度吐出黎,一圈圈咁又唔似蟹噴出黎果d,仲有d係水入面好似溫泉水咁噴出黎,真怪
日落都幾靚,而且好多海草,亦有海星等等,都幾過癮,日落後行行下先發現有吊床,訓左陣感覺不錯
最後出左去香滿樓食飯,聽講唔錯,so far都可以,價錢都算係咁啦,不過我都冇咩點理,始終係hea既地方,求其算了
26 August 2011
Death at a Funeral
~~Death at a Funeral(葬禮上的死亡) - [2007]~~很有趣的英式幽默喜劇,發生在葬禮的一天,故事由一開始已經充滿笑點,混亂而帶點瘋狂,但仍算controllable而且節奏也極明快,有趣的電影
<26/08/11>
25 August 2011
Cronos
~~Cronos(魔鬼銀爪) - [1993]~~鬼童院導演Guillermo del Toro 93年的處女作,當年獲得很多獎項,雖然現在來說只是電視劇的級數,但當年來說應該已經很不錯
<25/08/11>
24 August 2011
4條大路通陰間
~~สี่แพร่ง(See Prang,Phobia,4bia,4條大路通陰間) - [2008]~~基本上保持水準,第一個故事比較特別,全程只用畫面加音效以及sms或電腦交代故事,沒有一句對白,氣氛我覺得還可而且取景角度非常不錯,而第二個故事較血腥及重口味,某部份和Art Of The Devil 2相類似,第三故事比較攪笑但氣氛不錯,雖然有點公式結局也可預知但我覺得是此電影最好的章節,而最後是其他人評分比較高而且覺得最為恐怖的故事,但我只是感覺一般,雖然有比較詭異的場面但仍覺得太公式化著重於表面的驚嚇,整體4個故事有一點輪迴之意但並不太明顯,但還是一套合格的泰國恐怖片
<23/08/11>
23 August 2011
Killing Time At Home
~~Killing Time At Home - [2003]~~之前網上看過一套非常簡短但內容十分之沉重的短片,還記得第一次看時那種抽心感覺,不禁問問現今社會各式各樣的生活透過不可缺少的電腦會展示一種什麼樣的生活模式及價格觀出來,是否人與人的接觸因透過冷冷的螢幕而變得冷酷變得自私呢?究竟寂寞和冷酷當中又有幾多千絲萬縷的關係呢?
<23/08/11>
香頌鬼屋
~~บ้านผีสิง(The House,香頌鬼屋) - [2007]~~恐怖感尚可但有點日式以音效畫面造型營造驚嚇多點,欠缺稍為深層一點的恐懼感,而且故事對比起前作嚇死鬼實在是相差得太遠,ending有點亂糟糟不知所云,沒有了真爱與忠誠只留下不信任及失理智,是背後的心魔吧但又為何拉來了什麼戰爭起義軍行刑場什麼什麼的,導演究竟想表達什麼東西呀,太難理解了
<22/08/11>
22 August 2011
Orphan
21 August 2011
Les 3 P'tits Cochons
~~Les 3 P'tits Cochons(The 3 Little Pigs,三隻小豬) - [2007]~~一部接近2小時但尚算不錯的加拿大電影,故事講述三位已婚兒子在母親昏迷時聚在一起談論所面對的各種引誘,將他們三位相貌不錯的男子(當中以老二Mathieu樣子最為吸引)化身成為三隻小豬面對各個豺狼的引誘已相當有趣,幽默當中又不失現實的處理可以看出不忠背後還有的點點溫情,此片還可以吧
<21/08/11>
戰神(關公大戰外星人)
雖然故事定位及道具器材有點簡陋,但故事及電影本身我並不覺得可以太cult,本身是一個父與子,現代科學與傳統宗教的衝突故事,道理上是嚴肅的問題,而且拍攝得算是頗有條理,最多就是一個加入外星的現代民間傳奇吧,cult在我個人來說不是這樣,雖然他的道具飛碟和plan9差不多級數,但並不是亂七八糟令人發笑的那一種(簡陋是有但就是沒找到有趣感覺),就我看來這是現在經常說的土產A貨科幻片吧,簡陋而帶點特有的風格氣味但勉強可以而且有可能比原本的更powerful雖然有爆炸的可能,哈,anyway,他的外星人設計真是異常低能,對比上關公威武的造型實在相差太遠了,此片可以一試但不推介因為那差不多15-20分鐘的打鬥實在有點悶場
<20/08/11>
Subscribe to:
Posts (Atom)
