紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈 Part.01

貳零壹壹年拾壹月伍號 - 紅磡+北角+九龍城碼頭及馬頭角公眾碼頭,大磡村舊址,油塘茶果嶺道舊廈

Part.01

行程相當豐富的一天

首先係尖咀睇完醫生後就搭van仔到左紅磡碼頭,成日係黃埔搭車番旺角時見到依個碼頭,好想去影下相,卒之攪攪下攪到去中環灣仔既航線停埋都未去到,睇天文台天氣唔錯,就的起心肝去影相,位置唔算太中心,但尚算不太遠,巴士站得番好少車,但風景相當不錯,而且海風相當舒服,而且好多人釣魚,熱鬧,碼頭呢就得番北角果邊仲開緊,碼頭窗口係圓型既而且入閘位唔洗比錢住,去到北角先比,所以整個候船處好似自助咁唔見工作人員,感覺比較特別

去到北角碼頭天色更藍,而且印象中好似未黎過,所以心情相當不錯,出閘後見到好多賣海鮮既檔口,雖然條路好濕,但感覺幾地道下,海鮮種類相當多,後尾仲見到隻漁船落貨,怪不知咁多海鮮,依個碼頭係橋底,感覺冇紅磡碼頭咁通爽,但乘涼既人都不少,只係釣魚人少d,可能冇黃埔咁邊咁多魚掛

北角碼頭隔離係另一個碼頭,係富裕小輪既維港遊碼頭,可能未到夜晚,所以完全冇人,而且2架粉紅色既船都泊左係度,襯起個天其實都幾靚

離開左北角搭船到九龍城碼頭,之前係土瓜灣做野都耐唔使經過偉恆昌,無聊時唔想番屋企好似都有搭船到灣仔,可惜加下得番北角既航線,未到碼頭時卒之見到海心廟,之前只係睇相見過,真身原來咁細,係全部大廈包圍住,有d格格不入咁

去到九龍城碼頭,之前都冇認真睇過個碼頭,原來佢個design都幾靚,正門有波浪式既簷篷,碼頭都算大,幾靚,而佢隔離係馬頭角公眾碼頭,我對佢真係完全冇印象,至於巴士站,比較舊而且破落,但巴士都算多,所以我都搵到我要搭既車去下一站了

搭61x去到新蒲崗四尾街落車,就去到大磡村舊址,點解去依度?話說有次我搭車經過,見到大磡村個牌,雖然條村拆左好耐,政府居然咁好死留番個牌係度,所以就諗有機會一定要影番張相,所以就順手去埋,大磡村個牌都開始生銹,而且只係停車場同空地既通道入口,一發展個牌都唔知仲保唔保得住,行入少少就見有兩棵大榕樹,好高d根都好長,希望佢好好成長唔好比人整死啦

To Part.02

<05/11/11>

Photo Link <<<<<<<<<<<

黑鼆鼆好『鬼』徑 – 靈異傳說遊

貳零壹壹年拾月叁拾號 -"黑鼆鼆好『鬼』徑 – 靈異傳說遊"

參加了灣仔民間生活館既"黑鼆鼆好『鬼』徑 – 靈異傳說遊"對上一次因為唔得閑join唔到,見佢又再攪所以就參加左

時間係夜晚7點,係藍屋集合之後去左第一站,郵局,依家已經係環保軒既東西,原來有個郵差故事,之後依個郵差故事而伸延番去最last一個行程洪聖古廟,原來郵差派白紙最後搵得道高人攪掂,得道高人既弟子就留左係廟幫人睇相,但每日都會到番依間郵局睇睇,確保白紙郵差冇再出現,有趣

之後去左第二站灣仔街市,都有一段時間冇黎過,原來已經整緊,又起豪宅了,唉,anyway,唔講唔知灣仔街市原來曾經係停屍間,好耐之前去呢就覺街市個design比較得意,而地下呢就真係比較涼爽,真係唔知關唔關事了,順便過左隔離少少講講防空洞既位置,亦睇左少少關於當時既相,聽講之前入到去但依家已經封晒亦已經係地盤了,果張有鏡同桃木劍既相都算幾特別,可惜冇得入去了

第三站係修頓球場,原來果度係日本既區政所,附近既球場就係打斃場,整條莊士頓道原來都係當時日本既行政地方同拒留所,隱隱約約都可以感受到當時既情況

第四站係東城戲院舊址,因為比較出名,所以已經知道當中的女廁及全院滿坐故事,但唔知道原來係戲院前身係萬國殯儀館而集城果度呢就係香港殯儀館,而經過時順手講左舊時麗的呼聲既位置同埋女廁鬧鬼事情

第五站係聖佛蘭士街同日月星街既故事,都係日本人同埋傳教士既故事,而且又講埋St.francis起緊果時發現數量不少既人骨既事件,而行入星街前亦講左公廁有入冇出既故事,依家果度已經係另一座住宅了

經過星街講左一座當時鬧鬼起大廈同埋八公廟既舊地址,再去埋依家八公廟既新地方同埋後面既防空洞,大牌後後係咪真係有靈符真係唔知,但個講法都幾有趣

第六站係比較出名既船街,當然有聖路琦同南固臺,聖路琦依然係封住但原來南固臺已經開番條樓梯,真係好耐冇黎過,當然去埋後面既山洞同埋同濟中學,依度就快拆,好快就咩都變晒,當年係依度都渡過左數個鬼節,哈

至於故事又係日本軍人強佔地方(依個真係唔知關南固臺事),最後當然都係講番吊頸故事從而鬧鬼既東西,好懷念依個地方

最後係當年探險經過時一定會拜拜既洪聖古廟,仲介紹番第一站提到既得道高人弟子既睇相解籤地,老實依間廟每次經過都係夜晚,真係冇見過佢開門時既樣,希望有次會見到入去睇睇

聽完晒整個導賞,灣仔所發生既故事多數係圍繞日本軍人既故事,不過我好中意依類舊建築第既小故事,希望第2區都有ed咁上下既野攪就好了

<30/10/11>

Photo Link <<<<<<<<<<<

走佬花嫁殺人事件

~~キラー・ヴァージンロード(走佬花嫁殺人事件,Killer Virgin Road) - [2009]~~

頗怪異的日片,故事及手法很奇怪,但無聊中某些又著實攪笑,說的大抵是人生種種怪異種種意想不到的事情令人不停碰到意想不到的人發生不同的事,並在不知不覺中改變他人改變自己,無論是不幸的人失敗的人總有她的化學作用成為他人所需要的一點引力,這片令我想起松子的一生但就比較開朗而幽默,完全沒那種沉重感

<02/11/11>

Photo Link

Jestem

~~Jestem(我是) - [2005]~~

不錯的波蘭電影,講述一個與年齡不符身不由己思想行為成熟的小孩故事,他對家對關懷極其渴望但總是以旁觀者身份抽離觀看,被遺棄而面對過早的生活困難中掙扎,雖然面帶疲累但仍樂觀而堅定面對,故事雖苦但仍看見希望,電影中的攝影很美,灰灰淡黃中處處看見淒冷,詩一樣的感覺,雖然拍得淺白但頗touching

<02/11/11>

Photo Link

蒲台島camp - Day 02

貳零壹壹年拾月貳拾玖至叁拾號 - 蒲台島camp

Day 02 - 30/10/11

第二朝6點起身諗住順手睇日出加食早餐執野之後搭9點班船,點知好大霧睇唔見個太陽,又見未起晒身,所以都係訓多次先,7點起左身開始執野攪得黎就岩岩有早餐食,時間真係岩岩好

玩左陣剪影就差唔多走人,上左舊烏龜石度望向另一面,原來下面全部係山墳,wow,又聽講原來有人小便時再聽到有聲,怪不知我只聽到男人講野又唔知佢講咩,原來係山墳既原因,住咁近都冇攪我地算係咁了

行南角咀經佛手岩番碼頭,見到有幾個釣魚人係碼頭,原來仲有人冇走不過我地估佢地都係冇訓釣通宵魚,賣汽水既婆婆又係好好傾,講左陣船就到,都有人一早到左,不過釣魚人居多,隻船出番赤柱玩左陣貓玩左個geocache就走人了,整體黎講蒲台島camp相當不錯,有機會再到

Back to Day01

<29to30/10/11>

Photo Link <<<<<<<<<<<<<<

蒲台島camp - Day 01

貳零壹壹年拾月貳拾玖至叁拾號 - 蒲台島camp

Day 01 - 29/10/11

好都年冇去過蒲台島,今次係camp,天氣非常好,由香港仔搭船到島已經係11點,一開始我地揀上路行,行左一大段樓梯先上到觀日亭,揹住野揀正午十二點先上頂都真係幾攪笑,上到去休息左陣行去巫氐鬼屋同棺材石,途中經過大石既斜路(上次我反方向上去,著錯衫著錯鞋行得好辛苦),見到香港四大毒草之一既羊角拗,生晒d毛出黎,真係唔講唔知咁毒

去到巫氐鬼屋冇咩點變,但我地又見到一條核突蟲,好肥而且尾有分叉,聽佢地講又係有毒,所以都唔敢行咁埋睇

之後番落去士多食lunch,中途係蒲台學校附近見到條大蛇,有兩米長,蛇身有前手臂咁粗,但應該冇毒既但就第一次見咁大條蛇,勁

去到番落妹記士多,食左個餐蛋麵同老闆娘吹左陣水就去仙人石附近紮營,因最後一班船係4點,所以d人走晒得番我地係果度,地方相當不錯,而且附近有舊大石可以當台用,非常好

影左陣相就攪營d野,發覺有人冇帶拖鞋,佢地就用草同薯片袋諗住紮對鞋,攪笑,不過原來d草紮埋真係幾舒服,可以用黎當枕頭都得

日落相當靚,可惜咸蛋王時間不多,到左夜晚我地打邊爐,野食預得岩岩好,途中聽到有人講野,以為係ii,但照過一輪後都冇野,就繼續食,食完野就訓係度睇星,星還算多,可惜唔多清而且燈塔加舂坎角既光都有影響,所以還未滿天都係(最多一次係東灣睇,真係滿天都係),另只係木星最近地球既一日,所以玉眼都見到佢,但就太遠影唔到

因今次早食飯,所以十一點就訓覺,我訓最出面個營,所以個十秒閃一野既燈塔瞪死我,而且半夜仲好大風,個營食晒風吹到澎澎聲,不過還算唔凍,可以接受

半夜3點起左次身去小便,個廁所位雖然隱閉但比個燈塔照住,好奇怪,半夜個天好似清左好多,而且舂坎角d燈熄左,所以我就訓左係舊大石度睇星,粒木星已經係頭頂但就開始多雲,睇左陣就番營訓了

To Day 02 - 30/10/11

<29to30/10/11>

Photo Link <<<<<<<<<

展覽 - 愛在大街小巷中找你

貳零壹壹年玖月拾柒號 - 愛在大街小巷中找你展覽

係奧海城攪既愛在大街小巷中找你展覽,都係舊東西,但就係模型又或者係大型既樣板道具加上真實既物件/相片做展覽,還算有趣,而且我因為一早就到,所以人比較少,睇得自在一d.

大角咀其實未起奧海城之前好少行入去,原來有咁多古舊商鋪,冰室,印刷廠,影樓等等,尚算不錯

<17/09/11>

Photo Link<<<<<<<<<<<

The Crazies

~~The Crazies(屍心瘋) - [2010]~~

翻拍1973年George Romero的舊片,舊版沒看過,但這感覺上是一般公式的hollywood電影,純視覺刺激還可,但在我來說完全不合格,就是28days later,resident evil和生化壽司的感覺,但沒有比他們好,可能是始終是太穩陣了,我不喜歡如此公式的hollywood movie

<26/10/11>

Photo Link

Control

~~Control(控制) - [2007]~~

從來也覺得傳記是相當難拍得好的,這套control我事前沒知道是傳記片,但就著海報吸引而看,對於故事主人翁Ian Curtis,老實說我並不認識但只知joy division,哈

對於此片,我覺得黑白是好的,音樂是好的,男角的側面輪廓及很多鏡頭是拍攝得相當好的,而人物描述方面,我不知實際ian是如何性格,但就電影來看,我看到男角Sam Riley演得實在是差(台上表演部份另計)感情欠奉,而且電影中主人翁的性格描繪得比較表面而空白,很難想像一個領軍人物在此電影中會有如此平凡的感覺,沒一點個人魅力,實在有點奇怪

<26/10/11>

Photo Link

援助交際撲滅運動

~~援助交際撲滅運動(Stop The Bitch Campaign) - [2001]~~

鈴木浩介首部被留意之作援助交際撲滅運動雖然頗古怪,但其實尚算是不錯的電影,一開始的opening很有日本cult片風格,選角也不錯以遠藤憲一的sm男最為突出,雖然是比較另類的題材但這個兩軍攻防戰在怪異中仍算有節制,在誇張當中仍隱約看到當時的社會問題及人性的一面,在狂放敗壞中夾雜一點悲涼,ending的循環意識不錯,喜歡

p.s.不知是這片太舊還是一般當作A片來看,不是只找到09年Rio版就是沒字幕,找了很久才在蒼井老師全集當中找到,可能真是fans才有的片種,哈

<25/10/11>

Photo Link

Hallam Foe

~~Hallam Foe(屋頂上的流浪) - [2007]~~

一部很好看的英國電影,無論是節奏,故事,配樂,演員以及畫面也很豐富討好,故事發生在一個古怪的少年身上,本身的經歷及處理手法也很生動有趣而吸引但不乏輕狂而掙扎,天才一樣的男角令電影發展更為對味,加上剪接得宜而流暢,相當值得一看的電影

<25/10/11>

Photo Link

Storm Warning

~~Storm Warning(風暴來臨) - [2007]~~

比較公式化的血腥暴力片,又是一般意外撞到殺人家庭誤入險境再以暴易暴反抗的類型片,加上又是女權當道,男主只有嘈嘈閉的份兒看得令人相當不耐煩,而且前段太拖,到中尾段才進入正常步速來過大血腥,鍾情這類片種可以一看,其他不推介

<24/10/11>

Photo Link

Jessie J

從來從來很討厭autotune的歌,但Jessie J就令我有另一種感覺,其實很喜歡她說話時的語氣她的口音,又其實她的live非常非常不錯,Jessie J不用autotune也很有實力,雖然樣子真的非常不討好,但我覺得她的性格路向又和一般的pop singer不同,來吧,請令我有想要聽她album的沖動吧,哈

Jake Shimabukuro - 秋桜

一首很適合秋天晚上聽的歌"秋桜",很久很久沒聽到這首歌了,Jake Shimabukuro的純音版也非常不錯

Youtube被和諧了,只找到優酷版,有15秒廣告,忍受一下吧

Dead And Buried

~~Dead And Buried(蓋棺了結) - [1981]~~

一套非常懸疑加故弄玄虛的電影,看了差不多一個小時才知是什麼東西,以為自己猜到了原來又不是那麼簡單的故事,現在看來可能只是一般般的手法,但放在三十年前這也相當不錯的作品了

<23/10/11>

Photo Link