油麻地文物徑導賞團

貳零壹貳年捌月拾捌號 - 油麻地文物徑導賞團

參加左文化葫蘆既油麻地導賞團,首先係榕樹頭集合,介紹油麻地依個名既來源(原此地以賣桐油同麻纜)所以就叫油麻地,而榕樹頭附近既街,係當時既人集合既地方亦係廣場既意思,後尾譯左英文叫Public Square Street,但做番中文就變左做公眾四方街,再後尾再叫左做眾坊街,所以其實英文先係形容當時既情況既

而隔離既梁顯利個位本身係舊差館,所以舊時果度係叫差館街既,至於我地第一站去既地方就係天后古廟,係1865年或之前已經有,至於佢另兩間城隍廟同觀音古廟,整整三間廟我一次都冇入過,原來係好靚既,特別係觀音廟入面用紙做既12奶娘(加下得番9個)同埋城隍廟既60太歲神像,真係好靚,但係唔影得相,但真係堅靚,有機會真係要睇睇,guide仲順手講埋香港第一間觀音廟係水坑口街,由浮木拜祭到後來刻左觀音像,有機會要去睇睇先得

跟手就講另一邊對面街見到既美都餐室,其實未夠鐘集合時我都去左飲野,但個感覺真係好差,唔比影相之前已經知(再之前去過一次),但今次真係印象極差,首先係坐低左就唔比轉位要跟單,我話比錢先佢要我落樓下比(KLM),好啦,我唔轉,再聽到要迫人一定要人地單邊坐,有人同條佬嘈就話唔做佢生意,連個睇樣應該係蒙古症既伙記都串到死,我都真係第一次見蒙古症既人有咁串既樣,真好教育,之後呢見有班日本人係咁影相,佢又唔嘈喎,即係點,咁型又唔阻人地,記得之前都唔係咁既,依個所謂既二樓話事人,咁攪法都應該會做死間野了,老鋪唔係咁做如果做到D野又唔見得有咩好食,就食屎啦,我唔會再去ED咁既所謂老鋪,挑

講番導賞,介紹左美都既設計,係比較環保式天然采光而且係一路窄上去,目的係會令街下光D同比較通風,之後行左去廟街,廟街南係政府所以比較整理而廟街北呢就係自己既,所以鋪就會比較雜亂,原來係咁既,至於油麻地街市,室內果座係1957年起既,以實用為主,但商鋪仍然係比較喜歡係室外擺檔,據講有100檔以上既街檔,除左一般生果肉類蔬菜,當中有好多係賣藥材同埋嫁妝用品既,老實如果唔係依個導賞,我都真係唔知有依個街市,而且賣藥材同埋嫁妝既鋪都幾過癮,有趣,丫,仲有個guide講左有d傘倒轉掛晒係度,其實係用黎阻住d水唔好比佢整濕d貨既,簡單又實用,哈

再後黎到左玉器市場,又係一個經過但未入過去既地方,入面除左賣玉器(guide講以廣東道玉器市場為高檔而油麻地既係比較平價少少既玉石)仲有特別既行業,就係寫信佬,加下生意當然唔同以前啦,但果部打字機果D幫人寫信又或者報稅既舊招牌都幾有趣

跟手到左油麻地警署,如之前所講,舊警署係梁顯利個位,依加既係第2代警署,但都有番咁上下歷史,係1922年所建,愛德華式建築,以傳統既灰藍色為主,屬於二級歷史建築物,即係可以拆既,唔知政府遲下會唔會拆左佢

之後係行左去上海街,講左少少舊招牌(多數以外型為主,因當時d人唔多識字,所以就以所賣既物品做招牌,賣刀就係刀既款賣錘就係錘樣),而舊樓呢,戰前有大露台,1925年再起過,之前有臨街柱但之後就開始無用依個方式,因會阻住馬路既擴建,guide介紹左上海街某一舊樓就係咁,一部份新既無柱而舊果邊仲有大露台同臨街柱,都幾特別(個故仔仲係業主為保育舊樓而比左好多錢去保住舊果邊既樓)

再前少少就有一座古怪紅磚屋,處於某豪宅下方(印象中好耐之前見過無咁靚得d暗暗既紅磚外牆,同旁邊既住宅格格不入,唔知係咩黎既),其實係油麻地抽水站,真係唔講唔知係1895年既建築物,依座野又有另一故事,事源係無人理左好多年之後係2000年郵政局既慶典,無意中搵到依度既舊地圖先發覺原來咁有歷史價值,佢做過郵局,公廁,垃圾站同埋露宿者之家,仲爭d比人拆埋,身世真坎坷,依家整晒玻璃亦番新左,係油麻地戲院所屬既傳統曲藝中心,佢既牆身其實最有價值,特別係圓圓地既紅磚,摸下佢感覺都唔錯

至於油麻地戲院(1930年建成1998年停止至2012年重開),整過晒靚仔哂之後其實我對佢無咩興趣,但原來佢門口果兩支有人面既柱,係今次番新時先發現,之前比人封左係牆後,如果唔係再整,就唔知原來有依兩支柱,唔講以為係新整既添

最後係油麻地果欄,之前自己入過影相,今次都係下畫所以人唔算多,果欄1913年已經係度,有250個欄,去左睇有牌坊既位置,介紹左某d係貴價批擋既外牆亦講左木頭車既停車場同擺位既分別,仲講左原來有個露天無門而且簡陋但又極近街邊既廁所,仲岩岩見到有人去緊,真有趣

導賞大約兩個鐘度,開初以為會講多少少舊鋪但原來所佔唔多,其實油麻地真係好多舊野,只係我唔識,希望再有機會會講多少少舊街舊樓舊鋪既tour啦

完晒之後見仲有時間,自己周圍去影影舊街舊樓舊鋪,仲影埋得如酒樓,外牆已經好古式又地下亦係舊式設計自己走左上樓上,好似無咩人(可能落左場未開始做生意,所以走人),依類舊式酒樓係香港我都唔知仲剩番幾多lu

[18/08/12]
Photo Link <<<<<<<<

黑色米字旗

今日見到王之鋒小朋友出黎,我先諗番起國慶之後果晚番到屋企同老母傾計,講講下先發覺原來我著緊件黑色仲有米字旗既t-shirt,心諗咁樣一定唔比入場啦,真係估唔到加下著咩衫都咁講究,真係多謝阿爺了

[07/10/12]

Le silence sous l'écorce

~~Le silence sous l'écorce(樹皮下的沉默) - [2010]~~

白雪森林裡的故事,各人忙於冬眠但主角被白雪弄醒走出外面的世界玩樂,天真純真的表情令人很治愈,當中也弄醒了另一位精靈,穿梭於白雪森林裡玩樂,有一天終於要醒了,消失了,但仍有童心的另一個仍在世界中遊走,故事就此完了,不覺傷感只是人生的一部份而已,有過歡樂于願足矣

[06/10/12]
Photo Link

世界奇妙物語09秋季特別篇-理想的火鍋

~~世にも奇妙な物語秋の特別編(2009年)理想のスキヤキ - (世界奇妙物語09秋季特別篇-理想的火鍋) - [2009]~~ 

世界奇妙物語09秋季特別篇另一個故事,理想的火鍋,男角對火鍋的堅持有點攪笑,近乎於偏頗的瘋狂,伊藤淳史的表情很到位,何謂追求何謂理想,其實每個階段你身處於每個視角也著實有所不同,有時不用堅持那些無謂的完美弄得自己食不安坐不樂吧

[06/10/12]
Photo Link

Cat Diaries

~~Cat Diaries(貓咪日記) - [2011]~~

在folder中找到這個,不知在什麼時候下載來看的,Cat Diaries就是以貓的角度及平日所過的日常生活為主題,畫面剪接及配樂不錯,從此片你會發覺貓其實頗懂得自得其樂

[06/10/12]
Photo Link

你幸福嗎?

最近央視最火題目"你幸福嗎?" 如果問到我,我會如何回答

你幸福嗎? 幸福
你覺得什麼是幸福? 幸福是每天所面對所接觸的東西大於一半是自己所能控制的
你最想要什麼呢? 日子繼續過
那最壞的事呢? 很多事情仍是有心無力,不在本身而是所見所感


你是如何?你幸福嗎?

[06/10/12]

Zero

~~Zero(零) - [2010]~~

關於歧視關於自身價值及認知的故事,故事中zero的積極只會越看出社會的醜惡,世界不會因你覺得美好而變得不再醜惡,相反亦不會因你覺得醜惡而變得不再美好,你就是你世界就是世界,美好與醜惡從來沒有消失過,問題在於你自己思想上偏向那一方

[05/10/12]
Photo Link

世界奇妙物語09秋季特別篇-自殺者再回收法

~~世にも奇妙な物語秋の特別編(2009年)自殺者リサイクル法 - (Yonimo Kimyona Monogatari The Law of Recycling Suicides,世界奇妙物語09秋季特別篇-自殺者再回收法) - [2009]~~ 

世界奇妙物語09秋季特別篇其中一個故事,自殺者再回收法,以日本這個高自殺率的地方來這個故事別有一番意味,故事選角不錯,而放大了的社會問題道德爭拗亦相當別緻,反思珍惜是此片中心思想,人有時就是太過安逸得來太易越幸福越不知珍惜,其他故事有時間再找找看吧

 [29/07/12]
Photo Link

鬼娃小島 - Isla de Muñecas

係墨西哥依個對於死亡充滿愉悅既國家有一個咁既小島實在有趣,但其實有亡魂寄存於洋娃娃身上又並不出奇,總之就怪異而有趣,有機會我都想上島睇睇

相關資料
The Island Of The Dolls – A Dark Tourist Attraction In Mexico

A world renowned tourist destination is “La Isla de la Munecas”- a Spanish name which means the Island of the dolls. This Island of dolls is situated in Mexico and as the name suggests, one expects to see a beautiful world which will leave an everlasting impression. But the reality is exactly opposite and very harsh when one discovers the thousands of mutilated ugly dolls hanging from every tree on the island.

Don Julian Santana, a hermit who renounced the world and his family to inhabit this island dedicated his last fifty years of his life to the make the “La Isla de la Munecas”. It is believed that, he did this to please the spirit of a little girl who had drowned in the canal. Whatever may be the reason, he managed to turn this island into a bizarre, scary place where an eerie eye of mutilated dolls haunts your every move, on this strange island.

Don Julian is said to have led an isolated life ,except when he ventured to collect old dolls that he either scavenged from the garbage dump or bought in exchange for his homegrown fruits and vegetables. Personally one is made to believe that he obviously did not like intrusion and tried to scare off inquisitive onlookers by hanging scary doll faces. In 2001, Don Julian was discovered drowned to his death in the same canal surrounding his home. Don Julian is dead to the world but his eerie disturbed vision stays on, in the faces of lifeless dolls mutilated and hung in the worst forms of human torture and punishment.

This is a ghostly sight that serves as a dark tourist attraction especially for the young generation who is fascinated by gore and death. Many visitors are overwhelmed by the dead childish faces of dolls that never lived but appear to haunt this place, always looking at us as though we were responsible for their deaths. A world renowned tourist destination is “La Isla de la Munecas”- a Spanish name which means the Island of the dolls. This Island of dolls is situated in Mexico and as the name suggests, one expects to see a beautiful world which will leave an everlasting impression. But the reality is exactly opposite and very harsh when one discovers the thousands of mutilated ugly dolls hanging from every tree on the island.




[18/09/12]

原來會係咁 - 坪洲靚仔

其實呢當你見到靚仔之後番到家睇相發覺一張大頭近鏡既相都冇既話,結果係令人失望既,雖然十零日後佢已經由道士變左和尚,但最後結果都係一張大頭近鏡相都冇發現,點解會係咁呢? 難道依個係我唔慣影人既壞習慣,睇黎真係要改

[31/08/12]

原來會係咁 - 中環靚女

即係咁,當你係十個鐘入面不停見到靚女係你面前行過,之後幾日行街時你會發覺其實好多自以為係靚女既女其實係完全不入流的

[09/09/12]

原來會係咁 - 領匯

食飯時間身處於領匯世界入面實在令人又暴躁又沮喪

[11/09/12]

輕鐵

最後因有d夜既關係,而且我唔想再行錯路,所以揀左搭輕鐵番西鐵站,就係咁我既第一次輕鐵經驗就係依晚送出,之前真係唔識搭同埋覺得冇咩雖要,所以幾次去元朗屯門都真係冇搭過,最後好快到站其實我都唔知比左幾多錢搭,感覺上自己好似變左遊客咁,好陌生好求其既感覺

[11/08/12]
Photo Link <<<<<<

元朗大榮華

睇完野去左元朗食飯,又係食元朗大榮華,人都係咁多而且因兩三年冇去過元朗,出左西鐵後我已經唔認得晒d路,行左一段時間先搵得番大榮華係邊,上到去都係咁多人,5個人嗌左個迷你九大簋,要食既野都差唔多有,所以就是鬼但,都算ok係個鯪魚球冇咩味同埋個豬油唔夠香(之前印象中係白色唔知點解加下變左酸梅湯咁色),但因個擺位實在浮誇,成日比人望,好彩我係背轉身,所以冇咩留意到,最後加埋飲野加一150蚊每位,還可啦

[11/08/12]
Photo Link <<<<<<<

潮人盂蘭勝會食品祭品講座

之前聽過盂蘭講座,知道大約香港盂蘭既來源,種類以及某些盂蘭勝會既流程,但因長春社攪既潮人盂蘭勝會講座爆左,而第二場我又唔係香港,所以聽唔到太多詳細既講解,而今次依個呢就係潮人盂蘭勝會食品祭品講座,當然講得比之前既盂蘭講座更集中,而且香港既盂蘭勝會印象中應該係潮人最落力同最有系統(當然有錢同團結亦有當中之原因)

今次既講者分別係胡炎松(潮州商會青年委員會副主任)同楊子儀(貴嶼仔潮式餅糖糕飽專門店負責人),前part由胡先講,原來潮人盂蘭勝會係由4-50年代移民潮開始,因當時既潮人隻身來港而且窮既關係,如果死左亦好簡單咁攪葬禮,但因潮人本身比較團結,所以後來就開始係7月搵僧人超道亡魂(潮人盂蘭以佛教為主),就將依個盂蘭勝會由中國帶到香港,另因潮汕(粵東)遠離中部,所以傳統保存得比較好

講明依個係食品祭品講座,所以講過下少少引子後開始講解盂蘭勝會入面既祭品,唔講唔知原來都幾講究,當中分為大祭(祭祖),祭神(一般神靈)同路祭,所用既物品各有不同,大祭要用五牲即豬,雞,鴨,魚,豬肝,而祭神用三牲即豬肉,雞,魚,而路祭就用小三牲即小片豬肉代替成隻豬左大舊豬肉,用雞蛋代雞,魷魚代魚等等,而配套就冇咩指明,不過潮人多用紅桃果.而盂蘭勝會前兩日呢就係用齋黎拜,所以後黎楊所介紹既餅糖榚包就有好多係為左前兩日既祭台用,而第三日係最多最齊既,因街頭坊會自己帶備豬,魚,鴨等等真肉放係祭台上,所以如果主辦單位有錢,係會放左好多野係上面

而奉佛酬鬼又係另一d,奉佛五果十供,五果有蘋果,橙,香蕉,菩提子,芒果等等,十供有花,香,燈,塗(水),果,茶,食,寶,珠(佛珠),衣,而酬鬼祭品係飯山,麵山,通菜山等等,因鬼不知數量,所以山為無限,酬鬼大部份係山,胡講解時順手講埋招魂施食前先有個五支幡幢咁上下既東西,即豎立五支幡(東南西北中),用以保護以維持秩序方便僧侶儀式施行,稍後亦講解左神棚祭品,因頭兩日要用齋,所以以潮式榚餅(棋子餅,壽麵,糖獅塔等等,至於點解係獅,其實好講主辦既主席如有相沖可能所擺既野會唔同),五果,福品(福祿壽像,金器,名酒等等),而酒具係以十二(地支)或廿四(節氣)所放,並唔係亂來的,擺位黎講呢,楊講及以美觀舒適為主,除避開相沖物外亦以環抱式擺放,多以山字為主,7月去睇時留心下先

之後講既係紙紮祭品,係我好有興趣既東西,13種祭品當中,以頭二及尾二為重要,中間既係其他角色,順序為神袍(天地神三件神袍),帝冠腰帶長靴,大士王(即鬼王,維持秩序),紅色神馬(帶信眾的願望上天),值符使者,白馬(值符使者係帶關文伸請通行證開關而白馬就係送佢落去既),金色馬(係完成所有儀式完結後化為此馬功德圓滿永福之意),金童玉女(最後一日和尚會羅住佢黎做一個散旗儀式,即叫番晒所有遊魂要回地府),仙鶴(用黎報告每一儀式完結),樹高燈,幢幡(和樹高燈一樣用作招魂用),金絲吊(用黎點綴比較靚既東西),冥鏹衣紙,真係唔講唔知咁多故事係後面

最後一part係由番楊講潮式榚餅祭品,全部都係餅糖榚包做,所出黎既造型有好多,除左山珍海味,福桃外(包類)仲有其他糖塔,齋五牲等等,好多好多,楊除播左段片講糖塔造法外(用白糖做比較白同埋打空氣入內可發脹,時間要用1個鐘右左,做出黎除外型靚外仲要夠薄先叫好),佢仲帶左實物比我地睇,仲分享左一個用花生糖做既豬頭同埋一盒餅黎,花生糖豬頭呢入面係米通食左少少好甜而餅我就食左個白皮綠豆沙餅,口感唔錯但又係甜死

聽完依個講座後7月去睇盂蘭勝會就會有趣得多了,哈

[11/08/12]
Photo Link <<<<<<<<<<<