台灣花蓮,蘭嶼 2013-06-20to27 - Day.08(27Jun)

貳零壹参年陸月貳拾至貳柒日 - 台灣花蓮,蘭嶼

27 Jun 2013 Thu 高雄旗山老街 Sunny day

一早起身去旗山老街,其實交通算方便,係左營搭旗山容運唔洗一個鐘就到,去到時間仲好早,都未夠9點,首先睇到好多住宅都貼有天后宮既貼同符,仲有d字好覆習既對聯係度,基本上家家戶戶都有,台南果然多信徒

行到去市中心(旗山老街主力得復新街,旗山老街同中山路主要3條街),首先見到既係好舊式而且旗山重點景點亭仔腳(石拱門),主要係木板加上石柱做成既拱門,又中又西咁都幾過癮,加上舊招牌,有d日式感覺,可惜樓已封入唔到去睇

再行去左最遠既旗山糖廠先,要過橋先到,大熱天時都幾惡頂,去到首先入左間賣雪條既地方,d雪條係用舊式立紙包裝,而且係舊式圖案,比較簡單,但味道有好多種(有糯米,花生)我揀左杏仁蛋黃雪條,咸既雪條真係第一次食,都幾特別亦唔算太怪,可接受,見有人專門用發寶膠包好黎成盒買走,好似都幾受歡迎咁,之後行左出去睇到運糖既火車頭,再行就見到有幾隻鴕鳥,唔知點解會有幾隻放係門口,好奇怪,再行就唔比入了,所以見無咩就走人了,走時再買左支酸梅雪條,幾好味

跟住番回中山路,見到好多仿巴洛克式樓排,好似無其他老街果d咁靚,可能係仿古同埋感覺太新淨,感覺一般,因太熱買左西瓜食,雖然多核但真係好有西瓜味,不錯,之後去左食枝仔冰城,因旗山係香蕉故鄉,所以好多香蕉野賣,我就一般般,上左樓上食冰,要左個香蕉雪條,其實除左設計彎彎地似香蕉外,味道同鳳仙雪條係一樣的,無特別,要左個香蕉奶昔,真係好有香蕉味,但好鬼飽,至於其他,我無食,因為杯野實在太飽肚

番轉頭去左旗山車站睇左陣,跟手再過左街市,真係好多生果賣,而且我最中意行街市,不過依個街市唔算大,好快就睇完,順手搵下廷平一路既旗山亭仔腳,問人都唔知係邊,最後發覺原來比個街市賣野既鋪遮左,行過幾次都見唔到,仲順手行過一個米鋪,都係亭仔腳既建築物,而且個鐵皮閣樓仔加下都好少人咁整,唔錯

最後去左天后廟,搵唔到出名既臭豆腐不過見到一個古伯豆芽菜既檔口,無開門但感覺佢d用具都用左好多年咁,之後2點前行番車站走人了,要番酒店羅行李

番到高雄見原來酒店附近係賣出口衫既地方,睇左陣衫先番去,見到件古著tshirt好靚,可惜無我碼

番到去羅完行李坐佢既接駁車到車站,見到火車站前既公車站好似好古老咁,舊野當然岩我,影左陣相去機場,因機delay成個鐘所以要食埋飯先飛,咁岩見到日落,都幾靚,但高雄機場入面得一間食野既地方真係無咩選擇,野食一般般啦,又要番香港了

Back To Day.01

[20to27/06/13]
Photo Link <<<<<<<<<<<<

台灣花蓮,蘭嶼 2013-06-20to27 - Day.07(26Jun)

貳零壹参年陸月貳拾至貳柒日 - 台灣花蓮,蘭嶼

26 Jun 2013 Wed 蘭嶼,高雄Sunny day

諗住起睇日出但又係好多雲仲有閃電,所以都係無出去,浪費左係東清既日出好地方,anyway,有機會下次睇

卒之訓到8點幾,去食早餐再出發,點知天氣變得好好,個天又變番幾隻唔同藍色,沿車路影左雙獅岩,玉女岩,饅頭山,坦克岩,虎頭坡,去到開元港,因隻船仲未到,所以上左舊燈塔睇,條路都爛爛地但望落風景唔錯,睇左陣就落番去附近既超市睇,只係一般野,不過種類都算多,門口有人擺賣,睇左陣就番碼頭等船了,烈日當空,真係唔知好定唔好,黎果日同走果日都咁好天,可惜了個海,但又如果咁曬,我地無車又會熱死行唔得多,anyway,蘭嶼係一個好寧靜舒服既地方,但好似發展緊(聽台灣女仔講綠島多人好多,而睇澎湖好似好多遊客好亂咁),所以相對黎講蘭嶼真係比較raw一d,相對地唔識查電單車又係比較煩,嗯

坐十點幾船去到台東已三個鐘後,跟手坐的士再轉高雄,去到已經3點,搵到間酒店(River hotel)攪得黎差唔多4點,不過間酒店環境唔錯,好新而且間房好大,仲有接駁車,都算方便,佢樓下仲有單車提供,不過見時間已經好晏,所以無借黎用

沖好涼休息下就出發搵野食,去左六合夜市,之前去過不過係日頭,今次去係夜晚,雖然個個夜市我都覺差唔多,不過依個算大所以就去啦,經火車橋行過去,條街可唔係唔大路,所以好舊而且相信靜,入夜後應該唔可以咁行番酒店,anyway,去到都係食食食,而且感覺都唔算大,食左少少野,無其他特別,係有個蚵仔包既東西未見過,個樣好似酥皮湯咁,不過感覺一般,無食,最後求其買左d野食就番酒店了,無咩特別就訓了

To Day.08

[20to27/06/13]

Photo Link <<<<<<<<<<<

台灣花蓮,蘭嶼 2013-06-20to27 - Day.06(25Jun)

貳零壹参年陸月貳拾至貳柒日 - 台灣花蓮,蘭嶼

25 Jun 2013 Tue 蘭嶼 Cloudy day

一早起身見閃電,所以又睇唔成日出,訓多陣就跟手出去食早餐再由老闆車我地去遠少少既地方行下,途中經過蘭嶼機場,真係非常之細,但外型呢就似足蘭嶼傳統既併板船一樣,比較特別

之後係蘭嶼生活文化館放低我地,因岩岩學校有畢業禮排練,所以入唔到去睇,過左去隔離既達悟(雅美)族傳統屋,因時間尚早而且係平日(明顯假日會多人多車好多)所以無咩人,之後再過左去隔離既蘭嶼文物館,睇左好多蘭嶼傳統既用具,物品,都幾特別

去左漁人部落,首先食左個lunch就繼續行,經過發電站,再經過居民住既地方,某個門口縛左隻山羊,真係有羊咩鬚果種,可能慣左見人,卒之可近距離咁睇清楚佢,另海邊有好多併板船係度,再前少少見有人曬緊飛魚尾,比風吹吹下都幾靚,聽講掛起飛魚尾就即係果個部落已經停止出海捉飛魚(飛魚期係3-6月),再前有個小山丘,望落幾靚,可惜無太陽個海d色爭好遠,再前少少有間吧叫無餓不坐,係蘭嶼似乎都幾出名,有隻貓懶洋洋訓覺,見無咩睇亦唔多想飲野所以就走人

再行呢就係另一部落,叫紅頭部落,首先經過見到有賣假菠蘿既地方,香港黎講依樣野無咩用,但蘭嶼居然用黎渣汁飲,味道清清地還不錯,依度睇落比較多人潛水,好多潛水東西係度民宿又比較多,所以睇黎依度多人落海潛水,行左陣有個海灘,一般般而且都好大浪下,睇左陣走人,仲行左去個球場,見有整緊既拼板船,旁邊有人仲請食飛魚,依度都炸得唔錯,幾好味

再行見到買手信既地方,又有郵局等等,感覺舊式而且人非常之多(佢做埋儲錢匯錢功能),係海邊飲左個芋頭沙冰定奶昔既野,味道一般,仲見到個醉酒佬煩住晒,又見係食飯時間,所以去左附近一間類似私房菜既地方食野(之前行過好多人食緊),去到要等45分鐘,所以出左去木亭睇海,但依度d風好大,難以想像打風時吹成點,而且又好立痴痴,唔似得東清果邊咁舒服清爽,坐到差唔多時間就番去食野,佢d送都幾好味,類似家常菜,而且個飛魚好味道,湯亦不錯

食完野決定由中間行番過去野銀部落,因太陽出番黎,所以個海又有番幾隻色,行上去係斜路,行左一段路先見有車經過,所以就坐順風車番去,仲可以去埋東清,所以唔洗行,經過沙灘,見有隻死海豹沖左上岸,有個人黎左影相話係研究員,估唔到依度都有海豹,仲以為好凍既地方先有添,見有時間,去左買酒等食飯,因一砌都停晒既關係,有個亭都無人用到,所以我地就坐係果度飲下酒睇下d人咁啦,有班人游水又有班小朋友係度玩,仲見到成班羊係度周圍行

睇睇下到食飯時間,食完就又去買酒去番個木亭度等台灣女仔,原來佢都係行路,仲行左8-9個鐘,但未行得晒就天黑,有車都唔查不過其實慢行唔曬都ok的,不過佢話無燈好黑所以其實幾恐怖,電筒都唔羅,哈,講左陣野,之前一晚既原居民又出現番,無幾耐聽到街外d人好嘈,原來係一個送別儀式,村入面既男人會羅住木棍鐵棍,一路行一路大聲嗌,類似盂蘭最後既收鬼儀式,因依度前幾日死左人,依個應該係最後一日既儀式

最後飲完野就番上民宿諗住最後一日可以睇日出

To Day.07

[20to27/06/13]
Photo Link <<<<<<<<<<<