灣仔唐樓團,荔枝角醫院&青山公路日落及夜景(Part.02-荔枝角醫院&青山公路日落及夜景)

13May2012-灣仔唐樓團,荔枝角醫院&青山公路日落及夜景

荔枝角醫院&青山公路日落及夜景

番家時經過荔枝角醫院,居然見佢冇關門,因係星期日,所以應該冇人開工,之前一直搭車經過時已經好想入去睇,因為果度都好多年歷史,問過阿媽佢話荔枝角醫院好細,印象中係醫麻瘋病既地方,我覺得好舊而且佢旁邊基本除左山同樹外咩都冇,因係公路訪所行人都唔見多個,一直都覺幾陰森又一直都想入去睇,因有相機係身又冇關門咁岩星期日冇工人所以搏下專登搭番車番轉頭睇,點知入到門口已見有個巴藉人士坐左係入面,我行番出少少羅相機影左幾張相佢就發現左,本來仲想係入面偷影張遠鏡,問過佢兩次話想影幾張相佢話唔得,唉,所以只好出番去出面影下外貌咁,因係日頭而且整過下(有好多材料係出面),所以感覺冇之前咁陰森,行左去另一邊都係鎖左,但門口有個石牌寫住1934,網上睇番資料原來1900年已經係度,不過之前係宿舍,之後荒廢再放左一段時間後做左軍營拘留所等等,之後做左傳染病醫院,74年做左痲瘋病院最後係精神科療養院,難怪咁清靜陰森啦之前

最後因見天色好靚,就係青山公路一直行番屋企,當中雖然睇唔切日落,但見到magic hour同埋岩岩轉夜既葵芳景色,雖然冇腳架而且好鬼死熱同倦,但都幾特別,當中行過一個荒廢左既油站,因係圓形設計,所以影時好似飛碟咁,幾有趣

Back to Part.01-灣仔唐樓團

<13/05/12>
Photo Link <<<<<<<