永盛號紙料

食完車仔麵見有時間,諗住沿住皇后大道西番落去雀仔橋附近睇下果幾間紙紮鋪(之前係中上環搵車搭去數碼港時路過),當中行過薄扶林道,見到一間舊式既紙紮鋪,叫永盛號紙料,門口係老老舊舊既感覺,所賣既物品疏落而且感覺頗舊,望入去見到黑底金字既招牌,之前因聽過老店文化講座,所以知道幾十年前(應該過4-50年)既招牌格式同店名最後既字就知道一定非常有歷史,所以我就開口問問老細可唔可以影下個招牌同順手傾下計,老細都係講冇得點做,因西環發展同埋紙紮鋪話會污染環境等等所以都好難做,老闆仲以為我係某學校或團體既學生黎考察,我當然話佢知我唔係,同埋講左點解我會周圍睇野,影左少少相停留左一陣就走

繼續行落山,卒之到左果幾間紙紮鋪,可惜係落緊雨,仲係好大雨果隻,所以冇咩停留亦無影過相就走左,但會襯住盂蘭節搵日再黎睇下仲要去埋中環既秋記睇下陳伯既紙紮作品先

[11/08/12]
Photo Link <<<<<<<<<<<<