粉嶺圍太平洪朝 - Day.02(25Feb2013)

貳零壹参年貳月貳拾肆至貳拾伍日-粉嶺圍太平洪朝

Day.02-25Feb2013

一早9點鐘就去到場地,未有儀式做,所以周圍睇下,人亦比上一日少好多,等左十零分鐘第一個儀式就開始了,首先亦係由師父帶領朝首拜祭,跟手就問杯,有銅杯,木杯同豬腳放係支木上面,要黎問來年全村村民既健康,是非以及六畜,銅杯要擲好多次,轉左人擲都唔得,最後要用綠油葉水洗過至得,健康可能有少少問題

跟住係劈五方同劈沙羅,有一支斧頭係度,首先會念一段文,之後會係張紙度抆張紙仔出黎,貼上圍牆門頂,寫有大吉昌三個字,跟住就會用斧頭做儀式,係地下畫字,跟住洒豆,炭,雞毛等等係地,用斧頭劈開個沙羅,沙羅可以用豬既任何部位做,依個應該係豬胃袋做既,劈好沙羅就開始準備朝首送燈儀式

朝首送燈係由打銅鑼既人帶頭,由朝首送燈一路行番屋企放神台恭奉,因銅鑼有限,要一個個咁送番家,都要一段時間

之後就開始化榜文,要由牆上抆番個人緣榜出黎,捲好同其他紙既神主牌或者祭品化左佢,由全員一路拜祭一路化,而木制或係廟請番黎既神,就要先用衣紙綠油葉水抹乾淨,之後續個由朝首放好,之後就一路燒爆仗一路打鑼打鼓送番廟,都其實幾大陣仗,最後番回場地睇下佢地執好野放入箱,十二點左右就走了

除左貼平安符無睇到其餘既都已經參與左,有別於盂蘭,頗特別既經驗

Back to Day.01

[24to25/02/13]

Photo Link <<<<<<<<<