30 oct 2009 Fri TadaPani,Ghandruk,Kimche,Syauli Bazzar Sunny Day
一早食完早餐後就開始落山了,行程當然比之前既好,但我支行山竹已經壞左,落山時最下面一節就成日都走出黎,最後要用石頭夾硬整扁佢先用得,但已經唔帶得番香港了,算啦,都用左好耐了
當中經過一個jungle,導遊話可能可以見到白色既馬騮同埋鹿仔,但我地只係遠遠望到d馬騮走黎走去,影唔到相,之後經過d有水流過既地方,問問sagur,冬天或雨季時依度係咪唔可以行,佢話都可以照行,不過危險少少同埋要除鞋過溪,真係凍死人,嗯,我都係中意10月既尼泊爾多d
之後落山既路程眼見既都係梯田,因秋天既關係,景色非常之靚,花亦可能因空氣好既關係,色彩十分之清晰,紅紅黃黃橙橙等等,顏色鮮明,真係花都靚過人,之後去到Ghandruk食午餐,依度本來係我地住既地方,餐廳對出係一片草地再望住一大個雪山,風景十分之好,但因我地想爭取時間番Kathmandu,所以選擇左午飯後繼續行程,當然因時間鬆動既關係,我地依個午餐係食得比較耐,當中仲係陽光下訓左一陣同埋同個好得意既小妹妹玩左一陣添
休息左一大輪,就繼續行程,一直都係落山,梯田亦越來越多,黃黃的,十分之靚,丫,係午飯既地方Annapurna Guest House,又有一隻黑狗跟住我地落山,明明都冇比野佢食,乜得佢地咁好客,成日都送人走,哈
一直的行行行,去到一個頗熱鬧的村落,有人係度砍木,有小朋友係度玩緊d唔知咩棋,我覺得有d似我地既康樂棋,不過佢地係用手彈的,之後見到一群騾仔係度食草,sugar叫我地睇佢既背脊,揹野既受力位受晒傷好可憐,後尾係落山既途中,我地見到一班lady boy,soldier同sagur原來都唔識分佢地係男仔,但可能我地係泰國見得多,所以一眼就分到,但佢地2個好似覺得好新奇咁,係度嘈之巴閉,由山腳嗌番上山係度聊人地,真係比佢地笑死,當然中間佢地亦係咁笑我地既另一斯斯文文既porter,我唔得佢個名lu,但佢怕怕羞羞咁,講野又陰聲細氣,我成日都想叫佢做shy boy,哈
其實我地行既路十分之好走,見人反方去上山,感覺辛苦過我地上山條路好多,因實在太多碎石同大石,高高低低咁,上山就有d困難了
後尾去到一個rest位,有好多小羊咩,仲有好嘈既公雞同埋一群走黎走去既鴨,好得意,之後冇幾耐,見到一大條河,就去到我地要住既地方,syauli Bazzar,但因太多人既關係,本身要住既guest house已經爆左,我地只好住另一間比較簡陋一點既sikhar guest house,成間野只有我地同埋另一個由london黎既女士,食飯時聽佢講原來佢有成班朋友過黎尼泊爾,但只有佢一人行山,真神心,之但係如果得我一個,其實我都會上山,因為實在太靚了
夜晚既syauli Bazzar,比較寧靜,因冇咩好做,我地未夠9點已經訓覺了,諗起都覺得好過份,哈
Part.08(31Oct-Syauli Bazzar,Naya Pui,Pokhara)
<30/10/09>
Photo Link <<<<<<<<<
zoom近zoom wide咁影左相後,太陽開始出黎,d日光打落雪山度,感覺不錯,影下video再影下pano就走番落地面,可能夠光既關係腳架其實唔雖要點用都可以影到相,之後幫朋友影多幾張相後就開始走人落山食早餐
之後大約5點度去到我地住既地方Hotel super view top,去到已經時候唔早,但市面熱鬧,有d人擺下檔賣下野,但因太多人既關係,我地爭d冇房住,好在guide預先留位,所以仲有一個房但有3張床開頭話要同人share,經過一輪抗議後,我地先可以自己住番,但guide同porter都冇房唔知最後佢地訓邊,哈.沖完涼後上左一個小山丘度睇下全景,可惜係太大霧既關係未到日落個雪山已經唔見左,我地坐緊果度原來起緊一間guest house,感覺景觀一流及開揚,起好後一定好生意,但講開原來起間house都唔平,仲係同政府租地唔係自己買地,但做生意既可能支持到既,因大風既關係坐係度都覺凍,但居然比sagar嗌到人搵到d熱飲比我地,望住全景飲熱飲感覺真好
之後又出左去影雪山夜景,依度比Ghorepani既guest house更近個雪山,加上好多星,影出黎算不錯啦,之後十點零鐘就訓lu
又聽guide講,原來雪山只係11點前會清,之後會因空氣既關係,11點後會開始有雲積聚,雪山就會比d雲開始遮住,睇得唔清了,但又因依個關係,只係上午好晒,下午就因有雲好得多,10月既nepal真係一個好季節
經過一輪上樓梯同埋休息後,又到左lunch hour,去左間叫fish tail peak guest house既地方食lunch,又撞到2個小朋友,不過可能佢地係餐廳既小朋友,所以物資感覺豐富點,雖然最尾我地都有比糖佢地食,但感覺好似冇第1日見果d窮小小既小朋友咁開心
之後又行呀行,上呀上,卒之差唔多5點先到左我地住既地方係poon hill下既hotel snowland,已經係2千5佰幾米,屋出面對正雪山而且有靚靚地石地,好正,屋入面有個鐵筒做既暖爐,行到身水身汗見到個暖爐真係唔野少,雖然感覺真係幾有趣,guide比我地揀住山景定私人bath room,因為其實一望出去就係雪山,所以我地揀左private bath room,唔洗同人爭,哈
飲過野後就又係未天黑前沖涼,沖沖下guide就拍門叫我出去,原來日落,黃昏日落太陽打埋去雪山度橙橙地金黃色,好靚,雖然我個頭未乾同埋著得好少衫出黎,凍死,哈
番入去暖爐度坐左陣,暖番陣後就食晚飯lu,食度既送好多都係鐵板上,可能山上怕d野凍得快掛,甜品既apple crumble雖然好甜,但幾好食
飯後我仲走左出去影雪山同埋滿天星,有腳架果然不錯,但真係好凍,所以羽絨終於出場lu,好彩有帶者
去到Naya Pul村莊再過checkpoint冇耐就去左間叫moon light既地方食早晨,環境算係幾不錯,仲有sun eggs同埋咖啡飲,cool
之後去番pokhara lake side市區,行左陣因朋友唔多舒服,所以就由sagur帶左我地去食佢自己成日食既local食店食當地菜式,行左1-2條黑蚊蚊既路之後,去到一間黑蚊蚊既鋪頭度食野,感覺好有趣,但佢地可能怕我地覺太黑,居然開燈,即刻冇晒果種感覺,哈哈,佢地d momo好食過網上講既momo max好多,其實野都不錯,價錢仲平到嘔,我地4個人食都係用左300R,換番港紙都係7個零一個人,真係抵到不得了
去到thamel,同之前一晚一樣,人頭湧湧,五光十色,途中仲食左間叫Chick N Falafel既雞圈,人好多,但其實又真幾好食,行多左陣thamel,就去左預先plan好去食dinner既地方Rum Doodle.好多腳板,寫滿晒各人既戰績,有d人仲畫滿公仔,滿有趣,只係煮得比較耐,成個鐘先有得食,味道同價錢一般啦,依間鋪真係食環境多
係香港搭下午6點零鐘機去加德滿都,整程飛機大約6個零鐘,我地攪到成地都係野,好亂哈哈,中途係達加停留左一個鐘,坐左成4個鐘,條腰好倦.所以停時就4圍走,但d空姐好流,點人頭點左5-6次要人坐定晒先數岩人開得機走人,攪笑
去到加德滿都機場已經10點幾,機場好細好原始,一出去已經成堆人係度接機,但我地約左個guide第2朝先傾野,所以自己去酒店
因時間太晚既關係,加上當地人可能唔多識英文,我地就嗌左架pre-paid taxi去hotel,價錢500R,尚可,但架車真係舊到呢,關門時好似就爛咁,撻匙撻左好多次先著,我地幾驚佢中途死火,而且架車好細,好彩我地得4個人,又唔太肥,所以岩岩好
去到package既tenki hotel佢地話full哂,要過隔離既hotel住,仲要係4樓,佢地要叫porter帶行李上去,入到房其實真係好舊,度櫃門仲要爛既,不過算啦,去得nepal都預左了
