台南市,台北,新竹_內灣
17 oct 2012 Wed 台南市&台北 Sunny Day
今日比較晏起身,係謝宅影下相再執下野就走人了,走之前呢就係度影下日頭相,又飲下茶再係2樓張疏化度睇下相,加埋d風,吹吹下我就訓左覺了,好中意訓係疏化度望住天花角落既感覺,真係好屋企好溫暖既感覺,果刻我先至完完全全感受到點解d人會寫台南係慢謝宅係家既感覺,原來係真的
hea左陣就夠鐘走人了,本身想放低行李又去舊街市再搵野食,但小五黎左車我地去三越放低行李再搵野食,但其實果度算係商業區,無咩食,所以就走左去海安路食矮仔蝦仁飯,嗯都幾好食
食完野行番去羅行李就搭免費巴士去台南高鐵站了,如果無記錯都要成半個鐘車程,果然又係方沿百里都係無人地帶,去到落車見既唔係台南高鐵站而係台鐵既沙崙車站,因之前研究過台鐵同高鐵,知道佢地有d站係連埋一齊既,所以無咩奇怪,去到買左半個鐘一班番台北既車票,3百幾蚊好貴,但兩個鐘就番到台北,算ok啦
爆睡之後去到台北已經係5點幾,搭車去左star hostel,感覺還新但就係頂樓,羅o急都幾甘,上到去房唔算大但對出既天台位有幾張椅又有台咁,吹水一流
7點出左去食晚飯,因依度唔係台南所以要搭車,hire的去左信義路二段,去到先知係乾杯bar唔係去佢地想去既乾杯本站,問左工作人員又再搭的士去敦化南路既乾杯本店,係門口仲撞到羅車既某台灣明星王陽明,不過我唔識佢只覺佢好高樣呢其實我覺一般,但佢地就好嘈,嗯
入到店都係好嘈既地方,依度係食烤肉既,肉還可以但我都係中意之前去開既樂樂,比較靜而且親近點而且肉都好似好味d,但依度勝在平至於佢d gimmick野,我一般興趣不過送多一杯野飲又幾唔錯,佢既half past(如果無聽錯既話)都可以,一半麥啤一半生啤咁,算特別
之後去左誠品,但就唔係睇書又係去左佢既coffee shop飲咖啡,佢地就上下網咁,我飲左陣野就去左睇書,都係旅行書但已經唔記得左係邊度,番到去佢地已經各自行完睇完書,又飲又陣野,丫,係依度又見怪野,我地台後有一老伯身邊圍住全女性,依個地點依個時間依個組合實在奇怪,見d女咁專心聽佢講野,估應該係教授之類既東西,朋友都覺怪,我話可能係教授掛佢地睇睇下又話唔似,我聽到少少講咩25歲前點點點,有d睇相feel,就同朋友講可能係傳教,果個可能係教主其他d女係教門徒,可能之後會攪d咩咩性交轉運之類既野,香港都有台灣咁信神佛既地方有1d都唔奇怪,之後我睇完書番到黎就聽佢地講個阿伯摸個女既大比,真係唔用估都知佢摸右邊果個,果真係,當然啦,成台係得果個最後生而且似番d樣,聽講比人摸完只係識傻笑,嗯,而另一個中年少少既女人應該係枚,又係ed騙案,又比我地撞到
見時間唔早就走人了,街已經無咩人,唔同台南咁越夜越多人多車,果真唔再係美國時間而回歸台灣時間,嗯
[14to19/10/12]
No comments:
Post a Comment