日本大阪京都 2012-11-21to12-01 - Part.04(24Nov)

日本大阪京都

24 Nov 2012 Sat 大阪,奈良 Cloudy day

又係8點零出門口然後食早餐再搭車出去,今次係去奈良公園,都係天陰陰既一天但就無落雨,去到奈良公園大約十點幾,門口有d鹿係度,但感覺唔似鹿反而有d似袋鼠,而且周圍問人羅野食,餵左陣再行入少少,見到差唔多七彩既楓葉周圍都係,當中有棵好似著左燈咁非常搶眼,又影左一輪相,而依度既鹿呢就比出面門口既更為粗魯,係咁搶又或者用頭頂人問人羅野食,我都唔係幾理佢地

之後行左去睇下其他地方影多左陣相就去食野,依度真係無咩選擇,如果要坐低好似就得一間咁,食左個頗貴既麵再出番去行下睇下咁,佢有間叫大華嚴寺既廟,非常大既木制廟宇,仲有行左東大寺,真係非常大,神像以及成間廟,木制黎講非常壯觀及令人印象深刻

出番去見到少少陽光,遍地楓葉而且以黃色既銀杏樹最為搶鏡,加上陽光好似開左燈咁,佢地影相我就行前少少有棵落左好多葉既銀杏樹下,感覺非常好,而時間呢就越黎越晏,日落前見多少少陽光,出黎既感覺真係好唔同,好快又再次天黑了,因為無咩點活動同埋仲著緊條夏天褲,就黎凍死了,依度無咩地方比我hea而且凍得濟既關係,所以有d難受,天黑就走人了

今次去左大阪市中心食野,所以多少少選擇,係一間叫喰人既地方食野,格局有d似居酒屋但就多d野食,而且價錢非常ok.怪不知得咁多後生仔女係度食啦,丫,今次去關西,d人既樣一般,幾日都唔見一個靚仔/女,卒之係度見到一個幾唔錯既,感覺同上次去東京好似有d唔同,可能果邊仲更加著重打扮,依邊相對黎講無咁講究掛,而且地鐵/巴士無東京咁靜,佢地講野有時都幾嘈下同東京唔講野又有唔同

番到去住既地方,去左食雪榚,最後飽到死死下番去訓了,第二日要一早去京都,要執野走人了

To Part.05 - 京都

[21/11/12 to 01/12/12]
Photo Link <<<<<<<<<<<<<