日本大阪京都 2012-11-21to12-01 - Part.03(23Nov)

日本大阪京都

23 Nov 2012 Fri 有馬,神戶,大阪 Rainy day

一早起身見到天色非常暗而且天文台話會落雨,所以心情一般,但係酒店望出去個感覺都幾平靜,如果唔係旺季,黎依度搵間靚少少既溫泉旅館慢慢休息下都應該幾唔錯

之後呢食個日式料理後就出發行下有馬,首先行左酒店旁既溫泉廟,之前一晚有朋友影左怪相,d相既光線亂飛,之前網上睇得多,唔知真假,今次親身見都幾特別,其實廟有奇怪野一d都唔奇, anyway行完廟就行下其他地方,因落雨既關係,有時唔係咁方便但感覺就有少少唔同,係山區行走,有一種寧靜感,而且楓葉不錯,一大片地下鋪滿楓葉,日本人可能見怪不怪,但我作為第一次見既香港人,新鮮感還不錯

去左車站旁既公園,係人地行山既某起點,得一個滑梯同埋千秋加埋d葉色還可,但落雨影相要羅遮又真係煩左d

番去酒店羅番行李行埋就行去多少少人去晒買野街道行下,開始時人唔算多但到我地差唔多走時就見好多人入緊黎,非常熱鬧,可能係假期加上紅葉旺季,所以日本人都多去其他地方玩下,但香港人同中國人呢,眼見唔多,可能唔太算係熱門地掛

等車時雨勢再大左d,我地呢要搭巴士去神戶,12點幾上車去到加上塞左半個鐘車(又係假期既關係),去到神戶已經兩點幾,本來plan左去食既神戶牛已經唔做我地生意,咁又係,日本人邊會咁晏先食lunch,卒之周圍行搵左間商場仔入面既細鋪食左個牛肉飯同河粉咁上下既東西,3千yen5個
人食,價錢算平而且味道唔錯,見有電視介紹過我地走時都有人等緊位,還可啦

下晝去左北野異人館,車又攪左一輪而且非常之多人,上山時見到街上d人指住架車口upup,後尾先知原來可以行上去,迫成咁真on居

去到異人館其實無咩特別,有d歐陸色既野咁,好似九龍塘人地影結婚相既地方,感覺非常一般,我呢就行左去一間廟度睇下野,最後搵左間coffee shop坐左一陣就走人了,因早起身同太趕既關係,所以有d倦,無去大阪市中心食野反而番左酒店附近搵野食,最後食左拉麵,行左陣藥房就走番去訓覺了,沖涼都有排排呀真係

To Part.04 - 大阪,奈良

[21/11/12 to 01/12/12]
Photo Link <<<<<<<<<<<<