台南市,台北,新竹_內灣 2012-10-14to19 - Part.05(18Oct)

台南市,台北,新竹_內灣

18 oct 2012 Thu 台北 Sunny Day

一早起身去左食和平東路既燒餅,地點一d都唔近,由中山站搭捷運到麟光站,係7仔對面就見依間老式地道小吃店(眼見店名都無),聽講6點開門賣晒就無了,岩岩見佢出爐酥餅,我食左個鹹酥餅,個皮一流,仲有叫左個鹹豆漿,依度既鹹豆漿居然加辣油,有點怪怪的但除此之外同係大陸食既鹹豆漿差唔多,仲叫左個燒餅夾蛋,朋友極推介我就一般,都係個鹹酥餅好食d

再搭番捷運走人,途中經過見有樹頂已經變紅葉,唔知日本點呢?

去到第一站既華山創意文化園區,係舊酒廠改變,但唔知係因平日定太早,除左食野同賣精品既店,唔見有咩藝術東西,之後先有番少少野開,但都係無咩特別,當中見有人做問卷,聽d朋友答得唔多老實呀下,哈,我覺依度硬件ok軟件唔得,即個場可以(保留一種殘舊感但展品/展覽太少)

因第二站既寶藏巖未開門(3點先開),所以番左台北車站附近食良記牛肉麵,我要左個紅燒既,一貫的保持水準,而且仲叫左窩貼餃子,再飲埋個無味豆漿,飽死,而且好眼訓,辛之合埋眼訓左陣

見有時間過番西門町搵間cafe坐下,因地方舒服,今次到朋友訓左,唔知係之前太頻撲定係太早起身,個個都好倦咁,坐左陣3點左右就走人,但朋友掉煙頭被捉,又左陣先出發去到寶藏巖都已經4點半,台灣依個時間係5點左右就天黑,所以我地去到都暗暗地,加上多草,應該多蚊,攪到少噴蚊怕水既我都要噴番d先上山,依度係一個石屋區,之前睇過只得番十幾戶住,但有藝術家入去最後
保留,但交左比政府攪完之後太工整,冇左果個raw感,去到果然係,而且可能係平日,好多都無開門,攪到無咩野睇,行左陣就走人了

夜晚唔記得左食左咩野(相都無影)番到hostel已經係11點幾,因第二日我要早起,所以沖完涼執好野就快快手訓覺lu

To Part.06(上) - 新竹內灣

[14to19/10/12]
Photo Link <<<<<<<<<<<<