意大利 2009-04-05to15 - Part.09(13Apr)

意大利(羅馬,梵諦岡,佛羅倫斯,威尼斯,米蘭)

13 apr 2009 Mon Venezia & Milano Sunny Day

Last 1day係venice,無咩地方去只係係咁易行行就近既地方就出發搭火車到意大利番羅馬前最後一站米蘭

其實搭火車時經過望見端士既雪山,實在有d後悔點解唔用多幾千蚊上埋端士,不過算啦,已經太遲了

而講到米蘭,個人認為根本冇需要去,因為我都唔買野,又冇咩特別野睇,只係到過The Duomo 大教堂,Castello Sforzesco 斯福爾扎古堡同埋米蘭最出名既商場Galleria Vittorio Emanuele II睇過,冇咩特別,只係Emanuele II天花既幾靚同埋地下有隻比人係咁轉重要部位既牛好慘,哈
之但係米蘭我最中意係電車,佢地彎彎既路軌加埋舊建築物,感覺幾好


之後好快就要番hotel,嗯,依度係一間hotel唔係hostel,名叫做Hotel The Best,Best唔best我就唔知,不過冇冷氣同埋係地下,加上我地所在既位置後面就係貧民區,安全一般,所以我地一定係日落前番酒店同埋訓覺時要用張床同櫃頂住露台玻璃先安全訓到覺,因出面一跳出去就係花園,花園外就係街了,雖然好似唔多安全咁,但個花園要黎release一流,之但係有少少雨第二日我地又要趕早火車番rome,所以都冇咩點夜訓同飲太多酒,可惜呀

btw,間酒店既房design好怪,廁所好大同個坐廁好高,我地懷疑緊係咪比傷殘人士用既房間,哈哈,另沖涼個去水位亦一般,攪到第2個人沖涼之後就塞晒,d水流左出去房出面,好彩冇人發覺,快快手羅d毛推番入房由佢乾就算,哈,不過其實依間野都唔平,係比venice平少少,意大利整體既住其實真係比之前既法國同埋西班牙貴,even london我都覺平d,嗯

Part.10(14Apr-Milano & Roma)

<05to15/04/09>

Photo Link <<<<<<<<<<<

意大利 2009-04-05to15 - Part.08(12Apr)

意大利(羅馬,梵諦岡,佛羅倫斯,威尼斯,米蘭)

12 apr 2009 Sun Venezia Sunny Day

因星期日既關係之前食開既coffee shop冇開.早餐就係屋主買比我地既果汁同埋一大舊包,個包有d粒粒糖係面.個人認為真係好難食,而且因太大個既關係,我地食唔晒,最終係要左係餵雀仔既

今日整整一日我地留番係venice市中心周圍行,經過大大小小既河,橋及街道窄巷,去左Pescheria威尼斯魚市場,Ponte di Rialto雷雅托橋遠望Ca'd'Oro(Galleria Franchetti)黃金宮及最後去左多人到嘔既Plazza San Marco 聖‧馬可廣場,可能venice要做加強護城既關係,所以好多地方都做緊工程,所以聖‧馬可廣場及嘆息橋都有d可惜,但真係冇咩辦法,見到d水位既高度,我就咁坐係河邊垂低對腳鞋底已經差不到掂水,相信不得不做做加高護城既工程,如果唔係真係一到見雨季又浸滿水了

最後仲見到venice既黃昏,時間係介乎於太陽落山但街燈未開時,感覺一流

後尾入夜後,我地行過數條街去搵食,最後食左一間之前成日路經既餐廳,老實d野真係唔多好食,而且亦唔平,反而令我地津津樂道既係lunch時食既厚pizza,口感一流,好味

Part.09(13Apr-Venezia & Milano)

<05to15/04/09>

Photo Link <<<<<<<<<

意大利 2009-04-05to15 - Part.07(11Apr)

意大利(羅馬,梵諦岡,佛羅倫斯,威尼斯,米蘭)

11 apr 2009 Sat Venezia Sunny Day

一大早食過hostel provide既意大利式coffee shop早餐後就出發去venice附近既小島玩了,講番個早餐先,地點係hostel隔離既鋪頭,早餐既ticket非常簡單,就係hostel店主一張card片寫左兩隻字就完成了,哈,簡單而直接,而早餐係一杯coffee/juicy加麵包一個,就咁企係度食,依個係意大利既咖啡店方式,我覺得幾得意

食過早餐後就出發了,因時間尚早既關係,街上面既流動果檔/菜檔仲做緊生意,影左幾張相後就快步行去碼頭,但係過橋途中見到極多海鷗忙於搵食,加上天色暗暗的,又大霧非常,幾特別,但就唔多高興天色灰灰,都唔知會唔會落雨添

後黎去到玻璃小島Murano,仲係朦朦的,小河加上遊人,感覺有點冷清,其實早上既venice真係幾凍的,好在之後就出太陽了,原來唔係陰天而係要比較晏既時間,太陽先出黎,仲有藍天,非常好

但因星期六既關係,玻璃廠全部冇開,可惜可惜,之後搭船去左另一邊睇,果度係民居為主,屋既外牆係有多種顏色而且相連單位唔會用同色,睇係係夾過先油的,頗美

之後行番去主要既街度食過lunch後就去另一小島Burano行行,venice既海岸線真係好高,隻船行緊時d海水好似就沖入黎咁,真係第一次見

去到Burano一落船就見到好多蒲公英,好大個好完整,香港真係冇得見,仲有好多菊花,靚呀,不過順帶一提,原來咁大個蒲公英係吹唔郁既,太實,要用手先整得走佢,唔知係未夠時間定平時果度係勁大風d蒲公英先可以傳播種子,哈

之後行入Burano,全部都係七彩既屋仔,加上水面既反映,好靚,之後行呀行影呀影,日落時太陽反映出黎d色變得仲加之美艷,依個係我去florence先第一次發現依個特點

丫,除左七彩屋外,窗亦非常有個性及特色,影左好多窗既相,此行令我覺得去得意大利就要去venice,去得venice就要去Murano &Burano睇睇,嗯

Part.08(12Apr-Venezia)

<05to15/04/09>

Photo Link <<<<<<<<<<<

意大利 2009-04-05to15 - Part.06(10Apr)

意大利(羅馬,梵諦岡,佛羅倫斯,威尼斯,米蘭)

10 apr 2009 Fri Firenze,Venezia Sunny Day

last一日係florence,去左Piazza della Santissima Annunziata,依度係歐洲首間兒院同埋入左天使報喜教堂,都幾靚值得去睇下,之後搭火車開始踏入我地既venice之旅


去到威尼斯,已經係下晝3點幾,去埋hostel settle好晒d野後都成5點左右先起行睇下野,首先因差不多日落既關係我地去左搵Gondola睇下沿岸既景色及venice城市既buliding,日落前既venice真幾靚,仲要有藍天,不錯不錯,我地仲專登叫船家出埋嘆息橋(Ponte dei Sospiri),船家話好遠要收我地100歐,其實我地之前做過research出埋嘆息橋要120-100歐,所以就成交了,其實都坐左成個鐘仲用人手搖船經過好多地方都幾值的,當中經過雷雅托橋(Ponte di Rialto),聖喬治馬喬雷教堂(Chiesa di San Giorgio Maggiore),安康聖母教堂(Chiesa di Santa Maria della Salute),黃金宮 Ca'd'Oro及穿過小河既大大小小既橋等等,美麗而有趣

之後我地研究完一輪Vaporetto後就搵飯食,老實野食真係一般但venice既夜景不錯,穿過冷巷及小河旁,某些地方好寧靚感覺不錯,但某些地方就比較嘈,而且酒吧就係小河旁,我講笑話唔知一年有幾多人飲醉後會跌落河,哈

番到hostel沖過涼後就訓覺了,但其實venice都幾凍而hostel d水就唔係好夠熱,可能係個水箱太細,所以熱水唔夠咁多人沖,有d遲沖既就要沖半凍水了,慘

Part.07(11Apr-Venezia)

<05to15/04/09>
Photo Link <<<<<<<<<<<<<<

意大利 2009-04-05to15 - Part.05(09Apr)

意大利(羅馬,梵諦岡,佛羅倫斯,威尼斯,米蘭)

09 apr 2009 Thu Firenze Sunny Day

一早搭巴士上左Piazza Michelangelo米開朗基羅廣場,高高在上景觀一流附近既花亦種得好靚

之後到左Chiesa di Santa Maria Novella,唔知中文係乜不過個個教堂都係咁上下啦,但依座感覺古舊,牆身既雕刻比較特別

之後去左Piazza della Signoria 領主廣場同埋Piazza S Croce 食左個lunch,其實florence天氣幾熱,大大個天陽曬落黎都幾辛苦,所以就地搵野食同埋食左個雪榚,好滑,不錯


之後就直接入左Ponte Vecchio 浪漫老橋睇,對上兩日只係遠望今次呢就直接入左裡面睇,好多人同鋪頭,賣既野我就唔多岩了但由橋望番出去條河呢就幾好景架

再黎就去左附近既Uiffizi烏費茲美術館,不過又有少少野裝修緊,有人度係度畫畫或表演,我地就睇睇影影就走人了

最後去左Palazzo Pitti同附近走走睇睇,當中入過一間教堂,名就唔記得了,不過牆上同地下都有好多石雕,聽人地導遊講,原來條屍仲係裡面架,好彩行時冇咩點踏過跨過佢地者

丫,其實florence係一個古城,有窄窄既巷小型既巴士,至於值唔值得去呢?都可以既我覺得

Part.06(10Apr-Firenze,Venezia)

<05to15/04/09>
Photo Link <<<<<<<<<<<

意大利 2009-04-05to15 - Part.04(08Apr)

意大利(羅馬,梵諦岡,佛羅倫斯,威尼斯,米蘭)

08 apr 2009 Wed Firenze-Pisa-Lucca Sunny Day

一大早食過早餐後就搭火車去pisa,首先見到好多wall printing,其實我幾中意佢個town同街道,特別係Palazzo della Carovana圓形廣場,反而佢既主要景點Piazza del Duomo就覺得一般,可能個斜塔太矮,d建築物亦比想像中小型

之後再搭多一程火車去到附近既lucca,落火車後跟gps行,去到一個古舊城牆,殘殘舊舊仲要似掘頭巷又漏水既入口,正想走再去搵入口時就見有人羅住行李走左入去個爛門度,咁我地就嘗試跟住行,原來真係另有洞天,穿過城牆上遠遠望到一地既花,感覺開心

行到入去係一個小小既城鎮,首先見到Duomo di San Martino教堂,佢教堂外既聖母像好靚,之後行去中心Piazza Anfiteatro,又係一個圓形廣場,比pisa果個更靚,高高低低不太平均既屋同窗,感覺一流,之後行左去Torre delle ore,一座高高既塔有兩棵大樹,上到屋頂望晒整個lucca,古舊既塔同城,喜歡

之後返番去Florence,落車時見Firenze S.M.N火車站幾靚,影左幾張相,再番去市中心,岩岩撞到日落,又睇下影下咁,之後去食Dinner,感覺不錯既餐館,但食物只係一般,4人差不多60歐,都唔算平,跟據我地既習慣,只會係每個city只食一餐,所以之後既晚餐我地會煮飯食了,不過個hotel咁大,煮飯食其實都幾方便,哈

Part.05(09Apr-Firenze)

<05to15/04/09>

Photo Link <<<<<<<<<<<

意大利 2009-04-05to15 - Part.03(07Apr)

意大利(羅馬,梵諦岡,佛羅倫斯,威尼斯,米蘭)

07 apr 2009 Tue Firenze Sunny Day

一大早離開roma向我地既第2站Florence進發,搭火車去到Florence已經差不多2個鐘後,去到當然要入酒店放低行李就走人,依間酒店叫做Soggiorno Gloria,依個人有人介紹,我地揀左頂樓,非常之大價錢亦相當ok,320歐4日,只係比較嘈少少,但未住過咁大既房,算係咁了

Settle就出去附近既Mercato Centrale Market,食過lunch後就去florence中心既Duomo Cattedrale Di S. Maria花之聖母教堂同埋Giotto's Campanile喬托鐘樓,但感覺比埋密集,人亦相當之多,我比較欣賞教堂塔頂既風景同埋行上去時既感覺,好得意

之後去左係Florence相當出名既Ponte Vecchio浪漫老橋,日落後太陽既光反射係橋上面,有趣而美麗,magic hour亦相當之靚

Part.04(08Apr-Firenze-Pisa-Lucca)

<05to15/04/09>

Photo Link <<<<<<<<<<<<<<

意大利 2009-04-05to15 - Part.02(06Apr)

意大利(羅馬,梵諦岡,佛羅倫斯,威尼斯,米蘭)

06 may 2009 Mon Roma & Vatican Sunny Day

第2日一早起身,fd先講原來地震,印象中應該有5-6級,震央好近羅馬,所以打左個電話番香港報安,但聽阿媽講新聞冇咩點報導,所以我地就唔多理食過早晨就走人出去睇野了

首先第一站我地去左Piazza San Pietro梵諦岡,排隊唔算太耐就入左去lu,人好多好多,但係Post Office入面既旋轉樓梯好靚,其他既壁畫雕像天花既畫等等,欣賞過後就走人了,去到前門,先知原來要再排隊入平時電視見教宗成日出現既教廷,但人太多時間不多而且仲同fd失散了,所以冇再排隊就離開了

之後去左Castel S.Angelo 聖天使城堡,因好天既關係,感覺好靚,之後去埋Spanish Steps 西班牙廣場,Trinita dei Monti 聖三一教堂,Fontana delle Api蜜蜂泉, Fontana del Tritone 海神之泉,Fontana di Trevi 特萊維噴泉,仲係特萊維噴泉食埋晚飯先走,但d雞真係諧過我地煲湯d雞,所以係外國都係少食雞為妙,哈,順手影埋夜景先走,也可啦
番到酒店都唔早了,但我可能用roma既水加埋梵諦岡係街頭既水喉,唔知係咪因沾污聖水攪到我肚痛.哈.不過梵諦岡水真係好清就真,冇roma d水咁有d白色粉沉底

Part.03(07Apr-Firenze)

<05to15/04/09>
Photo Link <<<<<<<<<<<

意大利 2009-04-05to15 - Part.01(05Apr)

意大利(羅馬,梵諦岡,佛羅倫斯,威尼斯,米蘭)

05 may 2009 Sun Roma Sunny Day

第一日到意大利首先到左佢既首都Rome,機場尚可地鐵也可以,但始終冇法國地鐵咁靚,而且唔可以影相所以只係偷偷地影左少少相留念一下而已


去到Roma Terminal,感覺好新穎,但由機場過去酒店時個司機攪左錯我地同另一對人,所以我地早左落車,好彩有gps,行路都識搵

去到hotel magic,架lift好細好窄,房亦細得可憐,而且我地四個人要加床,所以迫上加迫,得番一條巷行,有人帶o急都爭d開唔到咁濟,不過130歐4人,都可以既,但酒店感覺比上次歐遊貴,嗯

settle好d野後就出到去景點睇睇,去過piazza del Colosseo圓形競技場,Arco di Costantino君士坦丁凱旋門,Colle Palatino帕拉蒂尼山,Foro Traiano 圖拉真廣場,Palazzo Venezia威尼斯廣場,Piazza del Campidoglio卡比多里奧廣場,Chiesa di Santa Maria Sopra Minerva 大象,Santa Maria in Cosmedin科士美教的聖母教堂,Arco di Costantino真實之口,但去到真實之口時時間太晏,關左門,只可係門外睇入去,可惜 第一日完左,治安並冇感覺中咁差,可能因為意大利成日都比人講治安差既關係,我地見到好多警車係遊客區,而且警察亦不少,感覺比西班牙好

夜晚訓覺時發生左我人生身一次既地震,半夜3點幾突然聽到門口澎澎聲,以為比人撞門,跟手牆開始震,床亦好似坐船咁係度搖,有fd講先知原來係地震,我開頭仲以為比人撞門添,望出街,冇人走出黎,之後亦感覺唔到地震,所以我地就唔理照訓了

Part.02(06Apr-Roma & Vatican)

<05to15/04/09>

Photo Link <<<<<<<<<<<<<<<<

大灘camp2009

貳零零玖年陸月貳拾捌號 - 大灘

落雨好多蚊,加上雷暴警告,最後只係係個亭度燒野食之後搭的士走人了,次次weekend都落雨番工又好好天,想點先?

<28/06/09>
Photo Link <<<<<<<<

大潭至大浪

貳零零玖年伍月叁號 - 大潭至大浪

大潭水塘>龍脊>打爛埕頂山>大浪

一早由大潭水塘行去大浪,因為冇睇過地圖既關係,以為因為2-3個鐘貨仔的路程,原來比想像中遠,影影拍拍差唔多用左5個幾鐘,當中行過一度好多舊屋,感覺有一半以上既廢置,唔知係咩漁村呢?好想去,後尾又經過無敵海景既樓,佢地話果度中幾次6合彩都買唔到,不過唔記得左佢地up咩名lu,當中因各人既腳程及掛住影相既關係,成班人行行下分成3隊,我就係帶頭同2nd team之間行,帶頭果一家人真係行得非常快,仲快過d外國人,自問已經行慣山雖然疏懶左少少又肥左少少,但都係行得之人,追佢地真係追到氣咳,行了幾段後放棄了,唔鬼拍住佢地行,哈

其實整段路程中,最辛苦係由水塘上龍脊之間果段樓梯,真係幾倦,係天時暑熱又有煙霞既日子行樓梯,係我最討厭既行程,之後上左龍脊,我覺得段路幾似麥理浩徑上魔鬼山果段,不太長上上落落旁邊又有少少既草源,上到打爛埕頂山(有趣既名字)頂後個view不錯,仲好好風攪到爭d唔想走,後尾行到去大浪灣,見到好多游水人士,行到熱辣辣我都好想游呀

最後去番筲箕灣飲茶,不過熱屎辣辣我其實中意茶餐廳多d

<03/05/09>
Photo Link <<<<<<<<<