YouTube

Your account has been permanently disabled!!!!

真係一個晴天霹靂,琴日一login就見依個term,一睇原來account已比YouTube停左

諗左好耐究竟係邊段片比人攪到cut片都不特止仲要account都比人cut埋

印象中比人cut過一次片,果次都有成半年前,係天才女歌手Soraya既suddenly

失去左段片後如同我地永遠地失去Soraya一樣,已無辨法搵得番首mv,唉

自始之後每一次我up片,習慣地會keep番段片係自己部機度

依個係今次cut account事件中不幸之中的大幸,但講黎講去都唔知係邊段片出事,

諗左成日會唔會係古仔奶茶段片比人link左上官網出事呢?

段片up左3days已有8xx人睇過,又係官網度明目張膽比人討論,嗯~極有可能!!!

點知今日check mail.原來係成年前up既陽光小小姐出事, 真吹脹 ~_~

Account已開過另一個了,片亦會選擇地up番上新account

起碼有d過萬hit既又或者自己中意既cult片會up多次

e.g.社團之撚位,誤人子弟,回魂夜Shaun of the dead and From Dusk Till Dawn etc

諗一諗依個account開左年零都有成2x人subscribe我

算係咁啦,哈哈

<30/09/07:日>

Gozu

~~Gozu(極道恐怖大劇場:牛頭) - [2003]~~

未睇前對依部片認識有限,只知係三池祟史拍既cult片,故事一開始已怪異非常,黑幫大佬見到咩都話係黑社會,黑社會狗黑杜會車,真係有精神病的,之後我一直以為係主角既人冇幾耐已經死鬼左,故事就由此變得更怪異,古怪咖啡屋古怪黑幫人古怪民宿越黎越亂黎,心係度諗cult片就可以亂黎嗎?極不討好下黎到故事尾段,可能因為我已放棄既關係,尾段又出奇的吸引到我,投胎轉世,哦!原來係咁!!

<28/09/07:夜>

Photo Link

Citizen Dog

~~Citizen Dog(大狗民) - [2004]~~

奇怪而有趣的電影,泰國片唔算睇得太多,對上一套覺得過癮既係走佬唱情歌,依套雖然有趣及歌曲動聽,但感覺上比不上前者,可能真係有太多影子在內,一開始的罐頭令我諗起墜落天使金城武,色彩鮮艷,節奏輕快,思想簡單的主角令我諗起天使愛美麗,再黎主角對晶思念而無處不在的場面很有麥高維治的感覺,再後來同一對白果場更覺明顯,雖則如此,但幾中意奶奶投胎轉世果場,很好笑,女角對peter之死睇星座書果場亦很爆笑,電影分好多段講及好多人同事,背後既象徵意味很多很多,但我覺得睇依套光怪陸離既戲係唔需要太刻意研究既 哈

<26/09/07:夜>

Photo Link

Being There

~~Being There(富貴迫人來) - [1979]~~

一張海報幾個場景已發覺主角如神一樣脫俗非凡,高高在上,平靜而從容的開場,謎一般的背景,發覺只有電視無處不在,唔知點解早期電影很多時有一種吸引人的媚力,故事感覺很豐富似的,我唔知依套係喜劇定諷刺片,但以Chance Garden踏出門口遲疑了兩秒再配上2001似的音樂,看得令人會心微笑,可能我同電影中的人物一樣,真係將一d很基本求恆不變既事物慢慢忘記忽略,Chance一個簡單動作,一句簡單說話已有千百萬個解說,而當事人只係做回自己而已,電影中對黑人,政治,傳謀以及社會上的一d所謂認知及角度有著很多批判,而主角的演技亦不容置疑,很值得一看的電影

<26/09/07:日>

Photo Link

秒速5厘米

~~秒速5厘米(a chain of short stories about their distance) - [2007]~~

不長不短剛剛好的愛情動畫,全片分三個故事講述同一男主角的幾段愛情故事,當中以時間講出距離感,淡淡的愛情故事,可能有人會覺得幾悶,但我覺一看無妨,幾欣賞故事浪漫得黎帶點點傷痛,不似一貫動畫式愛情故事,ending以一首歌結尾,收得不錯

<24/09/07:夜>
Photo Link

Severance

~~Severance(斷頭氣) - [2006]~~

首先講明一點,我對部戲有相當的期望,可惜係依套戲正如往常一樣,未有想像中的好睇,睇黎我要將自己期望既準則再收緊一d好了

故事開頭不過不失,精警對白耐唔中會出現,例如討論到熊會唔會過國界,1st世界大戰前無聲電影等等,幾英式的刻薄對白,可惜好看既只限於電影上半的對白,其他奇形古怪既鏡頭,我只覺佢太過刻意造作,中至尾段更加唔洗講,一貫hollywood式的追呀殺呀血呀既森林追殺片,等我睇依套戲前仲以為係套黑幫片添,As witty as Shaun of the dead?唔係掛!

<23/09/07:夜>

Photo Link

紀子之食卓

~~紀子之食卓(Noriko's Dinner Table) - [2005]~~

怪!真的很怪的電影!沒看過故事的前作自殺循環,但依套片我覺得相當好睇,全片分為4個Chapter,第一個壓抑而充滿爆發感,就好似被壓平的橙皮最後會彈開一樣睇到紀子內心慢慢地爆開,氣氛鬼異而恐怖,經過自言自語over 20min既Chapter1,Chapter2來得消極而無力,很無奈很沮喪的章節,再來Chapter3,故事看似貼近一點現實,但往往活在幻想之中,真真假假前後剪接看得令人頭暈,但並非欠缺流暢及郁悶,相反我覺得感覺非常好,亦可慢慢到達故事的中心點,最後Chapter是真真正正的現實故事,真的嗎?哈哈,總結而言對於中意睇離經叛道超出常理既我,依套非常喜歡,我中意沒有ending的ending,忽然一黑出字幕,實在是美好的句號

<23/09/07:日>
Photo Link

獨立敢言,見證十年

今日過開中環影相,係地鐵度見到一張海報,格調同其他周遭甚至乎一直以來係地鐵既海報有所不同,望落第一眼很謀圖一雄感,很恐怖,題目係"我冇手換燈膽呀!!"睇真d原來係綠色和平既廣告,主張人為環保,放低藉口,齊換環保燈膽,海報效果做到了,起碼我真係番到屋企望望係咪環保燈膽(嗯,原來我已經用緊=P),再入去greenplace既網頁睇睇,去到GoGreen齊慳1000000度電既版面,入面北極熊既短片令我印象幾深

講番張海報,再仔細d望清楚,寫住"獨立敢言,見證十年",果真同張海報既style很一致,希望今次冇比所謂d香港人投訴要收番依張海報啦

<22/09/07:日>

他來自江湖

一直都十分喜愛星爺早期作品,他來自江湖自然被列入my favourite系列,見YouTube只有一段效果很差的短片,乾脆上載了19段有趣片段分享分享,哈

YouTube Link
他來自江湖 - 靜一靜
他來自江湖 - 心口有條鱷魚
他來自江湖 - 橫掂都係
他來自江湖 - 好本事
他來自江湖 - 水 你係邊呀水
他來自江湖 - 我唔係一個咁隨便既人黎既
他來自江湖 - 兩萬八千五
他來自江湖 - 家變
他來自江湖 - B老篤
他來自江湖 - 乜今日早餐咁豐富呀
他來自江湖 - 甩頭芝
他來自江湖 - 我都話唔講呀
他來自江湖 - 咩事呀大佬
他來自江湖 - 可唔可以望住我講野呀
他來自江湖 - 小姐,你冇野呀下
他來自江湖 - 我碗麵有粒鈕
他來自江湖 - 點指兵兵
他來自江湖 - 冇人要你我要你
他來自江湖 - 結婚

ICQ

依個program曾幾何時成日用,但不知不覺放低左佢兩三年,忽然抽起條根想去login下,但icq no爭d唔記得,password亦唔記得,連果時登記既email亦因為耐冇用,比人cancel了,哈哈

幾經辛苦,狂login左二三十次後,卒之撞岩手位log左入去了,果真一個人都冇,見番果時d nick,有人消失了,亦有人仲有contact,但d名已面目全非了

logout後,我又入唔番去,睇黎又有排撞先可以入去勉懷一番了,哈哈

點解要改個自己都記唔番既password?因為依個6個位既靚no.係一個賊贓黎囉,梗係要改個超難記既password啦,又點解唔寫低? 我有架,果時寫左係keyboard底,不過前排壞左掉左之嘛 =D

<11/09/07:夜>

台北4

去到怕的台北,相機都冇帶,哈哈

<08-11/03/07>
Photo Link<<<<<<<<<<<

Zodiac

~~Zodiac(殺迷藏) - [2007]~~

故事過於冗長,片中漫畫家和探員沒有一貫戲劇性的火花,亦沒有峰迴路轉hollywood式的劇情,加上dvd翻譯得不太好,令我也跌入和四位主角一樣的情緒痛苦爭紮中,只不過我是2小時30分而他們是二十多年而已,我只可說片中的色調用得不錯,亦很有7-80年代感

<08/09/07:夜>

Photo Link

香港文化博物館 04Feb'07

眾樂與獨樂-香港大眾娛樂的轉變
不太可影相,但見番好多玩具及過去的記憶,著實不錯

相裡.鏡外
意外看到的展覽,相影得很好,真真正正做到每張相每一個故事

<04/02/07:日>
Photo Link <<<<<<<<<<<<<<

SnapShot on 06Sep07

發覺近排冇咩睇戲亦冇咩想寫,up幾張snap shot及感覺作為依幾日blog既小小update

IFC近睇靚,但山頂遠望破壞晒成個香港夜景

煤氣燈附近太光了,欠缺左應有的感覺

木紋加噴圖得出黎既效果往往不錯

迷糊的lift制

<06/09/07:夜>

Napoleon Dynamite

~~Napoleon Dynamite(炸彈頭拿破崙) - [2004]~~

It's a great movie. Great opening & full of humor.

YouTube Link
Napoleon Dynamite - Opening

Photo Link

SnapShot on 02Sep07

偶然經過廟街,夜晚燦爛得多了



望望地下,又發現不一樣的垃圾,希望我下一個相簿題目,可以快一點面世 =)

<02/09/07:夜>

Sunshine

~~Sunshine(太陽倒數) - [2007]~~

就著丹尼波爾既名黎睇依套片,第二次睇佢所製作既末日科幻片,對上一套28days later只喜歡開頭十分鐘左右,今次好多了,起碼去到last 20min先覺唔多對勁,外太空多數講月球或不知名既星球為多,講太陽真係比較少見,眩目美麗既畫面,同黑蚊蚊既太空科幻片與別不同,金色太空衣亦很有趣,最特別係片中有意無意出現中文既太空產品,唔知導演係想講廿幾年後中國製既物件泛濫定係有其他意思,總括而言,雖然中段有點悶,但整體尚算不錯,除了ending的多鬼餘故事支節

<29/08/07:夜>
Photo Link