play list

28 June 2014

Teaserama

~~Teaserama - [1955]~~

古怪電影,其實應該是porn movie的前身,全片由多段艷舞片段為主夾雜數個惹笑對談,再加上唯一一段短劇而完成,歌舞又好對談又好短劇又好實在是足本,由3分鐘至10多分鐘也有,以短劇最為長,但其實沒什麼,只是女角象徵式起床執床再穿衣就差不多完成了,而且異常性感賣肉,有點剝削電影感覺,而配樂也可接受,但演者表情比較誇張,可能當時就是這樣吧,anyway,這是一部1955年的觀摩作,也可一看吧

[27/06/14]
Photo Link

26 June 2014

Exit

~~Exit(出路) - [2013]~~

第一次參與難民電影節,原來今年已經是第七屆了,因本身不太喜歡看documentary所以只選了唯一一套drama來看,真人真事改編難民遣返前的垂死爭扎,節奏配樂不錯,而且演得很好,感情真摰,人道國家才可以拉扯那麼久,很多時難民身份及去或留多多少少帶有幸與不幸,此片故事簡單(原來是tv movie)但整體來說還可以

p.s. 本身因香港太幸福永遠有種隔岸觀火之感覺,但因近來的事件,看此片時有種從來沒有過的埋身感覺,希望不會有一天也要面對如此境況就好了

[25/06/14]
Photo Link

22 June 2014

Insidious

~~Insidious(兒凶) - [2010]~~

真不明白為什麼說這部片好看,前半部份那種公式化的造作悶得我想fast forward,直至肥瘦二人組出現才見起色,半認真半攪笑的感覺頗古怪,特別是那防毒面罩,很扯吧,但在我看來後期的胡扯也救不了多少整套片的沉悶感,不看也罷

[21/06/14]
Photo Link

21 June 2014

書評:來生不做中國人

本來呢睇書依家野我好少係blog度寫,平時多數係豆瓣寫番少少讀後感,但因依本書"來生不做中國人"根本無可能係豆瓣或weibo之流比我講,所以就係blog度搵位寫下個讀後感啦,正所謂加下唔睇遲下都唔知有無得睇

感覺上本書某些論點或觀點有點偏頗和武斷,但談及中國人民及共黨的習性,想法,行為甚至所引出的獨有現象等等也見精闢而準繩,而且並不過時,如同作者所說,魯迅百多年前所講的到今時今日也適用,這個究竟是什麼一回事?在如此多事之秋剛好看到此書(很早以前已在圖書館mark下了),實在感慨良多,值得一看

[21/06/14]

旺角葡萄適的雜想

係紅磡睇完戲就搭車出旺角番家,去到旺角果真明顯人少(前幾日聽人講過),一個星期五既夜晚旺角條街居然咁鬆動,真係非常好


行到朗豪坊因天氣太熱所以就想買支葡萄適飲,去到seven果然係無得買既(前題係我以為seven無再比佢上架,但原來另有原因),咁呢就諗住去士多買啦,點知原來加下旺角係好難搵士多既,我大大話話打橫行左幾條街打直又行左幾條街都無間士多,賣野飲既只有seven同涼茶鋪,唉

即係咁,如果seven唔賣既你係想飲都無得飲既,以為好多選擇原來係無咩選擇,消費者固然慘,貨既owner如果無錢上架或同有關既大型鋪頭攪好關係亦係無咩路行,原來不知不覺士多已經差唔多成為絕響,都係快快手得閒影下士多相好了

最後番到家,士多關左惠康都當然無賣葡萄適啦,咁就係一間賣飯既地方買罐綠力啦,綠力又係士多外好難搵既東西,唉,香港依個商品消費真係越來越壓縮越來越小圈子玩意,如同領匯無咩比你選擇,如同一d比較熱鬧既地方都無咩比你選擇,一條街上重覆又重覆賣黎賣去都係果d野既鋪頭又或者度度都會出現既連鎖式鋪頭,都真係越黎越覺得董啟章V城繁勝錄當中既荒誕已經近在咫尺觸手可及了,唉

[20/06/14]

紅磡寶石戲院

其實呢我都好耐無去過戲院了(不過之前一日去左bc睇失魂),依度係紅磡既寶石戲院,一個我非少去既地方當然都未係依度睇過戲啦,一去到雖然知佢裝修過,但門口都隱隱透著舊式戲院既感覺,入到去已見一個地磅,睇黎仲用得不過好似無新光果個咁舊,可能依度保養好d啦,上到樓上呢,有少少舊野放左係度,有投影機同戲院既用品,不過我無影到相,去買飛,見既係一大張白紙一場一張既舊式賣票坐位表,仲用紅色筆畫位,真想影低佢,而張飛亦係用手寫位,印象中都應該有廿年未試過,真old school,45蚊張飛真平,入場前仲要經過一大幅布先入到去,如果無記錯仲係用緊傳統既紅布,真令人懷念,入到去坐位可以其他亦ok,係有少少味,可能始終係舊戲院,整過都有少少味掛

[20/06/14]
Photo Link

不是白痴

~~不是白痴(Naive) - [2014]~~

其實感覺上不似一部電影,反而看似一部實況劇或是港台鏗鏘集之類的東西,故事令我想起之前看過的一部印度片,死前有條不紊的處理身邊種種瑣事,當然這個更為不捨但仍覺平實,除母子關係外,此片亦有不少篇幅在於民生上的不足及被遺棄的一群如何局在困境中,雖然仍欠純熟但作為寫實作品也算可以了,至於主角,仔仔可算稱職母親大部份雖見自然但某些仍有做戲之感(傷心那場為甚),應該可以更好一點

[20/06/14]
Photo Link

20 June 2014

失魂

~~失魂(Soul) - [2013]~~

鐘孟宏的戲其實頗indie,雖然風格上來說我還未找得住但他拍的戲感覺很不錯,這片攝影及風景很贊,但差點失控,還好後來慢慢地減少比例,處理上亦是一貫的怪,前段很日本相機廣告味道,後來很多鏡頭及動作格局上又帶有強烈韓片感覺,但鐘的戲人物部份是最好看的,而且此片滿有鄉土情懷,有時某些還帶點點淒美感覺但又不至於過份黑暗反而帶著淡淡的溫馨,至於故事,不用太考究,我覺得此片多是談及人與人的關係,還不錯吧

[19/06/14]
Photo Link