play list

25 July 2012

Snapshot in somewhere @ 22jul12

格格生活

<22/07/12>
Photo Link

24 July 2012

MIKE STILKEY Art Exhibition


美國藝術家MIKE STILKEY係香港攪既展覽,叫做FULL OF SMILES AND SOFT ATTENTIONS其實我唔識佢不過係timable無聊搵野睇時見到,去完電車tour醒起係地鐵上網查下原來仲有得做,就係香港站搭番車番時代睇

去到真係好大幅畫,有幾層樓高,特別在於係書上面畫畫,而且畫中人物表情感情突出,感覺到有種人既靈氣在內,角色就比較憂鬱但又有少少奇幻感覺,比較容易令觀眾掌握既作品(但我都係中意無題多D),還不錯,但其實如果佢係度,我會問佢,1) d書有幾多本佢睇過(跟據場刊資料,所有都係舊書係收集番黎既) 2)每次展覽轉場地要用幾多時排番好張畫,哈

<22/07/12>
Photo Link <<<<<<<

23 July 2012

家樂麵食

睇完電車經過德輔道西既家樂麵食,門口係我好中意既細磚仔設計,所以入左去食,入面裝修又唔叫得太舊,不過有個單人對大街既卡位好奇怪,而且收銀張台都應該有一段時間,我食左個豬雜麵加左杯檸樂22蚊,其實都算抵食,其他好似仲有酸辣湯底同埋好多其他食送,不過費事揀食下d舊式野算了

<22/07/12>
Photo Link <<<<<

22 July 2012

百年一遇‧攪軌叮叮四環遊

今次卒之參加到電車導賞了,之前一次就係時間唔岩另一次就係爆晒冇位,所以今次一知道有就即時報名
一早10點幾去到石塘咀電車總站,等齊晒人後就行入電車廠,見到架120號,之前做過research,佢係194x年既車,已經行左好多年,係香港現存最古老仲係行駛緊既電車,本身諗住去依個導賞團問下個guide依架車行緊邊條線,仲諗住去搵下佢,原來我地就係坐依架車,真開心

入到車廠(係我地眼見既地方)其實唔算太大,感覺比銅鑼灣舊車廠細(細個時有親戚住正係果度對面既舊樓,真係成日見,但果時唔識影相,冇影落留record)

因電車師父未到,所以就講下石塘咀既由來,應該好多人都知依度係一個好出名既妓院雲集既地方,原來之前一開始係石磺場,之後整整下有個塘咁而且外型似個咀,所以加加埋埋依度就叫石塘咀,本身香港有兩處妓寨,西人既就係吉士笠街(即有稱為紅毛嬌街),佢旁邊既擺花街據稱係因為去幫襯西人妓寨就要帶一支花去,所以就有擺花街既出現,至於華人既就係水坑口街,後尾因填海既關係,就將依度既妓院搬晒去石塘咀

1935年前就出現左最旺盛既塘西風月日子,周邊有好多酒樓戲院等等,習俗亦比較有趣,原來有出一個叫做骨子既報張要黎報導塘西風月既人與事,而有張叫局票既東西,原來係用黎請大妓寨既小姐去酒樓陪食飯,張票係由一種叫豆粉水既小角色帶去大妓寨,收費一蚊,所以之後就有一蚊雞既說法,而二妓寨呢就係平d既地方,多數係係附近既碼頭既咕哩幫襯,所以亦出現左咸濕佬既說法,哈,有趣

上車前講左原來電車路線同之前既有少少唔同,之前係水手館俱樂部既地方(即皇后大道東至軒尼斯道一帶)要彎入去既但後黎拆左層樓就拉直左車軌,即係我地依家行緊既路,再入就係大佛口(即皇后大道東同金鐘道既交界),果時依度掛左一張大佛相,所以d人就叫依度做大佛口,黎到依度就知入左灣仔

後黎電車師父到左,我地可以上車了,120車果真係古舊,車盆仲係用轉果隻轉速器,而且樓梯位有d特別,居然樓梯底有個位係度,坐位呢就全部都係木造而且有藤椅既設計,燈係鎢絲燈,窗框就仲係木邊,依加既已經多數係金屬把手而且冇邊,依種車細個果時好似有坐過但真係好耐冇見過(可能真係少又或者係我唔係香港人,所以坐電車機會少)

開車後第一站講番太平戲院既位置即依加德輔道西東方護老院果個位,導賞show左張賣飛既價錢出黎,有好多唔同既票價,因附近妓院既小姐好中意睇戲,所以有好多唔同既設計又有唔同既消費,都幾有趣,再前少少就係七號差館(即猛鬼差館又即係依家既西區警署)門口有兩支炮係果時係地下掘出黎就擺番係門口

再前少少係海味街,果時叫咸魚街,之後因個名唔好聽所以先改名叫海味街,順手講左南北行既故事,果時香港係轉口港,所以就有ed商行經營運貨同其他進出口業務等等,而且會抽佣2%所以亦叫做九八行,再前少少係三角碼頭,真係聽就聽得多,原來係干諾道西巴士車廠果個位,再前有一間舊式餐廳叫海安咖啡室,即現翠華老細曾打工既地方,見佢門口好似好舊咁,已經有60年,搵日要去食番餐先,再前係四大百貨公司既位置,現只有永安先施另兩間大新同新新已經冇左,果四間公司當時創左不二價依種售賣方式,睇海報好似好熱鬧咁

再之後左郵政總局既地址(即現環球大廈)睇相真係好靚好靚,拆左真可惜,仲有東亞銀行,門口支舊旗桿係一直用緊,怪不知咁古舊感覺,再前就係立法局,美利樓舊址

行前就入左灣仔,經過大佛口去左莊士敦道當時好多既酒樓地方(之前聽飲食個tour聽過,唔講了),再前係灣仔二號警署同救世軍既舊址,再前就係香港殯儀館既舊址,原來當時屍體係由集成隔離球場既樓梯搬落黎行軒尼斯道經天樂里出快活谷,所以出現左天樂里個名

再前係鵝頸橋,木橋近鏡相之前見過,但咁開揚既相真係第一次見,好大好多樹,果時依度係香港八景之一鵝澗榕蔭,真係靚,前少少六福金行果個位,之前有個轉軌架,用人手轉軌入波斯富街但轉自動化後,個台拆左了,再前就係快活谷跑馬地一帶,之前去大靠山tour時聽過又唔再講了

之後轉回頭路,開始講電車歷史,電車由1904年開始,第一代車得一層但有兩款,頭等車有10架二等車有20架,見到頭等車既相,基本上同纜車一樣,guide話係同一類東西,而二等車係冇邊既架所以d人基本上係自出自入自由上落車,好危險咁哈


第二代係1912年,叫做有二層,但其實只係加個鐵架係度,感覺都幾危險下,但樓上係頭等,又係貴d既,雖然冇頂但叫做好風景d掛

第三代係1920年,加左個頂但樓上周圍都係冇窗,落雨時好似渡輪咁拉高帆布咁

1930年第四代,已經有依加d車既雛型,有前後門,前門頭等買飛上樓上,樓梯係一條直上的,後門係下層二等位

1949年係第五代(即我地坐緊既120號車),因戰爭電車由一百廿十架得番十二架,所以係戰後就要再整好多車出黎用,中間講過電車廣告既資料,當時係手畫既,一整架電車主要分左八部份黎賣廣告,當時係手畫既,基本上要2星期先畫好,一賣就最少賣半年,電車先生(即電車會會長Eric)再講左係香港歷史博物館同海洋公園都有兩架舊式電車展覽,亦係第五代既產物,由電車公司送出,而海洋公園果架係同類車既第一型,樓梯係直上既,比歷史博物館或120號車還要舊款

第六代車係1988年,即現時流通行駛既電車,外表同第五代差唔多,不過就將個燈箱放左上車頂等上層後排既人唔洗咁熱(印象中細個真係好似搭過,果個位隻腳唔痴得埋去),而且車底加左裙腳位,等d車聲唔洗咁嘈

2000年出左架千禧電車,基本上係加晒車窗而且係鋁合金製造,但個感覺好核突,成架巴格士咁,而且eric話依架車市民話核突車長話熱死,所以冇人中意最後失敗了,現時應該得幾架仲係度,我就真係未見過

第七代係2011年既車款,都係鋁合金,而且坐椅改左其一中排位置改左,唔係對住坐所以唔用落車時頂住腳好難行,但佢改左lcd燈箱,真係好難睇,遠望都唔知咩車,之前舊式既除左底色顏色唔同代表唔同線之外亦比較易睇,真係追車都方便d(因電車開得慢,所以追車其實好普遍)

睇晒一大埋資料又番到石塘咀車廠,同架120影多左一堆相後就走人

因果度未有地鐵,所以都係搭叮叮落番中環轉地鐵走人,又再坐電車,今次係150號,即第六型車,我地成日坐果d,真係冇留意都唔知同第五代既分別,哈


<22/07/12>
Photo Link <<<<<<<<<<<<<

15 July 2012

文化保育與老店文化系列講座



參加左文化葫蘆所舉辦的文化保育與老店文化系列講座,分為有三個section

第一個講者係吳文正&陳寧(冇powerpoint睇,所以忘記影相),吳係我一直好喜歡的攝影者,有幸見到真人,而陳寧我雖然唔多認識,但佢地既睇法同理念某情度黎講同我有d相似,題目係城市更新,意指城市始終要發展但要比一個新生命佢佢可惜現時既只有推倒重來,在我來講新既野只有一式一樣冷冰冰冇生命,陳寧所講既由油麻地開始至整個香港以及巴西巴黎倫敦等等,感覺其實幾唏噓,我覺最重要係識唔識得欣賞以及珍惜,普遍人民既價值究竟係在於經濟還是文化,在於文化保育者來講總有一種掙扎求存既感覺,至於當中既舊世界同新世界係我所聽新既東西,意指舊世界(巴黎倫敦)新世界(三十年代既巴西加下既中國大陸以及香港)既不同唔係新與舊而係當中既cycle speed,舊既會比較慢,可能係五十年都不大變化,而新世界就個cycle係好快,可能五年或者更短,當變化太快時人們根本冇咩可能對當中既環境有咩感情感覺,可能好多者都經過規劃易於control,好多野都係值入式思想,形成一眾人對審美觀的缺失,新世界往往缺乏審美教育等等,依個我好同意,唉

第二part係陳天權,主要講既係非物質文化,感覺比較學術性,但當所涉及既孟蘭節我又非常喜歡,希望好快真係有地方可以搵到孟蘭節所舉行既日子同rundown咁就好了

第三part係何國標既百年老號分享,感覺比較有趣而且亦係我非常喜歡既東西,講左好多係香港over 六十至七十年既老鋪,亦有當時街道既舊相,當時老店主要既名,多數尾尾都係以,號,盞,和,盛黎命名,而且多數係三個字,而招牌多數係黑底金字,相關資料真係好多而且好多都未聽過,有機會要再搵多d先得,例如話d老鋪有d並唔係老闆既傳人所經營而係伙記頂左黎做,感覺好有人情味,又例如分享左1929年何既老鋪(佢係油麻地泗祥號既第四代傳人)既租單,當時係36蚊但果個舊鋪加下既租金已經係要四萬五千蚊,吳文正亦講左好多時同d老鋪既老闆傾計,第一句問完有幾多年歷史後第二句就會問係咪自己鋪,佢講基本上全部都係自己鋪,所以先做得到,依個亦係我之前有所感觸既地方,基本上係扼殺一個個傳統老店換來一間間樣板式既連鎖店,而且缺乏特色缺乏人性亦異常物非所值,唉,而通過何講有幾十間已不存在既老鋪,吳亦分享左一個舊汽燈鋪既故事,雖然我並非親身見過,但聽落都頗傷感

一個咁特別既香港點解會變得越黎越俗越黎越市儈但更可惜既係痛心even有感覺既人實在太少,眼見一樣一樣野咁消失無不感嘆唏噓無奈,而政府反而係一手加催當中既推手,我真係唔知有咩好再講了

<07/07/12>
Photo Link

13 July 2012

Snapshop in somewhere @ 07jul12


某處,某天,藍天,剪影

<07/07/12>

11 July 2012

T is for TRANNY

~~T is for TRANNY - [2011]~~

哈,很特別的想法,變性人受欺壓虐打後,再來一個復仇的故事,暴力而變態意識強烈,重口味之作


<10/07/12>
Photo Link

T is for TOMATO

~~T is for TOMATO - [2011]~~

這個有點攪笑,以為是殺人番茄的故事(類似報仇之類的東西),原來是變態番茄殺人故事,難怪第一個鏡頭番茄下身那麼明顯了,哈

<10/07/12>
Photo Link

10 July 2012

T is for TAMALES

~~T is for TAMALES - [2011]~~

經由這套片讓我認識到這種年代久遠的墨西哥傳統食物tamales,感覺有點像中國的粽,anyway,故事不難猜想,就是八仙飯店的故事,老闆娘樣子很像喪屍,落手快而準,丈夫死時反應不錯,尾段的credit也做得頗細緻,應該不是業餘作品吧

<10/07/12>
Photo Link

T is for TIME

~~T is for TIME - [2011]~~

故事性非常不錯的T is for TIME,死亡可以是很可怕但這片拍攝出來相當可愛,配樂加上快速的展示著各種經由死神完成的工作,效果幽默,雖然死神也有煩惱,但結果來得相當感人,暢順而輕快的節奏,喜歡

<10/07/12>
Photo Link

T is for TANTRUM

~~T is for TANTRUM - [2011]~~

恐懼心理捕捉及懸疑氣氛不錯,美國的牙仙故事,來了一個twist的結局

<10/07/12>
Photo Link

T is for TERMITE

~~T is for TERMITE - [2011]~~

The 5th其實一般,但剪接及音效不錯,亦有點蒼涼之意,感覺和其他不一樣

<10/07/12>
Photo Link

T is for TABLE

~~T is for TABLE - [2011]~~

The 4th也著實不錯,怪異的開場,未知的故事(雖然已經知道一定有悲劇發生),故事發展順暢,而且懸疑感亦可,加上點點緊張氣氛,不錯

<10/07/12>
Photo Link

T is for TURBO

~~T is for TURBO - [2011]~~

3rd winner是懷舊式的cult片,雖然和turbo沒多大關係,但噴血的場面,簡陋的道具,攪笑的處理,而且人物的反應,也令我想起日本的低成本cult片,這個也很歡樂

<10/07/12>
Photo Link