play list

30 November 2012

盂蘭勝會(十八) - 牛頭角工商聯誼會盂蘭勝會

貳零壹貳年玖月叁號(柒月十八) - 牛頭角工商聯誼會盂蘭勝會

放工後7點入到去牛下,可能記錯日子以為係走五土,問過人原來係從德先有,但因為記錯左但都有另一樣野睇,去到見到係度用米砌緊字,係恭迎聖駕,d字砌出黎都幾靚,但因圍左欄所以影得一段,丫,前一日用黎慶土既雞今日居然係場內四圍走無人理佢,哈

整左陣就開始分燈儀式(我估係掛),用點著左既火把仔走呀走,都係有d似散旗走佛之類既東西,不過冇研究到個走法係點,之後再圍住恭迎聖駕張台行左兩圈咁,儀式就完左,講左一輪人名後就另一儀式,應該係迎聖,有先生跳上張台度整爛晒d字之後就跳下噴下水寫下符咁既再係隻鶴度整左d野,就有工作人員打晒鼓帶隻鶴四圍走之後就化左佢

再之後就係打武,依個比較有娛樂性,又跳火圈又打晒根斗咁,但感覺有d同之前既莊嚴性唔連貫,所以都只係記錄左一部份片段,完左後就無啦啦響羅d人就一窩蜂衝入去搶米,難怪咁多人羅晒箱羅晒桶咁啦,有時都唔明背後係中意個意頭定係咪執輸既心態,anyway,睇既皮攪既就覺熱鬧,執既又開心,總之個個開心便成了

最後見到歸還太子(唔知正名點叫),因為唔打鑼都唔發覺,後尾先知原來朝早五福連既仙姬送子後夜晚又會還番,難怪個個神壇都有一至兩個太子啦

走前仲見各執事係度互送錦旗咁,睇左陣就走人了

[03/09/12]
Photo Link <<<<<<<<<<<

29 November 2012

盂蘭勝會(十七) - 西灣河街坊盂蘭勝會

貳零壹貳年玖月貳號(柒月十七) - 西灣河街坊盂蘭勝會


睇完牛下就去筲箕灣睇散花同正一破地獄,本身呢係全日都係牛下日頭睇起鼓慶土夜晚睇開光,但原來西灣河街坊盂蘭勝會係第二日先做正一破地獄,雖然之前係華富睇過,但依度點都大型d所以就skip左牛下開光過左筲箕灣

去到做緊散花,睇地下既擺設,以為破獄已經做完,但睇睇下d瓦片未爛,好彩,咁我就繼續睇我未睇過既散花,念左一輪後就開始散花,原來d花真係無咩人理,到散古錢時d人就high了,我都執左個,係嘉興通寶,依類古錢應該有5個皇帝,anyway,羅完後就繼續影,d花同d米一地都係無人理

咁睇完散花好快又破獄,依度地方大d但個圈其實比想像中細,依個係華富其中一檔咁,但支劍就無插溪錢亦無點火,而輪侯既街坊比較多,所以就由最初兩個神牌到後來3-4過一次,哈

另開始時有攪笑野,有位阿姐可能唔知第一個係大會既神牌先行,佢又羅住一齊行之後有人見到就又跟住咁,所以睇孟蘭除左見好多唔同祭品唔同儀式外仲有好多人生百態

[02/09/12]
Photo Link <<<<<<<<<<

28 November 2012

盂蘭勝會(十七) - 牛頭角工商聯誼會盂蘭勝會

貳零壹貳年玖月貳號(柒月十七) - 牛頭角工商聯誼會盂蘭勝會
本身想朝早去深井之後下晝2點去牛下睇起鼓慶土,點知原來深井早左一個禮拜開,所以就訓晏少少之後就搭車過牛下,到步已經1點幾,係場內睇下野影下祭品,但係起鼓慶土前大士王對眼係朦住既

大約1點8左右就開始,好彩早左黎,場內有包沙開頭以為係整野d人留低左但原來係依度起鼓慶土既道具之一,聽明哥講依度係唯一有包沙既,其他地方慶土係冇既,anyway,道具除左場中有包沙外,仲有雞有5隻碗仲有鴨蛋草席等等,開始時都幾趕急,一洒米就開始了,台下有人打鼓係場內走呀走,台上打完一倫後就跑落用支叉插左入包沙度,之後先生番台再打一輪再係場內係符度做儀式,除左碌柚葉水寫符後隻雞都要黎寫,再之後係草席,蛋呀碗呀就係台上做儀式,攪掂晒收叉,另一邊值理就開始點大香,咁就正式開始,依個儀式都幾有趣
之後做五福連,睇埋就走人,途中經過福德廟,今年係最後一年係依度(牛下球場後面,已經四十幾年歷史),之後就會搬走,問值理下年會唔會改場地,佢話唔會,但聽人講地方就會細三份一,唉,盂蘭勝會好多地方都越迫越細,感覺真唔好

[02/09/12]
Photo Link <<<<<<<<<<<

27 November 2012

盂蘭勝會(十六) - 青衣油柑頭街坊盂蘭勝會

貳零壹貳年玖月壹號(柒月十六) - 青衣油柑頭街坊盂蘭勝會


六點幾去到青衣擔杆山路,同長發都有一段路,所以搭的士入去,去到場地發覺都唔算太遠,依個青衣油柑頭街坊盂蘭勝會聽講係由果頭既船廠一齊攪既,入到去時見佢地岩岩想開飯,咁即係有排先有野睇.所以搭番van出長發食下野先番轉頭

再入到去八點左右已經做緊擇勝杯選總理,d人好開心而且真係第一次見到五連勝杯,實在利害

之後就係坐蓮花,手勢真係好睇,但地方好窄d人又出出入入咁睇睇下已經冇心機睇,出左去睇路祭,之後坐蓮花都未做完就燒抬大士王遊街,因一條直路而且好鬼倦所以企定係度等佢番來,之後再行另一邊就開始燒大士王了,d火好勁,丫當中有架警車入到黎,見到做緊路祭就掉頭走,哈

下年有機會可能去睇睇佢個水幽,不過依個場好似好趕時間咁d街坊又好似對盂蘭既認識過於隨意,感覺可能水幽都係冇咩特別,仲要困住係船度幾個鐘,真係要搵d比較有睇頭既會好少少,嗯,再諗

[01/09/12]
Photo Link <<<<<<<<<<