play list

28 May 2007

三點零鐘的黃雨

今日一早起身,落街時見個天又係咁好,心諗陽光的海灘真係離我很遠,唉!

食完早餐嘆完報紙後,急急腳番屋企做功課,平時既慣例係開住電腦聽住mp3,但因部機死鬼左,唯有羅番舊時燒落d mp3係部amp度播,因我冇labelling,基本上播咩歌都唔知,經過幾次換碟後,聽到隻舊少少既hk碟,聽番好多好耐冇聽過既歌,感覺真不錯,過左陣,出面街突然落好大好大雨,歌亦岩岩播到太極既小雨落在我的胸口,嘩,真係好夾,感覺一流.

記得有次去fd屋企,睇碟後走時都已經半夜3-4點,個fd住西環,因為果度係舊區,半夜既感覺已經好好,咁岩天又落起毛毛雨,抬頭向上望,原來我剛剛好企係路燈下面,毛毛雨加埋d燈光,真係好正,係果一刻唔知點解會諗起家強既冷雨夜,哈

又有一次,成班人探險後無無聊聊去左會展附近既金紫荊廣場吹水,諗住天光後去蓮香飲早茶,老實講身為香港人果度基本上我成世都唔會去,但果晚既感覺真係一流,到依一刻我仍然好記得,話說我地成班人去到時已經3-4點,果度基本上冇咩人,我地有d吹吹水,有d就係度踱下步,我記得仲有人係度洒太極,半夜三更洒太極,哈哈,突然間落起大雨,個個只好lee番埋一齊吹水,過左陣,好多人已頂唔順,訓得七七八八,當時我就未眼訓住,坐係地下度望住出面,d雨打落下地再反彈,令到離地面2-3吋既高度有一層薄薄似霧又似莎既水氣,好靚好靚

雨有時真係好掃興,但有時又幾可愛既,哈

26 May 2007

Maria Full of Grace

~~Maria Full of Grace(萬福瑪利亞) - [2004]~~

無可否認對依套戲有印象及點解揀黎睇好大情度係由於張poster及戲名所致,未睇前對套片認識不多,但感覺到poster中的衝突顯然,應該不會太差,睇完後search番有關資料原來有好多提名,來頭認真不少,講番套片,女角漂亮而脫俗,眼神堅定,完全可以表現到故事中堅強固執而有主見既性格,真係睇唔出原來依套係佢第一套片,整體上黎講大部份故事及拍攝都幾真實而吸引,雖然尾段有少少戲劇化,但尚可,睇時很易投入主角的經歷而扭一把汗,印象最深係女角先後抬頭的動機,同樣是希望跳出當時的困局而站於不一樣的地方望一望,但當中的行動及結果有好大差別

<25/05/07>
Photo Link

24 May 2007

誤人子弟

~~Teaching Sucks!!(誤人子弟) - [1999]~~

依套片好好笑,老師們古靈精怪好多對白好唔熟,睇落似爆肚居多但出黎個效果好正,咁多年後睇番亦覺好好笑

YouTube Link
誤人子弟 - 日山中學老師們
誤人子弟 - 廁所阿伯
誤人子弟 - 驗眼
誤人子弟 - 天文學會

Happy Endings

~~Happy Endings (幸福結局) - [2005]~~

放左非常多野的性喜劇,但似乎太貪心了,人物拉得太散,全部描寫都很表面,一路睇時一路諗,有冇需要個個關係都玩得咁覆雜,好似造作左d,Lisa Kudrow表現亦很普通,反之Maggie Gyllenhaal非常搶,唱果幾首歌好好聽,真係唔明點解佢地唱歌好似好易咁,個個都咁易唱得咁好

<23/05/07:夜>

22 May 2007

American Splendor

~~American Splendor(小人物狂想曲) - [2003]~~

故事有趣而生動,睇時令人有種追住個故仔發展既衝動,Opening以漫畫形式出現,除制作人員既名之外,中間穿插左故事既序及主角既簡單介紹,很有趣,套片主要講主角多番失意(及失聲),思想溜離失所,生活乏味加上後生時珍而重之所收集既野不值一文,本應係消極到盡的故事題材,但因一個意外既機會撞到一個漫畫家,因而令主角走出不一樣既人生,故事發展相當有趣而正面,幾中意佢由真人而走去漫畫既拍法,好過癮,最有趣係睇睇下先知真有其人,而旁白既就係故事當中既主角,而主角身邊既人亦一一客串係故事入面,真真假假出黎既效果很好,無獨有偶同前排睇既stranger than fiction有差不多既故事骨幹,但娛樂性及欣賞程度,依套較高一線

<21/05/07:夜>

21 May 2007

玩具

前兩日落街食早餐,見樓下有2-3個小朋友用一架手拉車玩得不亦樂乎,非常開心,睇見咁樣諗番起細個成日都執埋d爛鬼野都玩得一大爛餐,真真正正既玩具真係好耐先有一件(加加埋埋都唔知有冇10件),但印象中群體活動比較多,落街走下追下跑下已可以玩大半日,玩具鋪經過都唔會多望因為知道永世都冇自己份,可憐既小朋友,嗚 ~>_<~

但依家諗番,細個不知幾開心,因為冇物質追求,想玩時玩,想食時食,想訓時訓,不知幾爽,可憐既成年人,嗚 ~~>_<~~

<19/05/07:日>

20 May 2007

Anatomie

~~Anatomie(活人破膽) - [2000]~~

相當不錯的德國驚懍片,前半part懸疑感不錯,後半雖有跌watt之感但亦相當緊張,雖然血腥場面不多但感覺亦相當不安,故事尚可節奏流暢,小本是小本感但沒有流於hollywood的堆砌及公式化,看起來有不一樣的感覺

<20/05/07:日>
Photo Link

Tokyo Zombie

~~Tokyo Zombie(東京喪波) - [2005]~~

真的比較低水準既喪屍片,此片只可列入很一般的comedy片種,故事很求其,毫不特出,東拉西扯,綁手綁腳硬滑稽,我不太受落,喪屍行路亦太似人,雖然中間以漫畫交代事件,但冇型冇款,最後仲攪到疆屍格鬥,不堪入目,喪屍片既不恐怖又毫不癲喪,最後可以係點呢?悶鬼死人囉

<19/05/07:夜>
Photo Link

19 May 2007

究竟想點先!?!?

成兩個月冇去過camp, 約左葉生同佢d fd去西灣諗住陽光與海灘,頂佢日日番工都曬到死但一到星期五晚即黎料,星期六同日仲雷暴警告添,之後一路打後成個week都落雨,記得前幾個禮拜六日仲weekweek好好天,一去camp就雷暴,究竟想點先!?!?!唔通真係要等俊仔番黎先有得陽光與海灘??Shit!

17 May 2007

回魂夜

~~Out of the Dark(回魂夜) - [1995]~~

依套一定入港片我的至愛 Top 10. 星爺電影中更加係 No.1.位置.整套片痴線非常,尤其支線角色更為精彩,百看不厭,哈哈. 另此片斷版大大話話都有5-6年,望穿秋水出番隻修復版,但發覺字幕都係美亞版較為傳神

YouTube Link
回魂夜 - 爆格
回魂夜 - 食雞脾
回魂夜 - 道友明
回魂夜 - 道友明2
回魂夜 - 拆棚啦
回魂夜 - 橫丫腸

15 May 2007

Fur

~~Fur(魔幻皮草) - [2006]~~

不一樣但令人神往的電影,Nicole Kidman好適合依個角色,那種深藏的不安份感覺,及開曉後興奮不已的眼神,做得不錯,怪雞片中的怪性格很難handle但佢完全做到,片中女角對一切一切所謂的幸福,天職及理所當然通通不竊,世人所鍾情的皮草佢偏偏不愛而選擇真正的皮毛人,片中時常講既勇氣及秘密,雖然有點兒著績,但究竟有幾多人願意交出呢?另主人翁對缺憾及被遺忘/看不起的一事一物著眼這一點我很喜歡,perfect過於完整欠缺發揮而缺憾才多想像的空間

<15/04/07:夜>
Photo Link

Music and lyrics

~~Music and lyrics(冧歌有情人) - [2007]~~

不錯的輕鬆小品,某情度黎講我係捧Drew Barrymore場,自50 First Dates及My date with Drew後覺得佢比人一種好舒服既感覺,雖然我仲未睇The Wedding Singer,但發覺依幾年佢既片都係走輕鬆愛情小品,真的不錯,依套Drew扮演一個神經質的天少作詞家,同Hugh Grant一樣被困在過去的陰影下活得屈屈不得志,正如歌詞話齋"Trapped in the past,i just can't seem to move on. I've been hiding all my hopes and dreams away"雖然故事有點兒老土,但輕鬆而討好,尚算不錯了,btw,我好中意deleted scene last一場獨行殺手既大頭colorful poster,好正o者

<14/05/07:日>

14 May 2007

亂晒籠?!?

自問有時都會成晚唔訓玩天光,好記得果時聽到雀仔聲就知天光了,真係好準,但近依幾年發覺d雀仔有d亂咁黎,夜晚兩點叫,三點叫,四點叫,好似冇咩準則亂晒籠咁,唔知係地球太反常,定係光害太勁又抑或係搵食艱難,佢地要越黎越早起身呢?

<13/05/07:mid-night>

三億日圓極盜初戀

~~Hatsu-koi(三億日圓極盜初戀) - [2006]~~

老實講依套戲真係幾悶,開頭果幾十分鐘真係悶到嗌晒救命,但睇番日本6-70年代反政府革命時期的青少年生活及街景,以及當中數年的時代變遷,真的比較少接觸到,好多時睇外國電影會出現得比較多,電影以日本哄動一時的三億日圓劫案所帶出的題材,男女選角不錯,宮崎葵演技紮實,少女外貌但眼神堅定,戲亦越看越有味道,雖然淡淡的,但獨特的題材及故事背景,不難令人留下印象



<13/05/07:夜>
Photo Link

13 May 2007

Run Lola Run

~~Run Lola Run,Lola rennt(疾走羅拉) - [1998]~~

Tom Tykwer得意之作,故事有趣,當中的techno配樂及很有型的開場令人印象深刻,一套很喜歡的電影

YouTube Link
Run Lola Run - Opening

12 May 2007

Dobermann

~~Dobermann(太保密碼) - [1997]~~

一部相當精彩的法國電影,戲中充斥著血腥暴力,反社會意味及扭曲非常,今時今日睇番亦覺相當前衛及可觀性,我相當喜愛的一套cult片

YouTube Link

Dobermann - Opening

08 May 2007

事與願違

何謂事與願違?其實並非咩特別既感觸,只係發覺有時眼落去當時即刻所感受到既野同影出黎好大分別,好似post出黎既日落照,當時睇到既日落構圖,加上直昇機岩岩飛過,timing好似好正,望落去亦好夾,但原來影出黎架直昇機變左隻蚊,成幅相比佢破壞晒,哈哈
但有時d野又可反轉黎睇,看似平平無其,心諗係咪搵我老襯,原來影出黎又係另一回事,好似南生圍咁,睇相,睇mv可以好靚,點知去到得幾棵爛鬼樹,一個水氹仔,但影出黎效果又係估佢唔到咁好[*注1]
好多野需要自己去感受,真正睇過感受過,好定唔好,真係當事人先知[*注2],睇相知鬼咩,但點去感受呢?有時要多抬頭望下個天,又或者收慢腳步望下左左右右,有時望下地下都不錯,唔好只係向前行呀行,往往有意外驚喜架,例如下面張相,太陽飛機同雀仔似唔似各有各忙呢?但我又睇到喎,仲好鬼過癮添,哈哈

[*注1] 南生圍d相有排都未up到上web =P <<<<經歷2年後,在09年中,相已經upload上網了,哈哈哈哈
[*注2] 唔好理當事人幾時先知啦,哈

07 May 2007

利東街展覽

上年年尾影既相,很特別的一個展覽,利用一條舊街投放一個一個故事及感想,可能我一直好中意舊樓,一路睇一路好喜歡個感覺,希望香港可以多d依類活動

<30/12/06:夜>
Photo Link <<<<<<<==========

06 May 2007

Shaun Of The Dead

~~Shaun Of The Dead(笑死人凶間) - [2004]~~

好,另一套我好中意既cult movie, Shaun Of The Dead,此片充滿英式黑色幽默,玩喪屍玩到出神入化,我估可以放到入我既Top20 movie

Night watch

~~Night watch,Nochnoy dozor(守夜人) - [2004]~~

Cut左幾段片上YouTube,幾中意的一套cult片,可能好多人覺得依套戲唔好睇,但我非常中意,套戲真的很騎呢,期待Day Watch既來臨

YouTube Link
Night watch - Screw
Night watch - Witch
Night watch - Credit