play list

16 August 2012

輕鐵

最後因有d夜既關係,而且我唔想再行錯路,所以揀左搭輕鐵番西鐵站,就係咁我既第一次輕鐵經驗就係依晚送出,之前真係唔識搭同埋覺得冇咩雖要,所以幾次去元朗屯門都真係冇搭過,最後好快到站其實我都唔知比左幾多錢搭,感覺上自己好似變左遊客咁,好陌生好求其既感覺

[11/08/12]
Photo Link <<<<<<

15 August 2012

元朗大榮華

睇完野去左元朗食飯,又係食元朗大榮華,人都係咁多而且因兩三年冇去過元朗,出左西鐵後我已經唔認得晒d路,行左一段時間先搵得番大榮華係邊,上到去都係咁多人,5個人嗌左個迷你九大簋,要食既野都差唔多有,所以就是鬼但,都算ok係個鯪魚球冇咩味同埋個豬油唔夠香(之前印象中係白色唔知點解加下變左酸梅湯咁色),但因個擺位實在浮誇,成日比人望,好彩我係背轉身,所以冇咩留意到,最後加埋飲野加一150蚊每位,還可啦

[11/08/12]
Photo Link <<<<<<<

14 August 2012

潮人盂蘭勝會食品祭品講座

之前聽過盂蘭講座,知道大約香港盂蘭既來源,種類以及某些盂蘭勝會既流程,但因長春社攪既潮人盂蘭勝會講座爆左,而第二場我又唔係香港,所以聽唔到太多詳細既講解,而今次依個呢就係潮人盂蘭勝會食品祭品講座,當然講得比之前既盂蘭講座更集中,而且香港既盂蘭勝會印象中應該係潮人最落力同最有系統(當然有錢同團結亦有當中之原因)

今次既講者分別係胡炎松(潮州商會青年委員會副主任)同楊子儀(貴嶼仔潮式餅糖糕飽專門店負責人),前part由胡先講,原來潮人盂蘭勝會係由4-50年代移民潮開始,因當時既潮人隻身來港而且窮既關係,如果死左亦好簡單咁攪葬禮,但因潮人本身比較團結,所以後來就開始係7月搵僧人超道亡魂(潮人盂蘭以佛教為主),就將依個盂蘭勝會由中國帶到香港,另因潮汕(粵東)遠離中部,所以傳統保存得比較好

講明依個係食品祭品講座,所以講過下少少引子後開始講解盂蘭勝會入面既祭品,唔講唔知原來都幾講究,當中分為大祭(祭祖),祭神(一般神靈)同路祭,所用既物品各有不同,大祭要用五牲即豬,雞,鴨,魚,豬肝,而祭神用三牲即豬肉,雞,魚,而路祭就用小三牲即小片豬肉代替成隻豬左大舊豬肉,用雞蛋代雞,魷魚代魚等等,而配套就冇咩指明,不過潮人多用紅桃果.而盂蘭勝會前兩日呢就係用齋黎拜,所以後黎楊所介紹既餅糖榚包就有好多係為左前兩日既祭台用,而第三日係最多最齊既,因街頭坊會自己帶備豬,魚,鴨等等真肉放係祭台上,所以如果主辦單位有錢,係會放左好多野係上面

而奉佛酬鬼又係另一d,奉佛五果十供,五果有蘋果,橙,香蕉,菩提子,芒果等等,十供有花,香,燈,塗(水),果,茶,食,寶,珠(佛珠),衣,而酬鬼祭品係飯山,麵山,通菜山等等,因鬼不知數量,所以山為無限,酬鬼大部份係山,胡講解時順手講埋招魂施食前先有個五支幡幢咁上下既東西,即豎立五支幡(東南西北中),用以保護以維持秩序方便僧侶儀式施行,稍後亦講解左神棚祭品,因頭兩日要用齋,所以以潮式榚餅(棋子餅,壽麵,糖獅塔等等,至於點解係獅,其實好講主辦既主席如有相沖可能所擺既野會唔同),五果,福品(福祿壽像,金器,名酒等等),而酒具係以十二(地支)或廿四(節氣)所放,並唔係亂來的,擺位黎講呢,楊講及以美觀舒適為主,除避開相沖物外亦以環抱式擺放,多以山字為主,7月去睇時留心下先

之後講既係紙紮祭品,係我好有興趣既東西,13種祭品當中,以頭二及尾二為重要,中間既係其他角色,順序為神袍(天地神三件神袍),帝冠腰帶長靴,大士王(即鬼王,維持秩序),紅色神馬(帶信眾的願望上天),值符使者,白馬(值符使者係帶關文伸請通行證開關而白馬就係送佢落去既),金色馬(係完成所有儀式完結後化為此馬功德圓滿永福之意),金童玉女(最後一日和尚會羅住佢黎做一個散旗儀式,即叫番晒所有遊魂要回地府),仙鶴(用黎報告每一儀式完結),樹高燈,幢幡(和樹高燈一樣用作招魂用),金絲吊(用黎點綴比較靚既東西),冥鏹衣紙,真係唔講唔知咁多故事係後面

最後一part係由番楊講潮式榚餅祭品,全部都係餅糖榚包做,所出黎既造型有好多,除左山珍海味,福桃外(包類)仲有其他糖塔,齋五牲等等,好多好多,楊除播左段片講糖塔造法外(用白糖做比較白同埋打空氣入內可發脹,時間要用1個鐘右左,做出黎除外型靚外仲要夠薄先叫好),佢仲帶左實物比我地睇,仲分享左一個用花生糖做既豬頭同埋一盒餅黎,花生糖豬頭呢入面係米通食左少少好甜而餅我就食左個白皮綠豆沙餅,口感唔錯但又係甜死

聽完依個講座後7月去睇盂蘭勝會就會有趣得多了,哈

[11/08/12]
Photo Link <<<<<<<<<<<

13 August 2012

永盛號紙料


食完車仔麵見有時間,諗住沿住皇后大道西番落去雀仔橋附近睇下果幾間紙紮鋪(之前係中上環搵車搭去數碼港時路過),當中行過薄扶林道,見到一間舊式既紙紮鋪,叫永盛號紙料,門口係老老舊舊既感覺,所賣既物品疏落而且感覺頗舊,望入去見到黑底金字既招牌,之前因聽過老店文化講座,所以知道幾十年前(應該過4-50年)既招牌格式同店名最後既字就知道一定非常有歷史,所以我就開口問問老細可唔可以影下個招牌同順手傾下計,老細都係講冇得點做,因西環發展同埋紙紮鋪話會污染環境等等所以都好難做,老闆仲以為我係某學校或團體既學生黎考察,我當然話佢知我唔係,同埋講左點解我會周圍睇野,影左少少相停留左一陣就走

繼續行落山,卒之到左果幾間紙紮鋪,可惜係落緊雨,仲係好大雨果隻,所以冇咩停留亦無影過相就走左,但會襯住盂蘭節搵日再黎睇下仲要去埋中環既秋記睇下陳伯既紙紮作品先

[11/08/12]
Photo Link <<<<<<<<<<<<

12 August 2012

真光車仔麵

快將結業既真光車仔麵雖然我並唔係太認識,但因比較喜歡一d老式既商鋪而且知道依間車仔麵已經開左四十幾年,又係第二代既店舖可惜因發展要落得結業收場,所以有時間就去試下,佢位於西營盤既第三街,唔係我太常去既地方,對上一次應該係08年頭去西環影相時到過,真光車仔麵既鋪面其唔夠佢落少少既叁去壹舊(下次再去睇紙紮鋪時去食下先得),檯上既小擺設,牆上既字,舊式汽水櫃,小木門,樓梯底等等,無不散發著一種6-70年代既感覺,地下當然又係我喜歡既傳統磚仔地啦

我呢就試個豬皮魷魚蘿白油麵,麵身較硬但其他既味道唔錯,特別係蘿白,甜得黎無渣而且佢既好多都係切得細細件,方便兩啖入口,佢地有個小童麵,基本野差不多只係細份d而且一半價錢,以前黎講真係幾為學生著想(點解我講以前?因加下d學生分分鐘食得豪過番緊工既成年人),anyway,後尾仲叫左個自家制既酸梅湯,好好飲

另食緊既時候,有兩位上左年紀既人係度細說當年,老闆同老闆娘得閑又搭下咀講野咁,一般街坊感覺既小商品,慢柔柔打牙較既生活態度細個成日見到,反而大個左唔知為乜好多時感覺冷左,無論係冷氣定人與人既關係,總係中意依類舊式感覺,不知不覺中亦可溶入當中一齊講下野傾下計咁,打開話題既機會真係比樓下成日幫襯既餐廳易得多

[11/08/12]
Photo Link <<<<<<<<<<

07 August 2012

I KNIT MK


番過九龍去睇左朗豪坊既I KNIT MK,場地比較細而且因係室內感覺一般,但個concept都幾特別,還可以

本來諗住睇埋晏少少既killersoap mini concert,但因太睏同埋要等多3個鐘,所以都係走人算了

[04/08/12]
Photo Link <<<<<<<<<

06 August 2012

鵝頸橋打小人

路過鵝頸橋見有時間又見人唔多但有人打緊小人,就埋去睇睇,因部相機冇電,只用電話影,所以比較朦,而且我去到時我估已經做左一半儀式,所以只見到阿婆唸唸有詞羅住d符咁上下既東西係度燒緊同轉圈圈,睇左陣就走人,下次有機會用相機再影過同睇希望睇整個儀式

[04/08/12]
Photo Link <<<<<<<<

05 August 2012

告別粥麵皇


朋友講我知中環既粥麵皇因業主加租所以老闆唔做,之前都已經食過幾次,如果去開又係附近都忍唔住幫襯下,聽到個朋友咁講今次過開香港,就問問原來做到8月10號,所以睇完野後拿拿臨去食番次,都係嗌左個鵝腸墨魚頭黑柏葉米線,加埋佢d自制辣油真係好正,本來想買番支但因仲有地方去袋住支辣油我怕一身都係,所以放棄左

anyway,今次都係一個人食,所以冇咩可能食到佢個酥炸雲吞同埋個酥炸鯪魚球,可惜

因係星期六既下晝人唔算多,聽老細同煮野既師父講,聽落又唔似無心戀戰,希望不久既將來佢地會再戰江湖

p.s.我本身係plan lunch食海安夜d食永樂園熱狗,但因仲有機會,所以點都要食多次粥麵皇,去過熱狗度,問過開到7點半,實在太飽頂唔順,只好下次再食

[04/08/12]
Photo Link <<<<<<<<<<<

獨特的香港縮影

一個非常值得去睇既模型展覽名為獨特的香港縮影,所展出既係舊一代既生活,當中涉及住屋舊式鋪頭以及街邊小食,細緻而廣泛,但可惜某些光線問題,部份影出黎既有d反光(我只帶左機仔去影),但就咁睇都令人相當興奮,特別係間玩具鋪,印象中細個時就係咁既感覺而且仲有舊式茶樓車仔等等,充滿兒時記憶,而當中既街邊小食檔,鐵皮木屋以及香港既夜景街道等等亦有非一般的壯觀及吸引,正呀

之後上左去樓上再睇下野,有個播video既地方,所講既係香港舊有既建築例如舊警局,圍村以及街市,不錯,而且佢既椅係天星小輪可以郁椅背既舊木登,感覺不錯,仲順手睇左香港既一二三級歷史建築,記低左有時間會去睇下影下相

走時三點幾已相當多人,我估如果一早去又或者平日去睇會比較舒服d,人一多就想睇都冇心機,嗯

btw,依間展城館岩岩7月先開,地方比較細但依個展覽相當不錯,有機會真係要去睇睇

[04/08/12]
Photo Link <<<<<<<<<<<<<<<

海安咖啡室

上次參加電車遊時先知有依間海安咖啡室,因星期日佢唔開,但就咁睇門口已覺相當舊,今次星期六睇完中電個tour就搭車到上環去食下依間古老野,之前係網上做過下research,研究左食咩咁12點幾就到左依間海安,門口就係舊式既餐廳或者冰室咁上下既東西,門口都係賣緊舊式既蛋糕仔,蛋捲,蛋撻等等,門係細細隻就咁拉開果種,入到去好似去左5-60年代既感覺(依間野check過已經開左60幾年),雖然印象中澳門都有幾多依類既冰室但香港黎講呢實在少之又少

我好中意佢d卡位,紅色實木,感覺非常好,天花樓底比較高而且有幾把吊扇,有d係紅木亦有d係smc既天花吊扇(如果冇睇錯既話),雖然有冷氣輔助,但絕對冇凍到爆要著衫既感覺亦唔會有焗同熱既feeling,一切就係舒適既溫度,可惜木台面既餐牌已經係電腦print出黎,只有某d特別推介既餐食就手寫,而食物方面,我食左香蔥碎牛炒蛋厚多士同埋煙鴨胸薑蔥香油撈麵(冇晒叉燒)仲有飲左杯奶茶,炒蛋厚多士好好食而薑蔥香油撈麵就一般,味道幾好但d麵林晒一pat咁唔係煮得幾好,而奶茶真係唔多得,冇咩味同埋有d削,難怪隔離木台個日本仔叫左杯凍奶茶後同阿姐講太淡要加咖啡,阿姐又肯咁做依d就係舊式既人情味,難得難得

價錢黎講唔算太平亦唔算太貴,如果我係附近住應該會好中意黎坐下,因為我對食一般但喜歡舊式既人情味同感覺,係香港有種碩果僅存既感覺

[04/08/12]
Photo Link <<<<<<<<<