play list

31 October 2007

超時空泡泡女

~~超時空泡泡女(Bubble Fiction Boom or Bust) - [2007]~~

相當卡通化的電影,配上回到未來式的集體回憶,玩得相當不錯,角色設計及表達亦很卡通化,故事橋段雖然稱不上什麼新意,但都玩得幾盡而不令人反感,廣末同阿部寬做得相當之好,故事將新舊既衝突互相取笑亦做得不錯,幽默非常,令人非常開心的一套片,特別係經歷過90年代既人,睇依套片時一定會更加會心微笑,好中意電話約人一幕,好正

<30/10/07:夜>

29 October 2007

有耳非文 - 東京鐵塔下gulugulu

近排有聽番收音機既習慣,早上番工時多數聽jan,盧覓雪同埋鄒凱光既在晴朗的一天出發,當中有個廣播劇"東京鐵塔下-我的父親母親",沒一定的追聽,但時間精神許可下,都會聽埋先番工,故事講述jan依個年輕既角色有著一個不持努苦處處為著自己著想的母親,因為依一個母親,佢處處在自由與自疚之中爭紮,當中的主題曲非常有感覺,歌曲旋律動聽,加上有耳非文的演繹,無奈爭紮帶點點痛,近期相當喜歡的歌

久違了的有耳非文,打狗女郎,亂交叉來及叱吒女皇後很久沒出過碟了,查一查記錄,對上一次聽佢已係05年人山人海既the good the bad and the ugly,希望佢快d可以出番碟

Btw,係夜晚既有耳哩民入面時常聽到佢既聲,雖然廣東話仍然一cut一甩,但可以同到喪Do男佢地做節目,聽得明講得到,相信阿斐係香港既日子真係相當不短,哈哈


<28/10/07:夜>

22Cats - She will eat you

同樣來自維港的22cats,同樣的香港indie樂隊,感覺上很有理想很有抱負很想得到/做到某d野,但好似因依種原因,似乎貪心左d走多左d,由碟面至內裡既歌曲,有點點的迷失,點點的不協調,成隻碟沒有定位,只有別人的影子,並非說歌很差很難聽,只是沒自己風格

22cats有著自己的理想亦有足夠的能力,但係香港依個主流歌曲主流樂迷主導既市場,the little airport殺出了自己的血路,22cats睇黎仍要放上相當多的努力去找尋定位及方向,希望他們不要為著生存而走向那些打著旗號label著港式地下樂隊那種嘩眾取寵式的創作生涯


<28/10/07:夜>

28 October 2007

蔡健雅 - Goodbye & Hello

蔡健雅依個名很早以前已聽過了,但對佢既歌印象真的有些朦胡,一首beautiful love唱得街知巷聞,令到我真真正正記住依個名"蔡健雅",但諷刺既係此曲並非佢創作,令到我錯失了原來佢係一個唱作歌手

新出的專輯Goodbye & Hello,全碟11首歌全由佢創作,詞亦包辦了大部分,打頭陣的達爾文很好聽,簡單曲調,有力的結他聲,帶點沙啞的歌聲真的很好,其餘既歌以慢歌為主,首首動聽舒服,全碟耐聽非常,真的可以令人不停重播,很好很好的專輯

<28/10/07:日>

18 October 2007

Hotel Rwanda

~~Hotel Rwanda(盧旺達飯店) - [2004]~~

某情度黎講,睇依套片時好多人會諗起舒特拉的名單,但依個感覺在我黎講好快消失左,因為依套的主角更為貼近市民,佢亦冇什麼特權,自己亦時時刻刻受到迫害傷害,佢只知用自己既方法去救出現係身邊既人,主角深明錢並非萬能,故事一開始已明確咁講出主角自己的一套生存之道,掌握人性先為皇道,主角利用自己既小聰明,耍手段,找弱點,每每化險為夷,電影深得人心相信係當中人性的描述及無奈感,以及多個令人震撼及難忘的場面,冷酷既屠殺,凜然既英雄並非本片的重心,換之而來係小市民良心與救贖,活在刀鋒邊緣及無限的重担,多方壓迫的營救生涯,電影無情而真實的反映出因國土種族膚色問題而被遺棄的一群,很值得一看的電影

<15/10/07:夜>
Photo Link

17 October 2007

第三次視線

~~第三次視線(if you were me) - [2007]~~

這套電影稱不上喜劇,相反透過6個短片揭露出韓國社會被歧視忽略的一群,當中有黑工,缺乏照顧自力更新的草根少女,種族歧視,男女不平等之觀念,同性戀之侵犯歧視,以及臨時工的不平等待遇等等,此等故事係韓國片中較為少見,但相信歧視及忽略每每係身邊發生,只係我地並未真真正正的去留意及深究而已,英文片名if you were me,又令我諗起寬容依個故事了,分享一下

寬容
一只小豬、一只綿羊和一頭乳牛,被關在同一個畜欄里。有一次,牧人捉住小豬,牠大聲
號叫,猛烈地抗拒。綿羊和乳牛討厭牠的號叫,便說:「他常常捉我們,我們並不大呼小叫.小豬聽了回答道:「捉你們和捉我完全是兩回事,他捉你們,只是要你們的毛和乳汁,但是捉住我,卻是要我的命呢!
立場不同、所處環境不同的人,很難了解對方的感受;因此對別人的失意、挫折、傷痛,不宜幸災樂禍,而應要有關懷、了解的心情。要有寬容的心!

<14/10/07>

16 October 2007

My Little Airport

My Little Airport係一隊幾特別既本地獨立樂隊
不知不覺已出左3隻碟
自04年既"在動物園散步才是正經事"
已覺得佢地與別不同
簡單而乾淨的cover,過癮既碟名歌名及歌詞
調子輕快而非常短既歌曲,多數只有分零兩分鐘
依個特色亦可一直維持到跟住落黎既"只因當時太緊張"及
新近推出既"我們在炎熱與抑鬱的夏天,無法停止抽煙"

聽My Little Airport真的令人很開心

聽"我們在炎熱與抑鬱的夏天,無法停止抽煙"真的令我想起Ketchup
hey,where are you now?

<14/10/07:夜>

15 October 2007

This is England

~~This is England(這就是英國) - [2006]~~

充滿回憶的一套片,故事一開始已放上很多很多80年代英國所發生過既畫面,相信英國人睇番依套片一定有著相當大的感觸,成套片由一位十零歲堅毅果敢但活在失去父親陰影下過活的男孩,經由佢帶出係依個時代一部分人對生活及當時局勢環境的不同思想及態度,故事中無無聊聊聯群結隊既原來並非一定要靠做壞事來發洩及找尋自己的定位,gang並不一定欠缺獨立思想,年紀最少既不一定係最弱小的一位,惡形惡相思想偏激既原來亦有不堪一擊的弱點,沒有一定的一定亦沒有一定的不一定,很有人味很有感覺的一套戲,電影當中放入大量長鏡遠鏡,藉此透視出人類在浩瀚動盪既社會原來很渺小的,但當中的渺小的行為態度,究竟有幾多影響住後來的社會呢,80年代的英國,不錯的音樂不錯的punk世代

<14/10/07:夜>

14 October 2007

Radiohead - In Rainbows

很久沒聽過Radiohead了
剛剛推出的專輯In Rainbows
找回了Radiohead的感覺
老實說自ok computer後
一直不太愛之後的專輯
太吵耳太多電子音效意景亦太高了
這張重回現實可能有人唔太喜歡
但作為平民既我In Rainbows真的比較合適

另外,新專輯的銷售方式很有趣
mp3下載版首先推出
之後出既discbox版,除cd外,仲有黑膠!!!
但最有趣既係網上下載版居然唔係fix amount而係自己定價
很另類很自信的玩法,Radiohead果然地位超然

<13/10/07:夜>

The Machinist

~~The Machinist(Maquinista, El - 機械師) - [2004]~~

令人毛骨悚然的驚悚片,一開場已有令人不安的配樂,畫面色調及節奏,如同主角一樣拉得很蹦緊,Christian Bale瘦得令人倒胃,鬼一樣的步伐及表情,加上一個又一個令人費解的迷團,真的令身為觀眾既我也感受到失眠的痛苦,夢魘及混亂,整體來講相當不錯的電影,雖然最後原來不過如此,但整套片要不停思考,正好配合我一向看電影的習慣,不錯

<13/10/07:夜>

12 October 2007

Mr Brooks

~~Mr Brooks(布魯克斯先生) - [2007]~~

很久沒看過Kevin Costner & Demi Moore,Kevin Costner做依個角色十分不錯,外表斯文但內裡陰情不定,從未睇過依一方面既佢,睇黎真係可以向依類角色邁進,而故事就覺得有時太白解釋太多反而失去睇依套戲既樂趣,但Mr.Brooks連自己既魔鬼都呃埋都算幾有趣,亦高興在ending沒有走向最老土的結局,呼 不過不失尚可一看的電影

<10/10/07:夜>

11 October 2007

The 400 Blows

~~Les Quatre cents coups(The 400 Blows, 四百擊) - [1959]~~

雖知道依類經典電影總不能錯過,但叫我坐定定租or買番黎欣賞始終欠缺一分動力,剛剛有線今期焦點導演推出多套杜魯福電影,以四百擊作為頭炮,相信冇可能錯過.

印象中只知杜魯福為新浪潮導演(我只認識佢及高達),可惜依類推崇至高廣被談論既電影至今從未看過,講番套片,相信睇過定未睇過既人如果有見過當中一兩場又或者cover,poster等等,一定對片中的少年男主角既眼神印象深刻,我亦唔例外,片中的少年演繹從容不迫自然至極,故事發生一場接一場從沒一分冷場,少年眼中的迷茫,對成年人的困惑,,外來的引誘,年少的反叛等等,看得令人會心微笑,我不認識當中的拍攝技巧,只知看過後一定會對四百擊印象難忘,特別係ending的幾分鐘場面,真的呆了幾秒,果種輕狂果種眼神依家諗番起真有點想哭的沖動

p.s.電影尾段主角對心理學家的自我剖白很有趣,有趣在作為觀眾既我及母親有著相當不同的睇法,我著意在從故事中如何理解少年反叛的因由,但作為母親居然在意於考慮少年所講的真與假,哈

<09/10/07:夜>

09 October 2007

Black Sheep

~~Black Sheep(喪屍羔羊) - [2006]~~

又來一套吃力不討好空賣黑色幽默的電影,比我感覺係很平凡很平凡,老實講故事以一貫溫馴既羊變身成為兇殘成性見人就咬既賣點不錯,羊亦拍出非一般的憎懧,可惜當中的場面,對白,主角們的糟遇以及所有所有血腥場面很低手及平板,不見得任何的黑色幽默,唯一景真係不錯,其他究竟想點先?下! Shit!B-Class movie only,nothing more!! 睇睇下又令我諗起Tokyo Zombie 唉~

<08/10/07:夜>

08 October 2007

Little Children

~~Little Children(身為人母) - [2006]~~

老實講睇依套戲前有過一時半刻的爭紮,原因係imdb將依套片定義為drama & romance,God!!!romance加上咁既poster再加上130分鐘既片長,少不免對於唔多中意睇愛情片既我有過一番放棄既心態呢?興幸係依套片原來非常好睇,故事,人物,結構及節奏四方面都非常豐富而紮實,主角們對於平平凡凡安安定定的生活永遠有著一股不甘安逸的渴望,電影透過desperate housewives式的手法,講述佢地內心深處真真正正所渴求及珍惜的東西.電影看似以偷情,變態罪犯等等人性陰暗面為主線的包裝講出一個個非常正面的生活故事,正如劇中每位主線人物都有自己的性格缺憾,但本性善良人人有愛,很討人喜愛的電影故事,電影稱之為Little Children而得出依個結論實屬正常,哈!

<07/10/07:夜>

07 October 2007

The Dead Girl

~~The Dead Girl(陷索) - [2006]~~

睇依套片時以為故事主導一切原來事實並非如此,加上後來發現導演就係拍BlueCar果個,怪不知得了,點解咁講?首先講番故事手法.以非傳統的拍法去講述5個故事5個主人翁中間有著一丁點似有還無的聯系,很特別嗎?不太覺,加上處理方面關聯性不強,只有不同的女性,不同的壓抑原因及不同逃避方法而拍成的一套套短片,同樣的5個故事5個人,11:14的聯繫性強得多了,可想而知並唔係每一套戲每一故事每一個導演都可簡單的拍出果種同步感,even剛剛睇完的The Darkness Falls也比依套片好看,

但此片並非一無所取,片中的每位主角演技出色,短故事當中的痛及無奈感很易令人感受得到,只是依種不太高明帶落下一故事既手法我實在不太喜愛,當年的BlueCar我也不愛此導演平淡如水的手法,個人而言看後有點空框框的感覺

<07/10/07:日>
Photo Link

24個比利

先講講個人習慣,很少很少睇書,但亦並非完全唔睇,只係好多時買左本書,睇左開頭一兩個chapter後會放低,之後幾個月或幾年後再羅番出黎睇,但可能又睇唔晒再放番低,依個現象除金庸小說會一次過睇晒外,全部無一幸免,好唔好睇都會睇得357年先睇得晒,所以屋企既書大大話話有成6-7本未睇晒既書,哈

講講24個比利,本書應該買左好多年,今次係我第3次再續黎睇,岩岩先睇完一半,每一次睇都越覺本書好睇,可能本身係一個非比尋非的故事,所以睇時很有畫面,有繼續追住黎睇既沖動,但......唔知幾時又會放番低呢今次 =P

p.s. 睇依本書時又不停地令我諗起一套我幾中意既電影Identity

<07/10/07:日>

02 October 2007

When Darkness Falls

~~När mörkret faller(When Darkness Falls,黑暗籠罩之時) - [2006]~~

一套相當好睇的Sweden movie,故事講述Leyla,Carina and Aram依三個人所面對的暴力事件,佢地各不相識,故事一開始已好似由中段咁相互交代佢地既故事,係,真係冇開頭的,一去已唔知做咩咁彭彭聲發展跟住落黎既故事,前面應該係有d原因先會去到依個故事開頭,但去到ending都沒太刻意的交代事件,依個真係少見的電影格局,講番套片,當中的故事及各主角既相互交接很好看,劇情豐富迫力十足,即使兩個幾鐘亦唔覺部片長,ending亦收相當之得漂亮,令人刮目相看的歐洲電影

<01/10/07:夜>

01 October 2007

北角財記小館飯局

北角財記小館,依間野位於頂頂大名既東寶隔離,學jimmy話齋咁都生存到一定有佢既原因既,首先講番等位,依間一定唔洗點等啦,唔知係咪因為星期五,望落去都幾多人下,好彩都加到張大木台,雖然張木台有少少痴立立,不過我地邊會架意依d野架
老實依間野冇咩特別,雖然酒杯都係雪過既不過梗唔夠東寶用瓦碗咁過癮啦,野食冇咩特別但亦不太差,尚可,但當中有一味叫風沙雞既不錯,肉質新鮮而嫩滑

成班人又海鮮又飲酒埋單都係每人六十幾,真係想點丫

東寶咁食法真係冇兩舊都落唔到樓
<28/09/07:夜>

石塘咀濠記及源記飯局

忽然諗起有兩次飯局影左d相好似未upload.襯住我仲記得,寫番低先

石塘咀濠記-打冷既,真係第一次去石塘咀食野,黎到依度食一定有原因既

講明濠記梗係食濠餅啦,新鮮熱辣鴨蛋濠餅,不錯

再黎係一個叫薄殼既東西,真係聽都未聽過,細細粒但好好食,原來依個先係主角,但薄殼係季節性既,唔係成日都有得食,聽佢地講,依間濠記係KongU既飯堂,佢地有乜節日喜慶都會黎依度食,d野真係幾平又食得下,怪不知得了,係覺d伙記太少,嗌野要嗌幾十次先有人招呼依下唔多好

再黎去左源記食糖水,雖然甜品唔係好岩我,但一入去見間野好古老,有d甜品又幾特別,經推介後,食左兩個重點甜品
桑寄生蓮子茶同埋雞蛋榚,前者不太甜,清清地幾好飲後者好似馬拉榚,不過最感興趣仍然係依度古舊既風格,坐下都好

<14/08/07:夜>