香港警隊談判組的歷史與發展講座

貳零壹参年肆月拾参日- 香港警隊談判組的歷史與發展講座

參加左長春社攪既香港警隊談判組的歷史與發展講座,題材比較少接觸,所以有d興趣,講者由警察談判組成員所組成,首先講歷史,1975年成立,都唔算太耐,係警隊內義務性質(即成員本身有自己所屬部門職責,休班時on-call),成立原因係74年寶生銀行劫案,因有十幾個人質被挾持同攪左18個鐘,所以之後成立左依隊特別部隊,本身主力係人質談判,85年開始涉及家庭事件(企圖自殺,挾持人質),03年參與SARS協調淘大住客隔離,05年參與世貿同韓農協調

架構呢就唔算太覆習,人應該都唔多,有4小隊,每隊只有4人,出勤時主要有隊長,談判員(同對方談判),策略員(企係談判員附近,主力以旁觀角色同係背後同其他人處理策),Coordinator(打雜同支援),角色會交換而且睇下邊個早到場就會有所屬工作,基本上感覺要好有即時應變能力,講者分享左好多應做同唔應該做既野,但重要既係談判員要控制好自己既情緒而且要係良好既聆聽者,著重談而不判,要有正向人生觀

個案分享呢就比較容易明白情況有幾危急同埋談判組既耐性耐力,有時要長時間三更半夜出動(家人體諒亦係隊員既一個困難),又可能完全無時間食飯,真係少d使命感少d EQ都唔得,當然過後既滿足感係非常重要,依樣野係隊員既表情上好容易感受到,至於失敗個案,談判員要接受心理輔導,其實都真係幾惡頂,不過聽佢地講多數係文職比較少接觸人,所以先會參加談判組多同人接觸,依個亦係佢地做談判組既原因

本來一直非常良好非常正面既氣氛,到左後來Q&A時間,有人問到遊行示威既野(關於協調),比較高級既阿sir解答,明顯非常敏感不安,感覺到有少少起拱對立既姿態,睇黎壓力同內部指引相當沉重,希望黎緊既警民關係仍然可以繼續良好維持就好了 

(後記在2014年10月30日的今天-年多前和今天的警民關係經過雨傘運動後有著很大的不同,在運動早期,旺角又再見到談判組,見到他們的困窘,又令我想起這個講座,嗯)

[13/04/13]

Photo Link <<<<<<<

奇華閣咖啡餅店 & 另類經濟文化-閒談當押業

貳零壹参年肆月陸日- 奇華閣咖啡餅店 & 另類經濟文化-閒談當押業

上晝睇完鯉魚門村,下晝就趕去旺角聽另一場講座,夠鐘前先食個lunch,去左奇華閣咖啡餅店,之前去過不過係夜晚所以樓上無開,今次呢就當然坐樓上,仲要係最近樓梯個位,可以直接望番落樓下,野食呢,tea都有幾種,算有特色,味道還可,佢張椅雖然唔夠上次係紅磡果間舊到甩甩地皮,但係用比較舊式感覺既紅皮疏化,還不錯,而地下磚仔都係舊的,而佢果支水晶燈,係細個時酒樓成日用果種,好耐無見,呵

今次聽既講座呢,係香港史學會辨既,講者係鄧家宙,睇佢個樣咁後生但知既野都真係唔少,anyway,今次係講比較另類既古老行業,當鋪,以傳統一d既思想,當鋪依類東西唔係一般人家去的,但當然有時聽導賞又或者阿媽都有講過,果時窮人都成日幫襯當鋪,主要係夏天時當被,貪佢有地方放又有錢係手,而佢個招牌,係以蝙蝠外型所設計(蝠鼠吊金錢),應該係同賭場招財既差不多意思,所以雖然對依行認識唔多但都叫做知少少啦

咁呢正式講時就知道原來當鋪係唔止當咁簡單,仲有分典(以物抵押借貸),當(貸方付款行為),質(抵押品存於貸方時間),按(以物抵押借貸但物品仍由倡方擁有),押(抵押品)五種,而當鋪來源係印度佛教,而且外國當押業務都係來自教會,可能係因要救人急難幫下人咁,所以同教會宗教好有關係,而中國呢就係南北朝已經有,初稱為寺庫,解庫,長生庫,睇個名都知大約意思,而之後當鋪有官辨同民辨兩種,同加下既銀行concept差不多掛

而五個種類既性質,又有分各自唔同既抵押品同年期月息唔同,多數以二分為最低消費(即20%)可能因涉及錢銀既生意,所以做出黎比較有制度所以規限又自然多而比較清晰,都其實幾多學問係入面

當鋪呢一直以來係以舊歷計算,原因係舊歷每個月既日子比較短,所以月息黎講當鋪當然用短既黎計,到今時今日都係以舊歷寫借單,幾有特色

而講到香港既當鋪發展,來源無講但最舊既當鋪係晉源押,有二年年歷史,地點係元朗舊墟(1910年),我之前都去過,個木制牌真係非常舊,但好似無人理咁放係門口,由佢風吹日曬,加下唔知仲係唔係度,真可惜

之後講來1858年既富輝案,自問所知甚少,基本上係未聽過依件事,但當時對當鋪黎講係非常大既一件事,事源係因有人偷左一個外國人既手錶,跟手羅去富輝押當,警方就控告當鋪主人接贓,要充軍14年,係十分重既刑罪,所以當鋪就發起簽名運動後尾改判兩年徒刑,因為依件事同毒面包案(華洋衝突),所以發覺有依個特別行業,所以開始立例同埋要登記,仲要每年續牌,價錢500,當年黎講係非常高,而且唔比兼營其他業務,即間接打壓,所以當時立例時即時罷市,最後係點,無提到,但當中既發牌,所要既規定加下都係根據差不多模式所限,(1947年修例用到今時今日,09年最後修訂),到二戰後當鋪因市民物資短缺生活艱難所以商人即時擴張當鋪業,多以短時間內收物品再變賣,仍好有市場

之後講起兩個當鋪大王,一個係李右泉,三十年代壟斷八成當鋪,灣仔出名既和昌大押都係佢既鋪頭,而另一個係高可寧,同李右泉聯辨當鋪,後來主力澳門市場,澳門當鋪博物館既德成按就係佢既物業,當中因李右泉以雙喜為吉利,所以佢既當鋪會有雙喜係招牌度,真係唔講唔知

之後呢講到依個行業既式微,因當時既人太窮,所以好多斷當,周轉困難而且政府又收貴稅,銀行興起,而且因衛生問題唔同比當被,舊衫等等,所以更加少可以按押,加上擬價好講經驗,但又要投資好多時間先得,所以少人入行,後繼無人,相信同其實古老行業一樣,好難再度發展,有得保留已經係萬幸

講到運作,香港以押,短期限(戰前6個月戰後4個月)同小額貸款為主,而且好多野都唔比押,例如古董,車,樓等等,反而外地就廣泛得多,而當鋪特色,除左門口既遮醜板,非常高既接收檯(票檯),仲有綱門綱窗等等都係比較明顯而劃一既布置,內部呢就有馬紙(一串掛起用黎配對抵押品入倉),貨倉,夾萬,電腦(主力用黎同警方溝通以及接賊贓),鄧博士仲比左幾張當票既圖片黎睇,基本上除左寫有舊歷日子仲有,月份以天地玄黃寫出黎,會每月轉,例如成,玉等等,其他寫有抵押品資料,價錢等等,但非常龍飛鳳舞,但求內行人只識睇

之後分享左一d術語(朝奉=二叔公,追貓=後山即票檯幫手,碼房=賭場有二叔公坐既房),招牌,客源(多接近黃賭,而且近來增加左年青人找卡數同外傭幫襯),同結束時點處理,仲有睇咩書/戲可以知多d等等,非常特別的知識,有趣

[06/04/13]

Photo Link <<<<<<<

The Tin Drum

~~Die Blechtrommel(The Tin Drum,錫鼓) - [1979]~~

說的是一個位於尷尬位置的地點Danzig,主角的父親們是來自這地兩類不同政見不同種族甚至是有點對立的兩國人(波蘭和德國),令主角的出生身份更為尷尬及含糊,話雖如此但主角oscar由外祖父年代已有著革命反抗的因子,因此此片大部份的故事及極其明顯的象徵手法也全屬於革命行為及意識,到後來渾渾噩噩的妥協轉變,孩子也終究要擺脫一直以來的抗拒踏上要走的道路,全片表達明顯直接,帶點史詩批判及黑色荒誕之味,而且有點沉重,值得一看的電影

[26/10/14]
Photo Link

Finsterworld

~~Finsterworld(黑白森林童話) - [2013]~~

以數個不同年齡階層的人,在一個風光明媚的環境下談及生活中的不滿及掙扎,當中還包含了不同經歷背景年齡層面對德國歷史的包袱之不同看法及感受影響,現實中的殘酷黑暗的伸延觸及每個在地人士,事實及過去慢慢被淡化修改,生活在不同的皮層下面的市民何去何從,ending一方面是荒謬另一方面又帶點樂觀,文藝而可一看的德國電影

[25/10/14]
Photo Link

Camp 14:Total Control Zone

~~14호 수용소 : 완전통제구역(Camp 14:Total Control Zone,北韓14號集中營:完全監控區) - [2012]~~

還未有時間看此書,而且又錯過了上次城大的北韓人權電影節,突然看到原來今年舉行的人權紀錄片電影節有camp14,雖然很少看記錄片但因北韓從來是一個神秘國家,所以就選來看吧

Camp 14因主角Shin Dong Huyk的幸運逃脫(除主角外還有2個集中營的守衛)從而令人知道內裡不為人知的生活,當提及集中營時是以動畫交代,令人較為容易理解當時的狀況及氣溫,此片雖然有交代集中營入面的生活及種種殘酷悲淒狀況,但其實也包含了3位當事人現在的處境及將來的想法,令我較為注意的是很多的dead air,深思回憶及壓抑與突然而來的夢魘,主角要不停遊走各個國家去進行演說回憶,其實也頗為殘忍,最重要是那種與主流世界格格不入的抽離感覺,當中以主角最為明顯,殘忍剥削是一環但扭曲人性及其所顯示出的行為模式才是令人深思的傷害,至於在外的商業世界掙扎及當中失去的童真,何嘗不是世人現在不時的感嘆,值得一看的記錄片

[22/10/14]
Photo Link

英軍,難民,走私客鯉魚門歷史導賞團

貳零壹参年肆月陸日-英軍,難民,走私客鯉魚門歷史導賞團

參加左長春社同海濱文化導賞會主辨既鯉魚門村文化歷史遊,主要題目涉及英軍、難民、走私客,十點左右係油塘習合,經由四山街行去鯉魚門村,原來四山街係來自四山聯盟,即牛頭角、茜草灣、茶果嶺同鯉魚門而成,主要係採石地方

到左海邊,就講下鯉魚門村既由來,本身避風塘對出個海叫酒灣(鑲酒地),至於鯉魚門其實係成個海岸係一個好大既地方,所以油塘既三家村同港島都有鯉魚門,1806年英國人發放一個遷海令,要所以人沿海岸線退後50公里,之後再至80公里,因香港地方唔大,所以基本上遷海令一出,香港已經無晒人,只留番d兵同賊生活係度,而鯉魚門村就出左李萬榮依個大賊出來,魔鬼山(本來叫惡魔山,因譯為devil hill,再譯中文時變左加下個名)係李萬榮既殺人地方,手法係斬人頭羅係手再去各個村落要錢,好兇既手法

行前少少講到巔南新村(已拆)同已經被埋既河同橋,睇番相同加下既環境,真係好難睇得出,但仲有舊名寫左係公廁度,原來香港既公廁同變壓站係會保留最初既地方名,真係唔講唔知下次會多留意了,而依個地方,係兩黨戰爭時亦係一個難民營,因調頸嶺放唔晒咁多人,所以美國路德會用左依個地方安置國民黨人,成為難民營,所以周邊有天主堂有學校,比較多外國既建設係附近,而亦有華嚴閣同明照堂依類佛家地係度,我地上左華嚴閣,依度最出名既係海山大師係度住過,而亦因華嚴經同依度有所關連

到正式入村,見到仲有好多比較舊既鐵皮屋,而且順手介紹埋係社區服務處既半圓鐵皮屋,如果年紀大少少既人一定見過依類英軍既軍營,講者波叔叫佢菠蘿包,果時我細個唔識只知番慈雲山時會見到一個個半圓既軍營,加下香港應該無乜了

入到去賣海鮮既地方,係一個海邊既窿度望番出去,講起原來鯉魚門同筲箕灣非常關係密切,因果時走陸路要跨過一個山,所以相對黎講走海路會比較方便,因為咁所以當時鯉魚門村既信都係寄去筲箕灣既士多,方便村民羅信,之後順手經過一個郵筒(之後先有既),係一個佐治五世既圓型郵筒,香港依家得番5個,真係非常之少,再行前睇一個水井,雖然比d雜物遮住晒,但當時黎講係非常重要既水源,因近海,所以淡水井係非常珍貴,原來因整個地方係一舊石而黎,所以山水可以走到地下,依個井就係當時既水源,而依個地方叫源泉道,名字既由來果然有其原因,前少少係啟蒙學校,係鯉魚門第一間學校,用客家話教三字經,而前少少既海皇園林酒家既原址,就係海濱學校既原址,後尾因要地,所以用左加下賽馬會創意館既位置起新學校,而佢附近海德酒家招牌既山,本來係一個陶瓷廠(一張油塘既相可見到燒瓷個爐),叫萬基科學陶瓷廠,出名人物叫曹明連,起係度既原因係因鯉魚門既山係優質石,所以剷走左半個山而好多陶瓷廠亦係依度,聽講山上仲有陶瓷廠既遺跡,不過好似好難行咁,無去了

跟手去左羅客家茶果(海鵬海鮮,只有星期日有賣,老闆娘特意整比我地既),三色有咸甜味,白色微豆,黑色雞屎滕,綠色艾草,包茶果既係大樹菠蘿葉,幾有特色而且味道不錯

前少少講到海鮮鋪既地基,原來當時一條柱要5000蚊,所以四條起一間屋就最少要兩萬,依個價錢係市區已經可以買一層樓,但點解要咁做呢,原來當時因陸路唔方便,而海路警方又好少上岸,所以基本上係無人理既,所以成為賣白粉既地方,後來慢慢先變為加下既海鮮酒家(因太古船塢係附近,所以d工人過左黎依度做生意做左海鮮酒家)

行近海邊,見到兩支燈,一紅一綠,係全港最窄既口岸(410米),因地利問題,所以當時霍生就係依度起身,沙灘後少少既一執唔起眼既空地,就係佢當時既貨倉同埋打信號比走私船用既,所以依執地到加下都無人敢用黎起屋,睇左張佢當時第一首走私船黑貓號(即友志號),聽講有三個摩打而且用綱板而起,所以非常利害亦幫霍生搵左好多錢,當時亦有運仙人草(即庶姑菜)要1美金一公斤,所以非常搵錢,之後比水警打左2百幾槍擊沉,波叔仲指埋當時既地理即時講解(海既另一邊就係水警基地,而且有個漁雷發射站),所以霍要用此地黎睇水但最後亦被擊沉

再行前有個公園,舊時有個媽祖廟,所以前面係媽環村背後係媽背村,而對開既雨榮橋係一個舊碼頭,旁邊既一舊大石,有個雨字係度,加下仲隱約可見,係張雨榮既霸番黎既地方,最後因犯事而被處死刑,再前見到天后宮,到前左手有氣樓梯,上去見到有個界石23號,係當時好重要既界線,左邊係西貢有丁權而右邊係九龍所以無丁權,係當時一個非常重要非常值錢既記號,行左入去天后宮,有個土地係石後面,要行入神台位轉入去先見到,幾有特色

到左媽背村,經由一條好窄好隱蔽既小巷入左去石礦場,因路唔係太好行,所以好彩無落雨先入到去,地方都幾大,而且對出景觀唔錯,波叔指前既山坡話係當年英軍撤退既砵甸乍碼頭,仲話當時既山路騾仔走唔到上船,所以比鯉魚門村既村民羅左番屋企,但好快日本人就到,咩都比佢地搶走晒,講到咁上下,已經overrun.所以由原路出番去,希望下次有機會上去摩鬼山又或者果個英軍撤退既山頭走走,嗯

[06/04/13]
Photo Link <<<<<<<<<<<<<<