澳門 - Day.02(23mar14)

貳零壹肆年參月貳拾貳至貳拾參日 - 澳門

23Mar14 Sun Macau Sunny

食完早餐10點前出發,先去左盧廉若公園,有花有草有唔錯既建築,之前未黎過,睇下hea下唔錯

之後行左去二龍喉搭松山纜車上山頂,2蚊雞幾方便,之前貪得意搭過落山,今次就搭上山啦,基本上收得你2蚊即係好快到,上到去睇下隧道炮台燈塔等等,因天氣唔錯,山頂望番落山都幾開揚同望得遠,見乙水仔橋,睇完影完相就行番落山

經過幾間舊屋,唔錯,跟手又係食,仲要又係雪榚,今次係禮記,都係舊式雪榚店,依度食雪榚三文治,香港舊時都有食過,不過真係好耐無食,仲有一種係成舊好似牛油四四方方咁上,見佢由雪櫃度羅成大舊出黎再用刀咁切開,幾古老,味道唔錯

食完就去?仔,食左D野就去睇下嘉模前地果幾間屋,教堂,之後有時間就過埋路環,行下海邊,食下蛋撻同睇下果一排舊屋咁,之後等到日落係海邊影下相,夠鐘就食陳勝記,當然係咕嚕肉同陳皮鴨啦,其他都係一般食開既野,依度依然好食,正

Back To Day.01

[22to23/03/14]
Photo Link <<<<<<<<<<<<

澳門 - Day.01(22mar14)

貳零壹肆年參月貳拾貳至貳拾參日 - 澳門

22Mar14 Sat Macau Cloudy

約左fd星期六日去澳門玩下,雖然過夜係堅貴,不過難得成班人去就無咩所謂啦

11點船去澳門,點半鐘左右先到位於司打口既英京酒店,平時好少行過黎依邊,不過呢其實都幾方便同埋感覺更local,而且人少得多,房唔記得幾錢,不過識人所以平少少,整體間酒店同房都唔錯,乾淨舒服咁啦

放好野就出發去食野先,經過d舊街舊樓,又係澳門另一景觀,感覺幾唔錯架,我地去營地街市食野,上到去就好似香港係街市頂既熟食市場一樣,野食幾吸引,我地主力去食梓記牛什同試下瓦煲咖啡,仲見好似好吸引既煲仔飯,可惜時間問題,所以無食到,依度無冷氣而且比較簡陋,中意舒舒服服食好野既應該就唔岩了

下一站係去左大三巴同附近教堂,好多人呀大三巴,睇完又去左食,今次係食雪榚,個名叫九記冰室,係舊鋪,22蚊有三款雪榚,好簡單地放係一個普通玻璃杯度,食左芒果朱古力同椰子,幾濃味,唔錯

之後去左黑沙灣,又係食野,先去睇沙灘,大部份已經唔係黑色,跟手行沙灘過去間餐廳度食野,個名叫Miramar,去得澳門食都係食萄國菜的,主要食左乳豬,即切ham同飲左個sangria,唔錯,環境亦可,其他野食都可以,萄菜其實我成日覺得無咩太特別好味,可能未食過好野啦,anyway,食完就坐番車番市區,不過都算難搵車,最後係酒店坐人地既shuttle車走,哈

番到酒店,無咩野做又出左去行夜街,住果邊夜晚較靜但又比較少睇既地方,都可以,去左三盞燈,之後又係食,消夜食唔落不過去左食糖水,嗯

To Day.02

[22to23/03/14]
Photo Link <<<<<<<<<<<<<<

Petulia

~~Petulia - [1968]~~

一個涉及五角現代愛情故事用上頗特別的拍攝手法而成的電影,美國電影想拍出法國的trendy及較為簡約極致的拍攝手法,有點另類但當中男女角的感情周旋及瓜葛也表達不錯,可一看吧

[05/07/16]
Photo Link