盂蘭勝會(初六) - 順天街坊盂蘭勝會

貳零壹貳年捌月貳拾貳號(柒月初六) - 順天街坊盂蘭勝會

因大把時間,所以由西貢去番順天睇下有冇得睇最後一日既北斗同散旗,去到居然有,仲做緊北斗,但其他野大部份已經化左,仲有人拆緊野,平安米呢就見派剩一小堆,再睇下儀式睇下d人咁就差唔多完左,而且開始燒d元寶既東西,因已經由神壇放左落地等燒,所以可以比較近咁欣賞下之前一晚見過既紙摺元寶,隔離阿婆無lala同我講叫我影d紙元寶,仲同我講係佢摺既,個花樽都係,果然利害,佢仲同我講其他呢就係邊個邊個摺,哈,我叫左佢其實ed叫咩,佢有同我講但我又唔記得咩名,唉,下次都真係要寫得先得

無幾耐理事等人就一人手手台一個頌經時既木筒離開經師棚走埋一邊(由全男班而且年紀頗大既伯伯做,依個儀式即係送斗),等我去到神壇時見佢地原來係倒緊木筒入面d米出黎再用膠袋裝好,又係平安米之類既東西啦,其他街坊呢就一人羅一個果盤離開,依類屋村入面既盂蘭勝會真係非常地道但又感覺親切

之後清左個台等左陣就開始散旗,因某一兩座停電既關係,所以多左d人落街,聽d街坊研究緊邊年最好睇邊年少左兩個圈等等,哈

因地方實在太細,雖然只有8位先生但要散旗都真係幾迫,果然不出所料走位好細但見佢地尚算落力,雖然唔夠粉嶺既精彩但都算幾唔錯,而且太近仲可以係側邊睇所以望得清楚好多,不錯

[22/08/12]
Photo Link <<<<<<<<<