盂蘭勝會(十五) - 坪洲中元建醮 Part.02

貳零壹貳年捌月叁拾壹號(柒月十五) - 坪洲中元建醮 Part.02

兩點左右見有人打鑼,原來係收集完百家米番黎,之後儀式呢就差唔多開始,儀式既用品有13隻鴨蛋(一月一隻加埋潤月共13隻)仲有一個畫花晒面既紙扎人,後面有個阿叔話同佢係fd,開頭我都唔明後尾先知原來係佢控制個紙扎大士王郁動,仲有兩隻鴨,有
隻仲因太過生猛爭d走甩左,等左陣儀式開始,首先係用柚友做下潔淨再之後先生同紙扎好似傾計咁再拍拍佢塊面再後黎就係總理們一齊跪拜再之後比紙扎神飲酒,再之後呢先生同佢做一輪有趣的互動再安靜落黎就用果13隻蛋做儀式再放落紙船度

到左差唔多時間我都出左去出面準備,見到已經好多後生仔羅晒旗係度準備,而且工作人員相當緊張咁叫d人行開唔好阻到之後既人,好快就聽到響鑼之後就有人好快咁抬住隻船跑出黎,真係相當之快咁我影佢走晒之後就亦到一齊跑,跑跑下唔見左再之後又聽到有人係另一邊跑緊過黎仲有唔知咩人放炮仗我著住短褲所以要避開下,再跑出海邊見有三個人抬住隻船出緊海,仲攪左一輪放生左隻鴨,果刻我除左索緊氣亦心諗隻鴨係隻船度佢地跑得咁快應該嚇死,放完船放完鴨象徵放走左d唔好野後隊伍就慢慢行番場地,行過時聽佢地講晒野睇到旁邊既街坊笑容都幾開心而且我仲同一個抱住小朋友既街坊講下野,感覺相當不錯

番到場地原來perpare緊放生,真係幾忙碌下,我見有紙扎公仔亦有龜同白鴒,隻龜仲想逃走添,見佢地身水身汗但非常齊心落力,而且後生人非常之多,依個就係離島既凝聚力掛,放生大約係未夠4點開始,又係一隊人帶埋所有野出番海邊(因隊伍人太多又多祭
品d巷又窄,我要跑shortcut去海邊,倦死),仲係沙灘插晒香,頌左一輪經就先放生白鴒同黎就係龜,但真係非常之哂加熱,都幾辛苦下

To Part.03

[31/08/12]
Photo Link <<<<<<<<<<