盂蘭勝會(十五) - 坪洲中元建醮 Part.03

貳零壹貳年捌月叁拾壹號(柒月十五) - 坪洲中元建醮 Part.03

再回場地見擺緊天席同準備緊包山,包已經穿好晒咁濟,而且除左係場地附近既大堆人穿緊包,仲有車仔係唔知邊度推黎既包,應該係其他街坊幫手穿既,都真係幾多,數數天席,有24圍,多以生果為主亦有熟飯同飲品等等,一邊睇緊擺天席一邊睇緊豎包山同砌
包山,仲有個架推緊黎,我以為羅黎做咩原來係放大士王既,放好個架就移左大士王出黎,但就係背住天席既,之前睇過因大士王面對住既鬼魂就唔會入席所以背轉身等佢地可以食下祭品,睇緊時聽到街坊講坪洲係有陸同水幽,會由陸路同海招魂番黎,佢仲講
有年試過一做儀式就橫風橫雨而且隻船越黎越重攪到d先生們都驚驚地最後係早左番黎添,哈,幾特別

因實在冇咩做而且夜晚仲有野影,所以就周圍搵地方叉電,卒之係圖書館對出搵到個地方叉電,因係公眾地方,都算有人行出行入,所以我周不時要睇住個叉同舊電唔想比人羅左走就用都冇得用,叉左一排差唔多7點就聽講隻船就快番黎,之前仲聽佢地講好似
遲左想打去追但有人就答唔追得,見到有個先生羅住個籃番黎後面跟住一班工作人員就知隻船番左黎,而且仲立時有寒氣加起晒雞皮,雖然眼見唔到跟據經驗知道魂已招來而且仲唔少,時間同情況好match個儀式,之後就梗係等佢地入席而大士王亦移番正睇住二十幾圍既天席,望落都幾有氣勢,依個係我第一次完完全全感覺到兄弟既到來,之前既盂蘭勝會因人太多好難會感覺到,反而依度雖然人多但亦好輕易感覺得到,神奇

夜晚一邊做緊蒙山施食一邊街坊們忙於燒香拜祭,一時間香火頂盛,好多人都比煙燻到喊晒咁,越後生就越頂唔順,而我呢就有口罩所以叫頂得下但時間都唔長,影下相就行開下真係眼都盲

因要過夜所以就襯空檔去左搵野食,好多都收晒卒之行行下搵到買左個越南朦,羅番場地一路食一路等,而且因我想睇埋化大士,所以唔想阻同事既屋企人(坪洲11點半尾班船,本來諗住借宿同事屋企一晚,但諗諗下都係唔好攪住人地係碼頭等3點幾船走算了)

To Part.04

[31/08/12]
Photo Link <<<<<<<<<