盂蘭勝會(十五) - 坪洲中元建醮 Part.04

貳零壹貳年捌月叁拾壹號(柒月十五) - 坪洲中元建醮 Part.04

到左11點無lala落起大雨,心入面非常無癮因落雨既話可能好多街坊都唔會出黎,咁我用咁多時間去等咪好慘,好彩落左一陣大雨後就停雨,街坊呢就開始出現,個個都羅晒盒,筒,膠袋等等準備羅野,都算幾熱鬧,大約11點半一聲響鑼後就起哄再一班人同時衝
入場,非常熱鬧,見到好多人滿載而歸非常高興,我就拍下野咁,當中有外藉人士,佢地都一齊參與仲話羅左d咩咩咩等等,哈,有趣

之後一輪清場後就成地垃圾而大士王果邊亦做緊儀式,之後就一班人抬住大士王跑呀跑出左海邊(又再跑 -_-),其實果度環境非常之黑但亦好熱鬧,之後化大士王時就有番d光,咁其他人又再化衣紙同其仔紙扎祭品,攪到非常大火而且d竹又爆炸,場面再次震
撼,攪完一輪就番場地,經過差人時佢地講唔好燒炮仗,哈,可能佢地以為燒竹既聲係炮仗掛,哈

番回場地睇到一邊有人清緊場地既垃圾亦有人係度落包山,而工作人員呢見到我兩個外人問我地點,咁當然答佢等3點幾船啦,佢地非常好客地叫我地去燒野食,而真係無咩做就等佢地清完場就去左一齊燒野食傾下計咁,哈

總感覺係依度非常齊心而且非常緊接忙碌不停但因後生參與者多所以好快手,亦因後生人多所以我相信依個傳統可以繼續落去,離島就會易於其他地既凝聚力,聽佢地講即使搬左出去都會番黎幫手,依個唔同於其他地方搬走左就係搬走左始終無左一個自己地方既感覺,所以依類比較傳統既盂蘭勝會只會係舊區出現而且老一輩過身後就無人承傳消聲匿跡

Back to Part.01

[31/08/12]
Photo Link <<<<<<<<<<<<<<<