盂蘭勝會(十五) - 坪洲中元建醮 Part.01

貳零壹貳年捌月叁拾壹號(柒月十五) - 坪洲中元建醮 Part.01

本身想9點入到坪洲但起唔到身所以十點先入到去,雖然我係第一次入坪洲場地係碼頭附近所以好易搵,去到見到重要既棚而且掛晒旗仔感覺唔錯,大士王呢因為係鶴佬既所以當然比較惡一d,另睇番捐錢名單,人數都唔少,我仲順手入左天后宮睇睇,入面都幾靚下,唔算太現代既裝修,所以比較對味

出番去睇下其他,城隍有自己一個棚但經施棚呢就比較細,對出既空地已經放左5張台,陣間要黎走午朝既(我咁早入都係為左睇依個),睇左一輪工作人員開始整理走午朝既祭品,最特別係有5個大包分別係盂,蘭,勝,會,福,之後呢平安米同生雞都準備好,因天
氣太熱仲有人不時淋下水比佢唔係會熱死,整左一輪大約11點開始,丫,雖然係平日但大會都落左繩隔開d人,至於非街坊即係我ed入去睇盂蘭勝會既數埋都應該唔夠10個

到左開始儀式,一貫既頌經燒香號拜再黎係總理等等一齊參拜,之後呢就開始左類似慶土既儀式,去四角寫符再噴水等等,之後就圍場地行圈再後黎有三個先生換左勁裝(即除左件袍換左背心扎晒頭既功夫裝備),再黎就係用做過法事既令牌,生雞,衣紙,
印章同生米等等一一做上某一d儀式及潔淨祭品同平安米

之後呢就一隊先生係每張台每人羅起一樣祭品係場內走動,依個就係走午朝既重頭戲,感覺頗特別,再後黎呢唔知咩事d街坊就沖哂落場搶祭品,等我仲以為咩事添(之後其中一個工作人員同我講,知點解會叫我唔好企佢前面,原來係佢要出去搶野,哈),另先生
們就羅晒旗係場內圍圈走,情況都幾混亂雖然亦幾熱鬧

之後呢走左去睇下人穿包睇下人pack平安袋(依度唔止有平安米,仲有飲品,餅同麵一齊派,但60歲以上先有),睇左陣又見人整緊包山個架,之後呢因無咩做就搵下野食(問過值理知道個rundown),仲順手搵下陣間走龍船條路熟習一下,仲順手係海邊睇埋另一
個叫坪洲悅龍聖苑既盂蘭勝會

To Part.02

[31/08/12]
Photo Link <<<<<<<<<<<<<