緬甸 2013-01-31to02-16 - Part.00

緬甸

Before journey

依個行程由7月開始訂機票,本來諗住去埋老禍但後尾發覺原來無直接飛機由緬甸過去,雖然係隔離但點都要去番泰北再過老禍,所以最後只剩去一個緬甸算了

本身緬甸有big four,即仰光(Yangon),曼德勒(Mandalay),蒲金(Bagan)同埋茵萊湖(Inle lake),因緬甸實在太大而且交通真係唔算太方便,所以開初定日子就已經要16日,再睇埋飛機routing,要經泰國轉機(我訂機票時仲未有香港仰光宜航),最後一日又要預佢有機會delay(依類內陸機delay係非常正常的),所以都係唔好搏即日走,預多日(即共17日)係仰光訓一晚第二朝先飛泰國過香港

最後機票訂好,又要怕佢係泰國delay搭唔到即日機到仰光(佢只有兩轉,上午逆時針下午順時針),所以要比貴少少book個好少少時間既機,去4程共HKD4340,9點夜機飛曼谷,再係機場酒店訓一晚先搭第二朝早機過去仰光,就係咁樣,我只係諗左去同番大約既安排,就放低左依個行程幾個月,一月底既旅行,我十二月底先開始睇內陸既安排,仲要係非常極之麻煩,因緬甸既網絡唔太好,而且又無credit card,香港買內陸機爭d買唔到,最worse係可能要搭巴士,雖然平好多但時間係講緊要十幾個鐘,度度十幾個鐘而且要到緬甸先有機會買到(無email買,打電話去亦唔會理你,旅行社亦主力做package,我DOM爭d都無人理我,煩死人了),只係內陸安排已煩死,而且最後仲知有個行山既好地方無機票(Kengtung屬於金三角地帶,要申請permit先可入,而且要當地導遊帶領入山加無得係山中過夜,而陸路係唔比入,所以一定要飛機),當然我知其實仲有個更好既行山地點Putao,屬於緬北地區,非常原始但因permit要到緬甸一個星期前先可申請,所以我依個短期旅行人根本無辦法去,好羨慕可以去成個月旅行既人,唉

最後行程定好big four去晒,但因之前去過吳哥,所以bagan我只係到一日算了,而inle lake,因去唔到kengtung行山,所以要去kalaw行,而又因要搭火車,所以要去Kyaukme,最後因唔想太留係市區,所以去埋Monywa睇石窟,定好晒就攪好內陸機(RGN>HEH,HEH>MDL,NYU>RGN,共US277,本來7月時我睇緊年頭只係5-60US一round,但加下有d要112,價錢升得太快了),其他呢,因為唔想太花錢搭飛機,而且又想要火車(有個百年老火車橋),所以到步再搭巴士算了

攪好交通就到行山導遊,只係搵好左kalaw同Kayakme,而monywa基本上係無既,司機呢,就更難搵,所以寫左幾個人名電話,諗住去到先算

而住呢又係好麻煩既東西,而且可能緬甸旅遊真係起飛,加上佢既旅館有限,加上政府既control,可能一個地方得100間旅館,但可以招呼外地遊客既可能只有30間,加上無credit card,email亦唔多方便,只有貴價既hotel/resort係可以網上訂(inle lake要住floating resort,去kayaukme火車要好早好早,所以要住近火車站既地方,但又咁岩係中國新年,曼德勒好多中國人,旅館好難攪,所以安全起見,都係網上先book好d),其他呢,就盡力打去book(email又係無咩人會理你的),加上無得比你落訂金,所以佢只係聽左個booking,要你去到緬甸再打比佢confirm. p.s.佢問我邊度地方既人,當聽到香港人,佢非常不安,問左我幾次,而且要我一定要打比佢,後尾上網睇番,原來係香港人成日book完又唔去,所以佢聽我係香港人,都唔多信我,做衰晒真唔好

算係攪好晒住行(其實攪得一半,我已抱定可能要訓火車站既機會,嗯)

最後攪好visa(HKD150,而且非常快,只要半日就攪好)就係錢了,因緬甸管制美金非常嚴緊,而緬甸錢呢係香港唔會有得換,所以就要準備好晒先過去,講講要求,要06/09年版本,而且任何破損,污漬都唔收,又要準備好細紙,所以去到hk bank唱錢時都比職員問我去邊會咁麻煩,哈,另因睇到原來歐羅無check得咁嚴,所以部份我預左係euro去唱,一於咁話唔洗煩

到起飛前一日既夜晚先執野,因唔想寄倉,所以全部17日要用既野就放晒係一個細背囊度(二十幾lite only),真係執都執左三個鐘,平時我只出發前二個禮拜想一樣就寫一樣係紙再係之前一晚用個幾鐘就攪掂,嗯

To Part.01 - 香港,曼谷

[31/01/13 to 16/02/13]
Photo Link <<<<<<<<<<<<<<<<