緬甸
01 Feb 2013 Fri 曼谷,仰光 Sunny day
訓左晚機場,第二朝起身就買左包餅就算(因為我唔係唱左好多泰幣),入到去有麥當奴,所以用左US買左個早餐(因要等成個鐘),到上機之後又因天氣要落番晒機,好驚佢唔知要攪幾耐,我第日張機票仲未比錢,如果太遲到就會無左張ticket,之後既2張機票都可能有問題,好彩等左一個鐘就上到機了,好彩
係機場用100蚊歐羅,唱左大約13萬緬甸錢(ks),真係非常大疊,好彩有個細袋包,放左d係背囊放左d係身邊,唔係都唔知放邊搭車出市區7000ks,公價亦無貴到,不過都要成45分鐘先出到去,仲要有少少塞車,去ed地方,無冷氣非常正常,而且非常熱,但就可以早少少感受到當地氣溫,還不錯,哈
首先當然去羅機票先,到左columbus travels,間野個招牌睇得出相當歷史(封晒塵),但其實服務唔錯,雖然攪ticket真係攪左好鬼耐,但d人相當nice
出左去就搵路去之前訂左既旅館,行過一般平民既住宅,一大排樓而且電線亂七八糟,一貫既落後地方感覺,可能我對依個地方太有好感而且氣溫亦無係的士上咁熱,所以心情不錯,而且我仲唔小心跌左份仰光既行程,雖然有個backup係電話度,但唔見左紙既版本始終係唔方便,咁我點解又會失而復得呢,就係有人見我跌左張紙,佢就追住我,我開初以為佢做咩,後尾先知原來追我兩條街就係想比番張紙我,佢地真好人,睇gps搵左陣路,見時間都唔早,而且個太陽好大又揹住晒野,所以都係快d搵到旅館放低野搵食再去睇地方好了
本身去ymca就係同一條路,的士去應該唔遠,但網上講係49&50街附近(又係同金邊一樣,除幾條大街外就係以數字為街名,對我地ed遊客係非常方便),我落車後搵左好耐都搵唔到(仰光既路真係爛到飛起),本身已知間野入口難搵,但問埋人有埋gps都搵唔到,唉,最後靠gps既附近旅館function,搵到ymca,雖然好似唔多似我本身mark既地方,不過算,行去睇睇先
去到receiption話佢依度係新館,不過見我成頭汗佢都照接收我,依個yangon ymca雖然話新館,但感覺好舊,行上樓上仲好似學校格局,而且房入面亦相當簡陋,廁所仲有味霉up味,但就叫做有冷氣,已經算好了(20us有早餐有冷氣,但我早機食唔到)
登記好,洗好面放低野就出發了,睇睇錶已經點半,快快手行出去睇下有咩食,見到附近既路邊檔,雖然簡陋同沙塵滾滾,但我就係中意地道野,所以唔理咁多就坐低,1000ks(即唔用1us)有食送有飯,湯,伴碟小食(酸野辣野,有個類似酸菜矮瓜既東西亦有小辣椒)最後仲有個類似甜品既東西,但其實緬甸既食送真係偏辣,食左兩條辣椒仔,好利害真係胃都熱埋,所以我當殺菌好了,而且仲有個菜,個汁幾好味,雖然我唔知佢會唔會重用,仲有其他小食都有可能重用(即食唔晒會比下一個食客用,所以我食時盡量唔會整烏糟其他),至於杯,去過柬埔寨當然知佢地係唔會洗杯既,但依度叫有d水浸住咁啦,至於佢地既水,因知係雨水,所以未到末路都唔會飲既,雖然我知道最後我會唔理,但菜好飯好而且咁飽都係1000ks,相當ok
食完野就首先去塔達基塔(Chaukhtatgyi paya),有最大臥佛,仲要係免費,所以先去睇,仰光的士係要嗌價的,司機要我3000k,我話唔ok佢要我2500,最後上左車,但原來好遠下,所以最後我比番3000k佢,大臥佛呢,感覺新不過真係大,唔用錢睇算ok啦,再去左大金寺,見街既巴士幾舊而且又細,都幾想搭,但佢d字全緬甸文,完全唔明,而有種相當便宜既車,佢地叫pickup,仲平,不過好似表演雜技咁,本身想坐下,但又唔知要幾耐先到,佢行下上行客咁,所以最後算了,搭的士,上左車仲見有個女人係度,先車左佢去目的士(唔遠),就車我去大金塔附近了,本來想去馬哈威紮雅佛塔(maha wizaya paya),因係大金塔附近仲要係免費,但搵路時有個o靚妹煩住晒,係咁比個膠袋我,唔耐煩最後掉佢落地,佢又執番梗塞比我,基本上唔係錢問題而係個手法唔ok,我之後睇完大金寺都見佢比人鬧,最後因佢太煩,攪到我搵唔到maha係邊,所以直上大金塔(shwedagon pagoda)算了,上前真太曬,所以求其搵度地方坐下飲下野,見有庶汁,整時都幾地道,打開個發寶膠箱,入面裝住舊冰,但個箱入面已經黑晒,而整開舊冰既鐵枝呢又生晒秀,見佢整左幾冰落杯,跟手就整兩支庶入手攪既渣汁機(即旁邊一個大轉輪果隻),d汁落左去一塊布度再用布隔渣,攪再支庶再無汁時就用手扭埋執布,直至無晒汁為止,之後就將d庶汁比我了,當然用唔晒就放番落個箱入面凍住佢,哈,雖然好似比較烏糟,不過我唔多理的,而且凍凍地既庶汁又真係非常不錯
飲完野行上大金塔,因要除鞋(我一早已羅定膠袋放鞋入背囊),赤腳上去而且條路都算幾遠,但我都習慣赤腳,所以還ok,但正午既話太陽咁熱打落地仲要赤腳行,都真係熱死腳,anyway,大陽打落大金塔變成金色都幾靚,但其他呢就真太新我唔太喜歡,行下等日落,坐坐下變訓低睇金塔,最後仲訓著埋,哈,到左日落時間,可能有雲,陽光打去金塔唔太多,但少部份已相當美(支鏡唔夠遠,影唔到),最後夜晚等埋寶石發光,7點左右就走了,不過大金塔真係日夜都咁熱鬧,太陽落山後都仲有好多信眾參拜,係d金色對我來講太瞪眼,但整體都係感覺舒服的
夜晚既仰光路唔算太黑(比起柬埔寨尼泊爾既舊街),路邊既小販都叫做有燈,食野就只得粟米,求其去左食小檔口,又係唔知我up乜,但又未見有人有野食,所以就行左去煮野既地方,指下米粉同一d魚肉既東西,再叫埋有d內臟同鵪春蛋等等,黎到要黎點食既汁幾好味,要埋汽水2300(即2.5us唔洗),但真係好熱,後尾見人原來有凍食,早知我又食啦,熱死人了,當中佢地見我遊客都幾好奇,後尾又見有個和尚食,佢地對和尚好尊敬,上菜時要除鞋先行前上菜,和尚地位真高
因之後要行山,所以要confirm個guide,見路邊有電話檔,用100ks打比個guide,但對方電話有問題(隱約聽佢講係山),所以最後都係番ymca先打好了,都係connect唔到,用wiki上login完email個password就死,所以算了,明天早機去到先算,叫左reception幫手call的士,佢話半夜要加錢,最後要9k,算了,最後嗌左3:30check out就快快手上房沖涼訓覺了,不幸地,個熱水開唔到,要沖凍水,下畫熱但夜晚真係有少少涼,加埋之前開左冷氣同風扇,沖完凍死了,個冷氣呢,其實一d都唔涼不過加埋把吊扇算係ok,而張床呢還可啦,起碼無野咬,丫,佢仲有個大象台燈,好可愛,哈
To Part.03 - 仰光,Heho,Trekking to Inle Lake
[31/01/13 to 16/02/13]
Photo Link <<<<<<<<<<<<<<<<<
No comments:
Post a Comment