緬甸 2013-01-31to02-16 - Part.05a(04Feb)

緬甸

04 Feb 2013 Sun Inle lake,Nyaung Shwe Sunny day

約左boat driver7點黎接我去睇日出,但check番gps,0635就已天光,所以都應該睇唔到咩日出了,anyway,打開隻窗,果真見個天己光光地,但因inle係個山下面,所以日出只係見天光但未見太陽(怪不知driver約7點),執埋少少野擦牙洗面後再睇天,已有少少紅光,加落d水度都幾靚,另因我非常近河,所以其實未夠5點半己好多船走來走去,但多數唔係遊客而係運貨多,可能趕市集掛,雖然我知5day market係無既,琴日係Indian己舉行,其他睇落都唔近,可惜

雖然見個天已經好光已打定輸數,但睇睇下有陣霧氣係水面好靚,所以check out後就食左少少早餐極速出發,出去時遠處有霧但自己就唔係入面,睇到floating land,原來除左浮草,仲夾埋一d泥加硬個地,睇落非常堅固,d泥應該係水下面既,應該都幾肥沃下,怪不知可以種田,有趣

出去時見到好多船,但獨腳控制(係inle lake一大特色)既呢就唔多,所以相只影左少少,首先第一站前左民居,佢地岩岩起身,所以見到幾多相當local既水上生活,係我最中意睇既外地生活之一

之後去左一個相當大既市集(Nampan floating market),都幾local同raw下(driver話依度唔係5day market wor,是但啦,我最中意行舊街市),而且因時間尚早(9am),所以岩岩開檔,睇到好多好忙既當地人上船落船搬野黎搬野去,係一大片floating land上,相當有本地色彩,而另一邊係賣牛賣竹既地方,加上少少陽光霧氣同埋燒緊雜草既煙,十分次原始風味(依個時候尚未見有其他遊客),食左少少野再行左個幾鐘到10點左右先走人

到左第二站帕瑞佛塔(phaung daw oo pagoda),有幾舊金石係度,男人上去貼金女人係下面跪拜,個頂都幾靚但太金同輝煌得濟,唔係好岩我,行左陣就去後面既市集仔,但因無鞋,而且又整緊d唔知咩,個地又唔夠其他既寺咁乾淨,行到我隻腳都幾痛下

去到第三站,雖然話唔去睇買野既地方,但見個driver講左幾次,所以就去左silver同遮鋪,睇埋長頸婦女織布咁,d遮用真花整,之後既工序例如遮架上色等等都係人工做,而銀亦係幾地道既手作,睇完野之後就去食lunch,個景非常唔錯(睇到河而且台上面既花仲有隻蜜蜂采緊花蜜,真夠raw,今次我係食蒸魚,係inle lake既河魚,好甜好滑又少骨,好好食,而當地特有既tea leaf salad,味道有d怪,我覺一般

To Part.05b - Inle lake,Nyaung Shwe

[31/01/13 to 16/02/13]
Photo Link <<<<<<<<<<<<<<<