雨,究竟幾時會停?

不知不覺番黎香港已經成個月有多,今晚出去食飯時先岩岩同朋友講起落雨既問題,佢地成日話我係雨童,每次去camp都例必落雨,而俊仔既正能量可能因回港多時已經失效,上星期諗住去camp仲落佢一個狗屎紅雨添,所以今晚我知道一撞到雪榚又會比佢話我,果然一上車唔夠第3句佢已經忍唔住,仲比菲仔起多個名叫"head of rain",點解我會識埋依d咁既朋友呢?有時真係要檢討一下先得,講番落雨,問起雪榚點解我落機果日會係我未離開機場果時已經call我,明明我只係講左幾時上機從黎冇講過幾時番香港,佢話我離開香港果排不知幾好天,但有日個天冇lala落雨,佢就諗我係咪番左黎,有冇攪錯呀,我落機果日好似冇落雨架,咁都知,不過話實除左佢話過我外,個天又好似落左成個月雨,仲成日都好大添,都唔知點解咁多雨落,前幾日問過阿媽我唔係香港時係咪好好天,佢就冷冷咁答我"唔係好好天,不過冇落雨o者,你睇下d被,都唔知有冇得曬,可能要放到冬天呀!"真係有冇攪錯,雖然我覺得落雨有時真係幾靚望出街時感覺幾舒服,但落成咁想點先? 我講番依件事出黎,佢地又笑到死,我成日都覺得可能佢地成日講,先至會發生咁既事,如果佢地絕口不提,效果可能唔錯,雪榚話今晚12點後唔會再講,睇下今個sat去唔去得成camp,仲迫我今晚要掛起係西班牙整既晴天公仔,好,試下雙管齊下work唔work先

比番幾個晴天黎好喎老友!!!!

p.s.端午果兩日好好天,但我忙公司野忙到冇左個假期,唉

<17/06/08:夜>