終於見藍天了,所以我地食完早餐後就去小馬租車,但可能攪晏左,小馬冇晒車但佢唔知係邊度搵左架車番黎.二千幾台幣都算ok啦
第一站去左鵝鑾鼻公園睇燈塔仲出埋海邊但唔知點解冇去最南端,是但啦,由海邊棧道行一直去左個樹林咁既東西,都幾多蚊,所以我都冇入洞入面睇就走人了
之後開車去左個類似龍磐公園既地方,其實都唔知係唔係,不過環境唔錯,認住依度如果夜晚太多人就會番黎睇星
之後去左白砂,港口吊橋,東門,南門,貓鼻頭,南泉宮,白沙灣等等,開車真係好快就去左好多地方而且想睇咩就放低架車就攪掂,真方便
最後去左關山睇日落,不過遊客點好多人所以我地就番轉頭係路邊食住野等日落,可惜有雲睇唔到完整既咸蛋黃,但magic hour都算唔錯,但比蚊咬死,佢地咬人真係好鬼痛
番民宿放低野食過晚飯就去睇出火同埋睇星,出火真係幾好玩,仲玩到比人話我地係野孩子,哈
最後開車去左龍磐公園(黑鬼蚊蚊其實都唔知係唔係),總之就係一個停車場既地方放低架車睇星,因有雲其實都睇得唔多,反而係出火個停車場見得仲多,anyway,睇過就算了
第二日要潛水所以12點幾就番去訓了
Photo Link <<<<<<<<<
2 comments:
你在海邊已是最南點了。
真係龍磐公園來的，有GPS嫁麻。
最南點好似有舊野,我見人地成日都去果度影,不過算啦,又唔係靚,是但由佢
Post a Comment