真係好耐冇聽過concert,今次仲要去expo,入去真係好煩攪到我爭d想唔去,但張ticket咁貴所以都係好想死地放工走入去睇,好彩最後係冇令我失望
講番個concert,有暖場嘉賓英國band BUSH,雖然我真係唔識佢,但其實佢d歌都幾ok而且歌手十分之落力,第一次聽expo覺得d音響真係幾好,而且係企位,我好中意既自由感覺
但雖然話係暖場嘉賓,開頭以為只係唱3-5首歌,點知佢地由8點開始係咁唱,加加埋埋都真係有8-10首歌,而且我真係唔識佢地,warm up得咁上下已經見悶(我眼見唔止我一個係咁下),而且企係度都真係幾倦
到左差唔多9點,佢地卒之唱完,因音響係跟band,所以去到主角Evanesence出場前又要setup一輪d野,又試音又試咪咁,卒之攪左成20分鐘先攪掂,不過聽開依類concert既人一般都比較有耐性(唔知係咪因外國人多既關係),所以冇人嘈只係禁下手機飲下野傾下計咁,我就聽下mp3係度等就算,但可能d人始終係為左Evanecsence先黎,所以佢地未出場後面d人就想行前,咁又因我都算準時入場,而且又唔中意企咁近,所以前面都有d空位,但見人係咁企入黎,其實我唔mind佢地企係我前面,但有d人高過我就真係阻住,所以都係企番前少少算
之後萬眾期待既主角出場,可能始終係即時setup器材,d音真係同bush爭好遠,開頭幾首歌amy把聲完全比d音樂蓋過晒(攪到我爭d以為之前大聲得濟耳嗚),低音又有問題,加上之前bush尾段見悶同埋中段setup既時間,開頭幾首歌真係比較難投入
好彩之後turn番岩,而amy把聲唱唱下又再開番d,卒之可以開開心心咁聽歌,基本上佢地只係唱左一個鐘,大約10-12首度啦,計落條數都幾貴,但又其實只係聽番佢地幾首代表作已經足夠,9百蚊我覺得好值,佢地d歌真係唱死人唔可能係咁唱落去,而且amy唱得又落力加埋佢果把頭髮型到呢仲有幾首歌親自彈琴正死呀
encore呢其實我估唔到會有,印象中外國歌手好少咁做,唔知係咪我太耐冇聽concert outdated左,不過就真係多人舉手機影相,有時真係幾阻,所以我都係係咁易影下就算(相機都冇帶本身都冇諗住影,但其實我企得幾前但部手機太屎所以影得好差,哈)
ending果兩首歌真係正,第一首My Heart is Broken係新碟既,因少聽所以我唔係好熟,但果段鋼琴現場聽真係好正,真係想喊咁濟,最後一首既歌,係My Immortal,amy lee果把獨有既飄逸靚聲,嗚~~太感動了
最後呢,我想講雖然佢地羅過格林美,不過香港始終唔係太多人識,所以個場唔算大都好似冇爆,但點都好,個live真係好正,努力寫多d好歌呀amy
<21/02/12>
Photo Link <<<<<<<
No comments:
Post a Comment